OPPA韓國燒肉店

營業中

休息中

早前朋友生日，跟他們到了一間是任吃形式的韓國燒烤餐廳進食，可是那裡的質素不好，而且通風系統很差，讓我吃得不太盡興，所以們今日特意另外找了一間餐廳以彌補那一日。這一間餐廳平常在等巴士時都會見到，而且都是滿座，表示質素一定不錯。我們預訂了7點的位置，但裡面大半的位置都坐滿人了。一進來就要讚揚的是通風做得很好，並不會聞到油煙味，因為每次最怕就是吃完東西離開時一身沾滿那股味道，整個人都會很臭，而且也不易散開。坐下後還沒有點菜，店員就端上前菜及在爐邊端上蛋漿烤蛋，平日裡吃的烤蛋都只加泡菜，這裡卻另加章魚，非常驚喜。肉類我們共點了五款，腌牛五花、牛排骨、五花腩、泡菜牛小排及豬皮。全部都十分新鮮，其中我最愛的是腌牛五花，肉味香濃及肉質軟嫩再配上蔥一併吃更能提味。除了烤肉也點了牛肋骨湯及水冷麵，牛肋骨湯味道濃郁，裡面有紅棗等熬製，覺得是有養生的功效。冷麵即是在食完烤肉後，換點清新的口味，而且這裡與平日裡吃的不一樣，不是配醋而是配甜甜的醬，反而我更喜歡這一個。整頓飯都十分好吃，店員服務又很好，完了我上次沒有吃到好吃的韓燒的傷感。

旺角洗衣街不嬲有好多食店，今次同韓國迷妹FRIEND子慶祝生日，搵左呢間韓式燒肉入到去第一個感覺就係乾淨，無咩油煙，檯同檯之間都算闊落好開心有唔係間間店都有GE泡菜爐邊蛋～安格斯肉眼 - 好大塊呀！！首先兩面煎香封左D肉汁，煮到自己鐘意GE熟度就可以剪開食，好濃牛味，仲好JUICY泡菜牛小排 - 呢個有得撈泡菜一齊炒，更加香辣惹味黑毛豬 - 肉質鮮美～黑毛豬豬味真係特別濃郁A4和牛肉眼 - 和牛真係好難唔好食啦，D雪花靚到呢帶子 - 好食呀，煎完唔會勁縮水，仲保留到帶子味A4和牛 - 燒十秒到即刻擺入口，你會知道咩叫幸福原隻魷魚 - 呢個又係必食，肉身好厚，點醬汁食風味更佳韓式冷麵 - 最愛GE韓國菜式，麵質正宗，如果湯底再酸D就好泡菜煎餅 - 夠哂脆，一個人食左三塊都想繼續食落去

終於比我食到長期人山人海既Oppa…燒肉喇~ 佢地既風格似當地比較swag D既燒肉店! Menu上有好多唔同國家既牛比你選擇番! 連豬都係!! 相對我之前食果幾間比較多種類，感覺幾唔錯喔~ <<A4日本和牛肉眼>> $130/100g雖然只得100g但係都有5塊咁多，佢嘅賣相好靚！油脂比例令到我好想快啲燒左佢黎試下🤭🤭🤭燒好左之後會同冷凍左既時候有d唔同！ 肉既比例佔番多d！入口慢慢溶既感覺好正！ 食到油脂味之外仲有好香既肉味😬😬<<A4日本和牛>> $108/100g相對肉眼黎講，呢一塊嘅和牛肥膏就多啲啦~燒熟左之後，肥美過啱啱嗰塊肉眼🐷🐷但係都好好食💕💕和牛prefer就咁食～咁先食到佢嘅牛味丫嘛😬😬😬<<五花腩>> $98/150g厚厚既三大塊～ 性價比好高既一碟肉！一層脂肪一層肉，梅花間竹咁間住～睇見都流晒口水🤤🤤🤤燒熟左之後夾買泡菜同生菜一齊食真係冇得頂👍🏻👍🏻👍🏻<<泡菜牛小排>> $98/2人份見到係人氣推介就即管試吓！牛肉唔係cheap ch

去韓國食韓燒，就肯定係一個常識吧！ 不過喺香港都一定要食韓燒呀！皆因我覺得味道同韓國都好一樣，而且價錢都唔算太貴呀！無意中，畀我地搵到旺角市中心嘅一間細小嘅韓燒店。座位唔太多，而且去到晚上七八點已經排曬長龍，仲要等位，至少等成是一個小時！無計啦，我地成班人想食韓燒，就照等啦！店員跟我們說，這店主打泡菜炒牛肉，我們就點了一碟泡菜炒牛肉啦！泡菜鮮爽且不會太過辛辣，而牛肉切得較薄且吃起來非常有質感，剛剛是prefect match呀！另一個好食的肉類，就是豬頸肉啦。厚切豬頸肉帶有肥厚的脂肪層，在鐵板燒起來，香脆可口，非常值得一試！另外，餐廳亦設有很多韓式飲品，包括韓式、清酒、米酒等。雖然餐廳沒有限時，但其實韓國一個小時多，就已經相當足夠啦！

跟朋友賀生日，當然要食飽飽啦！ 剛好有位朋友最識帶路在旺角覓食啦！ 差不多7點左右就到達這家Oppa韓燒店啦，幸好朋友有預訂位置，不然就要等很久啦！餐廳必叫：泡菜炒牛小排餐廳會準備泡菜、牛小排肉和韓式辣醬供食客在鐵板上炒菜呀。 泡菜香爽配搭牛小排嫩囗，鑊氣十足！另一個推薦的，就是免費任添的韓式泡菜蛋啦！ 雞蛋加入少許糖，再配搭鮮爽又辛辣的泡菜，簡直會令人吃上癮呀！此外，這家的牛肉和豬肉都不錯，起碼上碟的時候不是雪到冰冰硬硬，而且有血色呀！ 最正係和牛，薄切又香滑，一煎即熟，入口即溶！餐廳有可樂、清酒等飲品，全部都是甜的飲品，可惜沒有熱茶等解油膩，所以我們吃完韓燒就即刻到附近Come Buy Tea買熱茶喝了，哈哈！

今晚出左去旺角搵 Oppa 食 Oppa 燒肉, 燒肉店內韓風味濃, 牆身仲畫左好 Q 嘅公仔一坐低, 店員好快就送上各項配料3 款前菜: 泡菜、海帶、芽菜4 款燒肉醬汁配料一碟生菜如果鐘意食牛嘅朋友 / 一大班黎食嘅朋友, 不妨可以 Order 呢個和牛拼盆, 一次過試勻晒所有牛部位泡菜蛋店員會為每個鐵板盤先放上泡菜粒, 然後倒入雞蛋漿, 想食滑蛋效果, 只要等一陣就食得, 雞蛋非常香滑, 蛋味夠濃, 泡菜粒增加左唔少口感｡什錦牛肉份量超多, 一碟滿滿的, 有牛排骨、牛肋肉、M6和牛肩胛肉 & 日本和牛脷｡M6和牛肩胛肉超大塊, 而且好厚身, 油脂十足呈雪花紋, 只要簡單輕輕一燒就食得, 肉味濃又 Juicy, 大推｡牛排骨亦都係超大塊, 肉質一 D 都唔硬, 經醃過再拎去燒, 口感十足, 非常惹味｡牛肋肉肉質較腍身, 一口一啖, 啱啱好｡牛脷為薄切, 所以好快就燒熟, 肉質軟嫩, 牛脷始終都係我至愛｡豬頸肉豬頸肉可以用生菜包住, 再點 D 醬汁食, 肉質爽腍多汁, 加上新鮮生菜, 味道超正｡銀美國雪魚扒雪魚扒又厚又大件, 黎到時已上左少少粉, 店員好細心咁切到細細舊幫忙燒, 每件都

唔知大家覺唔覺得人越大就唔會好似以前後生咁次次都想食放題一大堆咁放落個肚度慌死唔夠飽咁 開始會追求一啲有質量嘅食物 咁都唔重要最緊要夠食夠特別 務求唔好浪費左身體既quota 所以今次想食燒肉專登揀一間唔係放題既 又食質素嘅燒肉 今次就試咗一間係洗衣街嘅鋪頭 一直知道洗衣街有一排餐廳好多選擇 但係通常去旺角都會去女人街 今次專登行去洗衣街是但揀一間 今次就揀咗呢間燒肉你成日食放題 今次專登揀一間高質素嘅燒肉試一試 餐廳唔算好大但係俾人感覺都好舒服唔會好覺得侷促 見到好貼心因為尤其是冬天啲大褸可以吸晒燒肉味道 啲chair係可以開個蓋將啲重要嘢講所以佢就唔會驚吸味坐低店員就俾咗三小碟嘅前菜我哋食仲有爐邊蛋😏韓式部隊飯 $58 個飯其實係似高級嘅韓式頹飯 有最好食嘅太陽蛋再加午餐肉 再有一啲調味料同埋好多紫菜碎 最緊要係韓式將加埋一齊真係幾好食和牛2人餐 $676 每$1嘅牛肉雪花油脂非常之均勻 我亦都好夠濃 一開始我哋唔識得笑所以燒到熟一熟先食覺得有少少硬 啲店員見到之後真係頂我哋唔順提我地每一篇牛其實係鐵板上邊每邊煎幾秒就可以我最鍾意係生菜無限添加 食到有少少膩口嘅時候即刻食生菜 🥬

一入到去感覺還可以，職員都好快開爐同整爐邊蛋。爐邊蛋既泡菜比較淡味唔辣，岩唔食辣泡菜既人，入到去全場可以坐十枱客左右，得三個職員係外面好忙唔夠人手咁，忙到唔會理客人既食物燒唔燒得好，唔會介紹醬料，三個職員不停低頭做野...有時落單或者加配料都要佢咁岩行到附近先叫到，落單答野都好簡短....泡菜生菜芽菜任加係基本，牛排骨、prime肉眼扒、豬肉醃唔錯，帶子大粒但一般，啤酒朋友話無乜味有點水，諗住再叫第二隻味試但原來都係同一隻啤酒，職員都忙到唔得閒理或者解釋，有肉係碟度唔問就想收走，如果只係為左食好一點既肉係可以一試，但我下次應該未必再幫襯，平d去食漢和好過～同埋要留意套餐價錢係每位計而不是$4xx 兩位，即係叫套餐係8xx兩位 ...最後還是散叫～

泡菜炒牛小排無骨牛小排火鍋片炒泡菜。酸 May May 泡菜配合蒜片與牛小排炒香，送飯一流。什錦牛肉 (牛排骨、牛肋肉、M6和牛肩胛肉、日本和牛脷)分量頗多的。牛肋骨脂肪比例較高，油香相對較重。牛肩胛肉質較結實，肥瘦適中。牛脷雖然切得非常薄，但依然有Q彈口感。每邊各煎20秒就食得。真露煮蜆真露 - 韓國燒酒。酒味較日式清酒濃。真露蜆湯除了酒味醇厚外，味道相當鮮甜，帶有強烈的海鮮味道。蜆肉數量不少，口感鮮味爽口，而蜆肉隻隻都是開口的，幾乎沒有半點沙粒。美國鱈魚扒煎至表面微微焦香，配以少量檸檬汁，鮮味更加出眾。

之前經過見到好多次，今次終於同友人黎食。呢度牛氣十足，我地都點左好多款牛。安格斯肉眼$168好大塊呀！又厚，不過要等店員幫我地燒，好好服務，燒得好味，好重牛味！黑毛豬$138用生菜包住食最正！豬肉亦唔騷。A4和牛$108和牛上嘅雪花見到已經胃口大增，唔食走寶。泡菜牛小排$138呢個都係要等店員整，主要有炒香嘅蒜片加韓式辣醬炒埋薄薄嘅牛小排，好惹味。A4和牛肉眼$128雪花無咁多，但同樣牛味油香十足，正！除左牛肉仲試埋周友人最愛嘅原隻魷魚$95，偏濃味。仲有大大粒帶子$128最後必試韓國小食泡菜餅$68，點埋個甜酸汁好好味！水冷麵$88麵質彈牙，燒完野咁熱可降溫。餐牌：

好久沒吃韓燒，之前經過洗衣街見到有好幾間韓燒店，今次就去這間Oppa試試。每枱都有幾碟小菜，泡菜、大荳芽同紫菜，吃完可以任添。枱上仲有籃生菜供食客包肉，同樣任添。侍應會先在爐邊整泡菜紫菜蛋，到時到候就可以吃。點了幾碟牛，全部都好正！有安格斯肉眼，一整塊燒完再切件，鎖住肉汁，不用點醬都很夠牛味！黑毛豬最適合包菜，再點燒汁及泡菜，甜甜酸酸的，食完想再食。A4和牛薄薄一塊，燒幾十秒就可以食。同樣不用點汁都夠味，正正子！推介泡菜牛小排，順序加蒜頭、牛小排，泡菜及醬料炒，可以撈飯食。第一次燒原隻魷魚，本身醃製了，所以不用點汁都夠味，不過有少許咸。整頓飯都很滿意，燒肉果然無得輸。服務又好，會幫客人燒肉。

之前成日經過洗衣街都見到有好多燒肉店 都留意左幾耐但係冇一次真係去食 今日喺附近行開諗唔到食咩於是就提議佢嗰條街行下去到洗衣街見到有間叫做oppa 燒肉店聽落好得意於是就走左入去試吓 今次叫咗燒肉套餐 每位價錢338 其實入邊食嘅嘢同牛氣沖天燒肉拼盤一樣 不過多咗啲湯甜品嘢飲等等 另外都叫咗一個98炒泡菜牛小排 食咗幾耐先知道原來係要炒嘅 如果大家唔識可以搵店員幫手 呢度嘅生菜同埋爐邊蛋都係無限添加嘅 個蛋其實都幾得意燒肉套餐係跟人數嘅 338入面每樣牛肉既部位都有每人兩三塊 就咁食未必飽肚但係加埋生菜蛋最尾都幾full另外都係忍唔住叫咗少少澱粉質落肚 我哋叫咗一個shake shake飯盒 $58入面其實都係一啲頹野 煎蛋午餐肉飯咁樣但係食落又好食所以唔理luuuu 用嚟送燒肉其實都幾正總括嚟講呢間野價錢雖然偏貴但係牛肉嘅質素亦都幾好店舖嘅服務員亦都好好禮貌 值得推介

繼剛從韓國回來後, 好久沒有吃過韓燒, 先來的任添的前菜有泡菜、芽菜、海帶、鍋邊蛋A4和牛拼盤裡面包括有來自美國的上肩胛肉、牛小排、下肩胛; 來自日本A4級的背峰肉、上腦肉、韓牛肉眼; 還有來自澳洲的牛頸脊、牛舌。款式非常多,每種牛都有唔同的口感和味道(牛味亦是很濃郁, 油脂同肉的比例亦很好、分佈均勻), 反正總括而言款款都咁好味，咁正、值得一讚!在鐵板上將其兩面都輕煎數秒, 將其嫩滑的肉汁鎖住，再配以爽脆的生菜包裹來吃，正啊! 宮廷炒年糕(辛辣)Tteokbokki也是每次去韓國餐廳必點之一的小吃,沒有它, 怎麼能夠說吃了韓國餐呢! 熱騰騰的炒年糕夠彈性很好, 夠QQ, 重點是夠辣!韓式冷麵每一次食韓燒都一定要食碗冷面作為完結^^冰火結合才可以call out for the dinner, YUM!

自韓風盛行，韓國美食也在香港遍地開花，韓燒自然也是不少人都愛吃～愛好男韓星的朋友也不例外，約她吃晚飯即被提議吃韓燒便找了地段方便又頗受好評的新店試試看。來到時店裡已很多人，坐下後外邊也開始有人等座。看來沒選錯店畢竟那麼多人光顧哈。有泡菜有麥茶，泡菜質素很不錯添了幾次。一邊的坑位是用來燒雞蛋泡菜，讚～吃了三轉哈。叫了個和牛拼盤$458，可一次過試試各部位的牛肉，很方便～整體牛肉推鮮美，雪花也很好，燒時很香咬下挺彈口香軟。另外叫了碟五花腩$98，肉質肥美，肉又挺彈牙。燒後相當香口。這鐵板挺方便，傳熱快又不怎黏底很不錯。叫了宮廷炒年糕$88，很香濃的辛辣口味，醬汁很濃郁好吃，醬汁沾配雞蛋泡菜很讚。年糕很軟熟，料也多所以很飽肚。最後還點了韓式冷麵$88，除了青瓜也有梨絲配所以挺清脆香清甜。冷麵的麵質很彈且爽身，很有咬感。很清香的一道菜。另有韓式飲料可叫來喝。這店不錯，不貴肉的品質又好，地點也方便，挺適合跟朋友來吃。

天氣凍凍地, 對住個爐食個韓燒, 又暖又好食😋黎到呢間喺旺角既Oppa 韓國燒烤店, 見到入面人山人海, 咁啱又有一張2人枱, 諗都唔諗就衝入去一坐低已經可以食住泡菜先😍和牛海鮮餐 - $876一個餐有齊咁多個部位既和牛, 又有鵝肝又有人蔘雞湯, 仲有醬油蝦或者醬油蟹比你揀, 有食開韓國菜既朋友都知醬油蝦蟹果個價錢 所以呢個餐個性價比都算高啦, 和牛塊塊都油脂平均, 燒起上黎牛味特別香濃人蔘雞湯好足料既湯, 質感好濃厚, 而且係用左成隻冰鮮雞煲架, 雞味濃就一定架喇😂而且熱度十足, 一飲落胃成個人即刻暖晒醬油蝦2隻, 蟹1隻初初都有d 擔心, 始終係生野, 但食落去第一啖就知道佢係好新鮮, 因為海水味重而且會食到個蝦同d 蟹膏味🤤食燒肉飲番罐汽水都好正常丫😝嘩, 個餐原來係包埋一人一杯movenpick 雪糕, 咁個餐即時變得超值😍👍