NeNe Chicken (東港城) (已結業)

一講到韓國菜就好容易令人聯想到炸雞啤酒，今天同朋友突然想食下好耐冇食過嘅炸雞；咁啱屋企附近新開左呢間奶奶雞冇耐，梗係要嚟食下。呢間奶奶雞同新麻蒲韓燒店分用一個鋪位，店面唔算好大但係坐落感覺都幾舒適。我同朋友叫左兩杯野飲：（前）cocktail rita peach 同（後）pineapple yogurt。Cocktail可以揀有酒精或者冇酒精，就算唔想／唔識飲酒嘅朋友都唔駛擔心！令人驚喜嘅位係cocktail入面放嘅唔係冰而係桃咪冰沙，就算冰沙溶左都唔會沖淡cocktail味道，可以一戰！第一樣上嚟嘅主菜係人參雞湯。雖然入面冇人參但係都有足足一隻雞，而且雞燉到好淋好入味，連骨頭都可以咬得開食落肚！湯底好濃郁，配埋雞肉同燉到半爛嘅糯米飯，真係好似以前去韓國旅行食嘅人參雞湯咁好味。之後就到主角炸雞喇。我地叫左雙重滋味炸雞，分別揀左初雪炸雞同韓式甜辣炸雞兩款招牌炸雞。初雪炸雞上面雖然灑左滿滿芝士粉，食落都唔會覺得好鹹，味道唔錯；但個人更加鍾意有少少辣嘅甜辣炸雞，亦因為係醬雞嘅關係食落唔覺得咁熱氣同乾，十分推介！雖然我地叫嘅係有骨全雞，雞件都好多肉，值得一讚！最後一道菜就係迷你明太子蛋卷喇。

很久沒食韓國菜，這間餐廳之前有劉在錫做代言人，我一直都想試。（雖然現在的代言人都變了女團。）這裡的地方寬闊，坐得舒服沒有壓迫感。都有幾多一家大細的組合來食。未點菜就已經有前菜供應😆👍🏻粟米甜爽。飲品我點了韓國菠蘿乳酪。以菠蘿汁來說是很好飲，但一點奶味都沒有，我有點失望呢。最有驚喜是蔘雞湯。飯完全入晒味，但又沒有蔘的苦澀。雞煮得超淋！我一開頭還在抱怨湯有雞骨碎很麻煩。朋友告訴我，原來佢地煮得淋到骨都可以食！ 一如佢所說，真的可以食！ 碎碎的骨塊，又有點點雞血的味道。好特別！ 我們叫了雙併。初雪的芝士鋪得好厚，味道好濃。食了兩件已經開始飽😂😂雞件還附有厚切薯片。同樣都佈滿了芝士。厚切令薯片的質感實在一點。這個明太子雞蛋卷與我愛的日式玉子燒有點不一樣。味道冇咁甜，不過夾明太子都okay的。可能因為是叫做蛋卷，外層的的蛋會比較乾一點。結果我們叫的主菜全都是雞（嚴格來說雞蛋都是雞）不過來到這兒不是不點雞吧？ 哈哈

It’s chicken time!!! My favorite time haven’t had all you can eat for a long time, as we heard they’re currently doing a promo for fried chicken which is only available on Wednesday, we came here for this! Very yummy, there are around seven types of chicken we can choose from and our favorites were the chicken powder one and the soy sauce garlic fried chicken. All the chicken is very moist and cooked well. The taste was special and quite different to the Korean fried chicken out there. This res

平時成日都會見到好多朋友話好中意食炸🐔，但是一直都因為健康問題要瘦身🤢，沒咩點食。不過，女朋友一路都話好想食，就破例陪佢去食一次🤓😎去到望望個餐廳，原來唔止係食炸雞，而是好多唔同口味既炸雞🍖同埋其他主食今次我地叫半份橘子蜜和半份蒜香醬酒炸🐔，另外亦點左份海鮮炒粉絲🦐🦑🐟🐙橘子蜜炸雞，味道很香既橙甜🍊🍊味，顏色亦都呈亮色，好搶👀吸引。咬落去層皮一啲都唔粉，好脆身，沒好重既油膩感。而且每舊既份量都好夠👏👏醬油炸🐔就偏向鹹味較重，比較易食到撐。不過，佢既鹹香味反而比橘子個清淡味更加香濃，味道都唔錯。海鮮炒粉絲既配料都有好多不同款式，有蝦🍤，青口等等。粉絲炒都超級好食，而且份量多都食唔晒，要俾多1 蚊打包。拎到屋企都個個話好食添總的來說，第一次食炸🐔既經驗都好唔錯，原來真係會食上癮😂😂😂

又係朋友仔生日既時間啦 但大家各有各忙 要約到2100先可食時飯 但又唔想太遠 最後又回到大家長大的地方 坑口東港城了💁🏻‍♀️約定了食nene炸雞 🍗因該佢收2230 可以慢慢食🙈🙈但太晚大家都唔想食咁飽 最後嗌左一碟雞同一個意粉卡邦尼年糕意粉芝士味好出 加上應該有蒜頭炒 勁香口 不過不能食太多 始終太多芝士會有小小肥膩炸雞點了有骨雙拼 要了原味和甜酸醬味 原味味道備淡 但配上沙律醬味道不錯 👌🏻而甜酸醬好開胃 不知不覺食多了😆😆已最後 2杯野飲都過得去 唔會好甜 係貴左dd姐🤑🤑

今日同男朋友出街，男朋友話想食炸雞，我地就係上網搵左呢間都幾出名😬 呢間炸雞店既裝修同埋格局都幾令，幾有韓國炸雞店既感覺👍但係如果播埋歌就更加正😬im ready~(≧▽≦)/~睇個Menu，全部炸雞同其他主食都好想食，賣相一流，可惜得一個胃食炸雞點少得醃蘿蔔！呢度同韓國一樣都係可以refill架！而且refill份量係滿曬😂我地就叫左雙拼既雞，問左服務員邊幾隻味最多人叫，佢地都好好人話比我地知，最後我地揀左初雪同埋蒜香醬油味既炸雞，當然要配酒啦，於是叫左支桃味既燒酒😬d雞既份量都好足！初雪味既炸雞，上面全部都係芝士粉，超級多芝士粉，鐘意食芝士既人不能放過！d雞咬落去好脆同埋好入味～一個字正！蒜香醬油味既炸雞當然也沒有令我失望！同韓國食既味好似，好有韓國風味，佢d蒜唔會太重，係岩岩好，都係好好食！炸雞🍗配燒酒乾杯🍻🍻

今天，約了以前舊同學一齊到將軍澳NeNe Chicken 食炸雞！到了店舖門口先見到佢地推出咗夏日限定套餐，大家不約而同就選定了呢⋯⋯套餐內有層層疊拼盤伴芝士龍蝦通心粉、黑松露蘑菇雞蛋卷、荔枝香莓沙冰及石榴檸檬沙冰！層層疊拼盤伴芝士龍蝦通心粉，中間是炸海鮮，海鮮非常新鮮香口，不得不佩服就是韓式炸物，炸得非常出色，我最為喜歡。芝士味香氣撲鼻而黏緊在通心粉上，美味到不得了！我差不多自己食了一半呢⋯⋯至於黑松露蘑菇雞蛋卷，餐廳做到雞蛋卷係心型，非常有心思，而且雞蛋蛋香內軟，大家都急不及待搶著食呢⋯⋯因爲我食緊通心粉，所以唔夠快，得返半個心型！哈哈！好似搶食咁！兩杯沙冰賣相相當吸引，真的唔捨得飲呢⋯⋯我較喜歡石榴檸檬沙冰，非常清新！好味我們一行5人除了選了個套餐外，還選了金大人串燒拼盤，串燒雞翼做到皮脆肉嫩，炸雞炸得頂呱呱。而芝士炒年糕伴拉麵及芝士蛋伴泡菜炒飯，非常惹味而又不太辣呢。我們點了兩杯新鮮士多啤梨桃酒呢⋯⋯這間炸雞無論那間分店都做到同樣出色。今天，歡度了開心的一晚！

自從韓式炸雞店湧入香港之後，我就完全比佢俘虜住我，完全覺得KFC啲炸雞嘅level完全無得比～今日就同朋友行開將軍澳見到呢間炸雞店，我當然就二話不說走左入去啦～由於呢排係夏天，佢地就推出左呢個summer set 呢個set有黑松露蘑菇雞蛋卷、層層碟拼盤半芝士龍蝦通心粉、荔枝草莓沙冰同埋石榴檸檬沙冰。沙冰個summer set包兩杯沙冰，咁我就試咗荔枝草莓沙冰。杯沙冰唔算好甜，飲得出係用新鮮生果整嘅。另外，啲冰都算幾綿，飲落非常清新。黑松露蘑菇雞蛋卷呢道雞蛋卷先唔好評論味道，淨係睇佢將雞蛋卷整成心心形已經覺得好有心思。味道方面，雞蛋非常嫩滑，配埋啲黑松露醬，食落每啖都好正！層層碟拼盤伴芝士通心粉個層層碟拼盤主要係炸蝦同炸軟殻蟹～ 個炸蝦同炸軟殻蟹炸得外脆內軟，好好食 另外，個芝士通心粉非常濃郁，芝士極之多，好啱鍾意食芝士嘅你去試一試！

放假訓到黃朝百晏，起身都已經係下午茶時間😂 懶得自己煮所以就去左附近商場搵嘢食。行過見到有間叫NeNe Chicken🐔，聽個名都知係食韓國炸雞，見到門口menu張相好似幾好食就決定試下啦。裡面裝潢幾靚幾有特色，重有一排係小木屋型既四人座。點左招牌炸雞，特別之處係佢地有得比客人選擇要有骨全雞或者無骨雞件。我個人好懶，當然揀左無骨啦～ 炸粉唔會太多，而且雞都嫩滑，但係又未至於好食到一試難忘，如果唔係因為running man劉在錫，可能都未必咁出名。

好耐冇去過將軍澳東港城，見到佢嘅裝修完全唔同晒，所以就走咗去一啲新餐廳度望吓。去到上面我俾佢一間餐廳吸引着，因為有一間餐廳我聽朋友講過好似話幾好食，所以我就入咗去。哈哈同埋我本身個人都比較鍾意食炸雞所以見到佢嘅招牌菜都幾吸引。我哋啱啱完咗午餐嘅時候去，所以叫咗一個正價嘅炸雞。當係小食咁試吓。因為本人唔太食得辣所以有好驚佢嘅辣會好誇張，所以我就叫左一份柚子炸雞。就咁問我佢都幾香柚子味，但係食落去嘅感覺好一般，如果係正常係街出面食到呢種感覺嘅話我覺得OK，但係如果係呢個價錢我就覺得可以做得更加好。一般佢嘅皮都唔算厚粉，但係佢嘅柚子味同雞嘅味道分得好開，所以冇嗰種雞肉入面都有甜嘅味道。整體來講佢算唔錯嘅但係我覺得唔值得係呢個價錢，所以如果午餐去食嘅話應該相對上嘅性價比會比較好。

再吃一回@NeNe Chicken 將軍澳重華路8號東港城2樓225號舖 很少機會入將軍澳，今天是因爲活動參觀消防局，我這吃貨活動完結後那順路行商場吃晚餐。由劉在錫做代言人，在韓國是非常有名的連鎖食店。因自己要吃健康，蔬菜同蛋白質要計算好，肉類蔬菜都一定要有，所以點了份$78 芝士沙律，$98 牛油果豆腐沙律，好油脂的牛油果，加上沙律菜同嫩豆腐粒粒同桃肉，沒多餘添加吃食材自身風味，健康呢！夏天一定要沙律拯救$78 迷你泡菜雞蛋卷，最正了蛋蛋好飽肚架，中間包了泡菜午餐肉粒辣酸味好開胃，仲有芝士洋蔥三色椒碎，泡菜有益生菌，加上好香架魚子碎同甜甜地sauce 汁，美味極了！連銷店勝在出品穩定，但如果炸雞有半份就好了，人數不多時但又想多試菜式，細份容許點更多菜餚呀！

自從坑口一田開左之後，佢隨離就開始慢慢開左唔少嘅餐廳，為坑口口淡淡嘅居民帶來唔少嘅歡樂，同帶來發掘新屎坑嘅樂趣。今次就簡左Nene Chicken 黎try try，門面有d人排下隊，心諗應該唔會死得去邊嘅。望望menu，覺得有d貴，如果唔加一，我諗會合理少少。鋪入面嘅裝潢都幾靚，有心。空間感都幾大，卡位同卡位之間仲有玻璃隔住，設計貼心。我同呀妹叫左個炸雞達人（$88），炸雞炸得非常滑，而且d雞配左唔同嘅醬，食落每次都有唔同嘅驚喜。我鐘認食醬油味雞，味道夠簡單直接。芝士蛋伴泡茶炒（$68），呢個飯做得一般，蛋同炒飯味道不配合，炒飯笑亦都平淡無奇。跟餐有得配野飲，果醋配梳打水，清涼解暑之選。

閒日放工，同男朋友食好少少獎勵自己！叫左一個套餐，平d又可以食多d野！點餐後，侍應迅速的送上前菜。有粟米沙律，暫時讓我解解餓xd另外還有白蘿蔔，非常爽口好吃！和我在韓國吃的差不多呢！食炸雞，一定要食白蘿蔔！$348 2-3人餐：層層疊拼盤配芝士龍蝦通心粉嚟到，就忍唔住嘩左一聲！份量真係好大碟呀！有炸龍蝦鉗，炸蝦同埋炸雞柳。龍蝦同蝦都好鮮！蝦肉彈牙！雞柳嫩滑，炸皮鬆脆。通心粉沾滿了芝士及龍蝦醬汁，配料仲有洋蔥、煙肉、香料等等，非常惹味！通心粉軟熟，如果可以再熱一點就好，可以更加有拉絲嘅效果。黑松露蘑菇雞蛋卷蛋卷層次感豐富！黑松露香得黎又唔會太漏！特別鍾意佢配埋沙律🥗，清清地之餘又可以解解膩。沙律菜爽甜，夏日炎炎食份外清新！套餐包了兩杯沙冰，分別是荔枝草莓沙冰和石榴檸檬沙冰 。兩杯沙冰賣相精美，個人較喜歡荔枝沙冰，味道清甜，與上面的草莓蓉很夾。石榴檸檬沙冰味道較甜一點，兩者的味道也很出。呢個套餐真係好抵食，質素亦冇令人失望，食到我同男友捧着肚子走！

呢排睇開世界盃，成日都好想食香口野😂今次試下食呢間，順便去商場睇波xd同女朋友了左知2-3人餐 $348，份量好夠，其實夠三個人食！醃蘿蔔好爽甜，唔覺苦澀粟米前菜好開胃！黑松露蘑菇雞蛋卷雞蛋好滑好有層次，又唔會熟得滯，配上黑松露味道就更豐富！沙律菜新鮮！稍為健康一下都好！令人冇咁有罪疚感😂層層疊拼盤配芝士龍蝦通心粉令人期待既拼盤黎喇！炸雞🍗皮非常香脆，內裡亦好有肉汁！配上芝士就更惹味啦！配上通粉都唔錯，飽肚之餘又唔會覺得每一口都係肉咁！炸龍蝦好juicy!都食到蝦肉鮮味，幾爽彈。大蝦🍤炸皮恰恰好！唔會太厚！荔枝草莓沙冰夏天飲沙冰的確一流，荔枝草莓🍓味道好夾！夏酸甜甜好開胃！石榴檸檬沙冰 好鐘意呢杯！石榴味好出！又唔會覺得太甜!配上炸物食簡直一流！成餐飯都好滿足，又唔會覺得好漏！下次一定要再黎試其他炸雞！

一田附近開左好多新餐廳，韓式料理咁受歡迎，點會冇佢分！Nene Chicken 和新麻浦一齊開，食炸雞又得，食韓燒又得。店裝修modern，一個個小屋卡位很温馨。前菜醃蘿蔔和粟米沙律，酸度剛好，免費添食。新推的夏日限定套餐($348/2-3人)幾抵食。石榴檸檬沙冰帶濃濃的石榴味，加了乳酸，味道好夾。黑松露蘑菇蛋卷心形的蛋卷很美很可愛，芝士夾在蛋之間，加上松露香，味道不錯，沙律配粟米汁，幾特別。荔枝草莓沙冰甜度剛好，很清新。層層叠拼盤伴芝士龍蝦通心粉配料有炸蟹夾、炸蝦、炸雞條，炸得很酥。通心粉混合粟米、洋蔥、青紅椒、bacon，給的芝士很大份，很creamy。