Owl's Choux

營業中

休息中

尖沙咀 Owl’s Choux🌟Creme Brûlée puff $28想食呢間米芝蓮小食店好耐架啦，令我一試難忘😍😍😍真係好邪惡，見倒都流哂口水🤤🤤🤤泡芙外皮酥脆，牛油味十足☺️☺️☺️上面有燒過既焦糖，脆脆甜甜的好滋味😚😚😚入面既雲尼拿吉士忌廉先係重點！！多饀到爆哂出黎，好濃郁，仲有粒粒雲尼拿籽，好満足😊😊😊💕評分：😈😈😈😈😈

雖然K11入面有唔少西式甜品，但原來商場對出都有間小店，今日食完lunch行完街，見到呢間小店嘅裝飾同小擺設，感覺好溫馨，俾佢吸引左黎high番個tea。見到泡芙咁大個，一開始不知如何着手，然後老闆教我地可以先食雪糕，食到咁上下，可以用手拎起張紙，夾住泡芙一啖咬落去。果然，這樣吃，口感比較豐富。紅絨士多啤梨味酸酸甜甜，好開胃，感覺清新，配雲呢嗱雪糕不俗氣，雪糕上細細粒嘅蛋糕仔美味可口，泡芙好脆好鬆化，上面亦有酸酸甜甜的紅絨作點綴，不錯！於鬧市中靜靜地嘆番杯，心情特別舒暢。

好多次行過都唔啱時間，所以都無試到，今日行過終於試到了，其實都好貴吓$58。對我嚟講都係試過就算。雪榚有好幾款，伯爵茶及烏龍茶口味比較少試所以揀咗伯爵茶口味雪榚，而個泡芙揀咗red velvet，入面係士多啤利玫瑰醬，食落都好食嘅，雪榚嘅嘢好少話唔好食嘅。另外佢哋重介紹我試 chougette，$25有9粒，每粒內有焦糖，都係好好食的。但對我嚟講係貴嘅嘢食。

雖然佢嘅實際賣相無餐牌嘅咁吸引，但的確幾好食。原味泡芙中間夾住榛子果仁糖雪糕，再加埋麥提莎脆脆同果仁糖漿點綴，層次豐富，泡芙外脆內軟，雪糕嘅口感亦都好軟滑～ 海鹽泡芙，香脆嘅外層佈上一粒粒好似寶石礦一樣嘅海鹽，而餡料就係軟滑嘅吉士，咬落甜中帶小小清新嘅鹹味，好有味覺層次。新鮮出爐嘅吉士泡芙，拎上手暖笠笠，同一般嘅泡芙唔同，佢嘅外層特別香脆，仲有啲似牛角酥，外脆內軟嘅口感，好有層次，而餡料就係雲呢嗱吉士，香濃軟滑，個人認為呢個組合，比起雪糕泡芙更加夾，簡直令人愛不釋手！ 原來焦糖燉蛋同泡芙夾埋一齊係咁有驚喜！表面好脆口，入面就好creamy，加埋面頭嗰層滋味嘅焦糖燉蛋，甜而不漏、蛋味香濃，無論味覺同層次都咁豐富。

在K11百味當吃完雪糕，出來看見這間富特色的店舖，忍不住再叫個雪糕吃。同K11好近，過條馬路就到。店內環境。初初去到見到得一個店員，真擔心有排等先有得吃。因為當時有數組客人點食物。雖然舖頭細細，雖然不是有人龍，但不斷都有人幫襯。後來多一個店員返來。幫襯的客人有講普通話的，有講英文的，只有我講廣東話。店舖雖少，但設計用心，幾有情調。好多owl擺設，有趣。座位不多，雖然很多人會拿走，但因要等焗起個泡芙，要等下，如果人人坐下來都會幾逼。等了又等，終於有得吃！好濃味的雪糕！吃得出是用心做的食物！個泡芙皮是脆脆的！食到中間發現有corn flakes 同埋金莎味的醬。個雪糕是甜甜的，個泡芙是有一點點咸咸的。膠匙羹也可愛。可愛的設計，同卡片一樣。覺得比剛才吃的百味堂更值得吃。好像只收現金，如果有得用八達通比錢會更方便。

被網上既相片所吸引，咁岩去左尖沙咀食晚飯，我地就以呢個小小甜品作晚飯既終結～餐牌上有不同既雪糕泡芙可以選擇，不過我一心已經選好了要食焦糖燉蛋泡芙 餐牌：雪糕款式焦糖燉蛋泡芙 $28泡芙小小一個，只有手掌心大～～泡芙面頭既焦糖脆片脆卜卜，不過我覺得有啲苦😂，底部係脆口既泡芙，口感鬆化✨入面係冰凍又軟滑既忌廉吉士，份量滿滿，吉士充滿香濃既雲呢拿香，唔洗一陣就食完一個，小小一個做甜品真係好滿足😋😋

法式小浪漫 紅絲絨雪糕泡芙$58 即叫即做泡芙脆 再底部有粟米片 令佢變得更加脆有玫瑰花醬 好香玫瑰花味再配上無敵的雲呢拿雪糕正呀👍🏼舖頭不算太大 但有堂食位置大概6個坐位而且全店裝飾都充滿貓頭鷹🦉

之前去K11食飯，喺窗口望落黎覺得哩間野幾得意，貓頭鷹泡芙其實係咩黎既呢？可能係老闆連教都唔訓，將全副心機整好泡芙掛轉角位都幾開揚，店名好得意最愛開放式廚房Red Velvet Earlgrey Gelato Choux…脆皮紅絲絨泡芙 夾住伯爵茶味濃既自家製雪糕，軟滑不過膩，仲有士多啤梨玫瑰醬、粟米片脆同埋面頭既紅絲絨蛋糕，味道好夾，秋風起食岩岩好！意式芒果泡芙…哩款相當有驚喜！脆口既泡芙面上面係燒過既cream同椰絲，入面唧滿左香滑芒果吉士同芒果醬 一咬d芒果醬就running out超流心連我本身唔鐘意食椰絲既都俾佢溶化左 食果陣小心爆漿呀！焦糖燉蛋泡芙…哩款都好正！同樣既泡芙base，脆面焦糖唔會太甜，入面就唧滿雲利拿吉士同cream，雲利拿味濃郁滑溜，size有半個拳頭咁大，tea time一流呀！

N年前就已經想黎點知到真係行過人潮不如以前.雪糕一樣好食唔算太甜 但好滑雪糕質地比較黏意大利雪糕似乎都係咁樣其實我淨係中意食雪糕🤷🏼‍♀️如果加埋泡芙感覺就唔一樣泡芙本身係無味既但上鏡dd咁多 又可以呃下like咁樣囉$58

位於尖沙咀近尖東地段, 係轉角位既地鋪, 面績比較細少, 但空間運用得不錯, 有依靠牆身既企座位, 亦都有置中既圓枱, 四周牆身都有簡約可愛既裝飾, 有啲似日本既精品店, 偏少女風~~ 而廚房面積相比較大, 一目了然入面既簡潔設計, 尤其是焗爐, 好大個, 因為呢到既泡芙係即叫即焗, 保證脆口。 Gelato一共有八款味道選擇, 我心思思咁望住樣樣都好吸引, 店員好有心咁介紹不同口味比我, 當中花生漿同朱古力最吸引我, 我試左幾隻味, 但最後都係花生漿能夠得到我寵幸XDD 4款主打泡芙入面, 我就揀左最迷人既Red velvet, 深紅既絨紅色, 給予人高雅既感覺~~ 落左order等大約五分鐘就可以食, 見到店員即刻將泡芙放入焗爐, 手腳好快, 好似擔心我會太餓咁, 好好呀!!! 但係畢gelato既時候依然會小心翼翼咁將個雪糕球整個夠哂圓先收貨,唔會求求奇奇~ 拎上手真係好想食, 但都要比相機食先~~用紙杯盛載住, 雖然唔太環保, 但的確有呢個需要, 因為呢個泡芙比想像中更有份量。泡芙表面圓得工整, 自己都有整過泡芙, 泡芙表面要烤焗得靚唔係一件容易既事, 更何況呢個圓得咁靚,

A short walk from Tsim Sha Tsui, this is a small but friendly place to enjoy smooth gelato sandwiched between 2 biscuit choux in a cup. Paired with their Caffè Latte was very satisfying. Place is very small with limited seats, so best plan for takeaway.

1️⃣焦糖燉蛋泡芙一攞上手發現泡芙原來同小編想像中既有少少出入，原來唔係將成個焦糖燉蛋放係面，而只係隻味食落似。不過都會一試上癮，燉蛋味好重，而且仲有大量雲尼拿籽添，吉士餡加埋忌廉一齊食真係超級滑。另外面頭焦糖既部分都好香好脆，而個泡芙都真係脆到冇得彈👍但係尼個組合聽落超級邪惡丫！2️⃣抹茶鮮奶不過尼杯野就真係超級失望😞完全冇諗過佢竟然會係抹茶牛奶糖味，抹茶味弱到爆，完全滿足唔到小編尼個抹茶控，不過好彩無飲到有一粒粒粉啫！

喺尖沙咀覓食都會經過好多次，印象係舖頭細細，食甜品，食泡芙嘅不過通常都係搵餐廳食正餐，所以就冇試過今次因爲要等位食晚餐，太肚餓，朋友建議喺度食個泡芙先，終於有機會光顧喇！貓頭鷹設計同佈置幾得意，店內唔多位置，多人時比較擠迫，如果少人坐喺度傾計都幾舒服嘅～店員好nice 咁介紹啲泡芙朋友選擇食夾住gelato 嘅泡芙，不過我怕太飽，所以喺“特脆”忌廉泡芙度揀左脆脆焦糖由於係即叫即做，所以要等一段時間，不過係值得嘅！特脆有幾脆？係爆脆呀泡芙大細適中，外表脆口，內裡軟滑，口感一流！漏左影相😅不過食嗰時要小心啲，啲醬會湧出黎～下次要再試gelato 泡芙！會再黎

食完飯，經過依間拎過米芝蓮的泡芙店，見唔洗排隊，就忍唔住入去坐下果然出名的雪糕泡芙名不虛傳，我食紅velvet ，本來覺得手工雲呢拿雪糕好好食，點知中間仲有士多啤梨玫瑰醬，我好鍾意😍唔夠喉，再叫限定焦糖燉蛋泡芙，因為係即叫即刻，食完個雪糕泡芙就岩岩好，接住有得食

前幾日放工後要到尖沙咀treatment，路經這間Owl's Choux.Gelato.Coffee，突然想起之前好像在媒體報道中見過曾獲米芝蓮推介，我作為甜點控，又怎能錯過呢？！^o^木系裝修風格和諧清新，只是小店面積迷你，座位不多，坐得有點擠。店內陳設了不少貓頭鷹的小擺設，為室內添上可愛的感覺。Menu主打四款法式手工泡芙Choux，夾層的雪糕也可轉其他口味，而且每天供應的雪糕口味也會有點不同，更有新鮮感。Red Velvet Gelato Choux $58這次我就選了紅絲絨款式，因為我本身不吃雲尼拿雪糕，所以就轉了Earl Grey 味。酒紅的絨面脆皮相當艷麗，外層類似菠蘿皮的crumble，更添酥脆鬆化，底層鋪了脆口的粟米片，層次感豐富。紅絲絨蛋糕展現出華麗尊貴的深紅色澤，質感就如天鵝絨般絲滑鬆軟。Earl Grey Gelato 質地細滑之餘亦夠綿密，帶有一定黏度，散發清香的伯爵茶香，夾雜著士多啤梨果醬，酸酸甜甜很清新。Green Tea Latte $42原本是想點紫薯Latte，可惜已經售罄，所以就選了綠茶味。喝下去口感綿柔順滑，還有精緻拉花，不過奶味相對較重，將綠茶味