OPPA韓國燒肉店 (已結業)

老公生日，接佢放工順便係佢公司附近搵間餐廳同佢慶祝，撐枱腳。搵下大埔有咩好野食，我想搵間環境氣氛好點的。最後搵左環境舒適寬敞的OPPA KOREAN RESTAURANT，一行到門口已經知道自己無揀錯餐廳，一眼望落去完全唔似一般韓燒店，反而有點似酒吧，而入面牆上充滿色彩繽紛的卡通塗鴉，好有特色，而背景不停播放住k-pop音樂。而餐廳抽風系統做得不錯，就算大半場都坐滿客人，空氣都算清新，。一坐低就送上三碟前菜，泡菜，芽菜同紫菜都好食，又唔算好鹹，食完店員仲會主動增添。去飲品櫃揀飲品，超多超多款，仲要款式都係比較特別的韓國飲品，特別推介呢隻入面有粒粒提子果肉的，而另一款用玻璃樽的有汽桃味飲品都好好飲，仲有少少酒精。我數過起碼超過２０款飲品，另外紅白酒同生啤都有任飲，不過我同老公今晚都無咩飲酒。講返燒肉，首先，店員會送上一盤靚牛，由裝牛的盤都可以顯示出呢Ｄ都係好頂級嘅牛肉。A4黑毛和牛肩胛、A4黑毛和牛三角腩、澳洲和牛下腹腔、澳洲和牛脷、封門柳、鹿兒島牛柳粒、加拿大牛排骨、無骨牛肋肉等等。真係無誇張，款款牛肉都咁好食，因為唔同部位的牛肉都有唔同肥瘦，唔同油脂分怖，更有唔同口感，有入口溶化的鹿

早幾日約埋友人一同去試呢間oppa燒肉放題，聽聞有和牛同眾多食物，所以我lunch都無食就狗衝過來。坐低之後，店員幫我地開火，於鐵板側加入泡菜蛋，再以迅雷不及掩耳既速度上曬前菜，同埋和牛頭盤。由於前菜間間都差不多，我就唔多講啦，重點黎講下會個和牛頭盤。同出面某幾間高級韓燒店既擺盤差唔多，應該就係嗰舊肉係隻牛既咩部位佢就會擺返相應牛形盤上既位置。最值得推介係牛下腹同埋鹿兒島牛柳粒，淨係睇賣相都已經殺曬，油花分佈好靚，入口極重牛味，牛腹肉有咬口，但一啲都唔硬，牛柳粒咬開後成口都係牛香，幸福滿滿。當然其他部位亦都唔差，但呢兩個位置最為突出。其他食物都幾好，包括呢個小八爪魚，爽口彈牙，鮮味非常不錯。人參雞湯，滿滿的參味，飲完一碗又一碗。最後我同友人都托住個肚行出門口，真係滿載而歸。

朋友約我去到老遠嘅大埔請佢吃生日飯， 話食完順便散步返屋企， 見係佢生日就順下佢意！ 請食飯最好就係去食任食， 可以控制住個荷包！佢話想食韓式燒肉，咁就決定去Oppa韓國燒肉店。 鋪頭門口大大， 比我感覺好開揚， 而座位與座位之間有好多空間，夠闊落！唔會好似油尖旺區嘅食肆咁迫， 唔錯！ 餐廳耐播放著韓仔音樂， 好啱口味！兩條友平平地叫咗「弦大燒肉放題」， 先嚟一大碟有A4黑毛和牛肩胛 同埋 三角腩、加埋其他肉類， 基本上唔再追加食物！ 首推唔係和牛， 個人認為韓式燒烤必吃必定係豬腩肉。呢舊豬腩肉， 肉同肥膏均勻適中， 唔會太肥， 亦唔會太瘦冇咗食腩肉應有嘅味道， 贊！呢個套餐包一罐飲品，可以喺餐廳嘅1號同埋2號雪櫃裏便隨便拎一罐。鐵板嘅另一端放有泡菜煎蛋， 泡茶味道剛剛好， 唔會太酸（個人好怕太酸）， 啱口味！ 但提議各位剛熟就快快食， 唔係過熟蛋就會有小小鞋！甜品有dryer’s , movenpick , 或哈根大師任選一， 如果可以任食雪糕就更好！

有一晚慢行回家時被門口的招牌及餐廳的裝修吸引了，必須試一試。我們選擇了「弘大燒肉放題」，星期一至星期四$238/位，星期五至星期日$268/位。首先會送上和牛頭盤，幾得意用牛牛🐮形狀的盛裝，介紹不同的部位，相當吸引🤩 放題仲有其他肉類，不能缺少的五花腩/牛柳粒/午餐肉😋，海鮮，蔬菜，石鍋飯，炸醬麵，炸雞......食飽之後仲送雪糕，可以選擇Haagen-Dazs, Deryer’s 或 Movenpick,超級滿足😌

今次嚟到食咗個價值$238弘大燒肉放題 我好鐘意呢間鋪頭嘅裝修佢入邊嘅裝修係用好多貨櫃裝飾 再加埋啲Graffiti 同埋啲K Pop歌 成餐飯好似發生係韓國咁呀😂😂😂😂兩小時嘅放題我哋食咗好多款肉 為咗把握好兩小時嘅任食時間 我哋一早已經揀咗啲靚嘅部位食 而侍應都好快捧左啲個set包括既肉上枱👍🏻👍🏻佢哋提供肉既款式都好多而我最鍾意食嘅就係和牛封門柳、和牛下腹腩 仲有美國牛小排同埋無骨牛肋肉 呢幾款肉約喺出邊比較少見到 而佢哋既肉質亦都好嫩滑 燒完出嚟都唔會韌 入口好juicy唔油膩大家記住要食埋佢哋嘅泡菜蛋、牛油粟米同埋芝士燒啊😍😍😍呢幾樣係燒盤側面度燒 都係可以無限添加㗎燒完既肉沾上芝士 我仲叫咗一個人蔘雞湯 啲雞肉滑嘟嘟架🤩🤩🤩雪糕

🔸呢間韓燒絕對係韓風十足，一入門口已經見到幾部大電視播緊K-pop MV，入面既裝修都係街頭畫風，加曬分~🔸一開始會提供五花腩肉，用肉本身的油來開爐，而個爐係打側的，可以隔去多餘的油，幾細心🔸叫左268元既燒肉放題，頭盤係最正，除左A4黑毛和牛肩胛同三角腩之外，其他都可以任食～個人最喜歡鹿兒島牛柳粒，好有肉汁，好鮮甜~🔸推介大家飲真露蜆湯，啲蜆好足料，唔重味精，好好飲🔸至於韓式炸雞，就有啲失望，調味很一般，炸得有啲乾~

Oppa燒肉其實都食過好多次～今次都真係要讚下佢！ 呢日黎到大埔既Oppa 揀左個弘大燒肉放題餐～ 好多款肉都可以任食～ 唔止肉，仲有前菜同埋D鍋物，熟食，仲有爐邊既蛋都可以任加！ 唔駛300$一個人呢個價錢真係超值！佢D牛肉仲有和牛食添！ 真係好抵！店員先黎上左個牛既拼盤，好中意呢個木板show到你食緊牛既咩部位，牛肉肉質夠彈同埋好新鮮.... 講起又想再食... 五花腩都真係夠邪惡，包菜加醬食真係一流... 五花腩燒到咁上下再剪開佢，再燒到個邊位焦焦地，咁就有D脆口既感覺夠哂好食！如果屋企人唔食牛其實都仲有好多豬同雞同埋熟食既選擇，帶佢地黎試下都幾過癮～～～估佢唔到爐邊蛋都可以任加，不過其實咁多野食我地加一轉都夠Hahaha芝士配粟米都好邪惡但好正！又係有得追加～我地仲有叫石鍋飯添～真係樣樣都試哂呀！ 我地個餐包一枝野飲，出面有自助水吧，同埋包一杯雪糕～可以揀haagendaz movenpick 或者dryers～我地揀哂Movenpick hahaahahahah下次要黎試佢個海鮮放題餐！

黎到大埔既OPPA燒肉，雖然係疫情環境下，但都仲係唔少人流，而店舖衛生方面，就明顯比以前搞得好左，多左搓手液同好酒精，同埋座位都隔離都有一段距離，所以都食得幾放心，同埋自己都最緊要識得係食野之前洗下隻手。呢間燒肉舖既性價比都算幾高下，今次叫左佢個燒肉套餐，雖然呢個set就無海鮮食，但勝在肉類選擇多，剩係牛都有3,4款。款款都各有特色，美國牛小扒就比較有口感。一黎佢會比個頭盤，頭盤有和牛三角腩，呢個係本人最愛，脂肪比例極高，有入即溶既感覺，雖然呢個就無得任食，但咁肥食一兩舊都已經好夠。除左牛之外，佢個五花腩都好好食，肥瘦好均勻，點D韓式醬黎食真係好正，如果想無咁油，仲可以包住d生菜黎食，又另一種口味。佢跟餐會送一罐野飲，都夠曬一餐飲，想飲多D就要另購喇。

近排因為武肺既關係，真係好少約朋友出街食飯，無見朋友咁耐終於近近地約出黎食野，最後決定四個女仔食韓燒，諗住呢段時間應該無咩人出街食，點知都幾多人幫襯。餐廳環境好有韓國風味，而且仲有幾部電視一路播住k-pop MV 氣氛好好。坐低無幾耐就黎左條五花腩，我初初見到咁多肥肉真係好驚，但燒完之後啲油出晒嚟，食落口係唔會覺得肥膩而且仲好好食，可惜我掛住食唔記得影相。再嚟就係主角，呢個拼盤有齊唔同國家既牛包括A4黑毛和牛肩肉、A4黑毛和牛三角腩、澳洲和牛脷、澳洲和牛下腩、封門柳、鹿兒島牛柳粒、加拿大牛排骨、無骨牛肋肉、美國牛小排，埋單每人三百蚊唔駛就食到咁多牛其實都真係幾抵食，而且牛味幾濃，唔係cheap cheap牛，雪花紋都好平均所以入口好淋好正。韓式炸雞新鮮炸起熱辣辣，少辣，咬落口仲好juicy，肉質係好滑好好味。而韓式炸醬麵係我朋友叫既，佢話味道唔錯。另外我叫左個傳統石鍋飯，因為我一定要食啲飯落肚所以叫左呢個，呢個有驚喜，飯黎到時係好足料，有少少辣，飯夠熱好好味好滿足。整體黎講，呢度既牛好有水準，連生菜都好新鮮，除左牛，最欣賞係個石鍋飯同炸雞，因為真係好好味。

好耐無食燒肉，咁岩姐妹們都附近收工，就相約去大埔見下oppa (笑），燒個肉！我地點左弘大燒肉放題（hkd238)，首先搬左一盆臨臨總總嘅牛肉，大盆到嚇死人，幾驚食唔晒，點知原來咁大食 哈哈哈！呢盆咁吸睛嘅頭盤來頭唔細，包括 A4黑毛和牛肩，A4黑毛和牛三角腩，封門柳，鹿兒島和牛粒，無骨牛肋肉等等，放在鐵板上燒，將牛油榨出，再配燒肉汁或海鹽食一流！燒話明燒肉放題，我地仲叫左醬醃豬肉，豬排骨等等試下，一樣出色。熱食方面，我地柯打左人蔘雞湯（清清地去除燒肉嘅油膩感），炸醬麵（細細碗過下癮)，泡菜煎餅（食韓國野必點，因為佢嘅粉漿係韓食先有），傳統石鍋飯（不得了，原個石鍋上，加埋飯焦食超-級-好-味），無諗過放題食咁多澱粉質。仲有無限添加爐邊泡菜蛋，任食前菜包括泡菜，醃蘿蔔，海帶，芽菜等等。最緊要多人去食些牙住食，咁就可以食多幾款啦。

肺炎病菌橫行，但絕對不阻我與朋友談天說地吃好西的決心，韓國燒肉店絕對是與朋友促膝詳談呀的好地方，這間店已經是我第二次光顧，看看它在這個疫症艱難時期能不能保持水準。免費派發漂白水，在這個時期確實物輕情義重啊。裝修依舊型格，四處都看到色彩讓人的心情不禁好起來，四部大電視播影着韓式AV，喜歡韓風的你一定最適合不過。爐的設計地面向右側斜着，其實是有其作用的，讓剩餘的肉汁或油，能在旁邊的洞口排出。適量的前菜令人不感壓力，吃上口味道適中不會過鹹啊。這次點了江南海鮮燒肉放題，海鮮類包括深海虎蝦、鮑魚、帶子；肉類有A4和牛三角腩、A4黑毛和牛肩肉、澳洲和牛下腹腩、封門柳、鹿兒島牛柳粒、加拿大牛排骨、無骨牛肋肉和美國牛小排，應有盡有。雖則字面上是來自世界各地的優質肉肉，但都要放進口內才能一探虛實。肉質除了牛肉味香濃，而且肉汁四溢，整個口腔都充滿了牛肉的香氣，實在太爽了。你可能會有個疑問為什麼有這麼的優質肉肉這麼豐富的海鮮又有鮑魚，但價錢卻那麼便宜？大家看看場內環境便知道箇中原因了。原來餐廳是走薄利多銷的策略，

今次去左一間韓燒餐廳食，整體非常唔錯，雖然疫症當道，但係無阻大家食客黎食，愈夜愈多人添。餐廳整體環境好舒服，地方整潔唔會有油煙，又通風清爽，地方闊落唔會撞到人。黎到食野啦，今次叫左份頭盤：包括有A4黑毛黃和牛肩肉，A4黑毛和牛三角腩，澳洲和牛脷，澳洲和牛下腩，封門柳，鹿兒島牛柳粒，加拿大牛排骨，無骨牛肋肉，美國牛小排。全部啖啖都係肉，多汁肉嫩滑，放係鐵板上燒一陣就食得啦，好好味！我就加少少海鹽同蒜頭，有時會加一塊清菜，完全唔覺得油膩！牛肉食完之後就燒虎蝦，虎蝦爽脆彈牙！仲送埋兩隻鮑魚同帶子，燒起上來，多汁爽口，勁好食！！野飲方面都係自助餐廳都有既汽水飲料，不過就有生啤等其他啤酒，要問服務員先可以攞既，一大杯都好好飲，質素唔錯。另外服務員態度非常好，會教我地點樣燒係最好既，仲會自動留意燒板有無癡底，隨手幫手換新，睇得出佢地好貼心啊，下次一定會再來多次添！值得推介！

It is located in Tai Po but it is easy to get a parking space nearby.As soon as you enter, you will hear popular K-Pop songs. There is a bar area at the entrance, which you can get a wide range of drinks. Even if you don't want Korean barbecue, you can get a drink with friends under this delightful atmosphere.We ordered a set of seafood and meat for Korean barbecue. When we sat down, the staff immediately poured the egg mixture into the iron plate, which turned into egg cake at last. It was good

前日同大埔朋友去完行山,超肚餓! 提議去食韓國燒肉放題,補充能量!新式韓燒店好少有大枱，哩度竟然有張枱，可以容納十人。韓燒餐廳最緊要係通風做得好,黎一間餐廳入去冇油煙味｡CP值甚高,牛肉頭盤份量足。只係這頭盤其他餐廳足以收3，4百元的價錢。 小朋友至愛牛油粟米和芝士。燒溶的芝士用來點五花腩一流。罐裝啤酒汽水一般放題都有,，哩度仲有麒麟生啤可以提供添飲｡食韓燒當然唔少得生菜,非常新鮮脆口｡推薦要飲蜆湯裡面的配料蘿白,大腸美味,落足蜆肉熬湯底,非常鮮甜｡韓式炸雞外皮酥脆,熱辣辣新鮮炸出｡韓式炸醬麵麵底喺真正的韓國拉麵｡推薦食海鹽雪糕味道與口感都非常好。 韓國燒酒都有多款選擇｡

《江南海鮮燒肉放題》▪️一坐低店員即刻倒蛋汁落個鐵板邊到蛋汁🍳Mix左泡菜芝士紫菜燒到八成熟 泡菜蛋卷就可以食啦.▪️再黎醒神開胃前菜: 酸蘿蔔、海帶、泡菜.▪️頭盤: 店員奉上一頭牛🐃、五花楠🐖、海鮮併盤🦐兩個人來講 淨係食頭盤唔追加都已經大滿足🐃.🔸牛方面（牛肩胛､牛三角腩､牛頸脊..共10款唔同部位）大部份牛都係薄切既 輕輕燒燒保持牛肉嫩口牛頸脊就最好味 不過要留意數量有限售完即止🤫想追加就趁早喇.🔸五花楠🐖好肥美 一層肥一層瘦 咬落去滿口油香不過我都係怕肥膩 所以夾埋生菜🥬一齊食生菜好甜同爽口 食落sharp sharp 聲 encore 左三碟.🔸海鮮拼盤🦐（深海虎蝦、鮑魚、帶子鮑魚同帶子 鋪左滿滿嘅生蒜蓉好鬼香虎蝦好大隻 餐廳已經預先切開左邊 燒起上嚟都較容易.▪️調味料方面有四樣: 生蒜片､韓式甜醬､韓式辣醬同鹽多吃蒜頭🧄提升身體免疫力💪🏻請左店員比多一碟生蒜片我地一片生菜+一塊蒜片+一片肉+韓式甜醬係最perfect既配搭！.既然係放題 當然唔執輸都叫咗啲韓式料理平時清酒煮蜆就試得多啦 今次試真露蜆湯微微酒香同胡椒味好多粒蜆加埋韓式粉絲､大腸､蘿蔔､豆腐卜個鍋上台時熱到噴晒煙