OPPA韓國燒肉店

營業中

休息中

我哋當晚預約8位，我哋六點前就到左啦。book位時已經講咗想坐得舒服啲，佢話冇問題，但係到咗之後安排左一張枱，佢話可以最多坐12個，真係神乎其技。我哋望遠個Menu order左6份聖誕平安夜燒烤餐，當其時個四眼哥哥仔重複左單話6份，點知到攞出嚟嘅時候得4份。我哋就嘈佢，就話點解order嗰陣時咪講咗俾你聽，跟住佢仲話係因為我屋企人hold住咗啲嘢食話唔使落住，但係我問晒我屋企人都冇咁樣講過，勞鬼氣咁食完一餐，又唔知食過啲乜嘢，又唔好食，又冇任何服務可言。買單2000幾，到最後臨走本應有雪糕嘅。到頭來埋單佢哋連睇提都冇堤。跟住我就返轉頭問佢哋攞，佢哋仲晦氣，咁先肯俾返我。呢餐真係勞鬼氣，我從未食過如此差嘅韓國燒烤，你就算送俾我我都唔會再去呢間咁嘅垃圾店。都唔知點解旺角可以有啲咁嘅垃圾店存在⋯⋯真係小小聲

因自己9:30才收工，又因為聖誕節關係，所以打電話book枱。Book左10:00枱，一去到就可以安排入座。枱面都會有2小碟前菜，有茶飲，生菜盤。由於聖誕關係，一般的套餐是暫停供應的。我們3人點了一個套餐，八百幾，加一。套餐有和牛、鱈魚扒、鵝肝、牛舌、和牛拼盤、韓式年糕、炸雞。但因為我們太夜關係，沒有炸雞供應，所以揀相同價錢既食物，我們選擇魷魚，要補少少錢。點完餐後，店員會加泡菜蛋在旁，然後就陸陸續續上菜。整體而言，食物、環境、服務態度都可以接受，值得一試。

好耐都無食韓燒啦，今日心血來潮搵間韓燒食下先，搵到呢間叫Oppa嘅韓燒，唔知點解通常叫得Oppa都覺得一定好食！呢度有套餐，又可以散叫，如果過晚上9點半仲可以宵夜套餐，都幾抵食㗎。牛肉都有好幾款，如果想試多啲唔同嘅款式，其實可以揀個牛氣沖天和牛拼盤，而我哋揀咗個Oppa必食推介 - 美國Prime安格斯肉眼扒，肉嫩多汁，有好香嘅牛味，油脂分佈平均。煎香後點少少麻油或者肉醬汁就更加美味！五花腩同樣都係Oppa 必食推介，唔會過份肥膩，肉同脂肪比例分佈平均，豬肉香口。店員仲會好細心幫你煎，保證煎到timing啱啱好。啲肉仲可以用生菜包住嚟食，如果嫌太過dry可以加少少芽菜、泡菜、海帶、蒜、醬汁包埋一齊食，就有多一種唔同嘅口感。如果生菜唔夠仲可以無限添㗎。原粒帶子大大粒，又鮮又甜，加少少檸檬汁🍋仲更加帶出其鮮味。鐵板上有個位置落泡菜同蛋漿，店員會免費落一次，如果仲想再添，可以加$18。食韓燒又點可以唔飲嘢呢，朋友要咗罐可樂，而我揀咗罐韓國粒粒提子汁，幾香青提味，仲有一粒粒嘅提子粒，幾有咬口。

天氣轉凍，同朋友聚會唔係邊爐就韓燒，今次就揀了後者，諗起次次經過呢間OPPA門口都大排長龍，所以就決定一試。食韓國野嘅一大重點從來都係前菜! 未叫食物就已經先上了泡菜、大豆芽同海帶，朋友都未到幾乎就俾我清空呢三小碟，店員亦主動幫我添置前菜，朋友同我前後都添左三四次。先點個時令冰鎮鮑魚，鮑魚厚肉且彈牙，沒有加任何醬汁煮，只係配以蒜蓉清蒸，所以味道較清淡。跟著我地叫了豬肉拼盤，有豬頸肉、五花腩、豬西冷，啱晒有選擇困難嘅我地，食落肉質嫩冧，唔點醬汁煮更食到原本豬肉香味。仲有我同朋友最愛嘅牛舌，上菜時見到咁大塊牛舌我同朋友都嚇了一條，選材亦都不錯，肉質唔會太靭，又係唔駛點醬都夠牛肉香味。一向最愛食呢啲爐邊煎蛋，留意呢度加蛋汁要另外收費，不過實在食到停唔到口，我同朋友都一於照加!食韓國餐最後當然唔少得部隊湯麵，辛辣湯底加厚切午餐肉就為呢餐韓國餐完滿作結。

今個星期天氣越來越凍，出去食飯唔係想打邊爐就想燒肉，來到旺角的燒肉哥哥，氣氛不錯就入去搵位了。入座時枱面已經準備好小菜，餐具同茶。泡菜，菠菜，芽菜同燒肉用的醬料食完都可以添，包肉用的生菜都可以。燒肉醬料有4種，生蒜，淮鹽，甜醬同豆瓣醬。生蒜好快食晒就問姐姐添，結果比左一大碟我地😂。點餐後姐姐會幫手將泡菜蛋加入爐中，爐係由下至上往上斜的關係，所以蛋係可以慢慢煎熟而不燶。豬肋肉醬腌，豬肉腌得好入味，點甜醬食味道更豐富。肉質厚實不韌，有口感不粘牙。肉要熟要花點時間，所以剪開了小塊，而且方便一口一塊咁食。美國雪花牛油脂分佈平均，肥肉不會太多，放上爐大概十秒左右已經食得，多餘的油份仲好快咁逼左出黎。牛肉香而不膩，肉汁豐富鮮甜，質地比較軟滑，包上生菜進食更能平衡牛肉的油脂感。蔬菜拼盤配有2塊牛油，用來在燒熟之後混在菜之中提升香味。脆肉瓜，南瓜，洋蔥等耐熟的菜就放爐上端慢慢燒，就可以燒到有汁出的質感。菇類一定要落牛油拌食，菇肉吸收了牛油，味道特別香。Shake shake部隊飯係招牌菜之一，店員姐姐會幫手shake埋先放上枱，材料主要同部隊鍋差不多，再加韓國小菜，撈埋一齊確實幾好食。熱辣辣的燒肉總要

今日屎忽痕突然好想食韓燒🙈好耐之前同朋友食過呢間，印象中幾好，所以就捉咗男朋友去食😁7點就去到唔太多人，好彩黎得早，好快就全場爆滿出面仲要排隊🙈一坐低店員就即刻畀啲配菜同醬汁我地，好快就幫我哋加埋個蛋卷落個爐邊度😀個蛋捲係有蛋漿，泡菜同埋有少少牛奶，幾滑同幾特別👍兩個人叫咗份黑毛豬，雞腎，原粒帶子，豬皮同兩個白飯～黑毛豬幾厚身，脂肪比例適中，我地煎煎下店員見我地有D狼狽就主動幫我地手剪開👍🏻我地完全無技巧咁煎，估唔到都幾好食😯 淨係點少少汁已經夠味，裡面又juicy，肉質嫩滑😁😁雞腎我哋分開左幾次燒，燒極都燒唔完咁😂 每人食左應該都有十粒🙈 醃料味道啱啱好唔會太咸，好爽口👏原粒帶子超大粒！！即使係煎完之後都無乜點縮水，外皮煎得脆口，裡面好滑同唔韌，食得出好新鮮同用料上乘😁👏店員有禮貌，配菜可以refill，又會主動幫手清潔個爐同剪肉，難怪咁多人排隊😋

天氣開始凍, 加上慶祝細妹生日, 梗係食韓式燒肉就最啱我哋心水啦。我哋search到旺角有間食燒肉嘅餐廳好出名, 放工去好彩等一陣就有位。 入到去播緊韓國綜藝節目氣氛, 有bigbang好正呀。侍應數目十分多, 好勤快。 我哋兩個叫咗一份和牛套餐,可以一次過食曬和牛所有唔同部分好滿足。每張枱都會提供三款任食前菜: 海藻, 芽菜同泡菜。 仲有生菜, 三款醬油同埋蒜頭全部都係可以再添。 枱上有冰凍嘅麥茶。和牛份量都算係好多, 因為細妹食到一半就已經舉手投降。食食下發現和牛拼盤內都附有好多蔬果, 用埋大剪刀剪蔬菜同和牛就自己抄埋一碟幾正。蔬菜拼盤有菇, 南瓜, 冬菇, 洋蔥, 款款靚質地同高質。 唔錯每人一罐汽水,我哋食足兩個鐘頭好滿足。 下次要n call先。

上次喺大埔食完oppa之後念念不忘，今日要請朋友食生日飯，所以一早就book咗呢間餐廳。點知我準時去到之後佢竟然話要起碼等多半個鐘先有得入，咁其實我book來做咩呢？不過，見到連閑日餐廳入邊人流都咁多，咁代表食物質素都有返咁上下保證嘅。仲有見侍應都仲咁好笑容，咁就算啦。三大碟前菜，味道都唔錯。泡菜蛋嘅蛋汁唔似係加咗好多水，食落都幾香蛋味。我哋叫咗美國雪花肥牛，色澤均勻，肥瘦比例係我最鍾意嘅，燒完都食得幾開心，包埋生菜食再連埋醬汁再加埋蒜頭係好正嘅。再嚟就係西班牙黑毛豬，睇落細細舊，其實好重磅好厚，我地都要燒左一陣先食得。呢個黑毛豬燒到啱啱好嘅時候外皮會娶入邊就會好有彈性好香，值得推薦之後我哋重點左個二人份量嘅泡菜炒牛肉，估唔到$98來講份量又幾多喎，而且一睇就知唔係啲cheap牛肉。侍應見到我哋炒到手忙腳亂，佢都忍唔住黎幫手炒俾我哋食哈哈！有非常做事加埋泡菜同埋辣醬好刺激過癮！推薦！真露煮蜆上次有叫過，宜家呢個天時就啱晒，有好多大嘅黑胡椒粒同埋豬肚，感覺其實就係胡椒豬肚湯加蜆哈哈！水冷麵係咬得斷果隻，又係encore返上次食過嘅嘢。唔會太酸，感覺都幾清熱。帶子$128有四大粒，雖然好似

今次再到這間位於旺角洗衣街既韓式燒肉餐廳oppa韓國燒肉店~~~ 餐廳雖然唔算好大，但給人的感覺亦很舒適，完全沒有一點焗促感。同朋友黎到，店員就比三小碟的前菜我地，有kimchi，芽菜同海帶。仲有鍋邊蛋~~~ 我同朋友決定叫牛氣沖天和牛拼盤再加2款其他野食~~美國prime特級雪花肥牛：油脂是何其均勻，牛味亦是很濃郁，店員溫馨提示，只要在鐵板上將其兩面都輕煎數秒即可，熟度就剛好，這亦能將其肉汁鎖住，配以生菜包裹來吃，爽脆的生菜嫩滑的牛肉兩者互相配合，令到整個過程是何等的美妙。原粒帶子：大大粒的帶子，肉質彈牙飽滿，鮮味十足。牛氣沖天和牛拼盤：這個名符其實的牛氣沖天，這內裡包含了各國不同的和牛，有美國，日本，韓國和澳洲，而美國方面有上肩胛肉，牛小排，下肩胛肉，日本方面則有背峰肉，肉眼，上腦肉而餐廳全用A4級別的和牛，韓國方面有1++的肉眼，澳洲方面有牛舌，牛頸脊。肉味全都非常濃郁，油脂同肉的比例亦很好，而油花分布亦見均勻，肉質色澤亮麗，口感因不同部位而有所不同，但全都令人大感滿意~~~~

好耐無食燒肉了，今晚相約朋友來到旺角食韓式燒肉，揀咗呢間出名的Oppa 燒肉店。餐廳入面環境光猛，抽煙系統做得足，唔會覺得太大油煙味。一見到呢個Oppa和牛海鮮二人餐，每位$438,就決定要呢個餐。小菜有多款，有芽菜，泡菜，昆布等。A4和牛拼盤，是用整盤牛的形狀的碟上的，有日本A4牛肉眼，A4黑毛和牛肩肉，澳洲和牛牛舌等，肉質嫩滑鮮甜，雪花脂肪分佈平均，牛肉味濃郁。醬油蝦 2隻，醃得十分入味，香甜的䜴油滲入蝦肉當中，入口嫩滑彈牙。醬油蟹 1隻，肥美多膏，鮮甜美味，蟹味香濃，可以撈白飯食，味道一流。人參雞湯，即煮，熱辣辣用鍋上，人參味香濃，入口清甜鮮味，雞肉厚身，加上有糯米包在雞入面，吸收晒味道精華。鵝肝，好大件，一煎油脂味散發，香氣撲鼻，入口軟稔美味。甜品仲有Movenpick 雪糕，士多啤梨同雲呢拿味，香甜奶滑，食得满足。

早幾日天氣涼涼地，女朋友心血來潮話想食韓燒。咁岩哩排睇電視節目又介紹過醬油蟹，所以我就提議不如試下OPPA韓國燒肉店～喺門口等位嘅時候見到醬油蟹張相已經心心眼～急不及待要會一會佢！一坐低未開始點菜就已經上左幾款韓式小菜，啲店員同喺韓國旅行時見過嘅阿朱媽一樣都係十分之好客。由於我地想食嘅野太多，女朋友睇黎睇去都未決定到食邊幾樣。哩個時候店員就行左過黎推介我地食哩個泡菜炒牛小排。話哂都係第一次試新野，有啲怕唔岩女朋友口味，所以我地淨係嗌左二人份黎試下。哩個份量就最岩細食嘅女仔。哩度嘅店員相當好人。一開始會幫我地先兜炒蒜片同泡菜黎爆香佢地，香味四溢，令人流哂口水～之後再加入牛小排同醬料一齊炒，香到隔離枱客人都忍唔住跟我地嗌份炒牛小排。炒好左嘅牛小排不出幾秒就比我同女朋友掃清光，相都未影得切就食哂。牛小排肉炒得恰到好處，入口即化。加上炒香左嘅泡菜，酸酸辣辣咁寧舍開胃！店員仲得登留左幾塊比我地自己煎黎食。一睇就知係靚肉，油脂分佈平均，切得又夠薄，基本上放落鐵板煎幾秒左右就可以反另一面，配埋附上嘅醬汁一齊食真係好味到lamlam脷！喺女友津津有味咁嘆緊牛小排嘅同時，我心心念念想食好耐嘅醬油蟹都送到

這次來到這間位於旺角洗衣街既韓式燒肉餐廳oppa韓國燒肉店，餐廳雖然不算很大，但給人的感覺亦很舒適，完全沒有一點焗促感。三小碟的前菜，可以任食。美國prime特級雪花肥牛：油脂是何其均勻，牛味亦是很濃郁，店員溫馨提示，只要在鐵板上將其兩面都輕煎數秒即可，熟度就剛好，這亦能將其肉汁鎖住，配以生菜包裹來吃，爽脆的生菜嫩滑的牛肉兩者互相配合，令到整個過程是何等的美妙。原粒帶子：大大粒的帶子，肉質彈牙飽滿，鮮味十足。牛氣沖天和牛拼盤：這個名符其實的牛氣沖天，這內裡包含了各國不同的和牛，有美國，日本，韓國和澳洲，而美國方面有上肩胛肉，牛小排，下肩胛肉，日本方面則有背峰肉，肉眼，上腦肉而餐廳全用A4級別的和牛，韓國方面有1++的肉眼，澳洲方面有牛舌，牛頸脊。肉味全都非常濃郁，油脂同肉的比例亦很好，而油花分布亦見均勻，肉質色澤亮麗，口感因不同部位而有所不同，但全都令人大感滿意。

太耐沒吃韓式烤肉了，下班到旺角修理手錶，順道搜一下附近的店，看到這家同時有醬油蟹吃，於是沒有想太多便進了。招牌亮麗易認，全黑的門面很有感。每張坐椅底下都有空間供放置包包及外套等物品，不用放在另一張椅上，相當貼心。韓式餐廳，不銹鋼餐具及盛器總不少得，這家也不例外。前菜前菜包括有國昆布，泡菜及芽菜，這家店的前菜份量很足，味道亦毫不遜色，爽嫩鮮甜，辣度恰到好處，我們不經不覺便整碗吃完，店員還有禮地問要不要再添。哈哈，由於還要留肚子，還是婉拒了。醬油蟹 配白飯來之前還對韓式烤肉店的醬油蟹，吃過後完全改觀。蟹身光潔飽滿，用料非常新鮮，蟹膏非常多，半透明的蟹肉入口如絲滑，而自家調製的醬油亦醃得很入味，拌均白飯同吃很滋味。和牛拼盤和牛拼盤非常養眼，包括肩，背腩等位置，脂肪分佈平均，入口油潤，總的來說性價比很高。

好耐無約啲 fd 出嚟食飯，朋友推薦下搵咗個最方便嘅地點，就係一間係旺角叫OPPA 嘅韓燒，正正水務署對面，雖然今日係星期四，全場依然爆滿，唯有係門口坐下吹住水等位，等位期間又睇下個餐牌先，$108有5隻醬油蝦，我個 fd 話必食推介咁話，但我自己本身都想試下。推介牛小排牛小排絕對有驚喜🤗，配有醬汁、 蒜頭、泡菜自己炒，要濃味嘅自己控制，牛小排好軟綿綿，可以講係無牙嘅都食到朋友首選醬油蝦😎本身自己無試過醬油蝦，原來跟配一個白飯，醬油蝦口感特別，同平時嘅刺身蝦感覺唔同，而醬油唔會太濃味，同啲蝦又真係幾夾，最後用醬油撈飯食，包你下次嚟食會再翻叫😋勁抵食安格斯肉眼扒$168蚊，一嚟到見到咁大塊同勁厚😍，絕對無叫錯，啱晒我地大食友，建議唔洗整太熟，最多7成好，好在我地有個住家男，塊扒嘅熟度實在掌控得太好，咬落好有口感，同埋好有油香同牛味清新蔬菜籃食咁多肉點可以無啲菜食吓，有我至愛嘅洋蔥，仲有南瓜，金菇等等，店舖有俾牛油你，但我覺得用安格斯啲牛扒油配合啲蔬菜一齊煮先原汁原味講到最後，想食好嘢嘅絕對可以嚟OPPA 試下，其實我見其他客都好多後生仔女，可能係強勁嘅韓風感染下，韓燒都已經係其中一個主流

今日去左一間環境唔錯的Oppa韓燒店，店內的燒烤盘是長方形的，左邊放蛋漿，中間放烤肉，而右邊有二個三角形的位置可放已烤好的肉，可避免烤完的肉冷卻。今晚Ordered咗個《原粒帶子$128》及《和牛拼盘$458》：帶子夠新鮮又爽口！！而和牛拼盘有整隻牛的不同部位，一次過享受不同的肉質🤤🤤輕輕烤已經好Juicy 惹味（當中包括美國上肩胛肉及下肩胛肉、牛小排、日本A4背峰肉、上腦肉及牛肉眼、澳洲和牛舌及牛頸脊。）最後想講職員好友善，服務好好👍🏻佢有時仲會幫你烤肉的。另外，前菜包括生菜、泡菜等等都可免費refill的♥️