OPPA韓國燒肉店

營業中

休息中

好開心天氣凍返啲，終於食到好耐無食嘅韓燒。呢間oppa燒肉到理位置都唔錯，一出B出口就直行過馬路就到啦～店舖唔算好大，但同時每枱之間都唔迫，就算叫咗好多野食都唔怕無位放啊！可以慢慢燒慢慢食。我地仲未叫嘢食，店員一開波就先上三道前菜：韓國泡菜、紫菜、芽菜，招呼幾好！然後店員介紹了佢地最新套餐！$98兩人份嘅泡菜炒牛小扒！呢個價錢真係好抵食！一開始我先試燒兩塊，超薄、好香。然後就到店員出馬，加入蒜頭、泡菜、辣椒醬，一齊炒，好人幫手當然好好多，最後炒到又香又辣就最惹味。面交ok? 我一至五都會喺金鐘返工 就咩時間過嚟都ok 其他地方可以再夾夾的☺️另外，最想介紹就係我第一次食嘅醬油蟹！知道咗原來佢係用醬油醃製嘅生蟹，睇開韓劇就知道韓國人係一用力禁住蟹殼，啲蟹肉就會beep出嚟（心心眼）最後用可以攞佢包埋嘅白飯撈埋啲蟹膏一齊食！蟹膏真係幾多，點了醬油就算生蟹食落都唔會好腥！好特別！推薦！

平日都爆滿既餐廳，係旺角真係好少見，朋友見佢咁牙刷，就緊係要等到佢有位啦！(其實都係邊行街邊等😂)!留電話之後餐廳有位就會即刻call你！坐低會有三碟前菜，泡菜，海帶，大豆芽，泡菜辣得開胃！邊爐蛋足料，入面有章魚粒😋另外仲會準備一支凍茶！美國prime 特級雪花牛肉$188200g牛肉，肉質細嫩，網紋靚，重牛味！豬頸肉$98 肉質爽脆美國prime 安格斯肉眼扒$168呢份牛扒係必點，超大塊，肉汁多，好香牛味！韓式部隊飯$58，材料豐富，撈勻之後啖啖肉！餐廳食物質素都幾高，價錢又不貴，仲有好多款套餐提供，難怪平日都爆場啦！

天氣凍凍地，唔想成日打邊爐就諗不如食韓燒啦呢間燒肉店嘅環境唔錯，同其他燒肉店好似，通常都係會播韓國明星嘅歌we are ready!!!! 店員嘅服務態度好好，見我哋1516唔知揀咩食好嘅時候，佢就主動走過來推介牛舌係咁以燒一燒就食得，好嫩滑嘅牛舌我哋仲叫咗一個豬肉拼盤，有巨型豬西冷，豬頸肉，五花腩等等 全部都好有肉汁，個人最鍾意就係塊豬西冷扒就算冇用調味料，但係配上生菜同蒜頭就已經冇得頂額外加的黑毛豬正呀！朋友仲食左個麵，大滿足！凍飽魚都好新鮮嫁！！！！！

秋天已至，開始尋覓燒肉醬油蟹等冬季美食。我們找了家旺角店舖，方便落腳吃飯。入內即送上幾款小菜醬油蟹配一白飯韓國五大名菜之一，將生蟹放在醬油中醃製。隨後可將白飯加進蟹蓋內與蟹黃一起伴吃。蟹整隻滿大，蟹肉厚身飽滿，無論是蟹腳或蟹蓋都黏住滿滿的蟹膏，蟹膏柔軟入口即化，膏香脂味嫩滑。蟹肉柔順香嫩，味道偏咸帶很微很微的辣，適合送飯而吃，必能滿足重口味的朋友。和牛拼盤和牛拼盤大大盤內含整頭牛不同部位，包括美國上肩胛肉、牛小排、美國下肩胛、日本A4背峰肉、日本A4上腦肉、日本A4牛肉眼、澳洲和牛頸脊、澳洲和牛舌，每款大概兩至三片。老實說，我不能分清每片牛肉的位置，但外表鮮嫩嫩紅，再以燒板燒熟，咬下肉嫩柔軟，肉汁滲出，香氣逼人。整體來說，價錢便宜，性價比高。

去完韓國旅行返黎咁耐都未試過係香港食韓燒，見今日早左收工，就同朋友去旺角試下經過左好多次都無食過嘅Oppa韓燒。剛坐底未開始點菜就已經上左拌菜同埋醬料。昆布拌入左芝麻油，食落可口又有口感。泡菜亦醃得好入味，又唔會太辣。本來諗住嗌套餐，但又驚食唔曬，最後散叫左美國Prime特級雪花牛肉、五花腩、原粒帶子同埋4色什錦菜籃。除左我地嗌嘅野食，仲會送多份蛋卷，蛋卷蛋味十足，配有泡菜食落好醒胃。雪花牛肉肥瘦均勻， 肉質鮮嫩。一放落鐵板上煎就已經聞到香濃嘅牛肉味，食落啖啖肉汁又重牛肉味。五花腩望落以為份量唔多，但因為燒嘅時候要剪細份d去燒，所以其實食落都有好多舊，好足份量。原粒帶子肉厚而且好有鮮味，食落好有口感！4色什錦菜籃材料豐富， 非常抵食。飲品嗌左兩罐韓式果汁，分别係提子汁同梨汁。估唔到兩款果汁都係啖啖有果肉，值得一試。最後不得不提店員嘅服務。 店員主動幫我哋補充食完野生菜，又係進食中途幫我哋清潔咗塊鐵板一次，服務值得一讚。

好耐都未寫過食評 見到食評好似不錯 就決定試下啦 ..點知食完就覺得好似伏伏地 ..首先你入到去 個男侍應都ok 但啲女侍應個樣好似好悔氣唔想做咁..我地2人個就點了個黑毛豬同牛拼盤 ..一開始望落賣相好似唔錯 但食落去牛感覺不是太新鮮.... 同埋好肥好油亦不知道是不是醃料太重 好咸之後到個豬 係厚切 1食 嘩 唔需要點任何醬料-勁咸!!泡菜好似唔多好味 ..本人都太不食辣食落都覺得無味仲要有渣 ..爐邊蛋亦一般 ..生菜亦不太新鮮 梅梅爛爛 ..

見佢甘多好評，諗住吾差得去邊。點知中伏！點左個加拿大牛排骨，一黎見佢紅卜卜，以為好新鮮，一放落去燒，發覺吾對路，點解燒極都甘紅，原來甘加左醃料，勁紅，冇理佢，超食，一食落去，甘大陣醃料味，陣味就好似超市買個d整叉燒既醃料味。 完全食吾到牛肉味，menu上都冇話呢個係會醃左，勁懷疑佢本身個牛肉有問題，先會拎甘重味既醃料醃佢。我地一路睇menu一路煎緊野食，一吾留神，煎燶左，冇計，鬼叫吾小心。點知見到隔離台幾位身光頸靚既太太，有專人幫佢地燒同睇火。真係嬲嬲地，我地燶左底仲要叫人黎先幫我地整走d焦。叫左個泡菜豆腐湯，個湯係奶白色，味道超咸。放棄，真係喝吾落！整係個牛五花（定五花牛）食得落肚兩個人食，埋單5xx蚊！相信去其他任食既韓燒水準比他好，起碼燒燶左可以燒過第二舊，5xx蚊食左d醃料同勁咸既湯。大家參考下吧

This is a famous Korean bbq restaurant, although it is a bit pricey, the beef chicken and pork are well treated and delicious, it is worth trying. Love oppa!

今日同老婆去完旺角花虛行完街，去到呢間位於洗衣街的OPPA KOREAN RESTAURANT食韓燒。門口裝修十分精微，好有韓式風味。一坐低見到呢個 ''OPPA和牛海鮮餐''，每位都只是$438。包括有海鮮、A4和牛拼盤、鵝肝、湯、蘋果汽酒、瑞士MOVENPACK雪糕，見到樣樣都食，就點這個套餐試下。海鮮我點了醬油蝦和醬油蟹，醬油蝦的肉好新鮮又彈牙，而醬油蟹的肉都非常新鮮。蝦和蟹點上醬油味道一流外，蟹蓋有超多蟹膏，用嚟撈飯一齊食，簡直好味到難以形容。A4和牛拼盤，包括有來自美國的上肩胛肉、牛小排、下肩胛。也包括有來自日本A4級的背峰肉、上腦肉、牛肉眼。另外也包括有1++韓牛肉眼、以及來自澳洲的牛頸脊、和牛舌。各款牛都有唔同的味道和唔同的口感，總括款款都咁好味，值得一讚。另外，湯我點了人蔘鷄湯，材料豐富，包括全隻鷄、人蔘、杞子。重點鷄裏面加入米飯，飯連湯一齊食十分味美。鵝肝超大件，厚切分開三件嚟煎，非常香口，入口即溶。蘋果汽酒，果味好夠，甜甜地，又好有酒味、味道一流，食韓燒的首選飲品。最後，MOVENPICK雪糕，我點了朱古力味，好濃朱古力味，份量又剛剛好。總結，成晚咁多野食，兩個人埋

呢日同老公喺旺角行完街，好想食韓燒就走左去呢間位於洗衣街嘅OPPA。打開個餐牌先到呢個OPPA 和牛海鮮餐又有醬油蝦蟹、又有人蔘鷄湯、又有鵝肝、仲有A4和牛韓燒拼盤，咁吸引就一於食佢啦！海鮮2選1，我哋揀左醬油蝦2隻、醬油蟹1隻 - 蟹肉、蝦肉都鮮甜有彈性，蟹身、蟹蓋、蝦頭都有好多膏，仲可以用D蟹膏嚟撈個熱辣辣嘅飯，醬油調味得宜，咸甜適中，鮮甜好食！A4和牛拼盤 - 由多款唔同部位的牛肉組成，澳洲和牛舌、澳洲和牛頸脊、1++韓牛肉眼、日本A4牛肉眼、日本A4上腦肉、日本A4背峰肉、美國下肩胛、美國牛小排及美國上有胛，有D腍滑，有D爽口，牛味濃郁得嚟款款都有唔同口感同味道，十分好食！人蔘鷄湯 - 有整隻鷄，整條人蔘，杞子同一D飯喺鷄肚入面，用料豐富，個湯飲落鮮甜好味。鵝肝一件 - 夠晒大件，煎香後外面香脆，咬落幼滑無筋，香口又好食！蘋果汽酒2枝 - 帶果味得嚟甜甜地易入口，酒味、果味、甜味都好平均，好飲！Movenpick 雪糕2杯 - 有三種味可以揀朱古力、士多同雲呢拿，我係朱古力控，當然揀朱古力啦！

今次同大帝，先生來食韓式烤肉，因為唔太肚餓只叫左一個和牛拼盤同一個蔬菜拼盤。前菜泡菜，醃芽菜，醃海帶都幾好味，好開胃。有爐邊泡菜蛋，泡菜微酸帶小辣，雞蛋烤到個底焦焦地幾好味。和牛拼盤有好多款唔同產地同部位既牛，我比較鍾意牛小排同肉眼，肉質軟嫩帶點肉味。蔬菜拼盤有南瓜，紫洋蔥，脆肉瓜，金菇，雞脾菇，每款都新鮮帶甜，連紫洋蔥都好甜。菠蘿冰好香菠蘿味，食完熱辣辣既燒肉再飲杯透心涼既菠蘿冰係正。侍應都幾nice, 我唔記得帶大帝既餐具用餐廳既大人餐具，但唔太慣跌左幾次，侍應都好快攞多隻來

係燒🥩🥩呀🤤🤤上次黎食嗌咗安格斯牛扒 牛舌👅同五花肉黎燒🔥🔥🔥 發現d燒肉幾正🤤🤤-個人認為個安格斯牛最正😳😳雖然要自己去燒 而且都燒左幾耐時間 但牛肉仍然好林仲好有肉汁🤤🤤🤤 再包埋生菜真係好好食🌝🌝🌝 五花肉同樣都唔會太韌冇臭豬味😖 燒肉自己覺得係必嗌！-到熟食啦！我地嗌咗一份炸雞一份炸醬麵🍜 但熟食相對就好一般啦🤢🤢 炸雞炸粉略厚 而且無乜味🤭 而炸醬麵可以話係災難🔥 個麵勁乾而且癡埋一舊🤢基本上連醬都撈唔均衡🤦🏻‍♀️ 呢個真係千祈唔好嗌❌❌ 無咩事都係食翻燒肉好啦😳

食材ok…去過兩次都係自己一個、同樣用岐視眼光對我！雖然場內每枱都成雙成對、再唔係就一大班人……但請不要岐視單身狗！好嗎？？還有今次的五花腩未解凍，可注意一下。

韓燒癮又起，今次同朋友呢間韓燒餐廳，因為俾佢個名吸引左xd一入到去櫈都未坐好就遞上配菜醬汁。而且仲有玄米茶，幫助消滯解膩全部任添！我就最鐘意食佢嘅芽菜，爽口！嗌左五花腩，肥瘦比例唔錯燒到啲油脂出哂黎，啲油之後就流落一個碟仔度，唔驚油笠笠啦👍🏻順道一提呢個泡菜鍋邊蛋係免費，好好味！係咪睇到流哂口水呢🤤配埋生菜同泡菜食，一啲都唔油膩海鮮泡菜鍋入面有魚糕，蝦同蜆。我地嗌左碗白飯黎送🤤泡菜海鮮煎餅份量足，我同朋友差啲食唔哂。煎餅鬆軟，配埋佢醬汁一齊食就冇哂油膩感我地個重頭戲黎啦！呢個牛set嘅牛相當高質，油花分佈均勻，而牛味十足重。未影相就已經急不及待攞左去燒🤦🏻‍♀️肉質嫩！途中嗌左梨汁同堤子汁降溫xd呢道服務好好，有禮貌，做咩都好爽手，令我食得好暢快👍🏻🤤

同朋友慶祝生日，所以想試下呢間睇下好冇食果日訂左8點，但其實都要等好耐，大約9點先入到，都吾知訂位有咩用新出有beef拼盤，所以叫左黎食，肉質好味。。但份量都幾小下都叫左其他beef和豬食，但真心好一般都有叫海鮮煎餅，但係啲海鮮好碎好小沒有下次，吾會再食3個人，埋單1,300😫😫