No.9 Bistro (已結業)

呢間餐廳環境高雅，播住輕鬆既音樂。好適合拍拖約會。如果唔係朋友係度返工，我諗我會錯過呢間靚餐廳。麵包啱啱熱好，好香脆。搽埋牛油一齊食，正。粟米湯甜，因為餐廳寫明唔加味精，飲到粟米湯既原味，清甜。食到粟米粒，口感好。叫左個rosemary西冷扒。牛扒叫左五成熟，切開個牛扒，真係五成熟，正。牛扒多汁，夠甜，香料令牛扒更香。好好食。唔洗點燒汁，牛扒本身已經整得靚，好滑好甜。食埋個薯角，炸得好脆，熱辣辣，好味。牛扒上邊仲有啲茄子，牛肉同茄子一齊食，個口感更豐富，牛肉質感又昇華左，好好味。飲埋杯熱檸水，係呢間餐廳hea，好寫意。原來套餐仲有個甜品。奶凍口感滑，入邊仲有菠蘿仔，幾得意既配搭。今日呢餐係好食同健康既。