NeNe Chicken (東港城) (已結業)

朋友約食飯係呢一間食，我之前都未食過唔知道係邊一個位，我足足用咗20分鐘都搵唔到嗰間鋪頭，喺商場係咁轉係咁轉俾鋪頭嘅樣大家睇清楚，個門面咁細，以為間舖好細，入到去原來都幾大間幾靚我影到好似間cafe咁😌我哋雖然係食晚飯，但係我地去得早所以暫時都未係好多人坐喺鋪頭入邊睇吓個餐牌我最欣賞佢嘅地方就係人哋都攞呢個盤當食物盤放食物上去，其實真係好唔衛生，但佢攞咗來做餐牌，我覺得好有創意食物嘅款式大部份都係雞，炸雞，同埋雞，揀咗好耐，首先叫咗明太子蛋捲大家睇吓個切面雞蛋呢一樣野係唔可以完全100%整熟晒，因為會好難食，會好老，呢個蛋捲切開中間你可以見到少少半熟喺度，啱啱好，明太子唔太鹹，有少少點綴嘅感覺，加埋嗰醬，呢個蛋捲我覺得唔錯中雞湯，我做切開隻雞嘅嗰個，隻雞煲到已經超林，連啲骨都係一掂即散，證明真係煲左好耐，雞入邊塞咗糯米，其他材料有紅棗，金菇，菇，蔘等等，個湯真係好補，冬天食一定好正，最最最欣賞係個湯淡淡地，感覺好清唔會太油。好讚。原本朋友們想要芝士火鍋，但天氣好熱唔係好想食呢啲咁嘅嘢，所以最後我哋叫咗呢一個芝士麵包小食拼盤，可以食到小食之餘又可以滿足到想食芝士火鍋嘅朋友仔唔好奇怪點解小

自從坑口東港城裝修之後，多左幾間餐廳進駐，好幾間都好似幾出名，成日好多人排隊上次係隔離餐廳食完韓燒，好滿足😍，後來先發現原來係兩間餐廳黎😂，不過可能係有關連的。今次約埋幾個住附近好友黎試下呢間韓式炸雞店，聽講係韓星開餐廳裝修好別緻，有年輕活力又帶點溫暖有好多卡位，夠闊落，坐得舒舒服服一坐底，就黎泡菜、酸蘿蔔、粟米泡菜用靚白菜醃製，唔霉，好好味大家都餓鬼上身，所以叫左呢個套餐，包好多野食再追加雞蛋卷同雞拼盤好快黎左呢碟金大人串燒拼盤，咩煮法既雞都有齊款款都好好味😍中間個芝士醬搵個焗脆左既包🍞盛住，可以俾我地食埋，好有心思😆，一定要試套餐包4件炸雞🍗，任揀味道我地揀左橘子蜜炸雞，炸得好香，雞好juicy好滑下次要試佢個招牌炸雞，應該仲掂明太子迷你雞蛋卷，好大份，一d都唔迷你點埋佢個芝士醬🧀好夾Blue Ocean賣相好得意，諗住會好甜，但又ok wo

要weekend 食NeNeChicken 要預咗一段時間排隊，而今次揀咗平日夜晚食，座位都係滿嘅，不過唔需要排好耐，七點多都可以直入。見佢homeset套餐合理價錢，又可以試多幾款嘢，叫咗一個M嚟食，而份量十足，加多個小食都夠三個人食。坐底就有牛油粟米同酸蔔白，少少份量用嚟開胃。雞湯先上，味道偏淡，同炸雞、主菜成為好大對比，而個湯都好大盤，雞煲得好淋，而雞包著嘅米好似泡飯咁。雖然只得四件炸雞，不過以成個套餐嚟講，件數大小啱啱好，因為要享受曬成個套餐都要幾大胃口，炸雞可以揀menu裡面嘅味道。主菜會同兩碗飯同泡菜一齊上，哩個芝士鐵板雞好重芝士味，偏辣，送飯會好啲，芝士嘅量都唔可以睇小，唔怕濃味嘅朋友真係要食。不過重申一次，要預好胃口先可以完全食得清個套餐，因為真係好足料好抵食！

NeNe Chicken 同一般韓食店一樣都會提供炸雞，但係佢同時都有pizza 、芝士火鍋，而今次係揀咗homeset嘅芝士鐵板雞。一個M size 嘅homeset 有一個雞湯，四件炸雞，一個主食，兩碗白飯同一碟泡菜。炸雞嘅味可以選menu大部分嘅味道。先上嘅係雞湯，個湯有一整隻雞，湯唔會太咸，而非常之足料，雞入面塞滿米飯，但係留意如果兩個人食一個餐就要留返啲空間俾後面嘅菜式。橘子炸雞酸酸甜甜，好開胃㗎，一心係嚟食炸雞嘅朋友，要諗清楚係咪會叫homeset，因為炸雞只得四小件。芝士鐵板雞好出色，一盤有九至十件雞，芝士味濃，唔好以個盤好淺，雞之外仲有年糕、菇同菜。芝士嘅份量仲唔駛就著食，每一件嘢食塗滿芝士都有剩。

同朋友嚟食韓國嘅住家菜，叫咗個m size嘅homecook set，蘑菇烤牛肉鍋每檯枱面都有呢個裝骨仔嘅桶同手套m size嘅蘑菇烤牛肉鍋都好巨型，目測都夠4個人食，有粉絲，烤牛肉，唔同嘅菇，雲耳，蘿蔔，洋蔥等牛肉醃得啱啱好，味道甜甜哋，係好典型嘅韓式牛肉唔會太肥亦冇筋位，牛肉嫩滑，唔知點解屋企整唔到粉絲煮得好入味，索哂濃濃嘅牛肉汁，而且有韓式粉絲嘅彈牙，整個煲好入味泡菜好大碟，分量好多唔孤寒，夠我哋咁多個人分白郡主炸雞好正新鮮炸好嘅無骨雞痴滿芝士粉，甜甜地好惹味冇骨嘅炸雞食落好方便，可以用叉食，唔使帶手套炸薯片好脆，唔會油淋淋，同炸雞腿一樣好crispy芝士粉同嫩滑嘅雞肉味道好夾，而且就算唔係辣雞，就咁食到好有韓式炸雞嘅風味呢度嘅卡位有啲彩色嘅玻璃隔住，幾得意出面睇落雖然舖面細細，但行入啲仲有好多位地板有唔同嘅顏色，設計都幾有趣不過可能因為舖頭長條形，啲店員就要走嚟走去

後生仔鍾意食炸雞，大嘅又想冇咁熱氣矛盾對決，其實同樣都係雞！使乜分得咁細嚟到nene chicken食雞，見到舖頭嘅裝修佈置都以黃色為主奉上嘅兩杯溫水，感受到有溫度嘅服務叫咗個又有人蔘雞，又有炸雞嘅set，一次過滿足哂兩個願望首先送上嘅係泡菜同白飯，兩大碗裝得滿滿嘅，實夠飽重頭戲人蔘雞嚟啦瓦鍋裝住直滾，湯底半透明狀，不斷有氣泡滾上嚟，認真熱辣辣材料十分之豐富：有原隻人蔘雞包住糯米，人蔘，栗子，又有紅棗，鮮冬菇，金針菇，大蔥用料同係韓國食嘅一樣，味道都好接近，湯底清淡，帶人蔘香同雞嘅鮮甜雞肉十分嫩滑，用匙羹已經可以分開骨肉雞髀位，雞翼特別好食，如果想人蔘味重啲就要揀身嘅部位，連住糯米都好香濃個湯同雞嘅份量係fixed，但真係十分大，用碗仔裝都要食好幾次，多人嚟食一齊share就啱啱好啲糯米俾我哋搞散開之後，有少少似食緊蔘雞湯煮嘅雞粥油份唔多，十分養生細細碗湯都飲埋後生嘅都不忙食炸雞同薯片店內佈置都幾有氣氛，雖然同隔離韓燒鄰近，但一啲油煙味都冇

其實係朗豪坊每次經過NeNe 炸雞，仲要見到劉在錫Oppa個紙牌公仔，我都好想試下。機會嚟啦飛雲。而家係將軍澳開咗，真係不得不試下。試過之後覺得多咗食韓國炸雞嘅選擇。我地叫咗三樣嘢食，好飽都好好味。首先，叫左半份白群主炸雞，因為係半份，所以一定係無骨嘅。白群主炸雞係啲白色嘅cream source 加咗啲蔥，食落個口感都好豐富，層次都好多，同埋因為有蔥，好refresh。芝士炒年糕伴拉麵，辣辣地好好食。本身都怕個韓色辣醬會係偏甜，但係佢呢個調味幾好，唔會太過偏甜，而且辣得幾惹味。同埋好大份，真心夠飽。泡菜雞蛋卷，佢個份量好大舊，好抵食。同埋因為係新鮮熱辣，所以就更加好味，個蛋一啲都唔老，好滑嘅，之後入面都好多泡菜。入面仲有啲芝士，都好拉絲，正呀🤤西柚燒酒，好似韓劇嘅女主角咁，食炸雞就梗係配酒啦😂下次一定要試下原味燒酒。不過不得讚就係每一樣食物都好熱👍🏼呢個我真心好欣賞嘅

平時好少去東港城 朋友話幾多野食選擇就過尼是但簡間入見到NeNe chicken 平時朗豪坊果間見都要排下隊 但這間不用所以就入左去試 佢位於二樓25 號鋪 係一田隔離佢鋪位係同一間韓燒合作裝修一啲都唔hea 打卡一流一坐低就會有啲配菜個醃蘿蔔好好食 酸甜度恰到好處 好想厚面皮咁問佢攞多碗 但係最後都冇膽粟米都幾甜 配沙律醬 迷你明太子雞蛋捲（small) $88蛋入邊嘅用料冇省水 見到啲芝士拉絲就知道芝士好夠明太子量都好足 每啖飽落去都有「卜卜」的感覺金大人串燒拼盤 178一開始以為包入邊嗰啲係芝士 原來係女廁忌廉嘅汁 所有配料落去都好夾我諗係因為雞翼本身都比較肥膩 配埋芝士過話會蓋左雞翼嘅味道 所以點解炸雞嗰個set先至係芝士每款雞翼都有唔同嘅配料同特色無骨雞翼好似有兩至三款一種係入面有菠蘿一種係入面有蔥同蘿蔔一種係入面有糯米飯 (超鐘意）有骨雞翼 用兩支竹籤插住嗰款比較辣但連唔識得辣嘅我都接受到 即係唔會太辣一開始以為雞翼好似唔算多應該唔太飽但係最後連個包都食唔晒所以唔好睇小佢嘅份量我諗我以後想食炸雞都會食返呢間 推薦推廣

星期天晚上６時半，２人來個簡餐，四處尋尋覓覓，看見這裡不用等位便直接入座。２個人點了一客原味炸雞加一個濟洲海鮮炒粉絲。後者先來，吃下頗香口，份量亦多，但粉絲有點難夾，黏性太高吧。吃下一半發現碟底有後多油，粗略估計有１.５茶匙，不是誇張，當堂要掠一掠油才敢再吃。炸雞粉漿不太厚，但雞肉沒什麼鮮味，不夠突出。吃過終於知道這兒假日晚餐不用等位是有原因的。。。註：這裡酒牌還沒批出申請，餐廳只提供無酒精飲料。

星期二偷懶冇煮飯，心思思想食炸雞，咁返屋企近近地同亞仔兩支公去對面商場開餐，阿仔最近迷上B T S，約佢食韓國嘢一口就應承。呢間鋪唔係開咗好耐，今晚又唔係好肚餓，所以只係叫咗兩樣嘢食同埋一支梳打兩份飲。雙重滋味炸雞 - 阿仔叫咗無骨，我自己平時就鍾意食有骨嘅雞多啲，可以選擇兩款炸雞，阿仔揀咗韓式甜辣炸雞，我就揀咗白郡主炸雞，即係白汁洋蔥，兩款都好好味，雞肉唔會太肥，果皮炸得好脆，唔會鞋口，甜辣醬小小辣偏甜，個汁唔會太杰身，不過我都係鍾意白汁洋蔥多啲，始終食炸雞有啲滯，值得一讚嘅係，咁大盤雞都只係＄173，但係每款有成七，八舊，真係好抵食！明洞小食派對 - 一邊係炸嘅小食，令一邊係辣汁魚糕串陪雞蛋加芝士蔬菜，最正係炸嘅小食有渣年糕，炸紫菜粉絲卷，迷你餃子，同埋炸蝦飯卷，炸蝦飯卷上面有沙律醬，我就鍾意點隔離果盆辣汁，勁好味！原本冇諗住要嘢飲，後尾都叫咗一支梳打，super berry口味，唔會太甜，好解渴！今日只係食到兩樣嘢，見佢仲有好多食物選擇，價錢唔貴又咁近屋企可以成日嚟開餐！

星期二偷懶冇煮飯，心思思想食炸雞，咁返屋企近近地同阿仔兩支公去對面商場開餐，阿仔最近迷上BTS，約佢去食韓國嘢一口就應承。呢間鋪唔係開咗好耐，今晚又唔係好肚餓，所以只係叫咗兩樣嘢食同一支梳打兩份飲。雙重滋味炸雞 - 阿仔叫咗無骨，我自己平時就鍾意食有骨嘅雞多啲。可以選擇兩款炸雞，阿仔揀咗韓式甜辣炸雞，我就揀咗白郡主炸雞，即係白汁洋蔥，兩款都好好味，雞肉唔會太肥，個皮炸得好脆，唔會鞋口，甜辣醬小小辣偏甜，個汁唔會太杰身，我自己都係鍾意白汁洋蔥多啲，始終食炸雞有啲留，配白汁食好似冇咁滯，值得一讚嘅係，呢盆雞雖然要＄173，但係每個味有成七，八舊，實在太抵食！明洞小食派對 - 呢個係阿仔指名嘅街頭小食，一邊係炸嘅小食，另一邊係辣汁魚糕串配雞蛋加芝士蔬菜，最正嘅係炸物有炸年糕，炸紫菜粉絲卷，炸迷你餃子，同埋炸蝦飯卷，炸蝦飯卷上面有沙律醬，我鍾意點隔離個辣汁，炸物配辣汁勁好味！Super Berry soda - 原本諗住唔要嘢飲，最後都忍唔住叫咗一杯蘇打，唔會太甜勁解渴！呢間餐廳最大優勢就係近屋企，見佢仲有好多食物選擇，啱晒鍾意食韓國嘢嘅我，應該下個禮拜會再嚟開飯！

Running man 劉在石大叔開既炸雞餐廳，今日，我終於尼到朝聖啦！！係坑口地鐵站行大約五至十分鐘，係東港城bossini 上電梯就到。今日我地尼得好早，所以唔算多人，尼到既裝飾都幾靚。一到步，服務員先比左兩杯水，兩個side dishes（粟米同醃漬蘿蔔）比我地。話說，呢兩個side dish 係免費，可以問佢再攞。個蘿蔔甜甜酸酸幾開胃。好鐘意尼到木條間隔既設計，打卡靚，卡位都坐得好舒服，好寬敞。尼到nene chicken , 緊係要食雞啦。望了望餐牌，選左個$173 既無骨兩重奏炸雞，姐係每樣一半一半，有超個五款味道既炸雞可供選擇，是日我簡左蒜香炸雞同白郡主炸雞（無骨既），兩個都超級好味，炸雞好嫩好多肉汁，醬唔會太多或太少。離遠都可以聞到陣香蒜味，香蒜炸雞面層鋪左一層層杏仁片，令到本身都好脆口既炸雞多左一層口感。白郡主醬係有好多洋蔥，鐘意食洋蔥既朋友，不要錯過！呢個係白郡主炸雞。話說尼到超細心，仲有手套提供，唔會食得好狼狽。話咁快，就食哂。雖然睇落好似有d貴，但係其實好抵食，因為真係好大好大碟，大約12 隻大雞塊左右啦，我地兩個女仔都食淨一隻。如果大家唔想咁dry，只係食雞，

自從聖誕同女朋友去完韓國就好耐冇食韓國菜。今日終於「出山」啦，去左韓國超高人氣主持劉在石開既nene chicken。我個人幾鍾意呢一排屋仔嘅卡位，燈光相當充足。我同女朋友叫咗一個韓式家常菜套餐，有主菜、三個伴菜、飲品甚至有半價優惠，非常超值。落完單之後，餐廳好快就上前菜，包括泡菜、蘿蔔、粟米。燉辣雞粉絲鍋非常不錯，粉絲同雞嘅份量平衡得宜，雞肉非常軟滑，非常入味。二底下嘅粉絲吸晒燉辣雞鍋嗰汁，彈牙之餘又惹味，送飯也是一流。伴菜亦相當有質素，蔘雞湯好香，雞肉雞骨煮到好腍，入面嘅糯米吸收晒蔘湯嘅精華，令我記起韓國地道嘅人蔘雞湯，有八九成相似。無骨炸雞方面我哋叫咗蒜香醬油味，有三小件，醬汁唔會太鹹，炸雞非常入味，外皮依然保持香脆。見到呢杯特飲成個人都開心晒！顏色配搭非常吸引，而且好好飲，值得一試。下次一定要嚟食炸雞，食夠三大件炸雞！

香港人真係忙，一家人一齊食飯都係一件難得嘅事， 今日難得屋企人放假，就一齊去試吓樓下呢間新開嘅韓式家常菜Ne Ne Chicken，入到去裝修闊落，又夠光猛，精神為之一振，準備開動啦。一家四口咁大食，梗係要叫個L size套餐，主菜有三個選擇，有蘑菇烤牛肉鍋、韓式燉辣雞粉絲鍋、芝士鐵板雞，屋企人鍾意食芝士到一個瘋狂嘅地步，梗係要叫芝士鐵板雞啦！芝士鐵板雞份量驚人，一大盤韓式辣醬和芝士浸住大大嚿雞粒，雞件幾好鮮味，但韓式辣醬味道一般，冇咩驚喜，好在芝士夠晒creamy，味道好似忌廉芝士，將每一件雞件點滿芝士放入口， 十分滿足！伴菜有無骨炸雞四件，有五款味道可供選擇。屋企人鍾意酸酸地嘅嘢食，就揀咗韓式甜辣雞，店員都高度推薦呢。四件炸雞分量唔算好大，但外皮香脆，炸粉厚薄適中，用嘅韓式辣醬同芝士鐵板雞嘅醬汁不同，味道似咕嚕肉嘅酸甜醬汁，仲有香濃蒜味，值得一試。之後嚟咗個蔘雞湯，老實講有啲失望，雖然係個湯度見到一兩條人蔘，但實質上冇咩人蔘味，整個湯底只有隱隱約約的藥材味...好在雞件整得唔錯，肉質非常軟熟，明顯慢煮過一段時間，連骨頭都被軟化，雞胸𥚃還釀了一些米飯，份量唔多但幾有咬口。L size

我本身係Running Man 既Fans,當知道劉在錫炸雞係旺角某大型商場開業，已經急不及待去試下，事隔一排，Nene Chicken竟然開多間係坑口，我當然會再去啦位於東港城既店，比旺角細一點，不過坐位同樣寬敞，有充足空間感牆身有大大個NENEChicken燈牌，綠葉為底。整體裝潢簡單美觀由於我係Lunch時間黎，仲要自己一支公，想叫一大盤炸雞睇怕都食唔晒好在有Lunch Set供應，可以享受炸雞之餘又唔怕浪費《而家有個買三送一優惠》。Order前有個醒胃前菜，粟米沙同醃蘿蔔，典型既配搭《蒜香醬油炸雞伴飯》一個Lunch Set，竟然有5塊大大舊既炸雞，要大飽口福之慾了脆脆既炸雞，塗上蒜味醬汁，咸咸甜甜的，配上微微既蒜味，更加令人想一件接一件。(太愛蒜味了)雞肉外脆內嫰，Juicy Juicy伴碟仲有少少菜，食完肉都應該要中和下既(健康健康)《青提子梳打》我好鍾意個器皿，一個燈泡涼涼既梳打，陣陣青提味道，好解渴食炸雞感覺就係要配有汽飲品，但又無理由中午飲啤酒如唔想飲太甜既野，梳打都係一個好好既選擇。下次一定要約齊朋友過黎，大杯啤酒大件雞