Mizu (已結業)

佐敦新開一間特色cafe~主打有日式串燒定食，仲有西式brunch set~同埋串燒omakase都好吸引呀!!呢間cafe裝潢偏向西式，仲有bar位，可以一邊食一邊同廚師傾計呀~裡面卡位都好舒適好寬敞。今次lunch去就叫左日式西式各一款set~串燒雞定食 HK$188主打熱賣嘅雞棒，沾上日本蘭王蛋醬，香濃蛋味仲好滑添，有剩蛋汁仲可以撈飯食，正呀!塔尼之諾芝士配什菌沙樂美腸意大利飯 HK$128沙樂美腸口感比較硬身有咬口，意大利飯超creamy，配埋什菌食落都唔太膩。Cafe Mocha，香滑咖啡比較濃味，朱古力味就偏淡少少。Tiramisu HK$98玻璃罐裝好得意，口感好滑，有少少入口溶化感覺。咖啡味岩岩好，唔會太苦又唔會太甜，推介呀!!附上餐牌:Mizu佐敦德興街3號地舖

佐敦新開日西餐廳🍶佐敦巷內新開一間食西餐&日本嘢嘅餐廳；簡單裝修，空間寬敞；menu有set lunch、omakase、單點串燒、risotto、意粉等；開朗健談嘅店員推薦串燒同Tiramisu🤣🔸串燒雞定食 $188蘭王蛋係重點！好香蛋黃味，點完雞棒可以用嚟撈飯🙈雞翼以少許鹽調味，燒得有炭火香氣，保留雞嘅原味🔸塔尼之諾芝士配雜菌沙樂美腸義大利飯 $128義大利飯好creamy濃稠，但唔會好膩👍🏻加埋烘過嘅雜菇同煎香嘅salami（食落似煙肉）🔸Tiramisu $98cream綿滑，甜度啱啱好；平時唔係飲開咖啡（即係我😂）都啱食，唔係好濃咖啡味，亦都唔會好苦

好耐無打食評今日黎到呢間野真係要打下朋友book左呢到仲order左好多我鐘意食嘅野呢個爐燒雞泡魚干味道好濃郁食得出用料唔錯不過個人覺得魚干可以燒耐D再香脆D會比較好 呢度既吉列蠔絕對值得一讚唔單止好大隻好抵食最重要係真係炸得好好即叫即炸咬落去D肉汁爆哂出嚟將炸物既味道同蠔既味道融合得好好 呢度既串燒都整得幾好食燒得香口 燒年糕有咬口幾好食 明太子飯團本身既味道唔錯明太子份量十足如果鍾意明太子既朋友可以試下 清湯牛肉烏冬都幾大碗雖然湯底唔算好特別但牛肉都幾有驚喜除咗肉味濃郁熟度都處理得啱啱好而且牛肉份量都唔少 Monkami同Sake Rice Lager兩款啤酒都係手工啤比較少見而且仲要買一送一好抵飲啤哂既質素都唔差Monkami既啤酒味都幾濃郁但又未去到黑啤程度如果你覺得黑啤味太濃但又想飲濃D既呢款啤酒就啱哂而Sake Rice Lager都幾有清酒既感覺不過個人覺得混合咗啤酒味雖然係幾特別但就冇就咁飲清酒咁香 順帶一提呢度有星期一二全日happy hour 收費啱晒一班friend盡興相聚!!

週末，老公book左佐敦Mizu cafe慶祝結婚紀念日。哩間係新派日本菜既西餐廳，環境格調優美，一入門口職員有禮貌招呼我地入座。每張卡位座位闊落，亦都有bar臺。餐牌食物款式共有六款選擇：廚師發辦套餐、散叫有一品和食、海鮮、串燒、飯類、麵食、甜品。服務❤️❤️❤️侍應好細心，會主動過來介紹餐廳餐牌食物類別，亦分享邊種食物較多客人點餐，餐牌上有酒精及非酒精飲品提供選擇。最後我同先生揀左廚師和牛發辦$688（Waggu omakease)。套餐包左2道前菜、6款串燒、1道和牛、2道和食、主食及味噌汁。食物上菜時間很快，每上一道菜，侍應都會介紹番每道菜既名字。先來前菜：薯容青瓜蕃茄沙津，沙津配菜爽口、薯蓉加沙律醬混埋一齊食好Creamy。另一款前菜：紅蒜橋頭，爽口中帶甜味；魷魚好鮮味。串燒方面分別有：秘制雞肉棒棒：雞肉鮮味，沾上日本蛋汁，滑口多汁。牛舌：炆得淋身好入味。雞皮包蝦：好驚喜，一入口好好味日本豆腐燒：外層鹽燒，內層滑身。新鮮白膳：白膳入口鮮甜，汁滲透味蕾。燒雞肉串：燒得香口嫩滑。另外鹿兒島A4和牛：肉質厚身，燒得野味，入口食到啖啖和牛油脂味道。和食方面：清湯烏冬和脆脆炸雞。六款串燒味道

今日約了朋友看電影，見仍有時間，先去佐敦一間既是串燒屋又是咖啡店的店鋪消磨時間。餐廳推出了下午茶，主要有一款甜品和一款咖啡，所以選擇了其中2款試試，想不到有意外的驚喜。法式焦糖燉蛋用的是日本蘭王蛋，味道香濃，而且口感幼滑，上面有香脆的焦糖和凍冰冰的雪糕，加上酸酸甜甜的芒果和熱情果，實在是十分消暑又開胃的選擇。西班牙油條酥脆的油條有滿滿的砂糖，十分香口惹味，配的是希臘乳酪，酸酸甜甜，很匹配。Latte咖啡味香濃，配有鬆脆蛋白曲奇。蘋果汁是王林蘋果汁，清香可口。環境舒服，店員服務加分，下次試試再來其串燒。

餐廳環境舒服乾淨，裝修行簡約風。Tea Set賣相精緻，而且茶點水準冇令人失望。下午茶嚟講，份量足夠。下單後約十分鐘，食物就嚟到了。📌Tea Set 1：熱帶果醬 配 法式焦糖燉蛋 - $98（選用日本蘭王蛋）Crème Brûlée in passion fruit jam（made with ran-oh egg from Japan）。焦糖燉蛋質感幼滑，甜度適中，而且雞蛋的味道幾濃厚。雪糕幾香滑，有點點雲尼拿籽。熱帶果醬的味道略為太強勁，蓋過了燉蛋的味道。。📌Tea Set 2：西班牙油條 配希臘乳酪 - $88Churros with Greek yogurt 。即點即製嘅Churros條好香脆！ ！一口一條嘅設計，砂糖份量適中，感覺唔會好膩好滯。今次和一位朋友前來，點了兩客Tea Set來分享，每人三條Churros，份量剛剛好。。打成泡沫嘅希臘乳酪感覺輕盈清新，面頭加了少許青檸皮，味道更豐富。成份茶點感覺好平衡，well-balanced.。下午茶餐包冷熱美式咖啡、鮮奶咖啡或泡沫咖啡Tea Set include Cold/Hot Americano, Latte or C

all-in-one yakitori place有串燒🍢，有手工啤🍺，有sake🍶，有cocktail🍸.三黄雞腿肉 | 牛舌 | 明太子長芋燒秘製雞肉棒棒 | 純豚五花腩 | 日本華味鳥手羽先 新鮮白鱔 | 安格斯牛小排 | 椎茸爐燒乾物拼盤 - 大澳花竹蝦乾、大澳瀨尿蝦乾、爐燒雞泡魚干立貝壺燒 吉列廣島蠔北海道白粟米門神本地手工啤酒 Monkami Sake Rice Lager .推介大澳瀨尿蝦乾，夠香口，送酒一流，食完拼盤我都另外追加多一客串燒就推介秘製雞肉棒棒、純豚五花腩、新鮮白鱔，呢三個都好食

My Weekend Vibes❤️ nice place for chill out💫..近年Omakase 大熱。。形形式式既廚房發辦👨🏻‍🍳 大行其道，估到連日式串燒🍢 都有Omakase 嗎❓今次就黎到佐敦，一間精緻舒適、時尚明亮既日式居酒屋酒吧🏮，來吃個串燒🍢 喝杯酒🍶🍸🥃🥂，感覺都幾chill。🔸串燒都有Omakase 廚房發辦 $6882道前菜、6款串燒、1道海鮮 / 和牛、2道和食、主食 & 味噌汁🔸蟹籽沙律 $78 🔸鹿兒島A5 和牛 $388🔸日本燒蠔 $88🔸新鮮白鱔 $78🔸蒲燒鰻魚 $78🔸秘製 雞肉棒棒 $58🔸明太子雞肉釀冬菇 $48🔸腐皮雞肉卷 $48🔸吉列廣島蠔 2隻 $48🔸牛舌 $42🔸白桃梳打 $33除左Omakase 之外，散點既串燒同樣即叫即燒更合自己心意❤️。先來沙律打開味蕾；來自A5 和牛🐮 滿有油香而內裡保持嫩滑；燒蠔🐚 肥美大隻，牛舌爽口嫩滑。其中餐廳推介既秘製惹味雞肉棒棒🍢，蘸點呈橙黃色既蘭王蛋汁，更滋味。腐皮雞肉卷亦屬特色串燒，一般較少見可以一試喔！可惜當晚Bartender 不在，不然一邊吃串燒一邊喝杯酒，感覺一定更chill 呢！

下午當作日式咖啡店，晚上當作日式串燒酒吧各款高質串燒都值得encore🤤特別推介 秘製雞肉棒棒雞肉棒口感嫩滑，配日本蘭王蛋撈醬油，味道香濃❣️日本單骨雞翼燒至外脆內嫩，肉質多汁，喺我最喜歡嘅雞翼啊🤣安格斯牛小排牛味濃郁，帶油脂甘香，口感豐富牛舌厚肉，口感爽口，師傅推介😋必點❣️燒鰻魚飯團 鰻魚燒至色澤均勻，醬汁甜度剛好配脆卜卜飯團🍙好好味啊仲可當作茶漬飯品嚐，有兩款食法食日式串燒配Ko-do-mo🍸清甜蘋果味配串燒，係一個唔錯嘅配搭Mizu🤍佐敦德興街3號地舖

餐廳主要有bar台,或非常大的卡位.卡位為U字型, 坐得十分舒服. 環境偏向西+和式.  算係裝修得好精緻.店內主要餐點為串燒.  餐廳會按客人點的餐排了順序才出. 牛會在最後出, 如果無估錯係由淡去濃味咁出餐.枝豆(38$)作為前菜咬下口,清下口中既味道, 感覺比較清新同新鮮.份量我覺得十分多, 2-3人食會比較好小小.清湯牛肉鳥冬(88$)雖然寫係清湯, 但佢係醬油湯黎的, 味道唔算好咸, 如果偏日式小小會更咸. 湯底帶小甜, 湯底主要係調出牛肉本身的鮮味.牛肉無特別調味, 主要食牛肉本身的肉汁味. 雞肉棒棒(58$)餐廳特色串燒之一, 的確相當不錯, 最近很多餐廳都中意加蛋食, 呢到都唔例外, 蛋會加香成個肉汁既味道, 本身雞棒味道都好濃,加上蛋後 香+濃味.份量都唔細, 中間肉好厚, 口感有小小似漢堡.五花腩 (48$)五花腩燒得好均勻, 無話邊到特別焦, 證明師傅有一定功力.小小油, 加左d蔥花比較香小小. A5和牛 (388$)和牛算係好高質素, 師傅大約係整成7成熟左右, 小小入口即溶既感覺. 牛肉味本身就好重,如果點小小鹽食,會更加重牛肉味出來. 睇個人喜好 , 不點鹽

今日難得放假同屋企人去食下野行下街, 揀左一間位於佐敦嘅串燒店, 餐廳環境幾大, 設有吧枱同普通座位, 入面擺滿綠色植物, 感覺舒適🌟威士忌美式咖啡入口咖啡味道濃郁帶威士忌香氣, 口感順滑細膩🌟柚子蜜桃茶味道酸酸甜甜, 清爽解渴又開胃🌟花魚一夜干魚肉結實帶咸香鮮味🌟腐皮雞肉卷外層用脆脆地嘅腐皮包住雞肉, 雞肉味道滲落腐皮到, 味道幾特別🌟煙肉蠔卷微脆煙肉包住鮮甜蠔肉, 口感豐富, 味道不錯🌟串燒雞定食串燒雞定食另附上有前菜, 沙律同麵豉湯, 雞肉串燒啖啖肉, juicy嫩滑, 仲有一件雞肉棒, 沾上橙黃色嘅蘭王蛋汁, 更加滋味

同朋友行街食飯，經過有啲寂靜嘅德興街，見到呢間燈火明亮嘅MIZU，望入去有吧枱位置，又有木系嘅餐枱位置，感覺有啲西式加日式fusion風。 睇吓餐牌，有串燒又有Cocktail…… 幾特別喎。想同朋友傾吓計，坐位寛敞，啱晒啦！先叫兩杯飲品，白桃梳打同波子汽水，日本飲品，天氣咁熱飲，夠爽~紫蘇雞肉串其貌不揚，但係面頭嘅紫蘇葉有清新嘅香味，入面嘅雞肉彈牙多汁， 必點 ！清湯牛肉烏冬烏冬係煙韌嘅日本烏冬，加上京蔥絲同鳴門卷做裝飾，牛肉唔係普通嘅肥牛，而係好有牛肉味嘅靚牛肉。秘製雞肉棒棒一串好粗嘅雞肉棒，蘸上日本蘭王蛋，入口更加嫩滑。三黄雞腿肉新鮮三黄雞嘅雞腿肉，雞味真係特別濃郁，加上燒到香脆嘅雞皮，正！鹿兒島A5和牛一入口啲牛油就爆晒出嚟，油香十足，中間粉嫩，香滑無渣，極品。燒明太子飯團跟茶漬湯飯團外層燒到脆卜卜，好似飯焦口感。加入去茶漬湯，味道更好。 湯入面嘅脆米本身都有焦香味，同個飯團好夾！Tiramisu用獨立樽裝住，乾淨衛生！味道香甜，幾好食，不過就無乜咖啡味。

朋友專登出嚟佐敦搵我食飯，我帶咗佢去一間想食好耐嘅餐廳🤣，就係位於德興街嘅「Mizu」。由於我哋預早打電話訂枱，店員專登留咗張梳化位畀我哋。餐廳環境由內至外都滿有格調，裝修簡約舒服。日頭佢係一間有午餐賣嘅咖啡店，夜晚就搖身一變成為主打日式串燒嘅酒吧餐廳。佢絕對稱得上為一間百變小店！餐廳每日五點前會提供Brunch Menu🍽，款式種類都幾唔同，包括有沙律、意粉、全日早餐同日式定食等，價錢由$98至$188不等，我認為定價都稍為進取。串燒雞定食($188)，呢度既然係串燒店，就當然唔可以錯過佢嘅串燒🍢，吧枱位置更會見到師傅燒嘅過程，每串精心處理，一啲都唔馬虎。定食有三款串燒同少量燒蔬菜，而底部就係蘸咗肉汁嘅珍珠飯。定食內容豐富🍱，包括前菜、沙律同湯。湯雖然係麵豉湯，但冇出面餐廳嘅咁鹹，而且好多料。前菜係木魚絲鰹魚汁菠菜，味道清爽；另外仲有醃菜蕎頭開開胃。第一串係日本華味鳥手羽先，即係鹽燒雞翼🍗，雞皮燒到脆卜卜，不得了。再者，雞皮啲脂肪好似喺燒嘅過程中蒸發晒，食落一啲都唔油膩。雞肉肉質細滑，所以簡單用鹽調味已經好掂！第二串係秘製雞肉棒棒，佢係免治雞肉製品🐔，並附上日本蘭黃蛋汁食用🍳，食落多

意外走入恒豐中心後街，有一間好大間日式fusion餐廳，坐得好舒服，服務都好好👍🏻😜好有驚喜！店員介紹話依到係串燒專門店，咁當然要試試佢🙈.🍢串燒雞定食$188(5/5)勁好食！❤️❤️❤️❤️串燒燒得啱啱好，有雞肉棒、雞翼兩隻、煙肉菠菜卷兩舊、冬菇、辣椒仔，配上有少少🤏醬油嘅日本米飯🍚同蘭王蛋🫣點解咁正！個set仲有味噌湯、菠菜配菜、酸蘿蔔、沙律🥗，即刻減輕個油膩感👍🏻💯💯💯💯💯💯分量都好大.All day breakfast 🥞 $128 (4.5/5)份量又係好大，𥚃面有煙肉、腸仔、蛋、薯餅、茄汁焗豆、沙律、冬菇，我最欣賞佢個包，好香又脆卜卜🤪.Lunch set配上ice black, latte同果汁，但我7折轉飲dirty & ice drip，好香啲豆😜好多款特別咖啡☕️下次可試！

上次係佐敦瓹窿瓹罅搵到間隱世美食，今次亦都係係佐敦周圍搵D之前未去過既特色餐廳食下，今次去搵到一間又係半隱世係小巷入邊，特色美食串燒同精美咖啡靚打卡CAFE餐廳，雖然位置唔係成日行既地方，但係其實都係好方便地鐵站一出兩三分鐘距離，入到去都忍唔住打左兩張卡先入去坐🤭店內環境好CHILL坐既空間好舒服唔會迫埋晒咁，岩晒成班FD過黎CHILL下，店長都會詳細推介餐牌食物，我地就叫左BRUNCH MENU上面一個新菜式塔尼之諾芝士配什菌沙樂美腸意大利飯，有我至愛既芝士拉晒絲咁🤤味道岩岩好唔會好咸飯亦做到好好唔會好似有D意大利飯入面硬到生咁，依個係口感非常好既意大利飯😋另外叫一個餐廳推介既日式咖哩漢堡定食，漢堡肉係吉利炸左但唔會有粉既感覺另外再配上一個汁食落去冇咁熱氣👍而個咖啡岩晒我口味唔會辣到我飛起🤣叫左一杯杏仁Latte，同椰香Latte，我個人比較鐘意椰香LATTE多D，不過有好多唔同口味咖啡岩晒鐘意咖啡既人，服務亦都非常好，值得一讚!另外見到佢夜晚會變做特色串燒酒吧餐廳，有機會都會同班FD黎CHILL CHILL佢先🤤#好食推介 #食物遺照 #食物殺手 #food #foodie #fo