Mini Friday (The Wave)

營業中

休息中

觀塘嘅The Wave入面有唔少面積特大嘅餐廳，適合包場開party。呢間西餐Mini Friday晚市嘅斧頭扒幾有名氣，不過今次嚟食semi-buffet lunch，無緣巨扒喇。Semi-buffet最平嗰款就係冇Main淨食buffet bar，講係咁講但其實都已經幾豐富。除咗有餐湯、小食、沙律同甜品，仲有即炒嘅意粉，可以揀忌廉或者茄汁，海鮮或者牛肉，而且幾有水準。我呢碟忌廉意粉creamy得嚟唔會太甜太漏，加埋大量魚塊同八爪魚仔，已經係正價pasta質素。main方面我同朋友分別點咗炭烤澳洲羊架同肉眼扒。羊架入面係嫰粉紅，肉眼扒夠厚夠Juicy，食落唔多筋唔會韌。特別係肉眼扒嘅黑松露燒汁帶得出炭燒香。肉扒脂肪比較多，如果想light啲可以點龍脷扒。伴菜嘅薯蓉幾重牛油香，夠晒smooth。Buffet bar仲有幾款甜品，推介流心朱古力冬甩。

今日中午同老友出街，佢話搵一間坐得舒服既餐廳，呢間mini friday係佢平時食開，有半自助餐的沙律bar, 同佢食飯真係正，永遠會帶我食好野。呢間餐廳勁開揚，啲位好闊落，坐得好舒服。中午好多office 人黎食。lunch menu最平既意粉都係$98，出面沙律bar又有雞翼、沙律菜、湯同甜品，真係唔洗驚唔夠飽。老友叫咗份澳洲肉眼扒做主菜，煎得幾香下，色水都好靚，佢話呢度啲牛扒唔差架。我點咗份美國烤雞做主菜，烤雞烤到雞皮金黃色，好脆口，雞肉都相當厚實，加埋沙律菜同飲品都幾飽。最欣賞佢沙律有紅菜頭任添，健康又好味。雞翼任拎都算少有，因為而家出去食雞翼平平地都要幾蚊隻，呢度竟然有得食，仲要整得幾入味，呢餐食得好滿足，多謝老友喇。

又到星期五，聽朋友說觀塘的工廈有很多美食，我們訂了位於the wave 一幢大廈內的Mini Friday，大廈裝潢很新蔟，原來於2016才落成的。餐廳環境以暗調為主，座位闊絡舒適，約三五知己聚餐的確是不錯的選擇。首先，每枱都會端上一薄脆小食，非常香脆可口，千島醬汁酸酸的，很是醒胃。開頭忘了影相😂，份量比相中更多的。水牛城雞翼是我的最愛，旦凡餐牌上有它的蹤影，它必定岀現在我的餐桌上。端上的時候熱辣辣，很是吸引，雞翼炸得外脆內嫩，外層被酸酸辣辣的醬汁包圍，令人胃口大開我們左挑右選，點了兩個set dinner。每個set 都跟沙律，餐湯，甜品和飲品。沙律以玻璃瓶盛著，蔬菜新鮮爽脆，配上醒胃沙律醬再加上爆珠，一酸一甜有驚喜。蘑菇湯濃稠度適中，有陣陣蘑菇香味，蘑菇被磨成粉，每呷一口湯，整個口腔都被蘑菇充斥著牛扒可選五成或七成熟，因怕五成熟還是有太多血水，所以就選了七成熟。師傅火候控制得很好，切開肉色嫩紅，沒有過熟，牛扒牛味濃郁，肉質軟腍不嚡口，只是還有少少筋，但不太影響牛扒整體質素。Pasta 醬汁，配料和麵條是可以根據自己喜好配搭的，讚麵條硬度適中，忌廉汁creamy，溫泉蛋晶瑩剔透，兩者

在網上看到介紹這間有中有西的食店，有本人想吃的主菜，即時打電話訂檯。當晚一行五人直踩上去，一坐低就叫咗兩份威靈頓牛柳，牛柳若六成熟，夠霖有肉汁，不過酥皮內籠不熟，令人有些失望，但整體表現都。雞翼夠脆淋上酸辣汁，開胃。薄餅脆卜卜。但為一係服務

之前見到the wave 愈尼愈多人行，估計樓上啲野都應該唔錯架，就試下Mini Friday我地今次叫左 香烤寶雲酥羊架配紅酒汁、diy pasta 同埋咸蛋黃薯角首先講下個前菜先，個湯有粟米南瓜，唔係啲罐頭湯😂salad 都唔錯，佢有啲醋，幾香，感覺亦都係落胡麻醬咁肥😂咸蛋黃薯角 （$45）！超級好味超級香！咸蛋黃嘅香味真係好惹味！熱食再正啲呀！推介！抵食小食我地揀左個pasta, 蒜片欖油闊條麵+大啡菇+鴨肝 （+$45）,覺得尼個自選pasta組合真係幾抵食，闊條麵口感偏硬，但鐘意口感嘅人就會好岩，好岩蒜香味，份量都好足夠跟住就係羊架！超級推介！口感非常嫰勁滑，好香，偏重味蒜香或者會蓋過啲紅酒汁，但真係好推介！甜品🥰🥰🥰環境好舒服呀，仲有live band😛😛

越來越有興趣來官塘搵食喇。今日來到位於興業街4號The Wave3樓嘅mini friday，令我大開眼界。3樓嘅餐廳有同一集團經營嘅『咪走雞』和『Min Friday』，且有live band現場表演，好耐沒來過D嘅地方喇，真係多謝朋友帶我來。吃的選擇也特别多，有set dinner；也有DIY Pasta，主菜可自選汁，自選配料，總有一款啱晒你；也有唔少單點沙律，湯，前菜，小吃，甜品可揀睇下我哋两個人今日都嗌咗D咩？是日餐湯係南瓜湯，38蚊，好甜，好creamy.水牛城雞翼68蚊，雞翼外的沙律菜及爆爆珠增添了新鮮感温泉蛋菠菜大啡菇68蚊，溫泉蛋够流心，菠菜够腍，菇亦一樣好腍，成個配搭perfect.西班牙海鮮飯228蚊，够大份，真品賣相竟然勁過餐牌，蝦彈牙大隻，蜆，魚亦恰到好處，仲有魷魚仔，蝦仁……焦糖燉蛋亦是我至爱，冇得彈。

The Wave 的 Mini Friday 環境relax，有精緻的晚市套餐而且價錢合理，下班和朋友來吃飯聚會很適合哩。入座後先送上一份墨西哥脆片和沾醬，蘸上濃郁的芝士醬邊吃邊聊很快就清光了我們點了兩個套餐，田園沙律用冰鎮的玻璃瓶盛著，有爽脆的沙律菜、青瓜和番茄仔等是日餐湯是蕃茄濃湯，充滿蕃茄香，口味微酸帶甜很是開胃主菜是燒美國豬鞍扒配藍梅燒汁豬鞍扒很厚身，斷面是帶粉嫩紅色的，熟度剛好，封煎後可以鎖住豐富肉汁。豬鞍的肉質很稔滑爽口，邊位帶點肥膏，特別美味配菜也很多元化，有烤番茄、翠玉瓜、露荀、茄子和很香的黑松露薯蓉另一主菜是香烤寶雲酥羊架配紅酒汁，聞著羊架散發的獨特香味已經令人食指大動了！這道菜用了法國傳統的焗羊架方法，加了麵包糠和香草來烤焗香，令食物更有層次感是日甜點也毫不遜色，芝士蛋糕口感很濕潤綿密，海綿蛋糕十分鬆軟，忌廉芝士輕盈不膩，很好吃哩

今日又來到觀塘區做嘢， 到了放午飯時間，為了避免人多擠迫嘅情況，而又想食得舒適，當然要去工廈改建的樓上餐廳。這間Mini Friday 地方夠大，環境又闊落， 加上座位有好多， 就算全場爆滿也不覺得迫， 坐落於翻新了嘅工厦The Wave 3 樓, 好容易就搵到。而餐廳嘅午飯特色就是半自助形式 ，一個價錢， 就可以先選主菜， 然後可任食自助吧的食物,可算超值。主菜menu 有7款選，set A~G, 我和同事就分別選了吉列深海石斑和炭燒頂級肉眼扒配黑松露燒汁，加上自助吧的餐湯、 沙律、小食、甜品， 豐富到極。餐廳揀了南瓜湯，味道鹹咗少少， 但勝在香滑，也不錯。雞翼是水牛城雞翼， 大大隻味道又幾入味。炭燒肉眼扒要了七成熟， 大大塊肉質嫩滑，燒過後味道香濃惹味。吉列石斑炸得金黃， 表層香脆，肉層肉質白滑，口感香滑。甜品都有多款選擇，食了件椰汁糕，質感軟綿綿，味道不太甜。食飽了，還有餐茶飲， 叫了兩杯一凍一熱咖啡慢慢坐、慢慢歎，咁先係享受。

工廈多不勝數，要找一間好食有時好難 ，第一次到（Mimi Friday)，感覺好寬敞好舒服，因等朋友的關係，好遲都未落Order，但都沒有催我哋，服務超好， 餐前小食又好好食，間中仲有人現場唱歌，超好氣氛，有歌聽之餘，又唔阻傾談。水牛城雞翼辣得嚟又脆又好食。肉眼扒煮到剛剛好，肉質嫩滑，如有少少海鹽給客人自我添加就仲好。西班牙海鮮炒飯，夏威夷帕爾馬火腿薄餅是好食水準。香草牛油焗田螺酥盒，食唔出有田螺，有些油，一般好食。熱情蘋果梳打飲到糖尿病，太甜了。Nothing cocktail 無特別嘅飲品

觀塘呢個工廠區真係好多好野食，今日同朋友黎到一個前身係工廈既地方到食晚餐。呢間餐廳真係唔錯，不單止地方好大，夜晚仲有live music 聽，廣東歌同英文歌都有。呢度既食物都有好多唔同選擇！我地就揀左set dinner,因為都幾抵食，有齊餐湯、前菜、主菜、甜品同埋飲品。點完野食，就會上餐湯同埋沙律，沙律裝喺玻璃瓶入面，幾別緻。主菜方面，我就叫左香烤寶雲酥羊架配紅酒汁，羊架煮得好軟腍，仲有少少油脂，入口即溶。羊肉出面有啲脆脆地既酥粒，令到口感更加豐富！我朋友叫左燒澳洲牛肉眼扒配黑松露燒汁。塊肉眼又大塊又厚，而且仲好juicy,點左7成熟，口感非常好！最後，仲有是日甜品，今日既甜品係芒果芝士蛋糕，係一個完美既ending!

觀塘既食店多不勝數，今日就係眾多餐廳中揀左呢間西餐廳，驚喜地非常好吃一坐低侍應就比左墨西哥脆片我地，一路食一路點餐。脆片香脆得黎唔會好硬，點埋千島醬好惹味，食到停唔到口。我同朋友各自點左一個Dinner Set，跟餐有田園沙律同餐湯。沙律好可愛咁用玻璃瓶盛載，顏色鮮豔，口感豐富，配合埋沙律醬，酸酸的，好開胃。餐湯亦夠濃厚主菜方面我點左燒美國豬鞍扒配燒汁。豬鞍厚身，但烹調時間掌握得幾好，唔會煮到肉質過老或過硬。伴碟既薯蓉都好有誠意，落左黑松露，令薯蓉味道不再單調！燒美國豬鞍扒配燒汁 $218而我朋友就點左香烤寶雲酥羊架配紅酒汁。份量比想像中多，都有三支羊架。羊架唔會太騷，岩曬我呢啲唔太接受到騷味既人。肉質細嫩，配合埋面頭既香草十分惹味香烤寶雲酥羊架配紅酒汁 $228今晚既甜品係芝士蛋糕，蛋糕軟綿綿，芝士味適中，食完一整個都唔會太甜、太膩。總括黎講，Mini Friday環境寬敞，食物質素高，絕對值得黎，無論係朋友聚會定情侶約會都好推薦

周不時就會有個心癮食某一種食物，今次個心癮想食意粉🍝 放工唔想周圍走搵飯食，近近地又比較多選擇就揀左觀塘，話晒依幾年觀塘工廈越開越多餐廳，中西日泰都有得揀，諗起興業街The Wave有幾間西餐，就去果度睇下啦。Mini Friday 有一個自選意粉嘅Dinner Set，由醬汁、意粉種類、配料都可以選擇。Dinner Set仲有沙律、湯、甜品同餐飲，盛惠$138 + 10%。如果唔想食意粉，佢都有其他肉類嘅Dinner Set，例如牛扒，豬肋骨等等。不過因為今日唔係好想食得太多肉，所以我地都選擇左意粉set。溫泉蛋忌廉汁雞柳扁意粉溫泉蛋對版，真係半生熟蛋，一拮落去就有蛋汁流出黎，意粉充滿蛋汁香味，加上偏乾身嘅忌廉汁。而意粉本身比較有咬口，唔係淋晒果種。而雞柳就正常，唔係好滑不過唔嚡都算係咁啦。黑松露忌廉汁煙鴨胸意粉黑松露汁真係有少少黑松露香味，而意粉同樣係有咬口，而鴨胸都係正常貨式咁啦。甜品係芒果？定檸檬？嘅小蛋糕，擺盤都靚架。依間餐廳最特別係同米走雞間雞煲share同一個場，而且星期五晚有live band演唱。而神奇嘅地方係live band居然係雞煲果邊唱哈哈!!!  另外餐廳環

在觀塘找地方吃晚飯，選擇不少，apm人流比較多，窩夫與蝦子餅喜歡多走幾步到工廠區，這次試了位於The Wave三樓的Mini Friday，經Open Rice訂座晚市主餐牌可享88折優惠(套餐除外)。一坐下來便送來免費的餐前小食。點了主餐牌上三款有皇冠推介的美食，打頭陣的是夏威夷帕爾馬火腿薄餅($118)，薄餅底做得很薄很脆，配料十分豐富，除了帕爾馬火腿，還有新鮮菠蘿、雞肉、洋蔥、火腿、芝士和火箭菜，吃幾件也沒有膩的感覺，值得一試。火焰脆燒德國咸豬手($218)是餐廳很受歡迎的一道菜，火焰消失後，店員會把豬手拿回廚房處理，不用客人動手切，十分貼心。轉眼店員便把切好的豬手送回來，熱辣辣還在冒煙呢。豬手少少鹹多多脆，肉質不乾，水準之作，芥末醬的味道也不錯，不過酸椰菜略嫌乾身，份量亦偏少。經Open Rice訂座，於生日月份內惠顧，可獲贈精美甜品一客。由於蝦子餅當天突然很想吃疏乎厘班戟，便放棄那精美甜品，點了一客即製梳乎厘班戟配雪糕($108)，廚師很有心思地寫上Happy Birthday的字樣，為蝦子餅提早慶祝生日。梳乎厘班戟即叫即製，製作需時約20分鐘，要留意時間落單。梳乎厘班戟賣相

和閨蜜在官塘血拼後，來到官塘這間新式工廈內的西餐廳。剛好在晚市六點開始時到達，入座後陸續有食客到達。晚市選擇多樣化，可選set 或DIY Pasta，按口味自選醬汁、麵款和配料另有多款小食和飲料。鹹蛋黃薯角，薯角脆卜卜，鹹蛋黃醬汁很惹味，忍不住一吃再吃。沙津有爆汁珠珠和黑醋，十分開胃。是日餐湯—南瓜忌廉湯，綿密的南瓜湯有濃濃的忌廉。燒美國豬鞍扒配燒汁，大大塊的豬扒熱辣上桌，另有燒蕃茄、茄子和薯蓉伴碟，薯蓉更加了黑松露，吃完齒頰留香。溫泉蛋芝士忌廉天使麵配雞柳，溫泉蛋汁與白汁完美結合。是日甜品—檸檬蛋糕，酸酸甜甜的蛋糕，為是晚餐劃上飽滿又滿足的句號。

難得朋友生日，搵個地方食個晚餐吹下水，朋友就建議食mini Friday。環境舒適，有sofa坐得舒服，一班朋友傾計都開心。夏威夷帕爾馬火腿薄餅 $118薄批脆脆的，欣賞佢用新鮮菠蘿，配帶點鹹香既parma ham, 味道唔錯。西班牙海鮮飯 $228熱辣辣好吸引，海鮮多到食唔哂，重食到少脆脆既飯焦添。心太軟配雪糕 $68朱古力爆漿夠吸引，蛋糕做到外脆內軟既感覺。一晚可以食到咁多美食好滿足，我同朋友都感到好開心。