Yadllie Plate

931
120
51
港鐵油麻地站 A2 出口, 步行約3分鐘 繼續閱讀
電話號碼
23600233
開飯介紹
主打手工炸雞,採用韓國濟州島栽垃的新鮮蔬菜及廿多種天然材料混製秘製醬汁,及韓國空運到港的韓國雞,口感鮮嫩。 繼續閱讀
營業時間
今日營業
12:30 - 22:00
星期一至日
12:30 - 22:00
公眾假期
12:30 - 22:00
公眾假期前夕
12:30 - 22:00
付款方式
Visa Master AlipayHK 支付寶 現金 AE 銀聯 微信支付 OpenRice Pay
座位數目
100
其他資料
網上訂座
Wi-Fi
酒精飲品
電話訂座
賞訂座積分
外賣服務
加一服務費
當面支付
有關餐廳
S.W.A.G - 「韓雞」空運到港
Soy Sauce
Yadllie 手工炸雞的精髓在於採用韓國濟州島栽培的各種新鮮蔬菜和 20 多種天然材料混合而成的秘製醬料。
我們將韓國新鮮雞肉放入秘製醬料以Yadllie 獨有的專利腌製技術,發酵 72 小時以上。
秘製醬料加上我們在韓國傳統浸泡腌製法上加以改良的獨有技術,就是Yadllie 炸雞的獨特味道和鮮嫩口感的秘訣。

Without Dress
由於粉漿會吸收大量油份,為打造健康炸雞。每份Yadllie 炸雞均是用人手在腌製好的雞肉上,一件一件撲上薄薄一層的秘製乾粉。我們有信心Yadllie 炸雞的美味是在於雞肉上,這不是一般以調味粉混和而成的粉漿炸雞可以比擬。

A Pressure Fryer
所有Yadllie 炸雞,均使用壓力油炸鍋,以雙重高壓油炸技術處理。首次油炸過程是使用封閉式壓力油炸方法將雞件油炸至七成熟,鎖住用汁。第二次則以開放式油炸鍋再炸至全熟,用以排走多餘油份,以及令Yadllie炸雞更加外脆內嫩。過程中,壓力、時間及濕度都要拿捏得十分準確。

Great Taste
用 Yadllie 獨有的專利配方和技術加上韓國空運到港的「韓雞」所炸成的Yadllie炸雞。再配搭上全韓國進口,我們精心調製各式的Yadllie調味醬料。不單食材安全,風味獨特,口感鮮嫩,而且令人一試難忘!

韓國老闆有話兒
親愛的香港顧客們,大家好!我叫朴正根。

Yadllie Chicken 至2008年創立至今,無論是炸雞,還是其他出品,在韓國乃至世界各地都受廣大顧客的支持和愛戴。 為了報答親愛的顧客,從創立初期至今,我們從不吝嗇投入大量資源於食品安全和菜式研發上。
全因為我們對高品質食品的要求。公司除了獲頒發ISO9001(品質管理系統認證),ISO14001(環境管理系統認證)和HACCP(食品安全管理認證)之外。在出品上,我們研究人員成功地研發了特製腌漬浸水法,壓力油炸法和炸油實時酸值測定法等特有技術的專利 。

Yadllie 於2016年來到香港發展,我們每份有骨炸雞,都是原隻從韓國進口,在韓國土生土長的「走地雞」。希望親愛的香港顧客可以感受到我們的誠意,繼續支持和愛戴Yadllie。
我們會繼續秉承一貫宗旨「從不模仿他人,具有自己的個性和自由」,務求以鮮味的食材及優秀的技術,做出最健康、最美味的菜色!

謝謝!
有關獎賞計劃
食評 (1220)
等級4 2021-04-13
1935 瀏覽
今次印象中係我第二定第三次食呢間炸雞,每次黎都keep到水準,可以食到好滿足咁離開。咁啱今日經開旺角,見到竟然做緊7折優惠,梗係要食多次。佢嘅餐牌睇咁多次食咁多次都仲係好難選擇食咩,因為真係好多選擇又好吸引。大邱辣醬烤雞mix 黃金蒜香烤雞黃金蒜香烤雞係我每次黎都必叫嘅口味,蒜味唔算濃,但就好香口。大邱辣醬就係算一次試,佢有五種辣度可以揀,我就揀左滋味級嘅2隻辣椒。食落小小甜帶有小小辣,就算唔食得辣嘅人都可以叫黎過下口癮。香炸軟殻蟹好少會係韓國餐廳見到炸軟殻蟹,梗係要試下!一碟嘅份數都算多,睇落炸到金黃色好吸引。我以為會係好似日本嘅炸軟殼蟹,但原來一啲都似,相對佢嘅炸粉較簿,食落唔會好乾身,仲啖啖蟹肉。配埋甜酸醬食又係另一隻果。韓式海鮮煎餅本身以為佢係細細份,點知黎到仲大過一個普通pizza。外面煎到小小燶,入面好鬆軟。芒果菠蘿Mocktail一扎嘅份量夠2-3個人飲,芒果同菠蘿一齊搞成果蓉,入口先係淡淡嘅菠蘿味,之後就係好香嘅芒果果,仲飲到小小果肉,好開胃。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-10
1292 瀏覽
今日仲放緊復活節假,諗住少人d,約左同事月行街加食餐好味道,我在Openrice 揾到旺角的炸雞店,所以一試,好彩有book 位,都幾full 😌因為為我地兩個男的都幾大食,所以都算點得多野炸雞加安格斯肉眼個牛牛味都幾出,味道唔錯,但一定要先食牛,因為佢有鐵板,會比較易熟,幸好我鍾意食熟少少。至於炸雞的肉仲好滑,味道就適中,我見有其他人食的好似有芝士味咁,下次有機會再試試其他口味,我今次食的係原味。雞下面仲有薯條,係粗薯條🍟😁,好味😋啤酒蝦都幾大隻下,再加上醬(有少少似係泰式的醬),堅好味,炸的時候唔會過左時太硬,不過佢下面都有少少薯條,如果換晒做炸蝦就正啦😂佢的每碟都好靚,而且店內環境都十分適合人打卡韓式海鮮煎餅本身無打算叫呢個,因為原本打算叫部隊鍋,但因為我見有好多枱都點呢個,所以決定一試。好好味,其實唔點醬都好得,佢煎得剛剛好,而且入面都算幾多料。點醬食的話,好香,我唔知點形容,大家可以一試。Mocktail 好似係芒果同菠蘿隻杯細細隻,好似飲酒咁,本身個fd 想飲酒,佢有另一款係 配燒酒,但我酒精敏感,所以只能飲mocktail,味味好似飲mix的果汁,所以都幾好飲珍珠奶茶沙冰我見好似都比較少見,我點左一個,珍珠都幾多,而且幾淋,食的珍珠奶茶同飲的好似好唔同,口感好似再濃味少少整體非常好,但如果可以4人食會更好,因為可以試更多野食,我仲有海鮮部隊鍋同有一個蛋小食想試,有機會我一定會再來😁😁😁 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-29
1800 瀏覽
前兩日本身約左同學食lunch,但佢遲左落堂,等到餓死我。當人肚餓嘅時候就會想食啲邪惡啲嘅野食,呢個係好自然嘅事,於是我地就去左呢間餐廳食韓國炸雞,問你夠邪惡未?🧀蜜味芝士粉無骨雞 $118呢個係炸雞嚟嘅,餐牌上面話有15件左右,實際上都真係有好多件。呢個蜜味芝士粉都幾特別,甜甜地嘅。不過我都係鍾意皮薄少少嘅炸雞多啲,所以我鍾意食烤雞多啲。🍗半半烤雞 $178有幾款唔同口味嘅烤雞可以揀,揀兩款之後就會各有半份。 同學揀咗原味,原味有個汁可以點,個汁辣辣地都幾好味。我就揀咗大邱辣醬烤雞,佢有五個辣度可以揀嘅,一級辣係入門級,二級辣係滋味級,三係愛辣級,四係挑戰級,五係後悔級。咁我就揀咗三級辣,點知原來唔係好辣,有啲後悔冇揀到後悔級。烤雞啲雞肉都幾滑,雖然唔係好夠辣,但起碼食到雞味。🦀炸軟殼蟹 $88呢個炸軟殼蟹都幾特別,個炸粉入面係有啲軟身嘅,有啲啤酒味咁,未試過咁嘅味道。🍕韓式海鮮煎餅 $108海鮮主要係魷魚,都煎得幾香。🍓草莓乳酪冰沙 $58幾creamy,甜甜地,幾好飲,仲有一粒士多啤梨添。🍍芒果菠蘿燒酒 $158有1L,我唔飲酒所以同學一個人飲晒,仲要飲完之後先問店員有幾多percent酒精,店員話有14%,即係佢飲咗140mL。飲完之後佢仲行到直線,佢話要讚佢勁。食太多野,食到太飽。每當餓嘅時候就會想食好多邪惡野,當食飽嘅時候又會後悔太邪惡太多。不過講句公道說話,食唔食都咁肥架啦,冇蝕。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-13
2639 瀏覽
想當年來自星星的你個排嘅炸雞熱潮真係勢不可擋多年後呢股熱潮係香港依然不退.第二次黎Yadllie Plate就唔食炸雞了🍗試一試韓式烤雞⋯⋯⋯⋯⋯⋯⋯⋯⋯⋯⋯⋯⋯⋯⋯⋯西柚Mocktail $118西柚汁酸酸地好解膩 啱哂食熱氣油膩野時飲一大榨夠2-3人飲!⋯⋯⋯⋯⋯⋯⋯⋯⋯⋯麥芽啤酒蝦 $128口感軟軟的炸衣好特別 ~入口唔會好油膩肉質都彈牙 唯一想講嘅係底下的薯角太多了⋯⋯⋯⋯⋯⋯⋯⋯⋯⋯⋯⋯⋯⋯香炸軟殼蟹 $88炸衣一樣都係軟軟的 份量十足都算多肉。。。。。。。。。。。。。。。。。半半烤雞 $178今次揀咗大邱辣醬~挑戰級同黃金蒜香2款口味每款口味有4件雞件雞肉質素口準好好,肉質好嫩好Juicy烤嘅火喉時間都拿捏得好好愛新嘅朋友不妨挑戰一下後悔級 夠哂惹味噴火蒜香🧄帶有少少甜 完全唔會膩配上食雞必備的酸蘿蔔 KO一盤完全無問題⋯⋯⋯⋯⋯⋯⋯⋯⋯⋯⋯⋯草莓雪冰 $78滿滿的草莓🍓奶味濃濃的雪花冰 配上甜甜的草莓果醬好Match食蓉唔會死甜 不知不覺就食完一大碗了⋯⋯⋯⋯⋯⋯。⋯⋯⋯⋯⋯⋯⋯⋯⋯⋯。⋯⋯⋯⋯⋯⋯ 繼續閱讀
(以上食評乃用戶個人意見 , 並不代表OpenRice之觀點。)
呢到係我非常鍾意食嘅一間韓式餐廳經常出現喺OpenRice熱門排行榜無意中比我發現到全單有7折優惠之後可以再多啲嚟幫襯芝士蟹子蛋卷 $118呢個係我每次嚟到都一定會叫嘅蛋卷因為真係超級足料入面完全係爆餡嘅蟹子同埋芝士無論外貌同埋味道都接近滿分喺其他地方真係好少食到咁足料嘅蛋卷黃金蒜香無骨炸雞 $118餐牌上面話大約15件炸雞但我數過絕對多過15件份量真係好大份唔使驚唔夠食炸雞每粒嘅大細都啱啱好放入口最重要係冇骨啖啖肉真係好正炸咗既蒜粒真係好香口好惹味而且炸雞下面全部都係薯條🍟薯條再加埋炸雞嘅醬汁非常好食真係邪惡度滿分海洋之盤 $188入面有啤酒炸蝦🍤炸魚薯條🍟洋蔥圈炸粉加咗啤酒所以食嘅時候會食到淡淡的啤酒味炸蝦嘅肉亦都非常新鮮爽口之餘完全唔會覺得粉炸魚全部都大大嚿而且唔會炸到好乾重點係全部都即叫即炸薯條同洋蔥圈全部都食到卜卜聲炸軟殼蟹 $88呢個價錢七折左真係好抵食軟殼蟹嘅份量好多炸漿用咗啤酒炸蝦嗰種做法同平時食開嗰種有啲唔同不過呢個方法唔會令到啲軟殼蟹好乾反而食到入面好多肉鮮椰奶沙冰/香芋沙冰 $58沙冰嘅椰奶味同埋芋頭味都好重甜度到適中唔會話甜到好難入口其實平時食炸雞嘅話我一定會飲啤酒🍻不過因為朋友唔飲自己一個飲嘅話又好冇癮所以最後就叫咗沙冰藍梅乳酪沙冰 $58藍梅同乳酪放咗落攪拌機攪埋一齊所以飲嘅時候都係食到藍梅碎乳酪味道夠濃郁都真係非常足料蜜味芝士粉烤雞 $158其實除咗炸雞之外仲可以揀烤雞因為無骨雞已經係炸所以我哋最後揀烤雞蜜糖再加埋芝士粉甜得黎又有少少鹹鹹嘅芝士味真係一個唔錯嘅配搭有骨嘅雞比起無骨嘅雞有另一番風味雞肉嘅質地食落去更加實在因為呢度嘅雞肉都係源自韓國嘅走地雞兩種都一樣咁好食全層都係屬於呢一間餐廳所以成間餐廳都好有空間感而且餐廳仲會盡量安排隔枱座坐喺度唔會迫埋一齊都坐得幾舒服 繼續閱讀
(以上食評乃用戶個人意見 , 並不代表OpenRice之觀點。)