Paper Moon

營業中

休息中

The gentlemen in suits lack a smile on their face and are unattentive, making the whole experience very unenjoyable.Food wise, they offer balsamic vinegar with the bread so it taste alright.We ordered lobster pasta and the lobster are not so fresh.

本身今日同老公去海港城paper Moon食晚餐，本身都冇任何期望，因為見到好多食評都麻麻地點知，真係中伏...問心，如果為咗睇海景真係唔使食呢間因為有更多好嘅選擇，剩係樓下Blt steak,al molo已經好味過佢我哋只係叫咗兩樣野，一碟燒春雞同Pizza，佢塊雞扒仲鞋過大家樂雞扒早餐勁大陣雪味餐前果塊麵包硬過你條命.....pizza叫正常de另外，我地有叫野飲，佢比2⃣️杯水我地都收$70，普通水，吾係sparking 係米應該問下個客係米要呢總之冇下次啦呢間野

久不久也相約好友午聚, 今天來到Ocean Terminal擁有最優越的位置的餐廳午餐, Paper Moon 擁有無與倫比的用餐觀景位置, 能飽覽維港的景觀, 還擁有令人遐想的露台, 充分的陽光已給這午餐加添了不少樂趣, 不難見到一些情侶和朋友在此相聚. 意大利餐廳多會在餐前送上一籃新鮮的麵包, 我特別喜歡其中一款較薄而煙靭, 帶著濃濃的香草橄欖味. 特別喜愛牛的我, 雖然今天看到餐牌上很多吸引的菜式, 但最終也難逃脫我的至愛, 點了medium rare的燒澳洲穀飼肉眼扒, 有點兒愕然, 起初只看見被一層一層厚厚的火箭菜覆蓋著,還以為弄錯了是沙律, 揭開才看見真身, 本對穀飼牛沒有太大的期望, 一試肉質嫩滑, 驚喜還有分佈平均的油脂, 配襯著原粒鮮胡椒汁, 還有淡淡的焦香味. 朋友點了海膽扁意粉, 醬汁用上濃濃的海膽忌廉汁, 配上鮮海膽撈起扁意粉一起吃吃落鮮滑, 唯海膽不夠鮮甜. 這款coffee mousse with salted caramel crisp and cashew nut 我和朋友也幾喜歡, mousse 不太甜, 配著caramel casual

話說今日係我情人嘅大日子💗💗當然要搵一間食好西有情調的餐廳同佢開心下啦朋友就介紹你一間紙月PAPER MOON喇燈光係幾咁幾有情調嘅⋯ 不過座位與座位之間太近啦⋯我哋連隔離枱傾緊咩都知道嘢食都還可以嘅價錢可以接受，見到維港景色都幾靚。特別推薦係嗰個意粉，唔係話驚為天人咁好食不過就呢個價錢食到咁上下水準都算合理㗎啦🤣🤣🤣🤣沙拉抵食Pizza幾脆口，都算多料，如果計高級餐廳來講，價錢公道。最後送上情人嘅生日甜品啦，而我就一早已經叫店員幫我寫咗Happy birthday 㗎啦， 非常好啦冇穿崩

今晚係海港城亂撞一間入去食，竟然有驚喜！首先等入座，門口waitress 服務態度好好，亦禮貌地一次過處理幾位不同顧客問題。Appetizer 叫左個scallops 配上濃湯，好好嘅配搭。食材都係食得出係新鮮嘅。而main course 係sea bass 同truffle gnocchis, 首先sea bass 所有配埋一齊係好驚喜又清新。gnocchi 就standard 啦，但$200樓下食到呢個gnocchi 我覺得係合理價錢，因為配合環境location 係好合理！甜品係一定要試呢個Panna Cotta, 又係清新之選，match with 哈密瓜汁係perfect match!缺點: 麵包唔多暖

平時經過海運大廈都被paper moon嘅環境同“櫥窗”內即搓嘅pizza所吸引 難得平日放假, 一於拉埋2個friend嚟試下我地2：30去到 可能午餐人潮剛散去 立即安排了一個可以望曬全海景嘅角落位置畀我哋。美中不足係當日陰天冇多影海景。點完餐後， 服務員立即遞上沙律&三款不同口感的麵包 有薄脆同軟綿綿的，再配上橄欖油同黑醋。有我最鍾意嘅三文魚同牛油果，好fresh，啱曬我口味！嚟到最想試下呢度即搓嘅pizza， 果然好鬆軟 野菌好多仲有淡淡松露香，推介！！龍蝦份量算大 肉質厚實 意粉軟硬適中 蕃茄醬酸酸甜甜好開胃！ 下次嚟一定要自己食曬成碟幾個女仔當然要叫埋甜品先滿足！ 甜品除咗賣相靚 味道都冇得彈 唔會好甜,特別係拿破崙同奶凍 簡直係Must Try items. 拿破崙又薄又脆又好味，再加上香濃既吉士，真係好味到無得頂 黎到必食總括而言呢個價錢食到 無敵大海景同美食，算係超值! 員工嘅服務態度有禮，環境坐得舒服又光猛。係個慶祝同約朋友chill嘅好地方!

今日相約朋友慶生，又想食好啲 又想有夜景 ，咁就去試試呢間paper moon ,每一個菜式，由前菜到Main course,都好好食，不過價錢當然唔平，但呢個價錢呢個質素 都成正比，說真的相當唔菜錯，這裡很多情侶💑慶祝，還有外面是露天酒吧，可以出去飲酒🍻談心，又可以望住維多利亞港夜景非常浪漫，建議如果慶祝生日🎂 anniversary 求婚 或者有特別節日在這裡慶祝非常正🥳還有非常浪漫氣氛🥰👍🏻👍🏻

是日放假，唔打唔撞去咗一間海景餐廳食lunch set。入到餐廳，深深俾個海景吸引住。食物方面，首先，嚟咗個包配以橄欖油，配搭一流。然後，再嚟過牛扒五成熟，非常juicy ，肉質嫩滑，之後就係海鮮risotto，味道幾特別，值得一試。最後，上埋個cappuccino 慕絲，面頭有焦糖脆脆，加上濃濃嘅咖啡味，好味道。總括而言，食物環境唔錯，係個休閒歎美處好去處。

多謝朋友介紹，在海港城海運大廈新翼，有間在米蘭有名的西餐廳，paper moon邊看海景，邊食飯真的寫意，所以在上個月的星期六，我就同老公二個人去到paper moon浪漫一下了(哈哈)一坐下，看下餐牌，職員會先上餐飽食，有二至三款不同的飽點，另外會給埋oliver oil 同埋黑醋 ，真的超入味點左他們最出名的四式芝士pizza，埋蕃茄海膽意粉，意大利海鮮飯，晚上去，幸好坐到window seat，真的看住海景去食飯~另外仲會有遊輪經過，幸好當日天氣唔錯，晚景真的好吸引，之後上左四式芝士pizza，充滿香香的芝士味~~一拉上來,感覺真的好滿足~之後的蕃茄海膽意粉，上面的海膽真的好新鮮，另外用埋海膽汁撈埋意粉，真的好惹味~仲有意大利海鮮飯，味道可以再濃一點，海鮮都好新鮮，食到我同老公都食不下了~~可惜因為太飽，無點他們最出名的甜品~~不過見到咁美的景色，果然好啱d情人同夫婦來食~多謝朋友介紹，同老公食下開心的一餐。服務方面也ok，大家可以來嘗試下~~。

首先睇住個海景食lunch set係幾開心， 環境夠安靜。員工嘅服務態度吾錯。一開頭就上左麵包，麵包款有幾樣 全部都好好味！！然後跟lunch set 有個salad 都幾大份 有火箭菜 正！ 我地叫左個煙火腿pizza，比想像中大份 兩個人食都幾飽！佢個底仲有兩款芝士做底好正好香。 然後仲叫咗個海膽扁意大利粉 個海膽份量都吾少又鮮甜， 西式意粉呢講都算幾特別因為加左較日式的海膽做主角。 個意粉都係用海膽味嘅sauce黎整。最後仲有個甜點 面頭既焦糖脆脆同下面啲mousse 好夾。如果個甜點再凍啲就再好食啲 哈

要同好姊妹慶生，又要搵舒適高質餐廳。見網上評價此店不錯，就訂位一試。果然，沒有失望。餐廳位置正是望住維港，只望住個海，心情已靚晒。一入去，服務員個個也笑容滿面，態度親切，他們也會細心介紹一下餐牌上食物。我們一行4人，點了幾款食物。每款也色香味俱全。 自己最愛是那個羊架，香軟多汁。而推介的意粉及牛扒也有極高水準。 最後， 當然不忘甜點。 水準就可以。 當日大家也食得很開心，重點是這裡又舒適又有靚景。 相信晚餐時間，這裡更是浪漫。 要訂枱也有一定難度。這高級餐廳，不管食物，環境，服務全部也滿分。 一定會再光顧。

平日中午一點半黎到, 有lunch set, 坐低睇餐牌， 好多選擇, 有pizza, pasta, main 㨂。聽聞哩道啲pizza 好正, 但因為會加salad 同dessert, 所以我地就忍痛唔試住pizza 先啦。因為我勁鍾情魚，而男朋友勁鍾意牛, 所以我哋兩個都叫咗 main course 。點好左就上左餐包， 有三款， 好欣賞餐廳有加熱到啲麵包，味道真係有驚喜。特別檻欖香草果款，另外芝士條同薄脆嗰款都好好味。不得不提嘅係餐廳沾麵包用嘅黑醋質素好高，一啲都唔酸，而且帶有甘甜味。沙律菜新鮮，調味剛好，唔會帶有過多嘅醬汁。石班魚唔算係油脂多既魚，配上少少酸甜香橙味道嘅忌廉醬汁，豐富返個味道、balance 得好好。黑椒牛柳醬汁十分出色，有黃芥末味以及帶有粒粒白胡椒嘅口感。牛柳超嫩，配上醬汁一啲都唔會膩。是日甜品cappuccino 慕絲，分量較少但水準不錯。餐飲熱咖啡配以熱牛奶感覺貼心，味道不錯。總結：餐廳環境環境佈置清新，景觀尤其出色，直望IFC。侍應醒目有禮，實在適合想放鬆一下，重視餐廳環境的一族。

有日行過呢間餐廳,見到個維港景好正. 但星期六丶日實在好full好難book,所以就揀日天朗氣清嘅閒日嚟試吓個lunch.環境果然好舒服好正,特大玻璃窗令靚靚維港景盡收眼簾,可能我哋12點正到,所以被安排坐窗旁嘅枱Lunch offer係可以揀pizza丶意粉或者主菜,然後加$40或者$48. 所以可以好自由揀主菜 我同朋友揀咗兩個signature dish: 煙燻豬肉寛條麵 & 海鮮意大利飯,再加$48(即係有沙律+主菜+甜品+飲品)首先嚟嘅係麵包籃,橄㰖包好香好軟熟但個薄餅就比較油,薄脆都太硬. 值得一讚係個橄欖油同黑醋頭盤係火箭菜車厘茄沙律,比較單調. 火箭菜唔夠嫩煙燻豬肉寛條麵嘅煙燻豬片好正丶鹹香味恰到好處,寛條麵嘅蛋味好香,又爽口 海鮮意大利飯嘅帶子煮到啱啱熟,好香甜嫩滑! 蝦好鮮甜,食得出用蒜片丶橄欖油爆過,好香口!! 至於青口,望落去麻麻地,但食落同French baby blue mussel一樣嫩口,有驚喜!! 意大利飯個汁唔鹹,味道好好!!Signature dish果然係Signature dish兩碟都無可挑剔~甜品係咖啡慕斯,上面有塊焦糖脆脆~ 咖啡味香濃

人地食中餐嘅時間就係出街食西餐嘅好日子 唔洗同一逼丫ma 即興下午先打去book都仲有位 不過佢分2個時段 6:00/ 8:30 8:30食又太夜咁 所以食左早個場 6:00個timeslot都唔係好滿 仲有張窗口位都無人坐 不過是日能見度低 個景唔太靚 呢張係行出bar枱位置影嘅：叫完野食就先有包 有份好似烤餅嘅勁鹹 另外卜卜脆個塊都幾好食叫左個意大利雲吞 味道唔錯 不過份量太少仲有羊都燒得唔錯呢杯rosa cocktail有驚喜 有淡淡玫瑰香 略嫌冰太多 好快溝淡哂個味

聽太多朋友提及Paper Moon 了、上禮拜五去試試。隨了無可取代的無敵維港海景外、意外回到以往輝煌的光影世界、堪富利保加、褒曼、柯德莉夏平、王家衛、看着照片氣氛也頓時優雅起來。精心調製的清菜沙律、甚至麵包也给我沽清(我是不慣吃橄欖油的、但因着香口也破格了)。主菜試了一個Pizza Edi 、辣肉腸、番茄份量足夠、皮薄入口輕鬆、芝士味香而不搶味。另再試一個龍蝦番茄意粉、光是龍蝦已經大滿足、香濃鮮美、邊吃邊欣賞維港景色、悠閒地消磨一個Lunch break, 積壓的工作煩惱也大大消除、一去再去