Neko Puff (已結業)

平時慶祝周年紀念都係買芝士蛋糕或者慕絲蛋糕，今年特別D，慶祝13週年，去左NeKo Puff 買拿破崙蛋糕。店鋪主打法式蛋糕及經典法式拿破崙蛋糕，而法式拿破崙蛋糕更獲得世界冠軍，非常厲害。糖蔥餅椰蓉芝麻拿破崙拿破崙蛋糕即叫即焗，堅持即日新鮮製作保持酥脆口感，最快一小時前預訂，行完街再去拎岩岩好。拿破崙既酥皮係主要既靈魂，傳統千層酥皮用上法國牛油焗製，酥皮脆得來帶強勁牛油香，酥皮間的層次分明也細密，一切開都聽到非常酥脆，口感鬆化。以到既拿破崙蛋糕唔係用上吉士醬而係配上幼滑法國厚忌廉，而厚忌廉入面加了糖蔥餅，再灑上椰蓉及芝麻碎，糖蔥餅係傳統民間特色小吃之一，拿破崙蛋糕完美結合了糖蔥餅，味道非常懷舊。

Neko Puff 啱啱攞到瑞士著名的甜品品牌La Rose Noire舉辦的 LRN Worldwide Instagram Contest 30th Competition 世界賽冠軍。其實之前經過屯門已經想試吓佢，趁今次機會又咁啱生日拎返屋企同家人分享。佢哋有13款拿破崙，大部分食材均由法國直送，今次試咗三層唔同味道嘅”THE ONE”。上層士多啤梨，中層芒果，下層紅豆麻糬。每層都有法國鮮忌廉，同埋香脆嘅拿破崙分格開。鬆脆得嚟又唔會散開，你睇返我切開嗰張相就知啦，果然係大師級作品👍🏻絕對唔會差得過大酒店餅房D出品。由於佢哋人手製作，每日限量訂購，最好先網上訂購，成功訂購最快一小時可以有得拎。想食就去佢哋IG /網站或者店舖訂購喇

朋友生日就梗係買蛋糕慶祝啦😆 就搵到呢間位於屯門嘅蛋糕店Neko Puff🎂 唔講唔知原來呢間蛋糕店參加世界賽，仲拎到冠軍添🥇🏆 真係有高級酒店嘅質素，而且食材都係由法國直送～ 如果大家想試吓法式蛋糕真係可以試吓呢間😆 不論完個蛋糕定係迷你蛋糕都好精緻💕真係好容易令人有選擇困難🤣🤣🤣我揀咗兩款自選口味拿破崙～伯爵茶無花果芒果😆由於係即叫即焗嘅原因，拎到返屋企仲係好脆✨ 如果唔係住屯門嘅朋友，建議拎嘅時候帶個保溫袋去保溫～餅皮帶有咸香， 蛋糕有三層，底層伯爵茶，中層芒果💕 每層都有滿滿的鮮忌廉及水果粒，中和咗甜膩感～食落唔會覺得太甜，反而令人覺得好清新🤩 真係令我食過番尋味😋

最近屯門市廣場真係多咗好多甜品舖頭，其中呢間主打拿破崙嘅，就非常之吸引！不過佢係需要預訂，因為係即日新鮮出爐，所以之前經過幾次都未有機會試到！如果即場買，就有切餅，同埋cheese cake等選擇超多款口味，都想試一試，今次我就揀咗香蕉麻薯朱古力連個盒嘅包裝都係Tiffany Blue，超級少女心一磅裝份量超級重手，四個人分剛剛好！可以見到佢嘅酥皮非常多層次，要將佢靚靚咁切開都幾花功夫！雙層有少許香蕉同朱古力點綴，一打開已經聞到超濃郁嘅朱古力味！呢個蛋糕真係打卡一流，非常靚仔！個酥皮一切開就完全鬆化，朱古力慕絲係行高級偏苦嘅朱古力路線，所以食得多都唔會覺得甜膩！一入口仲有少少覺得似係食緊tiramisu咁，中間仲夾左啲香蕉切片同麻薯，每啖都唔同口感！就算係平時唔好甜食嘅屋企人，都獲得一致好評！推介俾大家做生日蛋糕！

屋企人很喜歡吃拿破崙蛋糕，朋友推介這間本地蛋糕店專門做拿破崙蛋糕，她自己也嘗試過，也是回味無窮。它們的蛋糕更獲得過世界賽冠軍，大部分食材由法國直送。屯門巿廣場就有它們的專櫃，有自設工場每日即叫即焗新鮮製作，可以於一小時前預訂十分方便，還有送貨服務提供。現場還有好多精美的蛋糕款式，例如不同口味的芝士蛋糕、慕絲蛋糕、朱古力蛋糕等。黑朱古力咖啡拿破崙蛋糕(1LB) - $308招牌拿破崙蛋糕有十三種口味，全家是咖啡控關係，當然選擇MOCHA味。蛋糕分為三個SIZE，1LB足夠兩至四人食用，人多的話可以選擇2LB或者3.5LBS。店家最自豪的酥皮，一層層的層次好豐富，足足有三層超級香脆，要用比較鋒利的蛋糕刀才能完整切開，切時更有「卡察卡察」聲；層與層之間有香滑綿密的MOCHA摩卡咖啡的慕絲，有香濃的咖啡和朱古力香，還有一粒粒原粒的金莎朱古力；紅桑子、莓和食用乾花作點綴，好有打卡感。

前幾天兒童節，找個借口買黎食。呢個拿破崙食完一次好好食所以encore。上次試左芒果味，今次買黎同朋友share,所以簡左佢中意既紫薯味🤭同上次一樣係電話提早落單，去到就有新鮮既拿破侖到手。雖然食過一次，但係見到既時候都係咁興奮😆切開時一樣好脆，睇見酥皮好多層，就知好有心機做。👏👏👏今次既紫薯味同上次芒果味唔同既地方就係無咁有罪惡感，因為可能因為香濃既紫薯味蓋過好濃既牛油味，紫薯味唔係得個樣，仲有心機擠出一條條，唔係一坺嘢就算❤️最緊要係超足料，一切就知龍與鳳🙈朋友表示唔錯，你愛就好了，最愛見到同朋友分享後既滿足，你哋滿足我就更滿足了

即興想食新鮮拿破崙蛋糕？最快幾耐可以拎？答案係屯門的Neko Puff 一個鐘就搞掂了。 呢間店原來大有來頭，曾經拎過世界賽冠軍架，我都係咁樣比佢吸引左我來買比謙謙做兒童節蛋糕。今次我選擇左我地一家都喜歡的栗子口味 ☺️， 賣相簡約中帶點心思， 因栗子蓉做得超幼細幾吸引的， 酥皮都焗得非常香脆， 色澤金黃沒有過火，每一層之間的忌廉和栗子蓉幼細香滑甜而不膩， 細個都已經夠我地5人分來食了。有趣分享， 由於拿破崙切開都有d 技能， 所以我切開兩件後， 家下提議不如一層一層食咁咪唔洗驚切碎哂， 之後有人就3層咁食， 有就一層層咁食，總結係，點樣食都咁正，因就算分層食，每層上面都有滿滿的忌廉和栗子蓉。

店家嘅人氣蛋糕係多款即叫即焗獲獎拿破崙蛋糕，由落單計起大概1小時蛋糕就可到手，確保新鮮即製👍🏻🍰韓國草莓麻糬拿破崙蛋糕（$308/1lbs）面層嘅士多啤梨雖然唔係好大粒，但每粒都紅卜卜，非常吸引😍酥皮層次分明，口感非常鬆化香脆，而且牛油味重，相隔一晚再食仍然不失酥脆口感👍🏻酥皮之間嘅忌廉香滑，味道唔會好甜，另忌廉混雜左粒粒麻糬及士多啤梨果肉，麻糬口感Q彈煙韌，酸甜嘅士多啤梨果肉令口感變得清新，食落唔會覺得膩😋呢個size兩個人食啱啱好😌

屯市開多左幾間外賣甜點舖，都花多眼亂，但見到依間個拿破崙幾吸引，即叫即焗，訂完之後行一陣街就有得拎！其實見佢其他蛋糕都好吸引，不過今次就試左the one 傾情·拿破崙先($388, 1lb)連個盒都好靚，又易拎。賣相好靚，頂層有士多啤梨、中層係芒果、底層係紅豆加士多啤梨糯米糍！一叉落去已經試到個拿破崙皮好脆，食落亦都冇令人失望，非常酥脆同好香牛油味。另外個cream係鮮忌廉，口感好軟好滑。配埋豐富嘅配料，實在係好好食！絕對會下次再食！

跟家人在屯市逛街經過見到Neko Buff的蛋糕看起來非常吸引，毫不猶豫問店員可否即日訂購一個他們近日非常人氣的拿破崙系列～店員表示原來只要等大約一個小時就可以取貨，非常方便！大家有興趣可以在逛街前先到Neko Puff落order，回家前就能夠去拿一個新鮮製造的拿破崙。🔺芒果拿破崙Neko Puff有多款特別的口味讓客人選擇，例如最近非常受歡迎的伯爵茶無花果，另外更可以配搭兩款口味，非常適合選擇困難症的吃貨～而我今次就訂了1lb的芒果拿破崙，基本上足夠4-5人家庭。回家後直接開吃，享受一下難得的即叫即焗拿破崙！芒果拿破崙總共有三層而且餡料豐富，面頭有芒果粒，夾層裡面有滿滿的忌廉，味道鮮甜而不膩。另外因為甜度適中，老少咸宜，年長的家人都不會抗拒吃的甜品。拿破崙的酥皮脆薄又分明，入口一咬即碎，名副其實的千層酥。

一直都好鍾意食拿破崙❤️早前睇ig知道原來呢間嘅拿破崙拎咗甜品世界賽冠軍😳 婆婆係潮州人，特別鍾意食糖蔥餅 👵🏻適逢屋企老人家生日，今次就買咗糖蔥餅拿破崙孝敬佢，估唔到又幾有驚喜🥳糖蔥餅椰蓉芝麻拿破崙($328/1 lb) 唔講得笑個賣相真係好靚🤍店家寫4人份量，屋企4個人食都覺得啱啱好😛一打開盒已經啖啖牛油酥皮香，食落去酥皮層次豐富，仲有超多忌廉，食落去係幸福嘅味道🥰 忌廉灑咗啲椰絲同埋芝麻喺忌廉上面，食落去幾香芝麻味幾特別😋而且忌廉嘅甜度適中，所以食晒成件都唔會覺得好膩🤪另外都好想讚下呢一間蛋糕店嘅服務💕知道拿破崙好講求最好新鮮食，因為其實擺得耐會有塌陷，尤其呢一間係出名提供即叫即焗，務求喺最新鮮嘅時間將個蛋糕交畀客人🫢所以好多拿破崙餅店都唔會容許客人更改攞蛋糕嘅時間😥但係當日臨時出咗少少意外😪所以希望可以改拎蛋糕嘅時間😭即日同店員講之後佢哋好肯幫忙，搞到佢哋個時間表真心覺得唔好意思🥲最後都改到時間搞得掂兩邊真心多謝佢哋幫手💝除咗特別嘅糖蔥餅味，佢哋仲有好多經典口味同埋新奇嘅口味，仲平過我揀嘅呢個口味🤣鍾意食拿破崙嘅話一定可以搵到一款啱你自己嘅口味🤎

世界冠軍拿破崙蛋糕店🍰雖然佢店舖細細但係我就俾佢獲獎無數吸引咗鋪面係深綠色嘅設計仲有好多貓貓裝飾品～伯爵茶無花果拿破崙蛋糕 1lb （2至4人份）$308頂層用咗無花果 藍莓🫐朱古力🍫點綴賣相都好靚～有三層超重牛油香味嘅酥皮 層次亦都好分明 入口口感都好鬆化 中間溶咗Earl grey嘅忌廉 茶味好清香好creamy淡淡地唔會好甜 仲夾左啲無花果醬 咁就可以中和返酥皮嗰浸油膩感 配搭得好好下次我都想試吓一個拿破崙兩個口味嗰款啊😍兩個人食好飽呀Neko Puff (屯門)屯門屯順街1號屯門市廣場1期1樓Kiosk 7號舖

店家名物當然係拿破崙 多個味道供選擇因為即叫即焗 所以要提前最少1個鐘預訂保證最新鮮 最脆卜卜 最鬆化.《Traditional Candy And Coconut Wrap & Sesame Napoleon Cake 糖蔥餅椰蓉芝麻拿破崙》太有才了吧 點諗到充滿香港經典情懷既糖蔥餅竟然夾到落充滿法國浪漫氣式既拿破崙先得㗎千禧bb一代可能對糖蔥餅無乜印象糖蔥餅卻是我嘅童年回憶 (哈哈 已經暴露咗我嘅年齡)糖蔥餅係用煮溶既麥芽糖反覆拉扯多次直至變成蔥白的中空狀白色長條 再灑上椰蓉和芝麻碎就咁食糖蔥餅已經既香口又甜脆更何況融入拿破崙脆口既糖蔥餅深化了千層酥皮的鬆化再度突顯了法國厚忌廉的幼滑師傅好有心將拿破崙做到唔太甜令糖蔥餅成為主要甜味來源 整體和諧怡人

屋企人生日諗住試下新野買拿破崙蛋糕，平時行過市中心見到有2間有賣拿破崙，不過呢間見朋友試過栗子拿破崙唔錯所以穩陣啲試呢間先。🔅Give Me 2 拿破崙1lb(韓國草莓麻糬&焦糖燉蛋) ($348)因為選擇困難症，所以訂左呢個可以自選2種味既拿破崙😍。一磅既拿破崙4-6個人食都差唔多，價錢都唔算貴。最怕拿破崙就係酥皮唔夠脆，呢間我特登ig刨過comment講係脆既😚！我今次將蛋糕放喺雪櫃幾個鐘，食飽飯之後先食都仲好脆😎，切嗰時特登拍埋片錄低有幾清脆🤣(片post在ig)。不過最麻煩係拿破崙好難切🙈，切到啲cream都爆晒出黎😂。酥皮就好香牛油味又夠脆，cream唔算膩，都食到cream brulee既蛋香味，草莓就普普通通。Overall個拿破崙係唔錯既，唯一失色係麻糬就唔太啱我口味，唔煙韌同埋草莓味太假☹️。💬個人覺得呢間最好就係拿破崙蛋糕只需提前1個鐘預訂，超級方便👍🏻。因為預訂有揀埋取貨時間，店家應該有就返時間去即焗拿破崙，所以先保持到酥皮仲脆。

每次去屯門巿廣場逛街都會被這間餅店吸引，今次終於出手買了一個回家慢慢品嚐。係網上睇下呢間餅店的資料，先發現來頭一D都唔細，出品的拿破崙曾經奪得世界冠軍，材料方面仲要係法國直送之原材料製作，難怪味道如此出眾。為了保持拿破崙蛋糕的質素，全部都是即叫即焗，需要1小時前預訂，如果唔想等太耐，可以選擇親臨又或者whatsapp落單。焦糖燉蛋拿破崙 – 一打開個盒，已經香氣撲鼻，在沒有預計咁好食既情況下品嚐第一口，實在太令人驚喜。三層酥皮，充滿牛油香，亦都十分酥脆，配上非一般餅店可媲美的忌廉，忌廉真的份外軟綿，而味道是微甜而又不會感覺太膩，忍不住吃完一啖又一啖，令人齒頰留香，回味無窮。