OPPA韓國燒肉店 (已結業)

暫時不能去韓國吃韓式燒烤，這天唯有去大埔感受一番。進去點了江南海鮮燒肉放題，可以任食A4日本澳洲和牛和海鮮頭盆 ，當然還有其他食材和飲品。會先來一盤五花腩、海鮮和牛肉拼盤，吃不夠再點囉。海鮮食材新鮮，蝦入口爽彈，扇貝鮮甜，鮑魚加了蒜蓉，味道更豐富。五花腩大大的一條，包著生菜，蒜頭更為美味。牛肉拼盤裡有黑毛和牛三角腩、加拿大肉排骨、澳洲和牛下腹腩等，肉味頗濃，，吃多了，包著生菜再吃，減減油膩感。還有一些串燒，有雞翼、紫薯等，超滿足。燒烤少不了喝啤酒，人生一大樂事。

疫症當道，不少餐廳也有推出優惠 任飲任食也是一個好選擇 任食價錢有兩款，難得來到當然要吃好一點 任食類種非常多，除肉類，海鮮外 更有韓國料理，炸雞，拌麵，石鍋飯等等 飲品也有不少，連真露，紅白酒也有 爐邊更有滑嫩的泡菜烤蛋 前菜有三款，包括海帶、芽菜和泡菜，都可以添加 海鮮有虎蝦、鮑魚、帶子 牛肉有A4黑毛和牛肩肉、封門柳、A4和牛三角腩，牛柳粒、澳洲和牛下腹腩，加拿大牛排骨、無骨牛肋肉、美國牛等等 牛小排 油脂甘香，咬入口甘香鬆化 五花腩夾上泡菜再加上生菜 包起來一口下肚.好吃!! 滿足!! 串燒一盤 有雞翼，芝士丸，蕃薯仔等等 光吃完這些頭盤都已經飽了一大半！這晚兩個人食到很撐，實在是大滿足！ 蠻推薦的！ 大埔舊墟直街4-20號美新大廈地下B2舖如你喜歡,請給個LIKE^^ DULL LIFE宣傳你的專頁

今日同朋友去完大埔踩單車就順便喺呢頭搵埋嘢食～大埔不嬲都有好多選擇，今日就係朋友介紹下嚟咗呢間黃店食野！見到餐牌上面有好多選擇，全部都可以任叫唔嬲，真係諗起都流晒口水！首先就嚟咗呢碟拼盤，用咗隻勁有特色嘅碟嚟裝住唔同部位嘅肉，又來打卡影相真係一流🤤另外仲有提供唔同嘅前菜，一般食韓國嘢可以食到嘅呢度都有😚呢度嘅泡菜唔算太酸，好易入口，而且仲有少少醒腦開胃嘅感覺！一開始已經忍唔住每樣肉類都放少少上去試吓，隔離仲有個泡菜蒸蛋，一路燒緊肉嘅時候已經可以食住個蒸蛋頂下肚先！蒸蛋好香滑，加埋泡菜嘅酸酸辣辣嘅味道感覺好新鮮唔使好耐啲肉已經可以燒熟～另外仲有唔同嘅小食，我哋都試咗呢款泡菜煎餅，煎得好香，而且細細件咁上，唔怕嗌得太多另外仲叫咗啲海鮮同埋菇類，一樣係咁高質用生菜包住啲肉食感覺更加Fresh最後每人會有一杯雪糕做甜品作結

老公喜歡吃韓國菜，周日預祝生日，就來個韓式烤肉放題，讓他盡情吃吧!OPPA 在大埔美食區舊墟直街。有 < 弘大燒肉放題 >， 星期一至四$ 238，星期五、日公眾假期及假期前夕$ 268，我們晚上8:30 入座 ，兩小時放題 : 每位頭盤和牛一份 + 任食所有點食物紙的選項+每位一杯無酒精飲品。首先端上的是一條長長的靚豬腩肉。 隨即是頭盤，以牛形木板盛載著，很趣緻， 並以小紙條清楚標示每個部位的名稱，吃完哪款還想再吃，可以按圖追加，不會搞錯，十分周到。 頭盤相當豐富，有多個部位。和牛來自日本、澳洲、美國、加拿大等地。包括: 澳洲和牛脷   黑毛和牛肩胛 澳洲和牛封門柳 日本A4貨峰肉 澳洲和牛金錢展 鹿兒島牛柳粒 加拿大牛排骨 黑毛和牛三角腩 雪花腩片 特别喜歡豬腩肉、牛脷、雪花腩片、三角腩。豬腩肉~ 雖然脂肪頗厚，但肥瘦分明，吃時可按喜好取捨，充滿油香，十分美味。 澳洲和牛脷~ 腍滑中帶爽口，香而不羶。黑毛和牛三角腩~甘香軟嫩，脂質略帶煙靭。雪花腩片~ 肉質香軟，油花均勻，凝脂白滑。  吃了豐富的頭盤，其實已經半飽，不過意猶未盡

近排無得去旅行，唯有去食哩間食大燒肉放題，來到遙遠既大埔OPPA韓國燒肉店。當然韓國餐廳，緊係要有泡菜頭盤喇，仲有包燒肉食既生菜然後就有預先安排好既牛肉頭盤哩個牛肉拼盤有8款靚牛肉，包括有：(由左至右，上至下)A4黑毛和牛肩肉、封門柳、雪花腩片澳洲和牛金錢展、加拿大牛排骨、澳洲和牛下腹腩A4黑毛和牛三角腩、鹿兒島牛柳粒影完靚靚牛肉之後，就開始燒肉嚕。開始之前，餐廳侍應幫我地落泡菜蛋卷、牛油粟米、芝士燒。落牛肉喇，記住同時間唔好落咁多，因為會好快熟，要翻得快D，如果唔係會好快燶嫁。燒肉可能會有D熱氣，咁用生菜包一包，加埋醬汁同蒜片，就更加健康喇。食完牛肉之後，就燒哩塊咁大條既五花腩。真係好厚肉，又長，長到要打斜放要燒得曬。小貼士，燒熟少少就更加易剪開一塊塊喇。之後我地仲叫左個韓式料理「真露蜆湯」每隻蜆都脹卜卜，好大隻。今日好似特別肚餓，所以再叫左其他肉類。包括：韓式午餐肉、雞腎、豬頸肉、魷魚、小八爪魚甜品有雪糕有Mövenpick 雲尼拿味，仲有Häagen-Dazs 士多啤梨味又黃又好食既燒肉店，一定會繼續幫襯！💛😍

呢度座位寬躺，裝修韓式😍仲有韓文歌不停loop,猶如置身東大門😂前菜❤️有泡菜，紫菜，芽菜同生菜可以任Fill 😍牛拼盆❤️大大盆勁吸晴☺️每一款都有名牌，方便encore 🤣黑毛和牛❤️和牛入口即溶，油脂豐富😋牛小排❤️肉質冧身，牛味香濃😃牛排骨❤️以惹味醃料醃製，帶甜增添層次感👍牛肋肉❤️紋理充足雪花，彈牙有口感🥰鮑魚❤️仲有一人一隻鮑魚，加入燒汁一齊燒，彈牙又惹味😋串燒❤️仲有即叫即燒嘅韓式串燒，淋上甜酸醬😍好味道👍飲品❤️可以係出面任拎，款式多，更有大量韓式罐裝飲品選擇，燒酒，啤酒，紅酒，白酒都係任飲😋

前2日自己生日,就揀自己鍾意食嘅燒肉放題,放題得兩種價錢,一係$238/唔包嘢飲及高質食物,一係$368/全包所有嘢,咁諗住生日食好D,就揀左$368,講真一D都唔值,以前在佐敦食$258放題都好過佢,起碼價錢合理,質素同服務亦唔會好差。但呢間係$368貼錢買難受,食物好唔好係其次,最重要係服務員D態度黑口黑面,叫嘢十問九唔應,疫情下已經都唔多人幫襯,仲要咁嘅服務質素,真係唔會再有下次。唯一可以讚,就係環境同廁所都係乾淨嘅。

疫情之下 大家都精神緊張 所以今日趁住周日就同呀爸呀媽黎食下好野relax下 韓燒🤤首先佢環境舒適 坐喺度冇壓逼感 加分 然後我地揀左弘大燒肉放題 一開始就有一個一次性 冇得追加嘅頭盤 估佢唔到勁大盤😍😍 係隻牛咁嘅形狀 唔同部位嘅肉就放左喺相應嘅位置 好清晰自己食緊乜🤣 跟住燒完放入口果一刻係嚇親 每一件肉都好高質 肥肉少 肉質軟滑 完全冇根 一咬就斷 正到😱然後都叫左啲可以任加嘅肉睇下係點 有牛 豬 雞 都係咁正呀 救命 基本上都冇野可以挑剔❤️最欣賞係芝士燒 唔係好多韓燒店有 放佢落鐵板其中一格 可以用黎拉絲點肉食🤤 好邪惡 😈熟食方面欣賞佢嘅炸雞 外面粉漿唔會太厚得香脆 入面雞肉好滑滑 調味方面其實佢好辣 爽呀🤣 加埋甜甜地嘅炸雞汁 愈食愈開胃🤪

喺屋企就黎悶到發癲所以忍唔住落屋企樓下食野見到呢間 記得好似旺角都有分店又見到有任食 想盡興下 就揀左佢一入到去個裝修 係充滿韓風街頭既感覺會覺得自己真係「出左街」而唔係就咁「落街」咁hea仲要呢個時勢 都唔少人 令我有d信心我揀左弘大燒肉放題$ 238先黎頭盤和牛一份 裡面有A4黑毛和牛肩胛同埋A4黑毛和牛三角腩仲有任食所有Order紙食物好多選擇！每位一杯無酒精飲品佢無論熱食同埋肉類都好多選擇勁鍾意佢個芝士燒 可以無限添加可以用來yam腸仔，午餐肉，肉類都可以超香口超正！肉類食材方面都好新鮮極力推薦佢個和牛下腹腩同五花腩兩個人舒舒服服食咗五百幾蚊都開心既

又係係區內繼續覓食咁耐又無出街食飯 係要食好小小既其實每次想食韓燒，我都係黎呢間食過幾次 肉既質素唔錯、而且多選擇我覺得食放題最緊要多款式韓式地道裝修先送來頭盤有A4黑牛和牛胛A4黑毛和牛三角腩澳洲和牛下腹腩澳門和牛脷封門柳美國牛小排加拿大牛排骨鹿兒島牛柳粒和牛金展淨係呢個頭盤我覺得價錢好值啦因為出面食和牛好貴試到每個部位，試完覺得邊款好食，再追加前菜小碟，有泡菜、芽菜、昆布其實前菜唔止咁少嫁，仲布粟米粒、芝士係追加紙上面，我地決定食埋先再叫仲有五花腩不過店員無介紹係邊款牛，有幾款唔係好確定係邊款牛爐邊蛋，加入泡菜，好食又係可以無限encore夾菜或泡菜及生菜食，感覺油膩仲有熟食可叫有成足足十款韓式料理！基本炸雞、炸牆面走唔甩啦至於海鮮就相對較少只有多春魚、魷魚、小八爪魚🐙最後仲有雪糕作結尾捧住個肚走啦！

食燒肉放題,心水選擇推介當然就係要黎OPPA韓烤店旺角或大埔都有分店店家主打高質素放題燒烤分為兩個價錢,一般正常食弘大燒肉放題$238一位已經夠曬,頭盤送多個牛肉部位!食足2小時,有齊前菜,各種牛肉位置,豚肉,雞肉等仲有韓式午餐,肉腸,魷魚,多春魚等等~韓式前菜泡菜,料理,包括石鍋飯,雞湯,炸雞豆腐湯,咖哩拌麵,蜆湯,炒年糕等等真係每樣食一件都夠曬飽另有洋蔥,雞脾菇,鮮番茄,南瓜等蔬菜選擇不包任飲,可加$30任飲指定飲品或半價手工啤酒或特飲如果想慳皮,佢有免費茶水提供,慳返30蚊! 一埋位就會先上一盤和牛拼盤有齊多個唔同部位,A4和牛腩,牛舌片,牛柳粒等每種牛肉既質感都相當唔同,可以食到各種風味火力猛,要留心燒,大約各煎15秒就食得有部份比較厚身就烤多一陣先食本身無預先調味,加點鹽已經好吃 值得一提,佢地解凍功夫做到足,不會切舊冰比你訪間有試過係試舊牛肉冰比我燒,好難食! 我地兩個人食頭盤已經飽左一半!份量比得好足唔好貪心畫太多數量,叫幾多食幾多~有牛油粟米,泡菜邊爐蛋,仲有熱溶芝士一次食到三種配料  細心睇,店鋪內仲會有好多特色既牆畫絕對賞心悅目,環境又好,抽氣又夠勁 飲品櫃檯分等級

最近出街嘅次數少咗好多，諗住食下久違了嘅韓式燒肉😙環境係幾地道韓國嘅燒肉餐廳嘅設計，有個好大嘅吸油煙管喺每個爐頭上面。一入到去冇耐揀咗個燒肉放題，啲職員已經非常親切咁幫我哋開爐，倒泡菜蛋漿，同放晒啲配菜喺我哋枱面😆唔使幾分鐘成盤牛已經係我哋面前🤣快到有啲反應唔切原來呢個放題會有頭盤先嘅，夾雜咗來自唔同部位嘅肉😆仲好細心咁寫低晒肉嘅種類，啱晒我呢啲對牛冇乜認知嘅人🤣其中就有A4黑毛和牛肩胛同埋三角腩! 咁大個人第一次食咋🤣🤣呢一個頭盤已經嚐遍世界各地嘅靚牛🐄其中我最鍾意食牛肩胛、雪花腩片、封門柳，因為都係入口即溶嘅口感😚你鍾意有啲咬口嘅就應該會鍾意和牛金錢展~和牛嘅三角腩聽講一隻牛都只有四至5公斤咋！所以好珍貴，睇吓佢啲脂肪分布幾平均！入口軟滑即溶😋本身就咁食已經好食，再配埋佢哋嘅配料先係正宗韓式嘅食法~亦都有醬料、胡椒鹽同埋蒜片我哋仲叫咗芝士燒同埋牛油粟米放喺爐邊度燒，牛油味好香😋加拿大牛排骨應該係頭盤入面唯一有醬料腌製過嘅😙個汁唔會太濃蓋過肉味食完頭盤終於叫下其他嘢食啦~ 一份辣年糕用咗茶杯裝住，好可愛😝 辣年糕好有咬口而且好辣🌶仲有多春魚、雞肉、雞腎、煎泡菜餅同埋最好食嘅韓式炸雞!

星期五因早收工同老公一齊係大埔搵食，老公提議食燒肉，想搵個近近地既地方食，見大埔有仲要OP咁多好評，重點是放題，好岩男士們既大胃口!黎到既時候太早既關係（大約5:15左右），完全冇人，但一到左6:30打後記開始出現人龍，好在早左食姐！由於係星期五，放題會每人加$30，我地揀左$268既餐！$268既燒肉餐可以揀1、2號櫃既飲品一罐，同埋有自助既水樽裝水一黎就已經會比左個頭盤我地，會分番每個牛既部位比人睇，第一次見呢款碟，都幾清晰知食緊既係咩部位頭盤既質素絕對唔係隨便野，每個部位都非常出色！！我同老公都認為牛肩胛同三角腩係最出色包生菜食真係一流，唔會太油膩，又好香肉汁！仲有個鐵板用左好聰明既斜擺方法，多餘既油就會倒走，加上有得揀芝士同粟米，五花腩點呢個芝士醬，一流！由於食完頭盤我同老公已經飽到不得了，冇再叫肉，廢事食唔曬浪費左！！我地叫左個參雞湯飲，又估唔到幾足料，而且有參味我地打算都係叫個湯飲下，冇諗過幾好飲、足料！總括黎講，係大埔想食燒肉，一定會揀呢間先，價錢合理，一定食得夠飽而且質素高！

一家大小都岩食的韓燒放題OPPA韓國燒肉店之前係旺角同朋友食過，燒肉質素唔錯，今次帶埋一家人去食，我揀左去大埔分店。因為得大埔分店有任食放題，岩晒中意食韓牛既我地。江南海鮮燒肉放題，仲有一個海鮮頭盤送，每人一隻深海虎蝦，鮑魚同帶子。一坐低店員會幫手開爐，佢地嘅燒烤鐵板設計好貼心，係向下傾斜，多餘嘅油會向下流走，咁就唔會食到咁多油，又可以食多幾舊燒肉，而燒烤鐵板兩邊都有唔同既分隔，長條型既會幫你加泡菜同蛋漿去整泡菜蛋，泡菜蛋卷酸酸辣辣幾開胃，都值得試下，食下食下唔覺都好快食完成條，仲可以叫店員refill。之後，店員會端上和牛頭盤，好得意，個盤係一隻牛的造型，而佢地會跟據唔同部位既牛肉放返係上面，每款只有兩件，咁你試完所有再encore時就可以大致估到你比較中意食個款牛係咩。對於我地呢ｄ好中意食牛，但又唔多識分既人好有用。我比較推介A4黑毛和牛三角腩，油脂好豐富，超濃牛味。因為呢個三角腩脂肪比較多，所以我用生菜包住食，咁就無咁肥膩。屋企人都中意食海鮮，所以叫左多春魚，海蝦，魷魚燒。多春魚細細條，味道幾好食，不過我地燒得唔好，所以燒到爛晒。魷魚質素亦唔錯，好ｑｑ又彈牙。而佢可以叫既熟食同任

去大埔搵朋友食飯，知道呢條街有好多嘢食就試咗呢間韓燒，見到任食都係二百幾蚊，又唔貴，所以就入去試，入面都幾多人，好在我哋咁啱有位炸！叫咗個餐之後，一上嚟就有呢盤和牛嘞，淨係賣相同擺盤都好吸引！除咗呢盤牛之外，佢仲有任食紙，但係我哋兩個女仔都諗住食完呢盤牛再睇下咩情況先再叫，唔想浪費食物！點知話口未完，店員就上埋個五花腩，五花腩個樣勁吸引，肥瘦適中，五花腩就係要有啲肥膏先好食！食韓國嘢最鍾意食佢嘅泡菜，呢度嘅泡菜味道都唔錯，而且可以無限任添！五花腩燒到金黃色，燒完有少少脆，加埋少少肥肉，正！和牛全部都好新鮮，入口有牛味，燒到咁上下店員仲會主動幫你換盤，唔會食哂啲焦，好貼心！食韓燒生菜都係重點，呢度嘅生菜除咗可以任添，而且都好新鮮、好爽脆、配埋啱啱燒好嘅和牛同泡菜食，味道超級夾，而且好清新，又可以減去燒肉嘅油膩感！隔離行嘅蒸蛋都好好味，本身已經調好左味，加埋少少泡菜，嫩滑得嚟味道又好！我哋兩個大胃王食晒啲肉之後，仲叫咗其他食物，好似雞腎、多春魚同埋魷魚，全部都好高質！熟食就叫咗個蜆湯，個湯除咗蜆仲有蘿蔔、豬腸咁，好足料！當我地食到勁飽嘅時候，發覺呢度仲包埋杯雪糕，因為雪糕實在太吸引了，所以