217
53
33
等級1
1
0
欠缺誠意，比較失望
2014-04-27 3966 瀏覽
平時weekend都到元朗搵野食，今日老婆提議去呢家。其實平時開車經過都見到，離遠望入去感覺裝修還可以，顧客主要都係年輕人，加上openrice上面好評都幾多，所以入門口前都有少少期望。因為中午食太飽，我地夜晚九點半左右先到，去到裏面都幾熱鬧，不過都唔駛等位。坐低就覺得裏面裝修其實一般般，無咩設計，特別傢俬有D cheap，雖然唔係舊或者污糟，不過都幾影響成個feel。打開餐牌細看，都幾多產品可以揀，隨便點左個fish & chips 既 set，老婆點左個bacon & beef burger，侍應乖巧提醒burger加錢可以轉set，老婆爽快同意，但我又唔覺餐牌有寫咩可以轉set。此時隱隱覺得有D唔妥，餐牌有個貴D既炸魚，唔知同個set有咩分別，不過心想炸魚都好難衰得去邊，加上點好左費事婆婆媽媽咁，我就果斷比翻餐牌個侍應。點完一望，唔知幾時檯面多左桶bread stick同沙律醬，都幾大支，美國size，其他無特別。侍應好快就上左個餐湯，白色稀稀地，撈撈下裏面有丁點碎肉絲，感覺應該係雞肉忌廉湯，飲落去比一般茶餐廳差，估計煲湯兌左唔少水，當堂印象大打折扣。飲左一半，侍應送上我既fis
更多
平時weekend都到元朗搵野食，今日老婆提議去呢家。其實平時開車經過都見到，離遠望入去感覺裝修還可以，顧客主要都係年輕人，加上openrice上面好評都幾多，所以入門口前都有少少期望。因為中午食太飽，我地夜晚九點半左右先到，去到裏面都幾熱鬧，不過都唔駛等位。坐低就覺得裏面裝修其實一般般，無咩設計，特別傢俬有D cheap，雖然唔係舊或者污糟，不過都幾影響成個feel。打開餐牌細看，都幾多產品可以揀，隨便點左個fish & chips 既 set，老婆點左個bacon & beef burger，侍應乖巧提醒burger加錢可以轉set，老婆爽快同意，但我又唔覺餐牌有寫咩可以轉set。此時隱隱覺得有D唔妥，餐牌有個貴D既炸魚，唔知同個set有咩分別，不過心想炸魚都好難衰得去邊，加上點好左費事婆婆媽媽咁，我就果斷比翻餐牌個侍應。點完一望，唔知幾時檯面多左桶bread stick同沙律醬，都幾大支，美國size，其他無特別。侍應好快就上左個餐湯，白色稀稀地，撈撈下裏面有丁點碎肉絲，感覺應該係雞肉忌廉湯，飲落去比一般茶餐廳差，估計煲湯兌左唔少水，當堂印象大打折扣。飲左一半，侍應送上我既fish & chips，賣相都可以，以為可以為之前既稀湯吐一口烏氣，一切開條魚擺入口打左個突，一pat野咁以為條魚未熟，馬上搵左個侍應黎問，侍應好快咁拎返碟野去廚房問，正當我擔心唔知口吞左果pat野有無寄生蟲既時候，個侍應又棒返碟野出來話無問題。後來我切開條魚仔細研究，確實係熟既，只不過D肉真係一pat野咁，完全無口感，都唔知用咩死魚cheap魚可以搞成咁，反而魚下面既薯條還可以。此時老婆既burger都黎埋，都幾大份，burger旁邊有菜同薯條，賣相可以。我食多兩pat魚都唔想再食，於是偸老婆burger黎食。burger切開都係一般般，個beef patty鬆鬆散散咁，成舊野hold唔住，而且根本無肉汁，條bacon都係好一般百佳都買到既貨色，無咩味食左都唔知。成碟野唯一好係側邊既菜都算幾新鮮，而且大份搭救，整體黎講都係比我pat炸魚好得多。餐飲係咖啡同朱古力，普通貨色，唔知點解其他人講得咁好。
食食下個侍應隊張單過黎叫我地先埋，感覺有D offended，不過都十點幾要埋數可以理解，點知等極都唔收錢，到最後我地都係食完先叫侍應過黎。
整體感覺算係差，估計元朗同類競爭不大，所以這餐廳出品都流於表面，食材無揀好，過於壓低成本，做出黎比人感覺無咩誠意，以後應該唔會再返黎食。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2014-04-26
用餐途徑
堂食
人均消費
$120 (晚餐)