OPPA韓國燒肉店 (已結業)

勁耐冇食韓燒，當然要揀間有質素既先可以令我滿足。其實香港食韓燒都幾貴，要食得開心就唔可以就住就住，呢間又係任食，而食物質素都好高既OPPA燒肉就成為我NO1既選擇啦！江南海鮮燒肉放題盛惠$368一位，就咁睇好似唔算好平，但可以任食和牛、海鮮、韓式料理、各款酒水，真係唔明點解可以咁抵食！首先會上一碟和牛拼盤，鹿兒島和牛、黑毛和牛、澳洲和牛都有。全部都好好食，其中再encore左既係鹿兒島牛柳粒同黑毛和牛三角腩！和牛雪花都算平均，入口油脂融化再口中，加上濃郁既牛味，超級好食吖！牛舌都好好食，燒完爽口彈牙唔會韌！呢個和牛拼盤唔夠食唔洗擔心，係餐牌紙都可以任叫架，真係超豪～除左和牛拼盤，仲會有碟海鮮拼盤深海虎蝦、大扇貝、鮑魚，海鮮好新鮮好大隻，全部都好鮮甜！不過呢碟海鮮就唔可以再叫啦，之後可以叫普通蝦、魷魚等等。除左燒肉，我地仲叫左好多款韓式料理，炒粉絲、水冷面、炸雞，全部都有出面韓國餐廳既水準。食韓燒點少得酒！呢度生啤、紅白酒、燒酒、罐裝啤都可以任飲！OMG！飲兩杯都已經抵返我都唔執輸全部叫左一杯黎試下～最推薦係麒麟生啤，油香十足既燒肉配上爽口既啤酒，超爽！最後仲有雪糕 ，好滿足！

放假約咗友人去咗大埔行山，行完搵好嘢食醫下肚仔先。今次搵咗呢間韓燒，雖然無oppa侍應，但有部大電視播K-POP MV陪你燒嘢食。難得食韓燒一於食豪啲，我哋揀咗海鮮燒肉放題套餐。前菜有芽菜、涼拌海帶同泡菜，食落幾開胃。套餐有一碟海鮮頭盤，有鮑魚、深海虎蝦同大扇貝三款每位各一隻。鮑魚大大隻啖啖肉，口感好爽嫩。餐廳好貼心地喺虎蝦中間𠝹一刀，開邊更加易燒，咬落好彈牙好正。扇貝同蒜一齊燒食落更加香。和牛頭盤上每款牛肉都有一份，上面有紙條標示款式，可按自己喜好再加單。無骨牛肋肉肉質比較結實。黑毛和牛舌比較厚身，食落有口感。黑毛和牛肩胛肉嫩口多汁。真露蜆湯飲落幾鮮甜，湯料除咗蜆外仲有韓式魚糕、蘿蔔、韓式粉絲等。泡菜嫩豆腐湯飲落幾辣，豆腐好嫩滑。辣醬牛肉水冷麵食落好清涼，感覺降火清熱氣。

因為疫情關係，除了跟朋友少了聚餐外，更加令我最愛的韓燒都不敢食，幸好最近疫情穩定下來，我終於又可以食韓燒了～朋友住大埔，為了方便她，我就山長水遠來大埔食個晚飯，不過質素絕對值回票價！首先職員會為每個進店的客人量度體溫，餐具及座位都好乾淨衛生，令人食得安心。我們選了弘大燒肉放題套餐$238，除了有優質和牛做頭盤外，點菜單上的食物都可以任點，好豐富！首先其和牛頭盤非常有氣勢，以一隻小牛作擺設放上各款牛肉，拍照一流！除了賣相出色，各個牛部位都各有特色，當中黑毛和牛舌和黑毛和牛三角腩就最得我歡心，黑毛和牛舌好濃牛味，而且肉質爽口！黑毛和牛三角腩的油脂比例最多而且分佈平均，令你一咬就感受到滿滿的肉汁！另外五花腩都非常出色，燒到香脆後，肉質更爽口又不油膩，配蒜片及生菜食非常好味！另外炸物都不錯，點了炸雞及韓式排骨芝士燒，炸雞一份是一整個雞鎚，炸得外脆內嫩，好多肉汁。而韓式排骨芝士燒就是炸過的排骨，以燒濃的芝士捲著吃，口感更加豐富，而且唔會過咸。食了太多熱氣食物，就點了一個真露蜆湯及炸醬麵潤一潤喉嚨，真露蜆湯好足料，有很多蜆、蘿蔔及魚糕，味道好清甜！而炸醬麵值得一讚的是餐廳用了拉麵，而不是公仔麵，更

終於見疫情穩定下，可以出街食下飯。大部分食肆都做到外賣下，除咗燒肉。真係好耐無食過燒烤肉，所以再黎呢間oppa，之前已經去過旺角分店。限聚令下依然旺場，book 左位早少少到都未有位住，好彩有啲bar 檯坐。我地叫咗燒肉放題，一開始已經有一大盤和牛拼盤。和牛拼盤好大份，每一款都有2.3塊。如果佢喺拼盤度標明係邊個部位嘅牛，咁就會方便啲，加單都知加咩好嘛！之後仲有五花腩，好大條。始終太肥膩，兩個人食都食唔晒。另外仲加左其他配料，包括八爪魚，香腸同雞腎。最後仲有真露蜆湯，湯底似胡椒豬肚湯，蜆都幾大隻。

呢到既燒板係呢隻樣, 下面係把多出來既油漏走, 無咩彈油, 算係幾好燒!大火燒牛比較好, 細火燒豬就比較好, 我就燒左比較快熟既牛先, 所以開大火前菜有d韓式小食, 菜係用黎方便包住d肉一齊食, 或放住d肉無咁易燶.一開始會送個牛拼盤比我地, 其實呢到已經差不多飽份量已經好多可以食齊唔同位既牛.首先黑毛和牛三角腩, 整體黎講自己最中意係黑毛和牛三角腩, 油花分布比較平均, 油花+牛味都適中 點小小鹽就已經好好食!牛排骨, 牛味比較重, 肉汁都比較多, 一開始大火鎖晒D肉汁已經可以, 中意牛味重,同硬身小小既可以選呢隻食.和牛金展, 呢隻就口感比較特別小小會比較爽口d 無咩油花味, 牛味還可以.澳洲M6和牛, 其實澳牛就出名牛味濃小小但就無咩油花味, 呢d岩晒d中意牛味重點小小醬/鹽食既人,口感唔會硬.呢到既芝士玉米比較推薦, 唔算係咩貴野, 但係夾埋口感好好食, 但芝士比較甜, 玉米本身都已經甜,所以個人覺得芝士唔需要加到太甜. 但口感黎講熱辣辣拉絲食算係唔錯.豬方面, 五花腩來, 標準肥肉+瘦肉, 多重口感, 煮呢個記得要細火, 如果唔係好易黑, 豬肉本身味唔重, 點D醬食比較好小小

朋友突然話好想食韓燒，今日就帶左佢去我平時係屋企附近嘅oppa燒肉，佢地嘅種類好多，所以一直都好鍾意去。佢地有兩個價錢，貴少少就可以食到海鮮同和牛，佢地嘅和牛肉味好香濃，仲有燒到脆卜卜嘅五花肉，用生菜包住食真係一流。我地仲叫左兩個湯，同一d小食，當食肉食到太膩嘅時候可以飲個清酒蜆湯或者食個泡菜爐邊蛋，胃口即刻番曬黎。佢地個爐嘅設計好特別，可以將d油漏番出嚟，禁就唔會禁容易彈到。最後佢地仲有個雪糕送，作為今餐完美嘅句號。

已經好耐無食過韓燒，今次終於可以食番夠本，朋友帶咗我去佢屋企附近嘅oppa燒肉店，佢哋有兩個價錢，咁耐冇食梗係要食盡佢。佢地會先送上一個海鮮同和牛拼盤，之後就可以任食其他野食，海鮮方面我最鍾意嘅係鮑魚，夠曬彈牙爽口，而和牛方面醃製左嘅牛肋骨最岩我，甜甜地但又唔會蓋過牛味。佢地任食嘅種類有好多，除左燒肉之外，仲有前菜、小食、鍋物等等都係任食，最開心可以任食爐邊蛋同牛油粟米。飲品嘅種類都唔少，有汽水同茶類，仲有一d韓國嘅飲品可以試下？

食得好開心好正嘅一餐，一定要同大家推介下🤣疫情下大家都冇得去旅行，想食咗韓燒勁耐，今日終於可以瘋狂放肆咁食！放題紙食物品種都幾多，除咗有肉類海鮮野菜可以燒之外，仲有好多韓式料理嘅熟食！款款都好吸引。不過為咗唔好浪費，我哋都揀咗啲真係好想食嘅嘢試吓。飲品方面會包一罐飲品，但係可以追加任飲，價錢都幾抵。我哋揀咗呢個弘大燒肉放題($238/person)，會先送一個和牛頭盤同埋五花腩，放題紙上面嘅其他嘢就可以任食。頭盤份量真係超級多，兩個人食唔晒🤣。而且仲有幾款醬料同埋三碟嘅前菜，包括芽菜海帶同埋泡菜。頭盤有超多唔同種類嘅牛肉，仲要係有和牛食！好正！牛肉質素幾好，雪花同肉嘅比例啱啱好，燒完入口即溶，齒頰留香，好香牛肉味，燒肉放題來講質素真係非常好。試晒咁多款之後真係好飽😂而且值得一讚嘅係個鐵板喺少少斜，令到啲油會順着流落黎，好貼心！除咗牛之外，五花腩我超級推介！佢有比剪刀可以燒咗之後剪嚟食，好方便，仲可以夾生菜，醬汁等等，冇咁油膩。五花腩個肉質好鮮嫩，夾住脂肪同肉，d油脂不停咁滲出嚟，好香，好邪惡不過好好食。除咗啲肉之外，仲有兩樣嘢係一定要嗌嘅！就係泡菜蛋卷同埋芝士燒。呢兩樣嘢佢會擺喺個燒肉

太耐冇出街食飯，好想食最鍾意嘅韓燒。大埔有間韓燒，見江南海鮮燒肉放題幾抵，有海鮮、燒肉、韓式料理、蔬菜同飲品，位位$368。一嚟就有和牛同海鮮頭盤，好豪華。虎蝦、鮑魚同大扇貝好新鮮，啖啖肉，又彈牙，好出色！而牛肉嚟講，最鍾意和牛金展同鹿兒島牛柳粒，前者夠煙韌彈牙，後者則重牛味同軟熟。牛吞都唔差，好淋，唔難咬。豬腩肉好啱包飯食，加埋泡菜，好爽脆同惹味。另外encore咗海蝦、魷魚、雞肉同午餐肉，都好味。韓式料理好多款式揀，先嚟一份真露蜆湯同泡菜豆腐湯解膩。蜆肉好鮮甜，蘿蔔同粉絲又入味，有啲似關東煮。而泡菜豆腐湯就好清，飲完好舒服。紅白酒任飲，我梗係唔執輸，白酒紅酒都易入口。另外試咗椰青水同青檸梳打水，唔係好甜，清清地幾好飲。一餐可以試到咁多野，好滿足！

📍 OPPA韓國燒肉店 係燒肉呀🥰🥰 呢間燒肉店既裝潢真係好似韓國地道既燒肉店咁用可以放袋既鐵桶做櫈仔 再加五顏六色既裝修 都幾得意👀👀咁我地就叫咗一個燒肉放題 佢會先上一個牛樣既木板 上面會跟住反牛牛既部位放反d肉上去 話反比你知食緊嗰d肉代表住牛既咩部位 其實平時真係唔會咁講究 完全唔知邊到打邊到🤣😂佢既生菜🥬 ，其他配菜同泡菜蛋都係無限refil 而我覺得佢有個貼心位就係 佢個鐵板係斜既 當燒肉d油一滴岀黎就自然會跣走 唔會話擔心油淋淋 佢d牛肉🥩都真係幾靚 燒完仲好juicy既 唔會燒完硬邦邦個種既牛肉 包埋生菜同夾埋d配菜食都幾正🤘🏻🤘🏻 而且野飲都好多選擇 比大家任揀唔嬲🥳🥳 如果真係好鍾意食燒肉既 記得黎trytry 啦🤘🏻🤘🏻🤘🏻

韓式燒肉一般散叫叫叫下都唔平，呢間韓式燒肉有任食，而且價錢合理。最吸引係有任食和牛 ，附送海鮮拼盤，有啲海鮮仲係任食。任飲任食仲包括其他韓式料理，超級抵！大胃王必去！韓式燒肉仲有泡菜、芽菜等配菜，食太多肉仲有生菜俾你包，冇咁濟。爐邊必備嘅蛋，仲可以加芝士及泡菜。和牛全部質素都唔錯，牛味好香，而且款式亦都多選擇。除咗牛之外，豬亦都味道唔錯，鍾意燒到脆脆地。其他韓式料理叫咗人蔘雞，有個湯都唔錯。仲有泡菜餅。

今日同朋友遠水路約左呢度食韓燒放題😻大大間好闊落，冷氣抽氣都夠哂勁，食完唔會成身燒肉味😹醬料辣醬同燒汁是必需的😼仲有大量蒜頭，任加！前菜 泡菜少辣偏甜，係我最鐘意食嘅口味😻五花腩大大條，肥瘦參半，燒到外脆內juicy..油脂口中溶化， 大滴足😻全牛拼盤排得超靚，打卡精選😻所有部位都可以食齊哂，仲有好多款都無食加餣料，可嚐到原汁牛鮮味。當中仲有黑毛和牛，入口即溶👍燒扇貝鮮味十足，肉質彈牙，每人一大隻😋即燒串燒 仲有數款串燒，即叫即燒，火猴剛好💪🏻豬軟骨醬汁惹味，雞翼調味恰到好處，外皮燒得香脆🤤

呢日黎左太和食野，發覺好耐都未食過燒肉～好想過下口癮！我地５點就到左，呢個時間冇咩人幾舒服～入座時枱面已經放好左醬料同前菜我既肉黎喇～～～見到都流哂口水呢度既肉都好新鮮下面個五花腩好正！我個人好鍾意食牛油粟米，真係叫左幾次都唔厭呀放係呢個位度慢慢燒好方便，大推～除左燒肉，仲叫左Ｄ熟食，呢個韓式炸雞都唔錯喎！我地仲叫左泡菜湯最後仲有雪糕添！飽上加飽呀，超滿足！個人幾鍾意呢度既裝潢，好特別又唔會坐得好逼，下次會再黎食

大埔之友有福了！估唔到大埔呢到都有間oppa燒肉😍成個環境都好有氣氛，成間鋪都打造左韓國既感覺，每一台都有吸油煙既管，絕對唔洗驚食完成身都係油煙味～而且椅子仲可以放袋或者外套，十分之貼心❤️食燒肉點可以唔食牛，首先黎個頭盤先！✨弘大燒肉放題 $238/位燒之前當然唔少得有開胃前菜，韓國泡菜同埋泡菜蛋當然是必備之選～重點既頭盤黎啦！呢盤野可以好清楚話比你知你食既牛係咩部位，最緊要份量多，而家望落肉質都好不錯！主要有：黑毛和牛肩肉、澳洲和牛封門柳、雪花腩片、加拿大牛排骨、黑毛和牛三角腩、鹿兒島牛柳粒✨加拿大牛排骨係成盤牛入面最大件既肉，只要燒得好，唔好燒得太熟，牛肉食落就會比較軟比較嫩，而且入味又多肉汁，同埋唔會淨係得啲骨，咬落口都係肉！✨鹿兒島牛柳粒以正方磚既形狀，比較厚身，所以燒起上黎要比啲耐性，要將每一面平均咁燒，唔洗全熟，就可以食到嫩口多汁。✨黑毛和牛三角腩無論係豬定係牛，腩肉永遠都係我既至愛！呢款牛明顯會見到脂肪既分佈，配上燒肉汁完成係perfect！三角腩唔會太肥，但又食到佢既口感。✨黑毛和牛肩肉唔會太薄唔會太厚，食落去同樣入味又多汁，一啲都唔硬！✨澳洲和牛封門柳比較薄身啲既一款

疫情期間，每日都困在家中Home Office！唔係食住家飯就係order 外賣，食到口都淡出個鳥來！終於等到堂食禁令放寬同埋疫症感染人數緩和穩定，女朋友仔專登book咗間韓燒放題比我滿足口慾！由於我同女朋友本身都係韓迷，而且我又係牛肉控，所以見到佢有個和牛放題，完全覺得係Perfect Match我哋！店舖位於大埔巿集，店內空間感十足！門口亦方便泊車，適合駕車人土。在店員幫我地量完體溫，甫一坐下，我已經見到個「海鮮燒肉放題」，即劇唔駛諗就㨂咗！店員首先㫃低啲醬汁，前菜同埋生菜，之後就先嚟咗個牛肉拼盤同海鮮拼盤作頭盤，飲品就在店內5個雪櫃裏任選，選擇都算繁多。牛肉拼盤分別放上牛肩胛、三角腩、下腹腩、牛柳粒等，至於牛隻來源分別有A4黑毛和牛、澳洲牛、美國牛等。小弟最為欣賞係牛肩胛，肉質比較爽口，牛味很重，鐘意食嘢帶嚼口嘅就啱晒！至於三角腩好少聽到，但原來好矜貴，油脂雪花均勻散布，未聞色香，食落更是入口即化！而海鮮拼盤分別有鮑魚、扇貝同虎蝦。店員提醒鮑魚預先煮熟，所以稍為翻熱就可，味道鮮甜，口感煙韌。虎蝦十分大隻，而且搣出嚟仲見到有蝦膏，十分惹味！最後，甜品亦有三款名牌子雪糕選擇，記得要點