New York Cafe & Bar (已結業)

好多人都推薦我食呢間咁我睇食評又話呢間幾好某日同朋友去食lunch, 朋友話lunch好抵，所以先去試咁我就叫左份牛扒，要5成熟朋友好似叫左份雞睇到好多食評都話一定要叫" 凍朱古力"食物到晒，我一切開舊牛，一睇就知熟晒，係十成熟咁我就梗係要換啦…個侍應d態度好到不得了好悔氣咁話: 咁咪換夠2，3成比你囉乜野態度? 你地廚房做得唔好咋，不如唔使問我要幾成熟啦好啦，到杯凍朱古力，完全都唔係朱古力味👎👎👎👎好難飲呢間野去一次夠架喇

是日中午係元朗辦完事務，係用膳時間，好自然想起到New York 食返過牛柳餐。忌亷雜菜湯配薯片- 湯濃度適中，配少許雜菜，黑楜椒粉後加上，好味。薯片有些香粉味，配沙律醬。四安士牛柳五成熟，肉質好軟滑，有肉味。食完肉食番D新鮮沙律生菜，幫助消化。

服務態度惡劣﹣食品質素尚可接受 ﹣但服務員態度惡劣(叫極唔應人) ﹣食到一半就比張單我地（＊枱細又冇位擺 ）﹣不收散銀（入座唔講明，比左先拎番轉頭話唔收呢樣﹣唔收個樣） ﹣走個陣叫其他仕應“唔駛同呢台講多謝喇” ﹣走個陣係我隔離講“以後唔好黎啦”

Happy Friday, 約咗班同事去 happy，其中有位同事推介咗呢間餐廳，於是一行九人決定入去試試。好坦白講，外觀有少少失望，因為座位比較迫，而我哋就一早 book 咗佢間 VIP room（其實得一間房，仲要提提，VIP 房最低消費係 $2,500），原來呢間房只限 8 人，不過我哋無理，我哋 9 個都夠坐（可能我哋有 5 位女仕），立即睇餐牌點菜。周打海鮮湯好 cream，OK 唔錯！ 炸魚柳及洋蔥圈呢個都OK，不過我哋另外叫咗炸墨魚圈，嗰個就好唔掂，漿粉太厚白酒煮青口呢個好味，又夠大碟左口魚同事話好好味，條魚成條上，又夠大條，正！西冷牛扒我叫咗 5 成熟，又夠大件，成隻手掌咁長，肉厚，嘩，好好味！大蝦牛柳餐隻蝦一般，無味！4 安士牛柳，OK!卡邦尼意粉朋友極力推介，我覺得好 cheese，好 cream，如果唔係食咗件牛扒，我相信我會 KO 成碟，所以呢份意粉分咗 9 份總括嚟講，呢餐唔錯，啲招呼都唔算差。而原本訂枱時佢講明要 9 點還枱，不過因為無人等位，所以佢無趕我哋走註：只收現金及不收加一服務費

好少係openrice留言，但呢次不吐不快。訂左七點半四人枱，我地七點三十五分到，個帶枱哥哥話我地遲到，所以張枱比左其他人。因為我地真係遲左，所以我啲朋友就開始揾其他餐廳。但呢位帶位阿哥過左幾分鐘後，一面譏笑既樣子過黎串我地，話「全世界都知等枱五分鐘架啦」，我地就同佢講，其實我地今日confirm booking時你地女同事同我地講話10分鐘留位的，不如你同嗰位同事確認下啦。但呢位帶位阿哥就開始大聲講野同趕我地走。我食左呢間餐廳五年，剛開始時舊店老闆好nice，會同我們吹下水，落下pepper，估唔到宜家D夥計服務質素咁惡劣！好失望！

聽聞New York Cafe 好耐,一直到未有機會試 終於同家姐走左去試知道NY CAFE既 炭燒牛柳 很不錯 可以配薯菜 凱撒沙律 or 飯見之前既comment都話凱撒沙律 撘配黎食比較fresh 所以就叫左1個4oz 同一個8oz 既炭燒牛柳 7成熟有d可惜前菜五係期待既面包棒 之前既人comment話好好食 不過五緊要la XD忌廉蘑菇 ok8oz牛柳 好juicy 一般人應該好飽 我就……岩岩好凱撒沙律 好fresh 不過量多 食五晒

This is my first visit to New York Cafe for about 2 years. I really loved their open steak sandwich and when I saw it on the lunch menu again I had to order it. However I was disappointed at the quality of the steak used for the dish.  It seems to be tenderized chuck or rump steak. It was overcooked, tough and chewy. The onion rings and potato wedges were nice but it's not that hard to get those right as they are deep fried. I know the price of beef has gone up from 2 years ago but I'd rather pa

妓廉雞肉湯, 味道基本上同罐頭的沒有分別, 應該是罐頭的稀釋版.蕃茄醬燴雞肉意粉, 很一般的粗雞肉, 不甜的蕃茄, 糊口的意大利粉混合成為這個零分之作.T-骨扒, 份量絕對不夠飽, 這是下午茶的點心扒嗎? 定開心樂園餐的小朋友扒?炸魚柳, 劣等魚而且炸的技術很差, 魚爛晒一堆見到都不開胃. 另外服務很差而且經常趕客, 店外面也有驅蚊水味道影響食慾.

平時weekend都到元朗搵野食，今日老婆提議去呢家。其實平時開車經過都見到，離遠望入去感覺裝修還可以，顧客主要都係年輕人，加上openrice上面好評都幾多，所以入門口前都有少少期望。因為中午食太飽，我地夜晚九點半左右先到，去到裏面都幾熱鬧，不過都唔駛等位。坐低就覺得裏面裝修其實一般般，無咩設計，特別傢俬有D cheap，雖然唔係舊或者污糟，不過都幾影響成個feel。打開餐牌細看，都幾多產品可以揀，隨便點左個fish & chips 既 set，老婆點左個bacon & beef burger，侍應乖巧提醒burger加錢可以轉set，老婆爽快同意，但我又唔覺餐牌有寫咩可以轉set。此時隱隱覺得有D唔妥，餐牌有個貴D既炸魚，唔知同個set有咩分別，不過心想炸魚都好難衰得去邊，加上點好左費事婆婆媽媽咁，我就果斷比翻餐牌個侍應。點完一望，唔知幾時檯面多左桶bread stick同沙律醬，都幾大支，美國size，其他無特別。侍應好快就上左個餐湯，白色稀稀地，撈撈下裏面有丁點碎肉絲，感覺應該係雞肉忌廉湯，飲落去比一般茶餐廳差，估計煲湯兌左唔少水，當堂印象大打折扣。飲左一半，侍應送上我既fis

身為籃球迷，總會有一個夢想，夢想有一天到紐約大蘋果，New York Knicks的主場Madison Square Garden朝聖一番。雖然，我不算是New York Knicks的死忠球迷，但無可否認麥迪遜花園廣場這名字太有吸引力，差不多每一個籃球迷，都希望可以在那裡看一場精彩的現場球賽。這個夢暫時是多麼的遙不可及，但原來香港都有紐約大蘋果，那就是元朗的New York Cafe n Bar。這一晚乘坐巴士到元朗，為的就是和久沒相見的朋友一起來個快樂聚餐。來到才知道，New York Cafe n Bar原來在元朗很有名氣，六時多，門口已經大排長龍，要不是朋友介紹，我想我應該不會知道這裡。這裡吃的主要是美國菜，還夾雜著一些歐洲菜。甫坐下，侍應就會奉上長且脆的餅乾條，亮點卻在那微辣的沙辣醬上，把長長的餅乾條伸到金屬小兜中，狠狠地沾上大量沙律醬，最後把沙律醬吃過一滴都不剩。這裡的餐牌上，很多食物都可以轉成套餐，而套餐則可選餐湯。在餐前喝一碗熱湯，相信是大部份人喝西餐的習慣吧。煙三文魚乳酪意粉是先叫來給小瞳吃的，以忌廉乳酪煮成醬汁，配料則有煙三文魚、煙肉碎、燒過的翠玉瓜和茄子、一件麵包

坐低果時一點幾,好似剛剛full,得翻出面果2個位,第一次食,真係唔知咁少位,望望下面食評,咦,點解會差咁遠其實唔明點解new york cafe會有tortilla chips,不過都算OK,應該係買一大袋翻黎果D餐湯係忌廉雞肉湯,唔覺有雞肉,係好普通白湯,重咸左D主菜係烤雞肉意粉,即係樓下講雞扒蕃茄醬燴意粉,只不過換左名,貴多5蚊,但wa,D雞,又un又乾,真係普通貨色,唔似係中級野,唔好話高級坐坐下就開始多人,但唔係兩人位客,雖然真係坐左一個鐘到,但佢出到聲趕客,感覺真係唔係幾好可能呢間野真係唔太貴,冇加一,成個套餐都係50蚊,所以我唔應該要求咁高,但係食到同普通餐廳30幾40蚊貨色差唔多,又坐唔得耐就真係失望左D

住了元朗那麼久，一直聽了那麼多好評，但水太太一直還未到過NEW YORK CAFE呢想不到這裡的午餐果然又平又高質素，難得這麼多好評呢點餐前已預備了薯片配沙律醬薯片帶有少許香料味，有重重的辣椒粉和胡椒粉味（放心，不辣的，但有那種香味）有點像墨西哥風情餐湯是忌廉雜菜湯黑糊椒粉是侍應上菜時即場灑上的，這服務可一讚，感覺到了高級餐廳般雜菜湯味道沒有特別，算足料，忌廉不是很濃稠的那種，OK水爺點了安格斯牛肉（$55）賣相非常討好那杯牛肉的汁料正到不很了，有紅酒味和濃濃的牛湯味，好香好好味牛肉則煮得有點差參，有幾件是很腍的，但有幾件煮得過了火，很靵但牛肉是很入味的，而且份量很多，約有7-8件牛肉，超滿足麵包是脆脆的，沙律都不賴水太太點了雞扒蕃茄醬燴意粉（$45）賣相一樣是很漂亮的雞扒外皮煎得相當脆，而雞肉的汁料仍保存著雞肉也是相當的彈牙，超讚扁意粉煮得剛剛好，不會太腍又不會太硬，而且很有彈性，吃下去有種很爽的感覺汁料是蕃茄醬來的，主要的醬汁都收在意粉底下，酸酸咸咸配意粉是相當好亦能中和煎雞扒的油膩感原本單看菜色名字，事實上一點也不吸引，但原來真的深藏不露，吃下去就見真章，不得了最吸引的還是價錢，

想試好耐了，今次朋友book 了這裏lunch, 的確唔錯星期六下午一點才開，時間一到，已經有好有多人入座，sent lunch 得四款選擇，我地有五個人，可以叫齊咁多款牛柳，有4oz or 8oz選擇，外貌及味道不錯豬頸肉配闊條麵，個樣都不錯龍利柳，好入味，真係好食 燒雞意粉，見朋友好快就食完，應該好食餐前既粟米片都幾脆，餐湯(白湯)就淡左d 杯凍朱古力堅好飲，夠哂味，正！總括來說，價錢合理，食物賣相好，服務都可以，只係坐得唔耐，因收碟快，叫你埋單都快，唔好意思再坐落去

對上一次與友人共聚晚餐已經是農曆新年的事了，友人工作需要輪班，為方便他能較早休息養精蓄銳迎接新工作，晚餐選置因而選擇與他家相鄰的元朗地區。而我們一行三人都酷愛西餐，終於選定這間在元朗區稍有名氣的餐廳，先前預約晚上七點半，侍應告知只有個半小時用餐時間，可見餐廳的人氣度十足。以鮮黃色搶眼招牌及走休閒風的外觀作招來，感覺與港島區餐廳酒吧無異，只是此店外站企有的都是該區居民而非拿著酒瓶談笑風生的外國人，而位置亦不算難找，大概是源於吸引眼球招牌的功勞，而餐廳分開兩個舖位，另一舖位外則設有露天座，方便吸煙者。一入座，侍應便有效率的遞上墨西哥脆片小食，脆片較為大塊厚切及口感硬身，入口有濃濃芝士味及其他濃調味粉，可以輕嘗。而我們剛點選前菜及三個主菜，主菜能另加($30)配凱撒沙律及餐飲，而另一半和友人則另點飲啤酒CORONA EXTRA($20/支)，點菜之後接著餐飲、啤酒及沙律都一一呈上，餐廳上菜速度快，大概是因為務求個半小時完成一檯客的原故，而沙律以原片生菜，用碟呈鵝蛋形，兩者頗為不方便，生菜頗為大片，如不另切開大家外觀有如吃草，僅餘儀態盡失，鵝蛋碟形亦有礙於切開生菜，有改善空間。雖則如此，新鮮生

原本約左朋友及保險Agent食飯，但由於朋友突然入院留醫，最終改為同老公二人世界，老公知我一直都想試New York Cafe & Bar，但無奈試過walk in等位等太耐，最終被逼放棄，所以今次特意Lunch time打電話去訂位，職員話只可食個半鐘，對於我倆問題唔大，最緊要有得食^^入到餐廳，地方唔算太逼，未點菜侍應已好熟練咁放低麵包條及醬汁，個醬汁好好食，最終我地叫左兩個Set：雜扒（揀左牛柳及吞拿魚）及BBQ醬燒豬仔骨，另外散叫炸魷魚圈 先講炸魷魚圈，真係超好食，粉薄魷魚腍身，好容易用刀切開，配埋醬汁一流 雜扒（揀左牛柳及吞拿魚）方面，牛柳肉味好香濃，配埋個醬汁好正，而我本身對吞拿魚麻麻，佢既做法類似刺身，因為裡面是生既，上面放滿Wasabi, 應該因為食材新鮮關係，故食落唔太腥BBQ醬燒豬仔骨份量好大份，大到連鄰座客人望到都忍唔住“嘩”一聲，重點佢唔似一般餐廳燒到好乾 ，佢好Juicy及好易切開，個炸薯角亦應該以新鮮薯仔而製，所以外脆內軟，值得一讚餐飲方面，我地梗係點佢最出名既凍朱古力，真係超香濃及Creamy,一定要試 整體黎講，以埋單每位$190左右黎講，其實價錢算係