Mr. Crab by The Captain's House (已結業)

最近愛上吃蟹， 煮出美味的蟹料理絕不是容易的事。 自問廚藝沒有天份， 當然要 外尋美食 滿足自己的願望。 openrice搜尋了 這間舒舒服服的 蟹料理餐廳。本來想選擇海鮮袋 ，非常吸引 可選不同海鮮 有蟹又有扇貝， 而且可以自行選擇醬汁。 但因為份量太多， 擔心 眼闊肚窄 吃不到其他食物， 店員很好推薦了蟹飯。原隻鐘拿蟹意大利飯第一次吃這款 蟹， 外殼是比較硬實， 肉質是比較鮮甜， 帶點海水味道， 最愛就是蟹鉗啖啖肉， 烤過的檸檬 作為醬汁 酸酸 甜甜， 清新滋味。 蟹蓋之下隱藏了很多蟹膏😍😍， 把蟹膏拌意大利飯一起吃， 更加美味。路易斯安那蟹餅蟹餅全是蟹肉絲製成的😍😍， 外層鬆脆 用麵包糠包圍著， 內裏軟軟的全是 真材實料的蟹肉， 滋味無比。油封鴨肉絲 鵝肝慕絲多士無花果是油封鴨的 perfect match， 鴨肉絲 鬆嫩 配上無花果的清甜， 是不錯的餐前小吃。芝士蟹肉薯條金黃香脆的薯條， 配搭微辣 滋味的醬汁 和大量芝士， 翻開芝士 原來隱藏了大量蟹肉😁😁， 可惜薯條太多， 醬汁有點不足夠， 如果可以再多一點醬汁就好了。

-灣仔利東街有一間「Mr. Crab by The Captain's House」，舖位唔係好顯眼，但係上到去之後絕對有驚喜！餐廳門口係一個細細地鋪，以船艙作設計藍本，上到樓上就見到好大個魚缸，養住好多海鮮！🐟-雖然依度出名新奧爾良特色美食 嘅「海鮮袋」，不過因為瘦編同朋友唔想午餐食海鮮，所以就試吓其他野食。重點推介大家試吓依個烤牛肋條，油脂分佈好平均，一上菜就有陣油脂嘅香氣，肉質好嫩滑，配上炸薯條同沙律，依個主菜超級豐富！😋-另外小食方面，揀咗好開胃嘅水牛城辣雞翼，即係Buffalo Wings，絕對係雞翼界的「熱浪」，每隻雞翼都好肥大，食落有少少辣味，但又未去到舌頭發麻、大汗疊細汗嗰種辣，會令到你一口接一口食唔停。😆 飲品方面都好用心，分別叫咗杯凍mocha同熱cappuccino，熱飲上面有好靚嘅畫，味道啱啱好，為依一餐畫上完美嘅句號。❤️-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ Mr. Crab by The Captain's House (灣仔)📍 灣仔莊士敦道74-78號一樓及地下C號舖-

成日行經莊士敦道見到Mr. Crab by The Captain’s House都想試下，今日終於同朋友一齊食啦！法式煮青口($168)青口大大粒啖啖肉，好肥美😋夠新鮮，冇沙。有三種汁揀，我揀左香草忌廉汁，食落又香又creamy～重有又香又鬆脆嘅蒜蓉包🥖添！私心推薦「羽衣甘藍藍莓沙律🥗($138)」呢個沙律食材超豐富！有火箭菜、羽衣甘藍、 牛油果、藜麥、金黃色甜菜頭、青瓜、菲達芝士、蘿蔔、松子、藍莓、紅莓乾、無花果乾。係咪好多食材呢～牛油果🥑夠曬熟，好腍，有d鹹鹹地。沙律加埋藍莓、紅莓乾同無花果乾，甜甜地又有咬口。炭燒煙鴨胸薄餅(12吋)($218)好大個呀！煙鴨胸厚身得黎好腍。配菜有京蔥同青瓜絲，正好平衡芝士的油膩感。香煎比目魚($268)外層塊皮煎得微脆，魚冇骨，啖啖肉，鮮味十足。下面有薯蓉、蘆筍同埋忌廉魚湯。蘆筍又大又粗，食落爽脆。

一段時間無出嚟灣仔食飯，朋友食過呢間介紹話好正，果然無介紹錯。餐廳環境坐得好舒適，絕對係收工後過來傾偈飲野嘅好選擇👍🏻我地叫咗Grilled Duck Pizza, 鴨胸好味，配上薄批，好香脆。Super Food Salad有多種乾果，加上紅莓藍莓酸酸甜甜好醒胃。Mussels有不同口味選擇，揀咗Creme Herbs好正，好香忌廉味。Halibut Fillet有薯蓉在底層，加上新鮮粗壯嘅露筍，完全無渣好幼嫩。煎香咗嘅魚啖啖肉...Yummy🤗今日食得滿意又滿足，朋友都大讚好味。

生日既時候 因為唔想同人迫 又唔想食野有壓力所以男朋友就book左呢間咁特別既餐廳同我食”Shake Shake”海鮮🦞我地今次就叫左3款Shake Shake海鮮 份量都好多 2個人食3款都足夠 因為仲會叫其他野食嫁嘛🤣但我地叫既口味都偏辣 唔食得辣要注意啦 記得選擇其他口味 或者Order果時講聲俾餐廳知但最最最驚喜既係Risotto 黑松露好香 露荀又好嫩另外我地都叫左蟹肉薯條同濃蝦湯 最後都食左個甜品 唔太甜之餘 都好Moist

情人節，食肆仍未放寬，唯有訂4點鐘慶祝情人節。要慶祝就梗係叫酒飲。首先叫咗生蠔＋香檳餐，生𧐢比較細仔，唔夠creamy ，香檳酒味道尚可。再叫個雜錦海鮮，自選三款，點了蝦，帶子，鮑魚用胡椒汁煮，味濃帶點微辣。不錯！但覺得沒有烹調技術可言。如再去，我定會試其他。原來情人節有最低消費$500一個人。唔知閒日有冇最低消費呢？！

初七人日, 係人人嘅生日, 諗住食好啲係Captain’s House外賣左個海洋返屋企個外賣盒超吸睛, 沿途個個眼金金望住我<Seafood Platter>海鮮拼盤係Captain House嘅招牌菜, 非常適合打卡裏面有10隻蝦、10隻蜆、10隻青口, 仲有薯仔、香腸同粟米作為配菜醬汁方面有檸檬牛油汁、卡薑蒜蓉汁同胡椒牛油汁三款選擇, 大食妹就揀咗檸檬牛油汁, 食落非常清新, 有種乳酪感<Louisiana Crab Cake>呢個路易斯安那特色蟹餅都係必食之一蟹餅非常足料, 食落啖啖蟹肉, 淋上特製醬汁, 食落有少少辣辣地, 味道唔錯<Bologna’s Spaghetti>因為驚食唔飽, 大食妹再嗌左份大波波肉醬意粉, 份量超級大肉碎超多, 仲有個牛肉漢堡扒<Sugar Kiss(左)及Mid Summer Dream(右)>食咗咁多嘢飲番杯mocktail就啱啱好啦Mid Summer Dream 味道酸酸地, 飲落好似洛神花茶而Sugar Kiss就甜甜地, 好似水果茶

本身夜晚約左人食飯，見晏就肚仔餓就比呢間充滿歐美風既餐廳吸引左入去🤤餐廳上樓梯有啲好似海軍既裝修，令到我對之後既海鮮餐充滿期待。勁口乾，所以一坐低就叫咗杯嘢飲😗呢杯叫做Rosella Tin，係一杯洛神花茶配龍眼蜜，酸酸甜甜幾開胃🍹首先我叫咗個白酒牛油既法式煮青口，一拎上枱就已經俾佢滿滿嘅青口吸引住，另外配有4塊蒜蓉包。最鍾意用個青口殼裝住啲白酒汁嚟飲，有酒味得嚟唔會太油膩，自己一個食晒全部青口都無問題重口味既大家就一定要叫呢個香煎比目魚，本身以為係屬於清淡少少個隻，點知原來係重口味🙊魚皮煎得勁香脆仲要加左黑胡椒喺面頭做點綴配埋底層既牛油薯蓉，真係覺得罪咎感爆登......但係呢又好容易食下食下食晒成碟先過份😪

仲記得好幾年前係美國🇺🇸，親戚帶過我去一間餐廳食shake shake海鮮袋，每人都倒曬一大堆海鮮🦞🦐🐙🦀係枱，餐廳充斥shake shake同剝殻聲😆今日嚟到Mr. Crab🦀 , 我終於可以感受返昔日情懷la~~ 😎灣仔店既裝修風格好有特色，樓梯旁整幅牆都係海洋馬賽克，又有水泡等裝飾，上到一樓門口就係碼頭風的大蟹仔logo~ 真心靚！除咗signature既shake shake海鮮拼盤，menu仲有好多唔同種類既野食～ 樣樣都好鬼吸引～ 不過為免眼闊肚窄，都係order幾樣嘢先~ 😛龍蝦湯 （配蒜蓉包）有隻小龍蝦喺度浸溫泉♨️ 好香，如果再濃d我會更加鍾意~酥皮蟹肉蠔周打湯（配蒜蓉包）個酥皮焗得好靚又酥脆，朋友勁like~ 蠔味濃且帶淡淡蟹肉鮮味～蒜蓉包蘸湯係不二之選～😆主菜嚟啦～海鮮拼盤 Signature seafood combo我哋揀咗3種海鮮，鮑魚仔、扇貝同埋海蝦🦐～ 配以檸檬叼草忌廉醬汁～店員上台之後會幫我哋撈勻佢～我本身對鮑魚唔太大興趣，因為驚有啲韌，但係呢度嘅鮑魚仔又有驚喜地整得好稔身；扇貝size都幾大隻，海蝦都算鮮甜～本身海鮮袋入面已包左粟米🌽、薯仔🥔、同埋香腸

灣仔食美式海鮮自然諗起Mr Crab，今日黎食海鮮袋。1⃣️海鮮袋（$398）配蒜蓉包海鮮揀左墨魚仔、🦐海蝦同埋蜆肉，🍋配檸檬胡椒汁。海鮮袋入面仲有薯仔、腸仔等等。薯仔🥔係原舊上，如果可以切下先放入袋就更入味啦。2⃣️龍蝦湯、酥皮蟹肉蠔周打湯賣相幾靚，酥皮增加口感，配香草包🌿一流😋。3⃣️黑松露海蝦忌廉汁寬條麵呢個非常濃味，醬汁結身，食落感覺都比較膩😵，需要啲飲品平衡一下。總括黎講好飽肚，有驚喜。

呢間餐廳位於灣仔修頓球場附近，Friend講呢度幾好食，我啲就來試下。新奧爾良卡疆醬汁焗八爪魚🐙裝盤好靚，蕃茄仔、薯仔粒、八爪魚粒，用蒜蓉、洋蔥碎、辣椒粉等炒制而成，唔會太辣，有滴滴辛辣刺激味覺，八爪魚好生鮮且好Q彈，真啲好味！風乾火腿及芝士拼盤🧀️火腿片有三種，顏色都唔同，應該係醃啲時間唔同，有12個月同18個月，時間越長越咸香。配佐三種唔同濃度啲芝士片，味道濃郁奇特。蟹肉蟹膏南瓜意大利燴飯🦀️飯粒粒分明，用蟹肉蟹膏、南瓜汁、帕爾馬乾酪、奶油醬拌，食落去唔會濕，都食到蟹肉絲同埋蟹膏，味道偏濃。魔鬼巧克力杯，杯口都係巧克力覺得幾浪費😂唔會好甜，鍾意食巧克力都可以試下。virgin sangria好多水果粒，加埋蘇打水，酸酸甜甜啲好爽口！

🏕呢間舖既門口細細, 望落似外賣店, 但一上去發現原來樓高兩層, 係一間用船艙🚢為裝修既餐廳, 都幾多人幫襯. 佢地主打食海鮮, 今次就試左個Risotto同幾款小食:🦀黑松露蟹肉焗薯皮 ($98)🦀一上檯黑松露味濃烈, 且蟹肉鋪滿薯皮上面, 啖啖薯皮都有滿滿既蟹肉, 滿足!🥔🦞新奧爾良小龍蝦芝士醬 ($98)🦞好香好濃郁既芝士醬, 入面超級足料, 有數不盡既小龍蝦肉, 配埋個法包食, 🫕索曬D汁簡直係絕配, 但食多幾羮就開始有D漏同飽肚🤪⚓️餐廳11:00 p.m.收, 當日食完只係10 p.m, 但有幾位侍應好似想我地快D走, 但無惡意既, 可能因為全場都係得返兩, 三台客🏴‍☠️⛴😋味道: 8/10📬地址: Mr. Crab by The Captain’s House - 灣仔莊士敦道74-78號一樓及地下C號舖🚈營業時間:星期一至五 12:00 p.m. - 11:00 p.m.星期六至日 01:00 p.m. - 11:00 p.m.——————————————————————————————🏕This restaurant looks like a takeaway shop

約了F在修頓球場附近食lunch, 我提議去Mr. Crab, 因為它無論晚餐或下午茶也沒有令我失望過，所以也想試試它的午餐。每次去Mr. Crab感覺就像在一個船倉中進食，令人感覺輕鬆寫意，So Chill!Set Lunch的選擇共有8個，價錢由$98~$168不等，包Daily Salad & Soup , Main, Coffee or Tea。沙律~有車厘茄，粟米，青瓜，羅馬生菜，火箭菜和菠菜，配以酸酸甜甜的沙律醬，又開胃又健康。餐湯~忌廉洋葱湯~洋蔥味香濃，忌廉順滑，吃到有洋葱粒和蕃荽，伴以薄薄的香草包，十分滋味。白酒牛油汁煮青口$148~青口不算大隻，但肉質飽滿鮮甜，以洋蔥，蔥蒜，白酒和牛油烹調，更令青口提鮮，汁醬的牛油味非常惹味，用來撈飯真是一流。法式紅酒燴牛尾$168~牛尾以紅酒汁炆得好腍好軟，肉質嫩滑，牛味濃郁，配菜有洋葱，紅蘿白，薯仔，Cheddar & Mozzarella Cheese，汁醬是所有精華所在，有肉的濃香也有菜的甘甜，用來蘸麵包吃真是美味無窮。Latte(+18)~咖啡味醇，奶味香濃，正!Hot Lemon Water~餐廳用靚檸檬，無苦澀味 ，所

金鐘區食野太貴好多時去左灣仔食lunch, 今日發現mr crab既lunch好豐富亦都好高質，個環境又舒服！每人一份lunch set，有沙律，湯加餐包，餐飲，熱食同加錢點了甜品。睇相都滋味無窮店員以外籍人士為主。Lunch set特別抵食，今日心大心細點了軟殼蟹意粉和菇菌燴飯做主食，先有沙律，餐湯，再送上餐飲主食幾大份creamy, 其實一個女仔食真係幾飽。軟殼蟹意粉一個餐，大合相素食之選，料靚最後的甜品好脆口但偏甜，有d似食糖粒。

mr crab by the captain's house早幾年紅極一時既海鮮袋餐廳係疫情下改推午市優惠另外自取外賣更有特價,一客意粉都只係$78當然最好可以就堂食啦而家既營業時間改為12點至8點半兩個人,一杯紅酒一杯香檳提前預祝情人節先上頭盆,三款火腿配芝士拚盤一款係18個月,另外2款係12個月另外配左芝士切片,建議先由淺色淡味食起越深色味道越重同咸香,夾一片酸瓜片食起上黎無咁乾,又食到咸香又易入口如果真係覺得太重味,可以配返少少蜜糖食中和返太過濃重既味道份量超豐富,兩個人食前菜已飽3分食完火腿芝士後,下一道菜新奧爾良醬汁焗八爪魚粒 蒜,洋蔥碎,薑,辣椒粉等等炒製而成既辣醬汁拌勻新鮮八爪魚粒同焗過既薯仔粒呢一道菜味道辛辣刺激味覺,一解芝士既油膩感如果食芝士剩低蜜糖,可以加入去,食落無咁辣味道更加豐富有層次,蜜糖係用靚野,甜味自然蟹肉蟹膏意大利飯每一口都食到鮮既肉同膏,味道偏濃每一啖都係蟹膏既味道,鐘意膏香既朋友非常岩食,十分滿足頭盤香,中間辣,最後食蟹飯,三道菜都各有特色灣仔莊士敦道74-78號一樓及地下C號舖Shop C, G/F-1/F, 74-78 Johnstan Road