OPPA韓國燒肉店

營業中

休息中

今日成班friend講開好耐冇去過韓國旅行， 超級掛住佢嘅烤肉😧😧😧 有人即刻提議不如去旺角呢一間韓式烤肉，話成間都係好韓式😳😳嘩~~~真係連啲枱櫈都好似身處於韓國一樣!!真係ff自己喺弘大都覺得好開心😆我哋四個人全部選擇困難症所以就選擇咗呢個歡樂四人餐唔使諗，咩都有😂😂雞/牛/豬/湯/菜樣樣有齊，仲包埋四季韓式飲品㖭🥃🥃🥃 在加咗一個和牛肝喺等緊上套餐嘅時間我哋已經急不及待咁食泡菜( 無限refill架!!!)😍😍😍 泡菜爐邊蛋同樣好味🍳🍳🍳燒和牛肝 🐃燒至八分熟就夠，鮮味濃郁，口感柔嫩，點鹽醬最好味😋和牛牛舌 🐂 少有張將牛舌切成條狀，但質地依然軟身，油香豐腴😋😋頂級安格斯肉眼扒 🐮牛味重，肉質軟腍又多汁，仲一啲都唔韌 👍我哋劍將旁邊嘅肥膏切出黎烤溶佢做油😂水飼黑毛豬 🐖 成塊面咁大塊超巨型 !!! 夾埋生菜同蒜頭加醬料一齊食，成個感覺返晒黎😆韓國午餐肉拼餃子 🐷 午餐肉極厚切，韓式餃子不嬲都係用嚟打邊爐食，第一次用嚟燒😂😂 兩邊煎香咗但入面都係軟淋，都幾好食不過唔係好慣佢無汁😂😂什錦地瓜藍☘🥒🍄蔘雞湯 🐔石鍋飯(可選雞/牛/豬)🍄

呢晚心血來潮 想食韓國烤肉行左黎旺角洗衣街既呢間地鋪門口光猛顯眼 和牛拼盆$458 好吸引喎😲每張枱都有最少一個獨立抽氣扇 每張櫈都可以打開蓋 收藏個人物品和牛拼盤二人餐 有湯 有餐飲 仲有movenpick雪糕 另外點多個泡菜炒牛小排 點完餐後 就可以食住泡菜等另外侍應會幫我地倒蛋漿海鮮泡菜湯熱辣 上枱時仲滾梗 味道濃郁和牛拼盆 開動之前 一定要先影相 牛肉放係牛形狀既盆上上碟 心思十足我最喜歡既 就係和牛肉眼 肥美軟滑又夠油脂 牛小排 雪花分佈平均將蒜頭泡菜炒香 再加入牛肉香口又入味 最後以movenpick雪糕作結☺️

旺角洗衣街果邊有唔少鋪頭結業，但呢間oppa 竟然可以經營咁耐，有返咁上下實力👍🏼今晚同男朋友去，點了一份和牛拼盤，咩都有得食～牛舌切成條狀，口感有別於一般韓燒的入口即溶，反而因爲牛舌有厚度而牛味更濃。拼盤裡面有美國、日本、澳洲牛，好清楚分辨到各款牛的油脂分佈，推介澳洲和牛頸脊，油脂分佈較少，有口感牛味濃郁，好正！三款小食同生菜都係可以免費添加，勁正！！生菜真係好重要，當食淨肉有少少滯既時候夾生菜食真係好正！好有良心呀～！泡菜亦都醃製得好，酸甜度適中，大白菜新鮮爽口。菜都係免費提供，不會話想你叫多d飲品，很好。推介另一個驚喜，牛肝。從未食過韓燒牛肝，店員教我每面煎30秒就ok,我見佢係內臟煎多一陣，食落像豬潤既口感，但完全沒有內臟味道，食完一輪牛肉食下呢個牛肝，好特別。埋單兩人大約$5xx，好食而合理。當晚係閒日晚上，場內一度滿座是有原因的。

韓劇、韓潮、韓食、韓品牌都 "好" 既我，雖未至沉迷，也算得上是一名不折不扣的韓國控。一坐底即奉上三款小食，泡菜醃製得很入味，吃光後，泡菜是可以免費添加的。咁樣煎蛋其實幾好，外面溫度高，蛋漿外圍很快煎熟。這時侯，裡面還是剛剛開始熟，所以內層很嫩很滑。安格斯肉眼扒及黑毛豬是今餐的主角，肥美肉厚、紋理清晰，一睇就知係上等貨。鵝肝就食過，和牛肝都係第一次食。相比之下無有鵝肝那樣多油，感覺會健康些少。齋食肉始終好似爭少少，加埋呢個有微微焦香的石鍋牛肉飯及樣餡料的參雞湯就差唔多飽晒。

好耐無食燒肉了，今晚相約朋友來到旺角食韓式燒肉，揀咗呢間出名的Oppa 燒肉店。餐廳入面環境光猛，抽煙系統做得足，唔會覺得太大油煙味，呢樣好重要！3 款前菜: 泡菜、海帶、芽菜落單後店員就會為我們放上泡菜和蛋漿，落鐵板上轉頭就可以和燒肉一起食。韓式炸雞雞件份量較細，炸粉也較重，但醬汁味美。四色什錦菜好新鮮，岩曬拎黎送本身油利既韓燒！豬肋肉佢本身醃左，勁入味，店員仲會幫我地燒，好好服務，燒得好味！和牛肝今次去到見到佢新出左呢個和牛肝，第一時間試下，燒完之後好惹味，如果份量多多少少就好韓式部隊飯主食我地叫左呢個，佢個醬甜甜酸酸，勁開胃，忍唔住自己一個食曬＠＠好像去左韓國ㄧ樣。款款野賣相都好靚。有誠意之作。有好多野食，整體來講值得一試！

韓燒我就好少食既，一年都係一次起，兩次止今日友人話帶我食好西 咁就跟咗佢去啦去到第一個感覺係好型格 無論係裝修定門口個人超級鐘意食和牛，見到就嗌哂啦梗係！見到仲有新推既和牛肝 試下係咩味先！呢到既設計幾貼心 除咗有抽氣之外 個鐵盤都有心思！方便燒同清潔既前菜有紫菜，泡菜同芽菜 無限添！真心推芽菜！好好食 一個人食咗三碟A4日本和牛睇相我唸都知道幾好食啦100呢個價 性價比算高 有咁多塊，燒落去之後好香 每邊10秒到就食得 入口即溶 A4和牛肉眼呢一個燒起上黎就無上面油同一淡食哂，不過就肉質實d，口感一流！五花腩半肥瘦就一定嫁啦 燒到咁上下記得剪到佢一舊舊 一口腩就最完美啦！和牛肝第一次燒和牛肝 味道似豬潤！幾有口感溫馨提示 唔好燒咁耐，外面好快熟 燒耐多小小就好快乾！參雞湯無一般飲到既苦味，味道清咗小小不過最估唔到既係雞內面有飯係到！仲好好食添！入哂味 掂呀！蛋卷！必試又平 蛋加泡菜 辣辣地 幾開胃！總結，以後叫我介紹韓燒 我都應該會推呢間 性價比高 味道環境都中上

成家立室之後係好難就啱時間，約左半年，終於夾到時間大家一齊出黎聚一聚。我地去左旺角洗街食韓國燒肉。老實講，呢類食品都唔會平得去邊，所以最好都係叫套餐，始終會容易d掌握預算。又大塊又厚身的安格斯肉眼扒，雖有少少根，整整還是不錯，很有肉味。明明可以原塊燒，唔知黯個個fd係要剪細佢，anyway唔影響味邊及口感。水飼黑毛豬凝脂細肉、肉質醇厚，完全不覺 " 肥膩"。平時很少食牛舌，吃過這和牛舌後，才知是這樣大條的。除了主吃燒肉外，套餐還有餃子、午餐肉、生菜、雜菜盤、 石鍋飯及雞湯，真的很豐富。店員推介我們吃的和牛肝，燒至8成熟便可吃。

近來發覺旺角洗衣街越來越多食肆，莫非會成為旺角新食街？！咁啱又行到洗衣街，女朋友話未食嘢，肚餓了，所以睇下有乜啱食，佢見到‘oppa’嚟個字眼，就話要食嚟間店內陳設幾好，幾有韓國當地嘅烤肉店feel，staff好體貼，我地雖然兩個人，但也能獨立一張枱同一般韓式餐廳一樣，坐底先有前菜送上，而這些有三款-泡菜，芽菜，海帶，我覺得幾啱口味麥茶，生菜，爐邊蛋也是免費送的，每枱也有見佢做緊推廣，叫了碟牛肝試試，第一次見牛肝，望落似豬紅，食落似豬潤，但更濃味什錦牛肉，有齊牛排骨，牛肋肉，日本和牛脷，M6和牛肩胛肉，女友話一個夠哂日本和牛脷-爽，重牛味牛肋肉-有咬囗，最有肉味M6和牛肩胛肉，嚟件牛扒，又淋又滑，又重牛油香，勁正牛排骨-廚房師傅已齊整塊排骨的肉片成牛肉片，waiter見到我哋不懂燒，就代勞，他專業的手法，燒的超好味，肉質淋滑，而且好多汁，係四者中之冠

好耐冇食過韓燒，以前只去漢xx果啲食，而家的韓燒好似吾係咁既。平時經過洗衣街，見到呢間韓燒門口企滿人，次次都好想食，今晚又經過，好似少左人，於是就決定排一排去食。等左十五分鐘左右，就入到去。雖然我們只得兩個人，都可以坐成張圓枱，都好ok. 張枱己有好多不同醬料，比我們點。仲有一大樽水給我們飲，真好好。爐邊放滿蛋泡菜，好好食。只要$18,就可以再refill.我們好快食哂，然後refill左兩次。我們點了一個泡菜小牛排 （2人份量） $98就是把蒜香粒，加泡菜，加醬，把小肉排炒至熟。辣辣地，有泡菜，又有好香嫩的小牛排，好野味，不錯。我們好快咁就清哂成不小排。跟住，我們叫了個和牛拼盤：賣相已相當靚，好似成隻牛咁。有不同部位的牛，有些更是入口即溶的和牛，真係食燒肉最高的境地，正！食時，也忘卻是食緊牛的那個部位，因為任何一個，都有它的特質，都是咁好味，也豐富了我們的口感。也有免費蔬菜的提供，在食肉之餘，也食下蔬菜，令個口較為清新。除了免費提供的水，我們也叫了汽水，配燒肉，硬係好啦。今晚，完全滿足了我呢個咁愛食牛的人，也可以試到新派韓燒風味。最重要是服務員，態度好好，好細心款待，謝謝。

豬頸肉醬腌呢度個醃料味道類似麵豉醬嘅味道，而且切得比較細條食落無咁有油膩。牛舌呢個牛舌份量幾多，而且重點係佢夠厚身。食到牛嘅香味之外，都好多肉脂。本人就幾鐘意佢地嘅牛舌。牛肝呢個牛肝都幾特別，因為真係無咩舖頭會提供。店員上菜果時有叫我地燒七到八成就好。燒嘅時候聞到類似鵝肝果種香味。食落就雖然係無鵝肝或者鴨肝果種咁滑，但係相對地又唔會咁肥膩。都幾好味。牛五花腩牛五花比豬嘅牛花腩肉就無咁淋身，不過都好肥美。夾生菜就一流。蛋呢個就免費嘅，我就幾鐘意。因為佢落嘅料都好多，有少少海鮮，芝士，同泡菜。口感好豐富。幾有驚喜。最後，呢度嘅店員都好主動，佢地主動同你清一清塊板嘅汙漕同油。見到生菜無哂都會主動換左佢。我覺得呢個價位嘅餐廳嘅店員算幾唔錯。

夜晚11點突然心血來潮想食韓燒，於是就發掘到呢間位於旺角既《Oppa韓國燒肉店》！一坐低店員就放低左三碟小菜（大豆芽、海帶、泡菜）同一盤生菜，小菜調味做得岩岩好，泡菜唔會太辣/太咸，最鐘意食海帶，爽口麻油味香，未嗌野食已經食左一半小菜哈哈！呢到有set有散叫，但今次想集中食某幾樣野，就冇散叫了。兩個人總共叫左三份肉，一份海鮮煎餅，一個石頭鍋飯1. 加拿大牛排骨（$128）呢幾道菜入面最推薦係佢！本身以為佢係一塊塊好似牛仔骨咁，但原來佢係一大舊骨，要自己剪開嚟燒。味道方面調味岩岩好，甜甜地既肉加塊泡菜，再用生菜包住一啖食落口，肉味突出但同時食到菜既清甜！推薦推薦！2. 五花腩（$98)呢道就真係無乜特別，肉質比較鞋身，肉味都唔算重，但唯獨大塊厚身。3. 澳洲和牛脷（$98)呢到既牛脷係切條上，唔知係間間韓燒都係咁定係呢間先係咁，但我對於呢種切法真係不敢恭維‍，一來太幼，二來佢本身已經唔厚，食起上嚟食唔到牛脷既爽口，夾生菜食會令菜味>肉味，所以只可以就咁食，不過肉味唔差既～4. 煎韓式海鮮餅（$88)呢張圖係食左一半先影既，第一次食煎餅既我覺得佢個質感都幾得意，好似年糕咁，唔似中

走過洗衣街，被濃香焼肉味吸引住，七點幾鐘，其他食店都有位，但已經見到佢門口有兩個人座底等位，店員話先座一下好快有位，等咗大約二十分鐘就可以入座啦！親密的韓燒格局，好多人都係一班朋友一齊。無限添加嘅小菜店員推介泡菜炒牛小排會有店員幫手炒，都幾好味想食啲湯粉點左個蔘雞湯隻雞好大隻似乎煮咗好耐啲雞骨都溶溶地，好食另外重點左個豬大腸唔記得咗影相佢係已經燒左一次嘅所以唔使燒好耐，好味，所以好快食完牛肉石鍋拌飯大大碗好多牛肉

前2日朋友帶路，去左先達廣場後面嘅呢間oppa 烤肉店，聽佢講每晚呢度都會大排長龍～!係出面睇啲座位好似比較狹窄，但坐落我又覺得OK，唔會太逼夾，圓座位底下仲可以用來擺袋，都幾貼心。一坐低，侍應姐姐就拎咗3款前菜嚟，分別有泡菜，芽菜同紫菜。依度啲泡菜堅好味，醃得好好，味道夠濃郁但又唔會太鹹或者太辣～!之後佢仲幫我地開爐，然後倒蛋漿，正～!依間餐廳有好多唔同嘅套餐，套餐2-8人都有，唔同價位，豐儉由人。最後我地點左泡菜炒牛小排，五花腩肉，日本和牛，仲叫咗個shake shake飯~! 我哋先烤五花腩肉，侍應姐姐俾咗把大鉸剪我哋可以剪開d肉嚟燒，配埋生菜一齊食，極度滋味全晚重點推介一定係呢個日本和牛，肉同脂肪嘅比例，花紋等都極靚、真係入口即溶，牛油味極香，食到停唔到口至於泡菜炒牛小排，之前食前菜嗰陣已經知道啲泡菜好濃郁，配埋牛小排一齊炒又係另一番滋味！埋單每人都只係兩百零蚊，食到咁高質素嘅烤肉，朋友真係冇介紹錯！

今日想食韓燒 。聽朋友介紹話好食味試下。環境好有靚有特色。播D mv同音樂好好聽。好像去左韓國ㄧ樣。牛拚盆賣相好靚。有誠意之作。有好多野食。全部5伏。食得過。價錢2百幾每人。任食。有質數。朋友真係冇介绍錯。

早兩日同老公出去慶祝元宵節，又見好耐冇食過燒肉，所以上網搵咗間燒肉，地點又方便喺旺角，所以決定就係嗰一間食，一早訂咗枱，準時晚上七點半到達，已經客滿，好彩有訂枱✌🏻，環境舒適，服務員亦好好禮貌，首先我地叫左A4日本和牛及A4和牛肉眼，兩個都肉質柔軟，而且肉味都非常濃郁👍🏻，五花腩，非常厚身，豬肉味濃但又不會太油膩🤤，雞腎，已經預先用腌料腌好，味道剛剛好，不會太鹹，而且份量十足👍🏻，泡菜炒牛小排，味道非常夾，用黎送酒一流😂😂，整體來講值得一試