NeNe Chicken (東港城) (已結業)

今日放工同同事打算去呢間食炸雞放題，佢係＄148每位食90分鐘，飲品價錢另計，如果四位以上會送一個主食，我哋揀咗鐵板芝士公仔麵，另外每位都會有一客沙律，前菜就有粟米同埋酸蘿蔔，佢一共有七款雞俾你揀，每款一份有四件，我哋一共七人所以就每款都叫咗兩份，佢除咗有柚子炸雞冇得點之外其他都可以選擇嘅，佢嘅炸雞都十分新鮮，出到嚟都係好熱嘅，另外都要睇佢個大韓總廚炸雞，佢辣得黎十分之過癮。推薦大家一試

肥老鼠🐹一向愛韓國野，今次就黎到呢間專食韓式炸雞既Nene chicken，nene仲搵左劉在石做代言人，Rm迷既肥老鼠當然要黎支持下。將軍澳店晚餐時間大約等了三四個字就入到，不過要小心旁邊係朳8既入口，見唔少人拎錯左朳8同nene既排隊飛。黎到第一時間就叫左雙重滋味炸雞同杯好靚既野飲。而鼠友就俾參雞湯....上面個隻鮑魚吸引左，所以又叫左個參雞湯加兩隻鮑魚。好快就上左杯野飲，漸層的確係好靚好岩影相，但其實只係一杯有甜味既soda水，上面藍色既亦唔係沙冰，只係一舊有甜味既巨大冰塊。🐹建議：水果口味沙冰重頭戲既炸雞終於上枱，身為芝士愛好者當然係馬上試初雪口味，果然係好驚喜，炸雞上面佈滿芝士粉，入口有濃濃既芝士味但不油膩，初雪係值得一試既。不過嗅覺上，陣芝士味聞落好濃，濃到一上枱鼠友話臭。相反鼠友揀既甜辣炸雞就令人有點失望了，雖然meun上有一個辣椒🌶️logo，但甜辣係一點點都唔辣，似食緊中式糖醋骨多d。如果好似韓國咁辣返d，相信會好食好多。🐹建議：初雪 & 辣味最後上既係鮑魚參雞湯，出乎意料地d雞幾滑，鼠友中意參雞湯多過個炸雞。鮑魚就細細隻咁，亦都係好淋。果然參雞湯係難出事。不過，🐹覺得

唔係Running Man，我A姐都唔識劉在錫；但因為劉在錫，我就識得NeNe Chicken，上次拍拖入元朗嘅形點(Yoho Mall)試過，今日我哋難得入到將軍澳，竟然見到NeNe Chicken嚟到東港城，仲有全新夏日menu，即刻同M佬試試先。黑松露蘑菇雞蛋卷黑松露係近年餐廳嘅大愛，亦係無得輸系列，無論薯條、意粉都有黑松露嘅蹤影，而NeNe Chicken嘅夏日menu都有黑松露，就係黑松露蘑菇雞蛋卷，呢個黑松露味真係好香好迷人。驚喜係蛋煎得好嫩，蘑菇好足料，好滿足呀。層層疊拼盤拼芝士龍蝦通心粉呢個通心粉真係超大罪疚感，但又好好味喎，芝士味好濃厚，龍蝦好足料，新鮮又彈牙，成個通心粉好creamy，層層疊咁勁多份量，兩個人食啱啱好。沙冰我飲甜甜蜜蜜嘅荔枝草梅沙冰，而M佬就飲酸酸甜甜嘅石榴檸檬沙冰，夏天飲就超解喝！

同朋友試左$148一位嗰個炸雞任食，首先座位超少，我地攞飛等左1個鐘先入得，原本1.5小時ge任食變到得番1小時 ，1小時入面仲要有一半時間都係等上菜。7款炸雞入面只有3款比較好(初雪、白郡主、蒜香醬油)。招牌炸雞一d味都冇; 大蔥炸雞只係招牌炸雞加蔥; 甜辣炸雞嗰醬好油膩，又冇甜辣味; 大廚炸雞辣到飛起，但唔惹味。另外，寫order紙ge時候，"1" 字代表 "4件" 炸雞，即係局住你每隻味一定要至少食4件。飲品方面，叫左個燈泡樽梳打，完全係室溫，一d都唔凍，份量好少。一句講曬: 冇下次。(一位女侍應打爛飲品，成地玻璃，d汽水倒左落我對鞋、條腿、件衫、同我塊面到。之後個女侍應仲打爛埋其他碗碟。又然後，另一位男同事亦打爛杯碗。我望番手機時間，佢地總共響5分鐘入面打爛3次野...... 先唔講服務態度同環境舒適度，佢地令我覺得該店ge質素同安全問題令人擔憂，亦令我好唔開心。)

今日又係飯局聚會，我哋一班人揀咗呢間 NeNe Chicken ，貪佢就腳Menu 好多選擇，我哋都揀有啲花多眼亂，揀左成幾個字先拍到板叫嘢食。去韓式餐廳食嘢真係唔可以唔叫凍飲，如果唔係會辣死，我叫左杯Jeju island beach tim，賣相好好好靚，彩虹色咁！呃like岩哂芝士鐵板雞上面白色一片嘅係融化咗嘅芝士醬，好creamy! 啲雞件沾滿辣汁，好惹味！魚糕串清湯叫左辣野，想食啲清淡嘅嘢balance一下，呢個魚糕串清湯就啱晒，內裏仲有雞蛋同魚丸添，件件都細細粒，可以開心share 蔘雞湯最鍾意食蔘雞湯入邊嘅糯米，吸盡哂人蔘嘅香氣同雞嘅鮮味，上面仲有金菇添。金大人串燒拼盤有炸雞🍗同唔同口味嘅釀雞翼，啱晒各方好友揀自己鍾意嘅食，中間嘅芝士醬好大兜，全部沾滿晒都仲有淨，食埋個芝士包我哋每個人都捧住個肚走

坑口裝修後，多咗一條好似美食街及小食街，好多唔同既餐廳，咁韓國菜就當然唔少得啦聽就聽得多，知道佢係劉在錫代言，亦知道佢仲有分店係旺角，相信好多人已經慕名而試過，就等我分享下坑口呢間分店如何啦！內裡環境都裝潢華麗，滿有特色既小屋外框，色彩繽紛，令人感到溫暖和快樂~評論食物之前，我必需要先講講失望既位長話短說，我同朋友成餐飯由入位至結帳，一共用咗兩個多小時！我地要既餐有多個係重覆，因而相信並唔係因為製作需時而耽誤咗咁多時間，而係源於樓面管理及處理方式混亂我地催咗起碼5次單，頭一次話俾我地聽漏咗單，之後又有上錯菜既情況，繼而再有被告知落錯單既情況出現，我地真係好失望，從來無試過遇到一啲如此混亂既狀況！若果我地係趕時間，應該都會搞到遲大到講番食物方面，午市時間我就order咗一個芝士炒年糕拌拉麵 配柚子蜜。份量大，味道足，料都足：有兩種形狀既年糕、有一隻蛋、幾片豆皮、浦面仲有好多芝士，加上佢係鐵板咁上枱，因而食物能夠保持溫度，芝士亦會慢慢熔掉，而佢既麵並唔會因為浸住汁而變林，中意食辣又中意芝士又中意食麵既吃貨必食熱飲方面我叫咗柚子蜜，佢柚子適量 味道不太淡，加一片檸檬，叫人開胃溫暖從食物角度評

今日返工好攰呀，所以決定獎勵自己，食返餐好既。之前行過nene chicken,見好多顧客食雞食得好開心，所以我都想開心一下餐廳外部裝修已經好吸引，有部大電視。餐廳內更加有特色，牆上有塊大大既「NeNe Chicken」燈飾，好搶眼！再配埋立體綠葉同牆磚圖案，好似去左韓國緍紗攝影場店舖既餐碟亦好可愛，細細隻，係自家設計。餐廳仲好貼心地提供即棄手套同丟骨既筒。未點菜前突然出現兩小碟前菜，真係幾細心，因為我已經好肚餓啦⋯食左幾口先點菜。酸蘿蔔好開胃，如果可以encore就好啦。餐牌有個好特別嘅餐，係韓牛芝士火鍋，好少係韓式餐廳見到。我其實好想食，但又想食飯，所以下次先食啦。炸雞有好多款，最後點了半份大蔥炸雞，係無骨既。炸雞面有好多大蔥，食完肯定會口臭，哈哈。除左大蔥，仲有個汁。食落有少少芥末味，又甜甜地，幾好味。雞件好滑，即使係無骨，但用手食係最地道既！芝士泡菜炒飯都好味，有好多芝士，可以拉絲啦，加埋蛋既味道都唔錯！份量都好多，可以三個人食。當然仲有我最愛即芝士年糕拌拉麵。拉麵甜甜地、辣辣地，係我鍾意既味道。不過年糕分量不多，如果可以多幾粒就好啦。我鍾意年糕多過拉麵呀！配埋飲品就圓滿啦！好

今天和家人來吃午餐。環境裝修ok,坐位也闊落，坐得舒服。前菜有粟米和蘿蔔，味道不錯。蒜香醬油炸雞伴飯：炸雞炸得很香脆，有少少辣，醬油味又有少少甜，幾惹味，不錯。沙律幾新鮮幾開胃，飯煮得都算軟熟。蔘雞湯：份量非常夠，真的有整隻雞，雞裡面有飯，配菜則有紅棗，金菇，冬菇，和菜，挺豐富的，食得好飽。湯裡有淡淡的蔘味，不會很咸很濃味，適合想吃得健康的朋友。西柚梳打：個杯幾靚，像燈泡，飲落有淡淡的西柚味，幾香甜。這杯可是熱柚子茶，不是熱檸水呢！這間餐廳比較特別，熱柚子茶也會放一塊檸檬進去，那就是檸檬熱柚子，味道不錯呢！埋單兩個人吃才$166元，價錢合理，食物質素不錯，上菜速度快，服務態度都不錯，值得一去。

又係到時候去食我的至爱~ 炸雞啦！前一陣子實在太忙，搞到依家先可以享受到美味嘅炸雞。半隻原味無骨炸雞依間炸雞店好好，有半份炸雞供應，啱晒我同老公2人，嘆到炸雞之餘，也可以腾出空間試到其他菜式。炸雞炸得很鬆脆，但雞肉一D都唔乾，肉質鬆軟，好juicy, 又唔太咸。脆炸紫菜蝦卷食得韓式飯卷同蛋卷太多，厭左！今次試下新野，都很不錯，紫菜外皮炸得脆脆地，有口感，好味！韓式手抓飯第一次食，有兩種配料(吞拿魚/蟹柳)選擇，加埋D飯一起捞來吃，類似韓式拌飯，同之處是，依個手抓飯是泡菜同飯先炒香，然後加入青瓜粒、吞拿魚、蒜溶、大量紫菜撈起吃，啱晒我胃口。大致每樣菜式都滿意，可以encore 呀！

喺將軍澳新開咗無半年嘅nene chicken 昨晚終於有機會試試依度同一個鋪位，同另一家麻浦韓燒分，所以少啲座位，昨晚星期六大約等半小時，都不算太耐。依個係牛油果豆腐沙律佢好多牛油果 新鮮嘅沙律菜配啱啱炸起豆腐 個感覺好新 一凍一熱 有我至愛牛油果一定好食有新出嘅柚子口味炸雞半份就一定係無骨嘅個sauce就好重柚子味嘅但敗筆在於個雞整耐咗啲肉唔滑 無彈性無煙韌嘅口感仲有芝士蛋泡菜飯完全無泡菜辣 芝士加蛋又係無敵嘅組合 幾好食如果個芝士蛋可以厚啲就更好啦因為依家好薄

平時注意健康的我，好少食煎炸食物，香港人開始對健康亦十分注重，所以好多食店都攪盡腦汁創新菜式，同時亦要留意食客要求。以前吃炸雞多是幫襯傳統連鎖快餐店，而家市場已經有其他人氣店湧入，好似韓國人氣炸雞店Nene chicken係香港第一間海外分店。坑口站東港城最近裝修過，多左好多餐廳，同時亦引入高人氣韓國餐廳Nene chicken，店舖環境設計幾靚，走年輕化，食炸雞始終多是年青人服務員亦都多是年輕人，安排了卡位十分闊落舒適，睇過menu真的好多選擇，最後選了忌廉芝士炸雞伴泡菜炒飯，韓式熱食，香脆無骨，幼切薯條及泡菜炒飯，配上芝士忌廉醬汁，剌激開胃又惹味另外，脆炸紫菜蝦卷，一定要一口吃晒，慢慢咀嚼，入口十分滋味再多一款濟州海鲜炒粉絲，大大隻蝦和青口配合粉絲特別幼滑彈口但一定不可少就係飲支韓國啤酒HITE不知不覺清晒，美味，正

朋友話去劉在石嗰間食炸雞嘅韓國餐廳食Lunch，無追開韓國綜藝節目嘅我根本唔知佢講邊個，係咁追問劉先生係邊個。去到原來係一間喺將軍澳少有嘅韓國餐廳，餐廳唔算太多人，我哋一行四人叫咗5個精選午餐加1個比較細份小食，惠顧午餐3份會送最平嘅1款，份量都幾多，所以幾個人嚟都幾抵㗎。芝味吉列豬扒，豬扒係無用調味料醃到好鬆嗰種，有咬口，但無咩味，脆漿有啲硬，芝士少夾起外層脆漿同豬扒分開，呢個餐無咩汁，食落有啲乾。碎芝士蕃茄意大利粉，上面舖滿芝士，可以拉絲，汁料似濃湯，意粉唔會太淋，配醃蘿蔔酸酸哋，唔錯。鮮蝦蛋包炒飯，蛋皮全熟但入口嫩滑，蝦仁亦唔少，飯入味有少量芝士，配上茄汁令口感更豐富。蘑菇炒粉絲，雖然味有啲濃但係好惹味，但成碟一片蘑菇都無。首爾三寶，因本人唔食得辣所以汁另上，炸餃子3件，炸年糕5件，炸紫菜粉絲卷5件，餃子脆卜卜，年糕細細粒煙煙韌韌， 紫菜粉絲卷口感豐富。炸雞達人，7件唔同口味嘅無骨雞件，雞肉外脆內嫩滑，只有一種味少辣，唔食得辣嘅我亦可接受，食得出嘅有大蔥炸雞，白郡主炸雞韓式甜辣炸雞，初雪炸雞，有一種係有芥末味。左邊係凍紅醋茶，右邊係Nene Soda青提子。

There is a reason why this restaurant is called Nene chicken... Only the chicken is worth eating.. Both original and spicy veraion wefe good. But beware the spicy sauce is very spicy. The cheesy rice cake and ramen was very disappointing, never order it!見意正係食炸雞，特別係芝士年糕拉麵，毫無成意的一味餸。辣炸雞真係好辣！！

4月份同朋友去左韓國旅行，我地都對韓國菜情有獨鍾，過左1個月都無就已經心絲絲想食番喇~ 我地就去左坑口果間嘅Nene Chicken，整個環境都唔錯，比其他分店坐得舒服！果日咁啱撞正非繁忙時段，唔使等位即刻有位食到。點菜前侍應就比左兩碟前菜比我地，分別係醃蘿蔔同粟米。我地兩個女仔都唔知食咩好，就簡單叫左個2人套餐，黎到份量都好多，入面有一個主菜加兩個伴菜，仲有泡菜同白飯。先出場上嘅係大大盤嘅蘑菇烤牛肉鍋，裡面有唔同種類嘅菇菌，同烤牛肉配搭黎食口感同味道夾得啱啱好，尤其蘑菇幾入味，烤牛肉配味岩岩好，唔會太重口味，好易入口，而且肉質好嫩，幾好味!跟著上嘅係韓國蔘雞湯，先飲一啖湯，湯可以話精華所在，味道幾甘甜，人蔘味道都幾香，隻雞質地相當嫩滑，整體黎講都幾好味，有係韓國食到嘅味道。至於呢個餐我最滿意嘅係無骨炸雞，啖啖肉，送到黎果時仲熱辣辣！炸雞上面嘅燈紅色醬汁，甜甜酸酸帶有辣味，開胃得黎又超惹味，但又唔會搶走雞肉原來嘅味道，恰到好處！雞肉都幾嫩，想encore，忍唔著食多件！整體來講算唔錯，而且份量都幾多，樣樣野都好豐富。我地兩個韓迷一於下次再黎食啦~

將軍澳東港城呢幾個月不停都有新餐廳開張，今次去食劉在石代言嘅Nene chicken! 我七點就到啦，雖然已經有唔少客人用餐但仲未需要等位！我哋一坐低，店員就即刻送上兩碗前菜：粟米、酸蘿蔔，都有成半碗，醃到幾入味，可以食住等嘢食，好貼心呀！我哋一共叫咗一碟炸雞、主食、兩杯飲品(๑╹◡╹)ﾉ"""首先送上嚟係兩杯飲品～1. Blue Lemon Tea: 顏色好特別嘅檸檬茶！酸酸甜甜！夏天飲呢杯真係涼入心～2. Nene Soda (柚子味）：入面有一粒粒嘅柚子加入去梳打水就好有口感，上面仲有個細細個燈仔，可惜射咗去張枱到，射唔到入杯嘢飲到。3. 濟洲海鮮炒粉絲：有好足料嘅海鮮：大蝦、青口、蜆肉，而且粉絲炒到索哂啲汁，所以好入味啊4. 招牌炸雞 - 無骨（半份）非常啱哂我呢啲懶鬼，手套都唔需要，啖啖肉，一咬落去香脆之餘，仲好多汁呀！不過因為拆哂骨，所以每一舊都唔會好大～下次返嚟絕對會encore 招牌炸雞、Blue lemon tea!(灬ºωº灬)♡