由於係星期五，放題會每人加$30，我地揀左$268既餐！
$268既燒肉餐可以揀1、2號櫃既飲品一罐，同埋有自助既水樽裝水
一黎就已經會比左個頭盤我地，會分番每個牛既部位比人睇，第一次見呢款碟，都幾清晰知食緊既係咩部位
頭盤既質素絕對唔係隨便野，每個部位都非常出色！！我同老公都認為牛肩胛同三角腩係最出色
包生菜食真係一流，唔會太油膩，又好香肉汁！
仲有個鐵板用左好聰明既斜擺方法，多餘既油就會倒走，加上有得揀芝士同粟米，五花腩點呢個芝士醬，一流！
由於食完頭盤我同老公已經飽到不得了，冇再叫肉，廢事食唔曬浪費左！！我地叫左個參雞湯飲，又估唔到幾足料，而且有參味
我地打算都係叫個湯飲下，冇諗過幾好飲、足料！總括黎講，係大埔想食燒肉，一定會揀呢間先，價錢合理，一定食得夠飽而且質素高！
