影片
開飯介紹
來自韓國釜山的炸雞品牌，而香港是韓國以外的首間海外分店，招牌韓式炸雞、芝士肋骨鍋、海鮮煎餅均為熱賣菜式。店內有鐵網供情侶掛上情侶鎖，加上星星吊燈，情調十足。
繼續閱讀
營業時間
今日營業
17:00 - 23:30
星期一至五
17:00 - 23:30
星期六至日
17:00 - 23:30
12:00 - 16:00
公眾假期
17:00 - 23:30
公眾假期前夕
17:00 - 23:30
*最後下單時間14:30 /22:30
以上資料只供參考, 請與餐廳確認詳情
有關獎賞計劃
相關文章
芝士炒雞雞肉嫩滑到爆，夾起時芝士拉到成米長，仲要配埋外圍啲滑溜雞蛋，撈埋紫菜飯一齊食，口感超豐富！跟餐仲有泡菜，酸辣爽脆，解膩一流。不過芝士好快會凝固，記得趁熱食！！飲品就叫咗蜜糖米酒，甜甜地好易入口，米香好突出，飲完成個人暖笠笠，同濃味嘅芝士雞好夾。下次有機會想試下其他味！小食叫咗Chips Trio，有薯角同薯條，炸得金黃脆身，薯角外脆內軟，正！環境暗暗地好有feel好靚！適合同朋友或者情人一齊黎！飲住酒 食住炸雞吹水，一流！小貼士⏱️ 芝士好快凝固，一上枱就要快影相快食！
繼續閱讀
最近去咗一間韓式餐廳，整體感覺都幾唔錯，裝修帶少少韓國街頭風，好有氣氛。餐廳播放韓國音樂，配埋餐牌上嘅韓國小食，真係幾有代入感。 食物方面最推薦嘅係紫菜包飯，飯粒煮得啱啱好，唔會太軟，配埋內餡嘅醃菜同蛋卷，味道層次好豐富，一啖一啖超滿足。炸魷魚就更加不得了，外皮炸得香脆，但魷魚肉質一啲都唔韌，仲帶少少鮮甜，配埋特製辣醬，真係好滋味。 最後一定要提芒果米酒，呢個真係大驚喜！芒果味甜而不膩，配埋米酒嘅微醺感，飲落好清新，完全係女生嘅心頭好。 呢間餐廳無論係氣氛定食物都好值得一試，想搵個地方感受一下正宗韓式風味，呢間真係唔錯！
繼續閱讀
韓國留學時期最中意就係食Outdark🐔，好一段時間無返鄉下就黎香港嘅Outdark解鄉愁。黎到發現喺門口有得免費任影復古黑白相，之前喺韓國的店鋪都見過類似嘅影相機，等位嘅時候可以消磨下時間。再者，香港店嘅裝修幾乎係完全還原韓國店，連店員都係韓國oppa，真係特別有返咗鄉下嘅感覺🥹雙拼炸雞🐔選擇困難人士必點嘅雙拼炸雞，姐係韓國嘅半半炸雞，我哋揀咗醬油味及香蒜蜜糖味，仲另外加配了一串소떡소떡 (脆皮腸&年糕)。同韓國店一樣，除了炸雞仲有好多嘅配料，薯條、薯角同埋薯格，再加上炸雞嘅份量又多，非常大份。炸雞即叫即炸，外層夠脆內裡就夠晒juicy，唔會乾爭爭，幾時都覺得韓國炸雞世一，略顯有少許美中不足嘅就係兩款味道都係甜鹹嘅組合，但食落都唔會覺得太漏，因為另外有醃蘿蔔中和返。平時喺香港嘅韓式餐廳好少見到嘅脆皮腸&年糕串，係韓國常見嘅街頭小食，甜辣甜辣再加上腸仔同年糕都有烤過，外脆內韌，口感非常特別，推薦一試~辣炒豬肉 豬肉薄片再加上芽菜、洋蔥等唔同嘅配料，用韓式辣醬炒成嘅韓國家庭嘅家常菜之一，非常惹味，會忍唔住一啖接一啖，爐邊仲有泡菜、芝士粟米、脆皮腸同紫菜拌飯，可以配搭埋一齊食，同一款菜式有不同的食法。我哋仲另外叫生菜包，體驗正宗的韓國食法。海鮮蔥煎餅呢個有驚喜，平時好多煎餅都好厚粉漿又無乜配料，呢度嘅海鮮蔥煎餅一食就知唔同！薄薄嘅煎餅一食就食到滿滿嘅蔥同海鮮，而且煎到好香脆，配上醬油味道更加出色。飲品方面，我哋分別叫咗熱情果梳打、芒果梳打、Mojito梳打同埋西柚梳打。頭三款仲有爽口嘅蘆薈粒，口感豐富又清新，食炸雞緊係要叫返杯~埋單發現原來Outdark喺香港十週年，6月30日前只要黎食就有得抽獎，大獎係來回韓國商務艙機票，抽中就fatfat可以返鄉下😍😍！其他獎品都幾豐富，如果黎食記得要抽獎啊！🤭食到勁飽勁滿足，但埋單都唔洗$250一個人！
繼續閱讀
今日放假同朋友去旺角附近行街食晚飯，朋友喜歡食韓國菜，話附近有間好地道嘅韓國餐廳，這間餐廳叫Outdark，位於旺角彌敦道613號飛達商業中心2樓，港鐵旺角站E2出口，行幾分鐘就到，非常方便。 餐廳內環境寬敞，裝修以韓式風格為主調，好有韓式氣派，進入餐廳見到好多星星月亮吊飾，令環境好靚，感覺好有氣氛，同朋友來歡聚，真係一流，亦都好適合俾人來打卡，枱椅擺設都濶落，令人坐得舒服，店員服務態度都好，來這裏食真係不錯。這間餐廳係韓國人煮料，餐牌上面嘅食物都係韓國人自製，真係好似去咗韓國食嘢，餐牌上的食物款式都不少，有炸雞、芝士王國、韓式燒烤、炒年糕、韓國的布帳馬車、麵類、小食、紫菜卷飯、炒飯、飲品、酒類，真係令人口感豐富，食得開心。韓式燒烤一定要食，選咗烤豬梅頭肉，煎餅喺韓國菜好有特色，揀咗海鮮蔥煎餅，而韓式嘅炸醬麵，絕對係韓國嘅國民美食之一，飲品就叫咗西柚梳打同埋韓式果汁。海鮮蔥煎餅煎餅粉漿薄身，煎到外面焦香脆口，而裡面又有唔少海鮮餡料，海鮮有八爪魚和鮮蝦都鮮甜爽口，煎得底面都帶點焦香，一點也不油膩，而且仲切成一格格，鋪排整齊，方便食用，煎餅咬落軟軟糯糯，有好多蔥在上面，所以仲有好有蔥香，沾上少少自家製醬汁，多添一份鮮味，海鮮配蔥菜帶出不同層次口感，脆焦鮮甜豐富口腔味蕾，係唔錯嘅選擇。炸醬麵炸醬麵真係嚟韓國餐廳必叫嘅食物，以黑豆為基礎嘅韓式炸醬麵非常香濃好味，材料麵條、豬肉、洋蔥都掛住香濃嘅炸醬醬汁上，非常惹味，醬汁濃郁不油膩，炸醬味道咸香鮮甜，唔會過咸，麵質爽口有彈性，豬肉片亦夠晒新鮮，洋蔥有爽甜，配埋黑豆製成嘅醬汁，真係令人好開胃，所以我哋好快就食晒炸醬麵。烤豬梅頭肉份量都不少，梅頭肉以韓式烤肉調味醬醃製，韓式調味醬味道獨特，增添咗菜式嘅風味，烤豬梅頭肉夠晒香口淋身，外面烤得略帶黑炭焦香，內裡肉質鮮嫩多汁，好入味烤完梅頭肉後更保留到肉汁，而烤肉用鐵板上更添鑊氣，帶出獨特而辛香嘅味道，配埋金菇、洋蔥配菜，令人食得好滋味。飲品嘅西柚梳打好配合用來食燒肉，梳打入邊有幾片西柚，西柚味道酸酸澀澀，入口冰涼清爽，仲有好多粒棷粒，入口亦爽滑好食。而酷皮菠蘿及桃子韓國罐裝飲品，飲落好香生果味道，菠蘿就酸酸甜甜，桃子就甜蜜清爽，入口亦夠晒冰涼，亦都好配合來食韓國菜。這個韓國餐廳真係好值得推薦俾大家來吃，食物質數高，好有地道，款式又多，又好食又抵食，價錢又唔貴，我哋下次一定再約多啲朋友來食。
繼續閱讀
今日同朋友嚟咗呢度食午餐，同朋友都好滿意食物質素。😚首先，烤牛肉飯捲嘅味道豐富，有層次感。😍至於炸醬麵，麵條彈牙，炸醬香濃。😍最令人期待嘅雙拼炸雞，甜辣味同香蒜蜜糖味各有千秋。炸雞外皮金黃酥脆，肉質鮮嫩，甜辣醬汁令人想不停食，而香蒜蜜糖味更帶來獨特嘅香氣，完美平衡口感。👍🏻👍🏻飲品方面，柚子米酒清新解膩，藍莓乳酪好新鮮，COOLPIS PEACH都好清爽。整體而言，好滿意！會再次光臨！#outdarkhk #香港美食 #香港必吃
繼續閱讀