Outdark (飛達商業中心)

營業中

休息中

Dinner@旺角, 想食韓國🇰🇷炸雞好自然行左去雅蘭隔條街嘅OutDark, 好多人等枱呢, 如果無book枱分分鐘要等1hr ga*. 識食一定食店家巨大碟嘅炸雞!!🐔甜辣炸雞 (HKD178)來自韓國嘅雞肉炸起一啲都唔Dry係佢最出名嘅特色, 我地揀左甜辣炸雞, 鐘意佢帶點刺激嘅辣味同時調好甜甜地嘅醬汁夠唒平衡唔會辣到標唒汗. 炸皮超超超鬆脆!! 而且每件嘅炸漿都咁均勻包住雞肉, 成十幾件去骨雞肉件件都咁嫩咁好味真係無得輸. 🐔蕃薯芝士條 (+HKD28)一黎到已經聞到陣陣蕃薯🍠甜香味, 拉絲嘅蕃薯芝士條都係必食gaaaa.🐔炭豚飯卷 (HKD88)好大個飯捲呀😮, 入面包住勁足料炭燒豚肉, 紅蘿蔔絲, 煎蛋條, 黃瓜青瓜等等.... 味道同口感都好豐富.🐔Mojito Ade (HKD34)無酒精嘅Mojito送炸雞perfect, 薄荷葉香同青檸味都非常突出勁refreshing.🐔OutDark Rita- Blue Girl(HKD78)可惜今日無1,3號. Blue Girl加少少調味*甜甜的蘋果🍎味* 又係好正的.

連續掛8號風球的第二天不用上班，本來約了朋友到旺角這間韓式餐廳吃晚飯，但心想餐廳應該沒有營業吧。本想取消行程，但朋友忽然打來說「餐廳有開呢！」，於是我六時便衝出門口去旺角，因為平時實在很旺場怕要等位，但可能因為天氣關係竟然暢通直入呢！餐廳門口有一幅「鎖牆」，還有食客可以寄信件給未來的自己，很特別。餐廳裏面的環境很浪漫，滿佈星星。職員也有一半是韓國人食物又地道，感覺很像去了韓國。多個鍋物中選了這款：《原祖炒年糕：豬肉 $288》很大盤，當中有「粟米水牛車打芝士」、「紫菜飯」、「香甜菠蘿粒」、「香炒泡菜」、「炒豬肉」，再加上自家製獨特的辣椒醬代替傳統的辣椒醬，很美味，帶點甜，不會死辣，很提味！芝士的配搭多樣，我就最喜歡卷著年糕吃！而辣醬半紫菜飯亦都很好吃。《東萊海鮮煎餅 $118》平時吃到的煎餅大多數都是粉粉的，但這個煎餅很能讓我吃到韓國的味道。煎餅裏大部份都是蝦和野菜，香口但感覺完全不膩，配上醬油更美味。不會主動提供水，所以點了一杯特飲：《Outdark Ade (Non-Alcohol)Mojito Ade $34》這款是無酒精的，清新口味。連單據都是寫韓文的呢。

今晚放工同朋友去食下韓國野。餐廳非常非常之多人，所以最好之前book定位先。餐廳限時用餐一個半小時，但放心，絕對夠時間食架，因為上餐速度都好快。今晚我同朋友慢慢一邊傾一邊食，都完全會夠時間。呢間outdark都黎過食好多次，因為真系野食好味，環境又舒服。所以我地都好快決定到食咩好。一人一杯野飲先啦，一杯green apple，一杯薄荷綠茶。另外今次終於食到煎蛋飯卷啦，之後好幾次黎都咁岩賣曬。今次第一次食到好開心。開頭都擔心會唔會好飽，因見到整個份量都好多好大份，不過好彩食下又一件，食下又一件。兩個女仔都火速ko左呢份蛋捲。蛋捲既蛋好嫩滑厚切，啖啖蛋香，好正。中間包住少少飯，飯粒唔算多，所以唔會太飽肚。我鐘意個口感，因為蛋捲林林的，飯粒又好好咬，味道又好好。有一排既蛋捲上面仲配了醬汁同魚籽，口感同味道仲正。另外點了一個串串魚糕湯，一鍋上。慢慢系個爐上煲住，所以暖暖熱熱的，好正。唔洗怕野食會凍。串串魚糕鍋內好多唔同款既配料，有幾款魚糕串，獅子狗、年糕、菜、粉絲⋯⋯超多唔同配料，都好多好大份，勁滿足。個湯都可以飲架，好惹味。最後我地仲有個炸醬麵，開頭一下子見到咁多野食都好擔心食唔曬。因為個炸

肺炎疫情下，出國旅行遙遙無期，韓食心癮起，去Outdark食就最好不過。這裡美食源自韓國總店，香港分店保留原味，唔駛飛去韓國都食到確係幸福。餐廳環境浪漫星星滿佈，地方闊落好友飯局一流。門口位牆身掛滿愛情鎖，這裡打卡正！食物選擇唔少，價錢合理，開心食一餐舒一口悶氣，爽！甜辣炸雞(半份) $118無骨炸雞六件加埋薯格薯條，炸物一堆份量唔少。炸雞層炸粉薄，沾滿甜辣醬，甜甜辣辣韓味十足，雞肉質嫩啖啖肉，食落唔算油膩。另有四款醬可醮，可以滿足各人口味，當中以蜜糖芥末醬最得我歡心。蕃薯芝士條 $28芝士條三條，炸得金黃外脆內軟，芝士半溶拉絲口感，不錯小食。海鮮原祖炒年糕 $328主角超大盆望見興奮，來到嘩左一聲。配料有原條彈牙炸魷魚、口感煙韌的年糕、魚糕、蝦仁、小蜆和蔬菜，配以原味甜辣醬撈勻，開住火爐熱住食好好味，圍邊仲有口感軟棉的車打芝士、紫菜飯、新鮮菠蘿粒和泡菜。配料甚為豐富，二人食ＫＯ晒不是易事，何況加埋炸雞就超飽。

又係冇得去旅行，唯有留港消費食外國菜系列，今次就輪到韓國菜啦，星期四嘅晚飯時間，餐廳門外已經有條長長嘅人龍，最少都要等成九個字，幾經辛苦終於坐低啦，梗係要飲返杯抖信條氣先啦Blueberry Smoothie $45Ice Peach $34今次就等我揭開點解大家都肯大排長龍支持呢間韓式餐廳中間紅色嘅部份就有豬肉、年糕、雜菜、菇、青椒等等，見到紅色嘅汁大家都知道佢係帶點辣嘅味道，而右手邊黃色嘅部份就有芝士同粟米，外圍仲有泡菜、菠蘿同埋紫菜飯添。係個煲下面其實係有個火爐，當個煲去到咁上下溫度，啲芝士就會溶晒，咁就可以做到拉芝嘅效果啦呢堆金黃色嘅炸物其實真係好大堆頭揭開左頂層嘅薯角、薯條，就見到切好咗嘅雞件，最欣賞呢度嘅地方係佢啲雞全部都冇骨㗎，啖啖肉而且仲有甜甜蜜蜜蒜蓉嘅味道，啱晒我呢啲懶人呢款海鮮煎餅都係非常推介俾大家，因為佢嘅粉相當少，但係都可以做到好脆嘅效果，上面仲有唔少蝦仁、椒絲等等，口感非常豐富整體食物水準唔錯，難怪咁多人嚟撐場啦

👦🏻👦🏻🧒🏻🧒🏻人均消費: 250環境舒適度:👣👣👣👣食物賣相:😍😍😍😍食物味道:👅👅👅食物價格: 💰💰💰店員服務:👩🏻‍🍳👩🏻‍🍳👩🏻‍🍳性價比:🤙🏻🤙🏻再次光顧:👀👀突然想食韓國菜，係OpenRice 揀左Outdark見到正評好多，所以就拎票試下。好多客人已經係預約左，所以都等左30mins。入到去環境幾靚 ，每張枱一盞燈，再有啲夜間閃閃星星吊飾。不過坐落就比較窄。唔太舒服。因為琴日去到甘岩冷氣壞左，所以有啲熱。我地叫左四個菜，再加三杯野飲。串串年糕湯味道一般有啲粉絲蘿蔔，可以話有啲似日本既關東煮🍢 。另外叫左個炸醬麵。覺得幾好味 有啲應該係豬肉同洋蔥🧅做配菜。隨此之外，我地仲叫左個海鮮炒年糕🦞同埋手捲年糕比較濃味 手捲有啲散。成餐整體味道比較濃，所以感覺一般。

打風日前夕，我同男朋友去左旺角Outdark食韓國菜🇰🇷。去到門口都幾多人排隊，好彩約左位！點解我會簡依間餐廳呢，因為我有同學以前係度番過工，話老闆同廚都係韓國人，有信心保證！另外，佢都做左covid既test，令人安心。入到內籠，發覺佢佈置一流，燈光較暗左，滿天都係星星既裝飾，好浪漫呀。相信好多女仔都會鍾意。另外佢既牆有部分係鏡面，再增加多啲空間感。裡面坐既環境都好舒服，我地被編左去寬闊既卡位，前後同右邊都有隔板隔住，極具私隱度！再加上佢播啲好輕快既英文歌/kpop，令人心情更relax！Menu上有不同類型既韓食，總有一款岩！野食方面都幾高性價比。我地叫左炸雞雙併（原味同香蒜蜜糖味），佢既炸野好好食，脆身得黎一滴油都無。炸物上邊有蜜糖粉同梅子粉味，都幾正。我比較鍾意佢原味，因為香蒜蜜糖味只係原味加左香蒜蜜糖汁，相對無咁脆身，自己就鍾意食香口野多啲。另外我地叫左辣豆腐湯烏冬，送埋黎既時間陣香味撲埋黎，勁正，個湯辣辣地甜甜地咁，入面亦好足料，勁多海鮮，超好食！好彩依個煲相對地無咁多澱粉質，叫左咁多炸雞，我地都係好勉強先食埋個煲。飲品方面我地叫左啲果汁，都有星星既裝飾，同佢環境既主題互相

今日老友生日，又係出去嘆下hea下既時間，近排個個都韓劇迷，我唔得閒追劇，都要得閒食美食。好多人排隊，等左一陣就有得食啦，環境都幾好，傾偈都舒服。芝士豬肋骨一大鍋好有份量，職員親身主理芝士，香濃水牛車打芝士煮成醬，混合惹味豬肋骨，啖啖豬肋骨都有厚身芝士，少許辣味，更滋味，還附有紫菜飯、雞蛋卷、菠蘿、泡菜，夠份量先夠滿足啦。🍸 Heineken Rita西柚味非要濃郁，酸甜醒胃，淡淡啤酒香，不自覺地不停飲，到一半時啤酒味突出，好易入口！Ice Peach個桃味好香甜，甜度高，解辣一流。職員都是年青有活力，乾淨企理，抽風好，完全不會焗，下次可以再嚟！

Happy Friday 梗係要食好啲，今晚好想食韓食，韓式炸雞少不了，好喜歡店內以星星掛燈點綴，黑暗中帶點浪漫情調。雙拼香蒜蜜糖炸雞+脆薯王炸雞炸得外層酥脆，雞肉嫩，醬汁香甜蜜味中有濃郁蒜香，配合香脆波浪脆薯條，香脆薯格、薯塊，份量好大，香脆可口，好送酒。煎蛋飯捲香滑蛋捲，包著紫菜和飯，加上沙律醬、酸甜醬汁，不會膩。Mango Ade芒果味果汁，加上梳打，無酒精又清新。這間份量足，上菜速度快，職員友善，門口巨形熊公仔仲好可愛添！

趁住第四波疫情來臨之前，盡情出去享受吓先🤭真係驚一個唔好彩又禁堂食就又要返外賣自取嘅懷抱😣上次食完回味無窮∞之後再食過幾間韓風炸雞店都及唔上Outdark！OpenRice 好評餐廳喎今日特登嚟encore，下次要試埋尖沙咀分店先得😬😬🍴雙拼炸🐓：炸雞份量依舊大份，今次叫醬油味同甜辣味...連埋薯條薯格直頭成坐山咁⛰見到呢個咁得意嘅黑板...寫住You can feel warm after try it就即刻點埋呢個串串魚糕湯🍲魚糕鍋連爐一齊上，可以一邊傾一邊慢慢食都唔怕會凍，而且份量仲十足添😋🥤另外叫咗兩杯Special Drink大大杯透心涼🥳順帶一提，疫情下出街食飯仲見到COVID-19 CHECKED「已完成新冠肺炎檢測」真係食都食得寧舍開心又放心🙌🏼😊

味道：⭐️⭐️⭐️⭐️韓國釜山過江龍美味炸雞店燈光昏暗 天花掛住一串又一串嘅星星 相當浪漫 近門前位置仲有情人鎖牆 充滿韓國嘅感覺짱이에요🥰不過用膳時間只有1小時實在有點趕❶芝士炒雞🧀 $328呢個係呢間餐廳嘅招牌菜之一所以黎到點都要試吓！簡直係超級邪惡呢個碟嘅中間有雞、年糕同埋芝士上菜冇耐之後，店員就會主動過嚟幫你將呢一對嘢撈埋一齊咁多芝士 連埋啲雞年糕撈埋一齊食真係超好味！！😋😋啲雞唔會太肥又唔會太瘦食落係滑滑的👍🏻年糕食落就煙韌但有小小偏硬對於我呢個年糕嘅fans來講 如果年糕嘅份量更多就好啦😛旁邊就有爐邊蛋同埋紫菜飯大食既你都一定夠飽！但同時都岩曬三五知己share嚟食！😍❷甜辣炸雞 🐓 $178有差唔多10幾件冇骨既雞仲有一大堆撒上芝士粉既薯條薯格角炸雞食起來唔會覺得油膩肉質嫩滑 juicy醬料均勻甜中帶點辣又唔會太嗆喉好岩唔係太食得辣嘅朋友冇得輸❸海鮮煎餅 $118煎餅上枱嘅時候已經切好 好方便share嚟食入邊有好多唔同顏色既蔬菜色彩繽紛 海鮮份量都好足 有魷魚🦑同蝦仁🍤煎餅入口酥軟又唔會覺得好厚粉️Ps:尖沙咀都有分店啊😋

今日約左朋友晚餐佢好鐘意食芝士所以我帶佢黎outdark食芝士炒雞我個人鐘意outdark既環境好暗好有情調店內掛滿閃閃燈Outdark有唔同套餐上次試左豬肋骨好味道今次試雞肉都冇令我失望一個鍋有芝士炒雞韓國雞蛋卷水牛車打芝士香炒泡菜香甜菠蘿粒紫菜飯非常好服務店員會幫客人將芝士同肉拌勻我個人好欣賞雞蛋卷非常香蛋味 好嫩滑雞肉微辣 非常嫩又彈牙配埋芝士食 好惹味紫菜飯都係必食 配埋肉一齊食好夾鹹鹹香香 食唔停口食完咁多肉類Outdark好細心 附上香甜菠蘿粒幫助消化

疫情緩和返突然好想食韓國嘢，今次就揀左係旺角嘅Outdark試試🇰🇷兩個人叫左一份炸雞同一個炸醬麵。炸醬麵竟然同我係釜山食過嘅一模一樣味道，好有驚喜！！幾年前去完釜山後一直對果度既炸醬麵念念不忘，估唔到喺香港都食得返！疫情期間無得去旅行，喺呢度食韓國菜可以重拾返去旅行食地道美食嘅感覺！炸雞除左炸雞之外，仲有薯條同薯格，係熱氣之選。炸雞果然係招牌菜之一，雞肉嫩滑之餘，同蜜糖醬好夾，係食完一啖就想一啖接一啖咁繼續食落去，唔覺意好快就成盤食晒。對我來講，以後一懷念韓國地道嘅炸醬麵，我就會再黎。

餐廳位置非常方便，喺彌敦道嘅飛達商業中心上面，一上到去已經見到有好多人喺門口排緊隊，可以見到係好受歡迎！好彩我哋有訂位，所以即刻可以入去食嘢。 入面啲位都坐得幾舒服，枱與枱之間亦都有塊版隔開，有私隱得嚟亦都比較衛生。因為餐廳限時個半鐘食嘢，所以我哋都好快就諗好食咩，期待食物嘅來臨。 ➡️ 雙拼炸雞 (甜辣+香蒜蜜糖味) ($192) ⭐️⭐️⭐️⭐️💫 食韓國嘢又點會少得炸雞，一上枱見到咁多炸嘢，真係好興奮。雙拼炸雞除咗雞之外，仲有薯條同薯格，而且炸雞全部都係冇骨，啖啖肉得嚟，加上好香嘅蜜糖味，食到停唔到口！而甜辣炸雞，整得唔係好辣，甜味較重，唔食得辣嘅朋友都啱食！ ➡️ 東萊海鮮煎餅 ($118) ⭐️⭐️⭐️⭐️ 好大件嘅煎餅好足料，幾個人share最好不過！煎餅用咗蝦、大蔥、疏菜等等，食起上嚟好惹味！如果分開上嗰d醬汁再多d就正！ ➡️ 炸醬麵 ($98) ⭐️⭐️⭐️⭐️ 又係好大碟！d麵好彈牙好好味，黑豆汁多得嚟又濃郁，仲有兩隻鵪鶉蛋食！ ➡️ Mango Ade ($34) + Ice Peach ($34) ⭐️⭐️⭐️⭐️ 天氣熱辣辣，飲返杯涼陣陣嘅野真係正！ ........................