Oui Oui Bistro (已結業)

1) Caesar salad 菜不新鮮 & dressing 冇味.2) Carbonara 勁黑胡椒味, 掩蓋了黑松露的味道, 忌廉汁死實實唔滑3) Seafood slider 海鮮個芯係凍, 薯角外硬內實，唔好食，唔值呢個價4) Fioe Gras & Dual Ham 鵝肝內裡微溫， 菜唔 juicy, crepe 都幾油Quality just only so-so with an unreasonable price.今日專程為太太慶祝而去食lunch, 失望而回。

平時放工成日經過哩間店，喺廚窗望入去都係黑炆炆乜都見唔到，淨係隱約見到d橙黃色燈，感覺好似幾浪漫咁💞 可惜係未有男伴，所以哩日就同個愛吃既老友一齊黎食啦！French onion soup...其實平時去食西餐都好少飲到洋蔥湯，多數都係忌廉湯同羅送湯，頂多有周打魚湯。今次見有洋蔥湯就一於試下先！湯上面放左一塊芝士多士，多士就算放左喺熱湯表面，食落都仲係好脆口，芝士量好足，啖啖芝味嫁👄湯入面有好多洋蔥好足料，不過就咸左少少。Lobster risotto... 廚師將龍蝦拆哂肉，咁就唔洗我地自己動手喇！龍蝦size唔係好大，不過就幾鮮味。risotto吸收左龍蝦既味道，質感比較適合香港人。US prime rib eye... 哩塊肉眼扒望落平平無奇，其實佢好鬼正！叫左medium，廚師控制火喉岩岩好👍 肉嫩又有肉汁，最重要係有濃郁既牛肉味！

今次陪我去長沙灣福榮街搵食，情有獨鍾特色餐廳，品嚐法式美味! 非連鎖式餐廳一樣會有意外驚喜~初頭想試下呢到既crepe , 可惜今日賣晒，所以我地點左兩款意粉。如果鐘意食all day breakfast可以黎呢到食，賣相好吸引！呢個 Truffle cabonra 好受歡迎，眼見差唔多每枱都有點，意粉賣相精緻，意粉口感真係要讚一讚，意粉時間岩岩好，入口彈牙有韌性。醬汁方面，濃香而不膩， 質地非常滑，醬汁掛麵。(食完唔會有濟既感覺)由於crepe已經賣晒，店員介紹呢個 Fish of the day  果然有驚喜。主角鱸魚煎香，魚肉味濃郁， 魚肉質感紮實，意粉醬汁不會蓋過魚的鮮甜味，細問之下知道意粉醬汁用左魚骨煮湯再用黎整醬， 難怪意粉有陣陣鮮甜味!! (鮮甜味可以媲美龍蝦湯般)，同樣地意粉火喉恰到好處，特別喜歡呢到個黑椒，特別香。

估唔到長沙灣依個地方有法國菜食，仲要係一個咁多傳統茶餐廳既街度。一坐底就嗌杯熱朱古力先，最近有少少迷依款飲品。賣相好得😋，上面層泡有奶香不過好稀，朱古力叫不過不失。朋友嗌左榛子咖啡，個樣普普通通，榛子味濃，咖啡底就一般。終於上主菜，龍蝦蛋班尼狄😹有巴馬火腿，個醬好好味，但我地都唔太知係乜醬，但個包淨配依個醬已經好開心。個包底好軟有彈力，入面放左菠菜，配埋一齊好香好食🤤之後就到crepe，有大量煙肉係上面，我唔太食既平時就，仲有個半熟蛋同鵝肝同巴馬火腿，仲有大量菜，個底比一般蛋餅個啲底薄小小，比較脆，冇乜味，攞黎送啲鹹口既料就中和到，好味🤤中午真係值得一試🤤🤤好食

話說上次食過lunch後對這間小店很是喜歡～店面不大，只有兩個廚師其中一人兼入埋樓面😮但食材質素同煮法都不遜色於中環的餐廳，價格也因隨地點相宜了很多👍🏻 you entirely pay for what you eat 😋😋😋 🇫🇷 Roast Pigeon 介紹話用法國空運的pigeon, 外皮微微炭烤，鴿肉好嫩滑，肥瘦剛好每一啖都邪惡😋連鴿胸都不鞋口，味道濃郁👍🏻 🇫🇷 shell fish with squid ink pasta青囗不大隻但每一隻都鮮甜多汁，pasta帶淡淡海水咸味 🇫🇷 dessert要咗Paris Brest, 濃郁又淸新的柚子雪糕配pastry同雜莓汁😋😋😋🇫🇷draft beer也不錯～帶少少甜，應該好多女仔都喜歡～～🇫🇷 cold cut platter 一碟有齊soft cheese Parma ham 酸瓜，一次滿足囗痕友多個願望～埋單$8xx~~

星期六不想到油尖旺人多的地方，近近地在家附近食個懶人brunch，找到了Oui Oui這地方。餐廳不大，店主是個肥哥哥，見他得閒時會走出來跟食客吹水，圍繞都是有關食物的話題，聽得出肥哥哥對食物都有心得。點了個龍蝦Egg Bendict，雞蛋流心，下層有烘焙了的多士，中間有菠菜蓉，再加上嫩滑龍蝦。再要了個Truffle Cabonara，有濃香松露香味，加上超多醬汁，有著濃濃松露及芝士味道, 超juicy。不得不提brunch的靈魂，就是濃郁的咖啡，我的Cappuccino有濃厚的泡沬，咖啡味濃而不苦，不加糖就嘆到真正咖啡的味道。

筆者自問是個政治時事冷感的人，但從上個月起，有一連串事件開始喚醒我的關注。那就是在單單的二月份，先後有六名青少年跳樓身亡，平均不足五天就有一位青少年因學業或家庭問題而輕生。結果踏入三月一號，又再有多單不幸的消息傳出。香港的教育問題早早就浮現，現今讀書的學生壓力指數爆煲，你同我都清楚明白，教育局局長吳克儉比我們任何一個人更清楚呢一點。很可惜，比垃圾桶更廢的局長還死手不放，繼續奴役可憐的孩子。早前網上流傳一套映畫，戲名是「我的生涯規劃」，講述教育制度如何扭曲孩子的思想，情節中的小學生由跳樓尋死，什至去到設法迫死自己的父母，目的就是避開學業壓力、父母壓力下得到解脫。有時候，筆者打一篇食評，大多數都單刀直入、明刀明槍地描述食物的好壞。但這天，筆者這天和朋友到過位於長沙灣的Oui Oui Bistro，所點的All Day Breakfast，正正就是映畫裡面的小童，利用當中香腸、煙肉、火腿等的一級致癌食物，叫父母長期進食以增加患癌風險，變相令他們慢性自殺的變態行為。因而引發其想，利用食評文加深大家對社會的反思。餐廳的地方細小，但總算五臟俱全，一踏進廳內，先靠右邊是小型的調酒corner，放有各

平日很少來到呢區, 因為工作關係, 放工就來附近找好吃的~看過openrice, 食評也不錯, 原來位置就在大x華的附近長沙灣對我的確是個頗陌生的地方, 大多是住宅學校, 沒有購物中心所以難得來到, 當然要吃好的!餐廳內選用了烏絲燈泡, 感覺簡約得來又有一種獨特的浪漫氣氛, 播著輕快但音量不大的音樂, 不會影響人客閒談看到吧頭放置不同的酒類, 可惜是晚有點不適小店大約有6-7張檯, 當晚還有人客在這裡慶生看見老闆與他們交談, 感覺很親切也很nice看過Menu後, 由於想多試幾款, 所以主菜只點了一份, 其餘3款都是前菜: Caesar Salad 很少吃到面頭以香煎過的煙肉配搭的凱撒沙律, 平時多配雞肉/蝦, 又或者是plain的略煎過的煙肉, 很香但不過咸, 配上沙律菜同吃,絕不肥膩 (平日我怕吃煙肉, 因感覺很肥膩)沙律菜早已混和醬汁, 所以每片菜都很均勻, 也加上芝士碎, 正然後來份Cold cut platter, menu上寫明是包含18 & 12個月既ham with cheese & salad上到檯, 賣相也很精緻~ 仲包括醃過的小黃瓜及橄欖油浸過的茄乾芝士原來係超濃

放工約左舊同事食飯，返左去長沙灣舊公司附近。問佢有何推介，佢介紹左去食OuiOui。 因為佢住附近，食過幾次，覺得呢間小店食物有水準，夠晒誠意。我地夜晚8點左右入席，餐廳未算多人，只見店員兼老闆好殷切地為客人推介廚師之選。 店仔細細，但幾有情調，枱上已排好高腳酒杯，餐巾及餐碟。有個窗口可以從外望到入面廚師整野食，幾得意。我地聽老闆推介點左個燒鵪鶉，外加一個牛肉眼，飲品就點左手工啤。 上菜算快，先黎係medium rare 的安格斯牛肉眼。煎得好好，微焦的兩面切開係嫩粉紅色的牛肉。牛油在燈光下閃閃發光。牛肉熟的程度拿捏得十分準確，入口軟熟而且滑嫩多汁，係有手準的牛排。 燒鵪鶉係時令菜色，3月係法國野味當造之時，也是鵪鶉肥美的月份。雖然細細隻，但肉味好濃，肉都算多，配上磨菇汁，成個菜都不錯吃。手工啤用木架上，幾有趣。而且啤酒都幾大杯先係60零蚊，幾抵飲。最後食埋個獨物秘方炮製的Turban De Pommes À L'ananas。其實我地唔知呢個甜品係咩黎，但見個名幾得意，所以點黎試下。原來呢個係蘋果切薄片後，經過秘方浸，下面係預先有秘方浸淋左嘅菠蘿，配上香滑雲呢嗱雪糕去食，係清新的配

最近路經長沙灣福荣街發現這間特别的oui oui Bistro法國菜餐廳、而出現在這區更顯出眾、從門外擺設了一張枱椅開始吸引着我的注視、心想、找一天試試、再看網上也有讚美食 評。今天、一行二人品嚐他的味道虚實…… 步入餐廳、Wow！笫一感覺很舒服的裝修樸實而有格調、不错！是我喜歡的Style、悠揚的音樂、微黄燈光雖是中午也帶出一點點浪漫氣氛、坐在黑色梳化上整個心情放輕鬆…… 老板很熱誠招待、也推介了菜式给我們……Lobster Egg Benedict $ 198首先出場的Benedict藚相好靚、見到即食指大動！半邊的龍蝦肉爽甜、好新鮮！！伴碟的沙律菜也新鮮爽脆！滑滑流心蛋下的包包更值得一讚、香！脆！鬆軟！原耒是用自家的Recipe以不同的麵粉調配而成的。加上碟中的其他配菜和醬汁一起吃真是滋味無窮！Chicken Pasta $ 168老板特別推介的這道法國春鷄Pasta實在令人回味……肉質细緻嫩滑、特製的醬汁由頂層的鷄肉以至底層的每条麵都包得緊緊的……鷄胸、鷄腿、pasta每啖都係咁惹味！！Latta $ 18香~滑~棒子味濃濃的Latta……冇得彈Cappucino

聽朋友話長沙灣開咗間"隱世"高擋法國餐廳，今晚就同情人試下先！情人不喜海鮮，於是我哋叫咗法國血鴨胸、芝士鵝肝多士和西班牙黑毛豬……唔知以前嘅伯爵係咪好鐘意食血鴨，呢道菜嘅血腥味都幾濃，混和鴨胸啖啖肉，味道果然好正宗，聽講大廚係法國藍帶畢業，烹調手法毋庸置疑，食完望下情人副尊容，幸好還未長出獠牙……咁就到第二道菜……西班牙黑毛豬，唔好問我點解法國餐有西班牙菜！……咁唔比fusion咩！都係西歐啫……或者以前拿破崙都食呢……講番正題，呢道菜係今晚嘅亮點，我和情人都好鐘意法式烹調嘅西班牙豬……略帶肥肉甘香誘人、特配醬汁同隻豬好夾，個人喜歡醮汁食，情人就話走汁先食到原味，冇嘅，各適其式，你想點就點！還有芝士鵝肝配多士，芝士混和鵝肝拌碎，搞成蓉焗起，上面放4片多士，醮上芝味鵝肝蓉食又真係幾滋味，比起大舊厚切鵝肝嘅食法，係兩種唔同嘅層次。你，有冇興趣試試！？

今朝一早跑完步，跟住返嚟屋企搵老婆，捐窿捐罅去搵小店希望支持一下， 同四小龍出發布行至長沙灣只需要十分鐘左右見到面前有間小店決定去試一下……在這區嚟講西餐廳比較少，所以我們決定入去一次。 餐廳細細間佈置得幾有特色！可以set lunch或All Day breakfast都有。我哋叫咗兩份餐第一份餐是海鮮牛角包但是三個牛角包入面的海鮮都是不同味道的, 有龍蝦有帶子有不同的味道!有cocktail ，有caesar, 有一個係washabi,整體嚟講好好味值得一食!!!意粉方面,我們order一個波士頓龍蝦意粉, 意粉炒得乾身爽口，波士頓龍蝦亦都好多肉喺入面,是一個完美的配搭!😍😍😍另外我老婆order咗一個特飲,我唔係飲得好慣,所以飲咗兩啖我就放棄咗啦!最後值得一提老闆好nice 亦好健談, 樂意分享煮嘢食的心得。另外，呢度啲酒好抵飲，可以喺餐廳直接柯打!

甫進Oui Oui Bistro，飄起著輕鬆柔和的旋律「Fly me to the moon，and let me play among the star，Let me see how Spring is like on Jupiter and Mars......」是我最喜愛的Olivia Ong Bossa Nova版本，聲音慵懶甜美，很有滲透力，旋律浪漫性感，給予心靈治瘉的能力。每逢有餐館播著這首歌，我不其然會覺得這間餐廳特別有品味。不同顏色的木板拼湊而成的招牌和磚頭牆的門面，很有異國風情吧！'Oui' 意譯為法文的好 ；Bistro 則為有酒供應的歐式休閒小餐館，名字改得很貼切。Oui Oui Bistro 設有20個座位，店內燈光柔和，水泥牆身以特色的彩碟簡單點綴，木製枱與黑色皮革的座位，優雅又帶點型格。我們點了兩道主菜Lobster Linguine龍蝦扁意粉 (HKD198)以龍蝦頭及完整已剝殼的龍蝦尾作裝飾，主角呼之欲出。龍蝦肉質結實爽甜。扁意粉以炒的方式來烹調，軟韌度適中，每一條均勻地富有炸蒜、黑椒和香草的味道。Seafood Sliders (HKD168) 三件

週六半天工作，下班沒有節目，同事建議走公司附近的核心外圍覓食，我便想起了oui oui了。其實oui oui位置就在長沙灣地鐵站附近，從我位於荔枝角公司的步行過去，大約二十分鐘。到達時差不多兩點，有幾枱客已吃完在埋單，所以不用等位。Cesar Salad $88凱薩沙律是我吃西餐必點前菜之選。凱薩沙律的製作質素，可作反映後來食物菜式的標準。菜夠清爽，加上煎香過的煙肉，再淋上千島醬汁，味清新得來不會太寡。Truffled carbonara $148意粉煙韌軟滑，掛汁度高，條條都能粘上醬汁。 醬汁充滿松露香，面頭灑上芝士粉， 加上溫泉蛋及煙肉條，味道香濃而且層次分明。Caesar and Foie Gras Cr $148在班戟上舖滿沙律菜，再加上溫泉蛋及鵝肝。 班戟蛋味香之餘，還帶有松露， 溫泉蛋流心蛋漿夠粘，鵝肝都大舊，而且煎得剛剛好，充滿鵝油香，入口軟綿溶化。埋單連加一 $422.40

近年香港做all day breakfast的cafe愈開愈多，但oui oui bistro做埋crepe就比較少見。地點位於長沙灣，但係C2出口行10分鐘就到，十分方便朋友點既Hazelnut latte, hazelnut既香濃甜美就算不用湊近已聞到，latte香滑，朋友大讚冰同soda既份量適中，又唔會太甜，好飲煙肉煎得夠香，crepe中間有parma ham同foie gras, parma ham愈嚼愈香，caesar dressing配上千島醬令成個crepe層次好豐富，最重要係墊底既crepe配上沙律，foie fras or parma ham味道都好夾不得不提呢間餐廳既foie gras係食過咁多間餐廳最好食，煎得夠香又唔會太燶，而且唔會有腥味，厚度又夠適中，始終食太多會好膩淨睇賣相已知無點錯到流心蛋控制得十分好，唔會過熟，而且唔會一切就散開晒，用心之作牛角包咬落口感酥脆，而且牛油味濃郁埋單每人160，跟朋友渡過一個休閒下午，一邊分享美食，一邊分享工作苦與樂，值得！