Neko Puff (已結業)

屋企人生日諗住試下新野買拿破崙蛋糕，平時行過市中心見到有2間有賣拿破崙，不過呢間見朋友試過栗子拿破崙唔錯所以穩陣啲試呢間先。🔅Give Me 2 拿破崙1lb(韓國草莓麻糬&焦糖燉蛋) ($348)因為選擇困難症，所以訂左呢個可以自選2種味既拿破崙😍。一磅既拿破崙4-6個人食都差唔多，價錢都唔算貴。最怕拿破崙就係酥皮唔夠脆，呢間我特登ig刨過comment講係脆既😚！我今次將蛋糕放喺雪櫃幾個鐘，食飽飯之後先食都仲好脆😎，切嗰時特登拍埋片錄低有幾清脆🤣(片post在ig)。不過最麻煩係拿破崙好難切🙈，切到啲cream都爆晒出黎😂。酥皮就好香牛油味又夠脆，cream唔算膩，都食到cream brulee既蛋香味，草莓就普普通通。Overall個拿破崙係唔錯既，唯一失色係麻糬就唔太啱我口味，唔煙韌同埋草莓味太假☹️。💬個人覺得呢間最好就係拿破崙蛋糕只需提前1個鐘預訂，超級方便👍🏻。因為預訂有揀埋取貨時間，店家應該有就返時間去即焗拿破崙，所以先保持到酥皮仲脆。