OPPA韓國燒肉店 (已結業)

店內裝潢特別，有韓國🇰🇷feel 店員安排入座後選了$368加一嘅放題佢地嘅爐設計幾特別，並唔係平時食開嘅圓形爐，個爐有微斜，好讓啲油流去一邊。牛一上台已經覺得好吸引好靚，排成圓圓，各種牛符上標籤介紹，好細心！日本，澳洲，加拿大嘅牛肉都有！牛嘅脂肪唔小，燒起上利比較香口，入口溶化得較佳。除左牛肉之餘，仲有不同類型嘅海鮮！魷魚，帶子，蝦 燒後都好惹味！好新鮮！鮮嫩夠多汁～～～最後當然要食返個雪糕做結尾啦！係movenpick 雪糕啊！十分滿足😝

今次行開直街本想吃打邊爐，但比我見到呢個價錢重要係任吃，如果之前吃過都知道要吃得飽，呢個價錢絕對唔得，而且呢個選擇重要有海鮮燒，絕對不用多想，一於江南海鮮燒肉放題$368吧！一落單，店員就在鐵板邊上放泡菜蛋漿，先上五花腩肉，熱辣辣嘅鐵板，好快就燒得塊五花腩香嫩爽彈，加埋生菜醬油入口，已感覺選擇正確！再出現個江南海鮮盛就更加無限可襲！虎蝦、鮑魚、帶子、魷魚鬚、多春魚，見到單叫就已經唔止呢個價錢，除此之外，頭盤嘅牛肉盤，就已經一次過可以試勻不同口味嘅牛肉，而最愛吃嘅分量同平時單叫塊牛排骨都一樣，第一輪不停燒，不停吃，由最佳肉質嘅A4黑毛和牛開始，慢慢燒，每啖入口都感覺得到肉質嘅鮮味，而個人較喜歡無骨牛肋肉，同牛排骨，味道夠，入口啖啖肉，夠晒肉汁！燒完肉，就燒海鮮，鮑魚彈牙爽口，大蝦肉質彈牙鮮味，除了前菜、頭盤、肉類、海鮮外還可以點埋韓式料理，真係一個價錢任你吃，點了個韓式炸雞，炸得好香脆，加多個蔘雞湯潤一潤，再追加多一份牛大排，完全係食肉狂嘅最愛嘅選擇，食下停下，就已經好滿足，最後還有雪糕movenpick 嘅選擇，就係一個完美嘅放題！一個價錢真係滿足到愛吃嘅朋友！

之前同中學同學食過呢間，覺得肉既質素相當高，而且環境坐得舒服，最緊要係乜丫？近我屋企丫嘛！所以近排係facebook見佢賣哂廣告話加左放題，仲食到和牛，今次都馬上帶男朋友去試下先！平日10點後都滿座，放題威力果然驚人前菜泡菜真心好出色，唔會過酸過辣，海帶麻油味香泡菜蛋卷蛋綿密，泡菜味唔會太搶今次就係為左你了另外仲有一set係可以燒埋海鮮，但我同男朋友都懶得剝所以都係算了。散叫仍然係可以既。一黎就先上配送既五花腩一條，用黎開鑪最正。啲豬油係咁流出黎，煎到兩邊金黃配埋生菜真係不得了呢盤係配送既牛。會否太浮誇？牛舌，和牛乜餐齊，基本上食完呢盤我地兩個都飽左了。豬肉大醬湯即係味噌湯。好清甜，豆腐滑口彈牙每人仲送dreyer's或者movenpick雪糕tim丫！真係飽到上心口

你有freestyle嗎？！哈哈！Freestyle 我就冇啦！但就喜歡江南Style的美食，尤其是靚靚美味的韓牛某天抱著極疲累的身軀下班回家，休息左一陣之後就落街搵食，冇目的漫步時經過 OPPA， 見到平日食一個豐富的江南海鮮燒肉放題都不過＄400抵食咗好多呀⋯⋯之前老公都會帶我嚟食燒肉，但係平均一碟都要$150至＄200，尤其是靚嘅牛A4牛肉，依家竟然有放題選擇，即刻成個人精神晒。坐低點餐之後，店員自動送上附送的頭盤氣勢如虹嘅牛肉拼盤就自動送上。令我雙眼發光的A4 黑毛和牛肩肉第二最愛就係A4 黑毛和牛三角腩像大理石花紋的雪花美麗到不得了，脂肪均勻。咁靚嘅肉真係急不及待，烤一烤已經可以即刻食，我自己都可以控制到medium喎入口即溶，柔潤軟滑的肉質，整晚都在回味當中。除咗牛，就梗係要食五花腩啦！真係好靚嘅豬腩肉，加上蒜片同埋生菜包住食，一樣咁好食仲冇咁熱氣添！食飽一輪肉肉之後，下一班就係海鮮啊！最搶眼的當然係深海虎蝦，仲有滿滿海洋味的鮑魚帶子。仲有行韓國魚市場最受我哋歡迎嘅大八爪魚雖然話係放題，但係我未得閑叫放題 item, 其實都已經full左八成好彩老公都仲有戰鬥力。真露煮蜆、

今日放假既然得閒，就殺入大埔搵個妹撐下枱腳先。佢帶左我去呢間Oppa韓國燒肉店，話之前食過覺得好食，天氣又涼涼地，韓燒岩哂我心水店面同傳統既韓燒店一樣，未入店個香味已經好西利，口水都流出黎😂桌椅都沿用傳統韓式燒烤店既桌椅，但幸好店面都幾寬敞，坐得唔算太迫。最後叫左個弘大燒肉放題，會有個烤肉盤係配送既，呢盤食哂就唔可以再叫，但餐單上既就可以無限追加呢度d烤肉真心唔錯，肉質鮮美嫩滑，而且就算燒到表面乾哂，入面仍然保持鬆軟多汁，好食有我最愛既拉絲芝士，即刻心心眼加$30就可以任飲汽水同韓式飲品，雪櫃既飲品都幾齊全。食完韓燒食雪糕是必須的吧

一入到Oppa 韓國燒肉店就好似去左韓國咁，同去旅行時食嘅燒肉店差不多格局，餐廳走街頭塗鴉風，播住強勁 k pop，好好feel～ 每張枱都有一根根上抽式嘅抽風管，而且客人可以將隨身外套同手袋放入橙色圓咕碌嘅櫈到，咁就唔怕沾到燒肉味啦～飲住解渴又透心涼嘅菠蘿冰等燒肉超大杯燒肉雜錦拼盤有成九款牛類，和牛澳牛美國牛一應俱全，岩晒我地呢啲牛魔王牛牛肉色紅嫩，油脂雪花分佈均勻，入口肉味豐厚就咁食就原汁原味，不過嚟得食韓國燒肉，當然要試下包生菜，芽菜，紫菜同泡菜一齊食啦，別有一翻風味套餐的海鮮拼盤見到都流晒口水阿有超長魷魚、蜆、帶子、鮑魚、虎蝦同多春魚燒魷魚超超超好味，魷魚尖香脆惹味，魷魚肉就十分彈牙無限encore牛牛，每次店家都會細心咁係肉類上標示名稱，咁就知邊樣打邊樣吶牛肉輕微一燒就熟了，幼嫩的口感剛好左邊的鹿兒島牛柳粒燒的時候可以鎖緊肉汁，非常美味！加點的海鮮湯都十分有驚喜！都幾大碗同好足料，有蜆又有魷魚，豆腐十分滑溜，一枱人share就岩岩好，海鮮湯辣辣地十分鮮甜惹味，我飲左兩大碗食飽飽每人仲可以order一款甜品，完美的句號

朋友新居入伙, 所以入 o左大埔 house warming一大班人懶得煮就 o黎依度食和牛燒肉!冇諗過大埔都有 o甘高質 ge 燒肉店 一開頭有個海鮮盤, 賣相好靚 ar鮑魚都幾大隻, 所以切開一片片食落好鮮味彈牙呢~頭盤和牛好大盤!有唔同 ge 部位, 全部都係任叫 由入口即溶 ge 牛肩肉, 到味道濃郁 ge 封門柳都有咩部位都 mark 好哂~之後 encore o左幾次和牛 淨係食和牛都值回票價豬 ge 質素都好高五花腩半肥瘦, 好滋味 黑毛豬係來自神戶肉質細嫩 d ga!其實 d 韓式小食都好好食, 真係食到好飽 不過依度可以一件件 o甘點, 可以淺嚐一下~我依杯係芒果冰, 插 o左雪條勁得意除 o左芒果酸酸甜甜 ge 味道仲有 dd 薄荷, 好 refreshing 好解渴中意飲酒 ge 話, 依度有好多 o吾同 ge 酒同手工啤食甜品就係第二個胃

係大埔LEE頭做野，收工同埋伙記黎食燒肉！用OPENRICE BOOK枱仲有折！一入門口就係BAR枱同埋等位區，再入就係座位區！坐底枱面已經放好醬汁生菜籃同泡菜小食，全部都係可以REFILL頭一ROUND就有一大盤和牛，好正！大大條五花腩個烤盤比一般韓燒店GE圓型燒盤唔同，無咁易烤燶同痴底！和牛肉味濃郁！醬醃牛肉非常入味，就咁食唔駛點醬都好好食江南海鮮燒肉放題係貴少少GE任食放題餐，包左個海鮮拼盤見到有鮑魚虎蝦帶子魷魚都值啦！鮑魚同帶子真係好新鮮好好食！帶子外面烤香，內裡肉質嫩滑，正！燒蝦非常香口！蝦肉厚實彈牙！甜品揀左 MOVENPICK 雲厘拿雪糕，不嗜甜GE我都鐘意！雪糕上仲見到粒粒雲厘拿籽，真材實料

之前喺 facebook 睇到呢間高質和牛燒肉放題店就襯 weekend 嚟試下，順便嚟個大埔一日遊～呢度裝修都幾潮，非常好 feel外面有個 bar 枱，有好多唔同類型嘅酒飲等位嘅地方有得坐，仲有水供應 👍🏻入面燒肉嘅地方就畫哂 graffiti睇嚟呢度都好歡迎，客人好多 😂一場嚟到就點咗【江南海鮮燒肉放題】可以任食和牛同有個海鮮拼盤 🤤呢盤【和牛頭盤】每一款都係靚牛！A4 黑毛和牛有牛肩肉同三角腩澳洲和牛就有牛脷同牛下腩仲有鹿兒島牛柳粒、加拿大牛排骨、無骨牛肋肉同美國牛小排 連矜貴嘅部位封門柳都有得任食 😲我最欣賞係每款肉都有哂 label除咗影相靚（😂），可以知道食緊邊隻肉～方便認下鍾意食邊款就再點！【海鮮拼盤】都一樣好豐富㗎鮑魚都幾易燒，味道好爽甜！大部分海鮮都可以再點encore 嘅和牛都係擺得靚靚同有 labelA4 黑毛和牛有牛肩肉入口即溶，之後都有再點 😋鹿兒島牛柳粒切得大小適中，一咬勁有肉汁（唔知關唔關個盤事，呢度燒乜都好易燒又唔燶）【神户水飼黑毛豬】其實牛以外嘅其他肉都好高質㗎【五花腩】燒得好靚～ 好有油香佢係一大條咁上㗎，想幾厚可以自己調節自己剪【豬大腸】燒到外脆

又同同學聚舊，大家都係大埔友，都係揀返大埔食算! 近排經過見到呢度出左放題，人氣高左好多，客人都多左好多。星期一至四，江南海鮮燒肉放題$368，弘大燒肉放題$238，兩個女生冇食力，叫個$238放題好了。第一次嚟大埔OPPA，因為早到，都係得好少客。除咗側邊卡位，中間位置全部都係油桶櫈，入面可以裝下袋，不過背脊冇得挨。想舒服啲，揀梳化位最好!牆上畫左啲壁畫，呢位阿生好熟口面，佢係?嘢食一張紙睇晒︰放題唔包嘢飲，但加錢就有飲品放題，而手工啤酒、芒果冰、菠蘿冰就半價。芒果冰賣晒，只有菠蘿冰，原價$58，半價$29。一飲就知係用新鮮菠蘿整，好香甜，夠晒大個，沙冰配燒肉，好正!一次性頭盤，有齊九款牛! 其實九款牛都唔錯，當中有幾款最吸引。八星伴月，外圍有八款牛，而中間係巨型加拿大牛排骨。除左中間有一舊大牛骨，仲有兩塊大牛排，每塊都有個烤盤咁長架!澳洲和牛舌切到好幼，好快就燒熟，牛味幾濃，好彈牙!兩款日本A4黑毛和牛，睇啲雪花紋就知正啦，油脂豐富，入口充滿牛油香，極之嫩滑! 五花腩好巨型，仲要好肥美，落左洋蔥去燒，感覺冇咁油膩又夠惹味。韓式午餐肉 - 唔算厚切，好鹹。豬大腸 - 肥美，我覺得好好

自從上次食過呢度oppa馬場洞套餐，就想睇吓何時有機會再來品嚐下，今次就借約朋友出來食飯聚舊，其實係想去回味一下呢種味道，去到已經轉咗新套餐，做緊江南海鮮燒肉放題同埋弘大燒肉放題呢兩套餐供應，仲可以自選㪚叫放便大家享用，不過對我來講就梗係點咗江南海鮮套餐，係裹面已包含咗多款肉類同海鮮仲有韓式料理同埋甜品連特式飲品提供，都係俾一個價錢就品嚐不同美食店員就先附上韓式泡菜等小食同醬汁，等鐵板熱辣辣就可以燒得，先來有五花腩，肉質食落肥廋適中味道香甜啖啖肉，再來係頭盤全都係牛，賣相非常吸引而且分咗9款不同種類，有A4黑毛和牛肩肉同和牛三角腩，澳洲和牛脷同M6澳洲和牛下腩肉，封門柳，鹿兒島牛柳粒，加拿大牛排骨，無骨牛肋肉同美國牛小排，各款牛肉食落質感都會各有不同，當然肉質脂肪亦會取捨咗邊D食得較好味而我就首選A4黑毛和牛肩肉同牛角腩，入口肉質鮮嫩脂肪分佈亦相當平均，不用點醬汁已食到肉嘅香甜，真係有質素嘅美食，而另一款係加拿大牛排骨，牛排骨已經過醃製，食到香濃醬汁之餘又食到牛排骨嘅肥美，當然會encall 一番滿足食慾又食得滋味除咗可以食各種牛肉外，仲有海鮮拼盤亦相當豐富分別有鮑魚，帶子，深海虎蝦，

沙田人實在太多, 又好似無咩野食. 之前食過oppa 燒肉旺角分店印象唔錯, 所以係沙田文化中心睇完Pixar展就決定過黎試下佢新出任食menu, 呢個弘大燒肉放題只係$238. 而且任食menu 選擇比想像中仲要多, 除左多款肉, 仲有好多主食, 湯, 小食選擇. 不過留意番呢個優惠價只限530pm入座, 2hrs 任食. 做足功課既我地緊係趕係530pm準時到達啦頭盤係一開始就會送上, 不過部分肉都可以係任食menu 再encore.呢盤咁震撼既肉肉肉包括A4黑毛和牛肩肉, A4黑毛和牛三角腩, 澳洲和牛脷, 澳洲和牛下腩, 封門柳, 鹿兒島牛柳粒, 加拿大牛排骨, 無骨牛肋肉同美國牛小排.另外仲會送上一整條腩肉同泡菜鍋邊蛋. 其中A4黑毛和牛肩肉雪花紋理最靚, 食落口牛脂香味最濃郁. 美國牛小排事先用韓式醬料醃過, 味道會比較出, 用生菜包肉就最match.老老實實, 其實正常食量女仔應該淨係食完呢盤肉已經大半飽, 因為份量真係超~足. 不過話明任食, 我地當然發揮比平時多100%食量試多d泡菜鍋邊蛋真係幾好食, 除左泡菜碎應該仲有落洋蔥碎同其他材料, 食落好足味好香而且口感剛好

近年韓風吹得盛，韓國燒烤及料理店開得滿街都是！今天抱著一試的心態來到大埔試試這條行尾的‘OPPA韓國燒肉店’，畢竟韓國燒烤店太多也不敢抱着過大的期望！我們去到時間尚早，還不到六點。可以安排坐在有沙發的位置！與一般韓國燒烤店一樣有圓筒形的座位可擺放雜物，每台均有吸油煙的抽氣機，讓人食後也不會滿身油煙味！很是體貼～我們點的是弘大燒烤自助餐餐！入座起計90分鐘！看着Menu巳見到有很多各式各樣的食物！實在花多眼亂～望望旁邊的食客，那盆牛肉真的是十分震撼！每人另加＄40可以任飲Draft Asahi!😎在主菜未到的時候我們先嚐嚐一些韓國醃制前菜及茶！喜歡前菜味道清新，淡淡的酸味更是開胃！ 配料有簡單的海鹽、些韓式醬汁及新鮮的蒜蓉紅椒等～首先來的韓燒必食的豬五花！長長的五花腩十分巨型！更能切成十多塊！ 脂肪與肉層層相扣！豬肉鮮味十足不會有半點SO味！   配上清新的海鹽包在生菜來吃已十分突出！店員很快便呈上我們的宏大燒肉拼盤，對於這盆牛牛來說，相機先吃這一定是必定的動作！嘩！OMG!我不禁大叫了一聲～～幸好旁邊的食客沒有行注目禮，不然真的十分失禮了！🙈光看着這盆牛肉🐮已經令人想入非非，那血紅的鮮

之前Openrice 見到食評分享，那些和牛拼盤好吸引，所以今天特地來到。係入口處有些吧位，可以坐在這裡飲啤酒或等位，大堂裝修有好多壁畫，每張枱上有一條好大的抽氣管，所以就算多人開爐燒烤，空氣都很流通，另外每張枱的圓桶坐位，都可以打開放手袋、背包。這裡現在提供兩款放題，我們揀了《弘大燒肉放題，每位$ 268》包頭盤和牛一份 + 任食所有Order紙食物。侍應首先倒了些泡菜蛋漿在爐邊，然後為我們燒了一件五花腩，原來五花腩的油，令到全個爐面都有油，不容易黏底。頭盤：A4黑毛和牛肩肉，A4黑毛和牛三角腩，澳洲和牛脷，澳洲和牛下腩，封門柳，鹿兒島牛柳粒，加拿大牛排骨，無骨牛肋肉，美國牛小排。A4黑毛和牛的牛脂分布均勻，肉質很軟，入口溶化。M6澳洲和牛下腩，脂肪比例平均，牛味濃郁。美國牛小排，脂肪比例相對少，有嚼勁，牛味十足。其餘的牛肉部分都在水準之上，而且份量不少，所以吃完這個頭盤都已經有些飽，只追加了些牛肋肉和一個海鮮辣湯。溫馨提示：大部分的牛肉都沒有調味，只有加拿大牛排骨有醬油醃過，所以最好留到最後先燒，因為好易黏底。飯後每人有一條雪糕批或雪糕。燒烤爐的設計很特別，係右手邊有一個出口位，多