Mini Friday (The Wave)

營業中

休息中

今日去左位於觀塘工廈嘅Mini Friday 食晚餐，店面裝修華麗有格調。一坐底，店員就放底一籃墨西哥脆片，點埋千島醬好好味。呢度食物質素好高，所有食物都好有水準同好味！我地分別叫左 dinner set、DIY Pasta 同黃金雞翼！DIY Pasta 可以因應自已口味，配上醬汁，麵類及食材選擇。兩set 有餐湯，田園沙律同餐飲，同埋只需要加$1就有埋甜品，抵食。今日餐湯是甘筍南瓜湯，好清甜！到主角出場，Dinner set 揀左香草燒牛仔骨配蜜糖燒汁，估唔到牛仔骨都有3大塊，牛仔骨又入味又腍。旁邊配菜同樣出色，薯蓉用左黑松露調味，好特別。Pasta DIY左溫泉蛋菠菜芝士忌廉闊條麵，成個配搭好夾。黃金雞翼都唔會令你失望，蛋黃香味濃郁，雞翼多汁好味。

老公這天早上於我公司不遠的地方開會，中午要過來同我食飯。所以我先去到這家餐廳取位等他。他來到之到，我們每人點了一個 lunch set。首先來個餐湯，這個紅卜卜的是 紅菜頭蘋果湯。紅菜頭味道突出，滲出陣陣清新的蘋果味，加埋脆脆真係非常開胃。然後就是餐飲。香煎石班柳配蕃茄莎莎 (配薯菜)石班柳煎得好香，而肉質腍腍地，加上鋪上面的碎蕃茄加了點酸味味。而側邊的薯蓉食落帶點點香草味，是我喜歡的一種。炭燒澳洲肉眼扒配黑松露燒汁 (配飯)肉眼軟硬適中，容易切開，咬落很軟身，十分 juicy。配埋飯真係十分暖胃。

今日同朋友補祝生日，請佢黎MINI FRIDAY DINNER，貪佢坐得舒服D野又好食!次次黎都會將擺係檯面既薄脆食哂~真係好香脆，唔知邊度有得買!炸魚薯條小食叫左炸魚薯條，炸魚炸得好脆，唔會成口油，魚肉好嫩滑，配埋薯條真係食唔停口。黃金雞翼係咸蛋黃雞翼，雖然邪惡但真係香口到不得了，雞翼又夠大隻啖啖肉，非常滋味!卡邦尼意粉朋友點既卡邦尼意粉，份量唔少，就咁睇個賣相都覺得好濃味，半熟蛋係表面蕩漾，賣相勁吸引，我試左少少，每一啖都食到醬汁，D醬好掛麵，岩哂重口味既朋友!燒豬肋骨伴紫薯蓉我就叫左燒豬肋骨伴紫薯蓉，係SET DINNER其中一款，燒豬肋骨有半份，大概4條骨，BBQ醬惹味，肉質唔痴牙好易咬。最特別係紫薯蓉，平時好怕食呢D薯蓉，好驚會好滯，但估唔到呢個紫薯蓉滑之餘仲好香紫薯味，食落覺得幾健康!呢個SET包埋沙律、湯同飲品，加1蚊仲有是日甜品，呢日既口味既Tiramisu，cake仔細細，滿足到個甜品胃之餘又唔會內疚，唔錯!呢餐朋友都好滿意，下次有fd約都可以再黎~

一路有bookmark Mini Friday呢間餐廳⛄️因為見佢有威靈頓牛柳😋👅而且價錢抵過好多出面嘅餐廳🍴🤩所以下定決心一定要嚟試吓個beef wellington😚一坐低嘢食都未叫就上咗墨西哥脆片一碟🧀鹹鹹地嘅脆片點千島醬食簡直一流🔥😈-🥧皇牌威靈頓牛柳🥩-講到皇牌咁點可以唔食呢👅個人認為Mini Friday整Beef Wellington🐂嘅方式都幾特別😈而且賣相真係好靚😚佢用咗酥皮湯嗰金黃色酥皮作為外層😆外層酥皮脆得嚟鬆化，酥皮同牛柳之間仲有好多蘑菇蓉同煙肉碎🍄個底仲有d芝士🤤🤤塊牛柳應該係七成熟，切開見到塊牛肉整得啱啱好紅紅地色，都幾juicy👀 但再冧少少就更好喇🤏🏻份量都唔細，兩三個人食會覺得飽🥳用呢個價錢食到高質嘅beef wellington都開心🐮🙈-評分：8.5/10 價錢：$298-🧀卡邦尼扁意粉🍝-卡邦尼意粉食過好多次，所以其實唔係好高期望🤓點知比我想像中好味😋😚意粉上面有流心蛋🥚蛋汁撈埋意粉食真係好夾🙈而且意粉嘅軟硬度煮得啱啱好，卡邦尼醬好creamy好好味🥳夠晒飽🤰🏻-評分：8/10 價錢：$98-鹹蛋黃薯角🥔-見到係推介所以order鳥🧏🏻‍♀️個鹹蛋黃

已經唔係第一次食Mini Friday，幾鍾意呢度坐得夠寬敞闊落，可以同隔離枱保持足夠距離，傾偈都放鬆啲。好鐘意呢度既任食小食薄脆，重點係點左千島醬酸酸甜甜食唔停口。香草燒牛仔骨配蜜糖燒汁 ($228)一般食開既牛仔骨都比較肥膩成口油，幾鐘意呢度牛仔骨半肥瘦，多肉得黎又甘香，三大塊份量好足。 薯菜入邊嘅薯蓉都好特別，有好濃嘅黑松露味。炭燒鹿兒島極黑豚西冷扒配藍梅燒汁 ($248)第一次見豬肉都有西冷扒，厚切黑豚扒好有口感，明顯有炭燒嘅外型同香味。 略嫌豬扒醃料幾重酒味，如果可以輕手啲就好啦。黃到金雞翼 ($58)係度食過咸蛋黃薯條覺得有點Heavy，轉做雞翼反而唔錯，乾爽唔油膩，放多一陣黃金醬風乾成半固體狀態仲正，夠哂香口。

🎗黃店 火焰脆燒德國咸豬手🔥🍖
想食呢間黃店好耐 終於有機會試啦!🥺
觀塘分店好大好寬落 坐得舒服🥳

生酮飲食平時好中意食豬手😋
呢到嘅豬手除咗有得睇表演著哂火🔥之外
唔係得個樣!! 皮脆肉嫩 味道剛好唔會太咸🤤
仲有為香港人抗氣嘅”時代抗翼”💛
非常有心思地為4款口味改咗唔同名
維尼/ 黃到金/ 催淚/ 胡椒雞翼
愛辣🌶嘅我緊係揀催淚雞翼啦 
又辣又惹味 食落有種四川乾碟嘅feel
男朋友食完都讚雞翼炸得好脆
佢仲叫咗個DIY pasta餐🍝可以自由配搭
🍝黑松露忌廉汁煙肉天使麵
跟田園沙律 餐湯 同飲品
天使麵個汁好濃厚 份量好多男仔都夠飽
而且比平時嘅天使麵無咁易斷 火喉控制得宜
呢到嘅食物性價比高 而且黃店值得支持💛

🔥火焰脆燒德國咸豬手$238🍗催淚雞翼$58
🍝DIY pasta $158
.📍 Mini Friday (觀塘)觀塘興業街4號The Wave 3樓

因伴侣在觀塘收工，跟他會合，去了駱駝漆大廈走一轉樓上店掃了些貨，決定食飽才回家。去了the wave 3樓食店的是日晚餐。選擇困難症，唔使煩，就點了兩個晚餐。未點菜前已送上薄脆片(跟千島醬汁)可能餐湯沒跟麵包，用這個代替。先來西湯+田園沙律蕃茄湯，濃香中帶自然的酸味，還有香草味，濃稠度剛好。沙律菜中混有橄欖片與爆丸，咬開爆丸時，清甜的味道滲出，伴上清新少酸的沙律汁，不錯 。❨香烤美式BBQ 豬肋條❩ 睇落不是太大件，切開後才發現是‘錯覺’，乃是大骨的豬肋條而不是BB豬。肉質腍，夠入味，食時散出甜酸的美式醬味👍。 小粒的粟米仔伴菜略為不夠吃，但大大個，少鹹的松露薯蓉很惹味，贏回不少分數😋。❨香烤澳洲羊架配薄荷醬汁❩有三件羊架，一面有烤焗得很脆的麵包糠，另一面煎香，極香口，七成熟，肉嫩又腍又有肉汁，更帶微微的羊羶味，蘸少許薄荷醬更好味。絕對值得再試。加$1的甜品上半是tiramisu，下半是朱古力brownies, 小小一件，不會太甜，剛好幫助消解油膩感覺 。good!還有餐飲，很豐富一個套餐。

身為前觀塘友，初開張時試過Dinner，覺得唔錯，之後介紹埋朋友丶同事嚟，間中都會嚟食吓，次次都係叫set，今次專程為咗個威靈頓牛柳而嚟 😋皇牌威靈頓牛柳Beef Wellington $298脆脆鬆化酥皮外層，中層有黑椒磨菇，內層係熟度啱啱好嘅牛柳，肉色粉嫩，肉質富彈性，果然無失望！餐前小食芝士醬脆片自選意粉餐 DIY Pasta Set $158跟餐有沙律丶餐湯丶飲品黑松露忌廉汁煙鴨胸意式燴飯Smoked Duck Breast Risotto with Black Truffle and Cream Sauce 黑松露忌廉汁好香丶好濃，米飯硬度適中，最特別係每啖risotto有煙鴨胸味，唔係平時嗰啲分開處理，煙鴨胸只係放飯面甜品 Dessert (跟餐+$1)望落去好似Tiramisu，但食落係朱古力味嘅，層次分明，面層係朱古力粉配蛋白定奶凍？中間2層都係Mousse質感丶最底係蛋糕。

經open rice 訂了枱慶祝生日，故不用等候。侍應有禮貌，服務態度良好，野食黎得都快。。叫佐牛扒同羊膝。。同埋炸魚薯條。。食完都覺得唔錯。。另外又叫佐薄荷酒精飲品。。廣麻地好飲

餐前小食有脆片，脆卜卜，點上酸甜醬汁，食唔停口，但食落冇薯片咁熱氣。田園沙律蔬菜新鮮爽口，特別之處係加上爆珠，酸酸甜甜好醒胃。餐湯係南瓜湯，熱辣辣暖笠笠，香濃綿滑。香烤澳洲羊架 配 薄荷燒汁 $238先講份量，羊架有三大塊，肉嫩多汁，羊架面有薄荷醬同麵包糠，外脆內軟，羊味夠但唔會騷。鮮蕃茄汁大啡菇扁意粉 加龍蝦 $198本身意粉可選一個配菜，亦可以加上其他配料，我加左龍蝦，價錢上絕對抵食，龍蝦烤得剛好，鮮甜肉質彈牙，而蕃茄汁唔係淨由茄汁煮成，意粉上有一粒粒蕃茄，加上啡菇，配搭認真冇得彈。

其實啲餐好簡單，而且可以好好味…但點解可以煮到入口即停先…衞生方面…食食吓對面檯有人嘔吐…真係咩趣都無曬兼無胃口，啲職員仲慢幾拍先去清理，但又見到有咩消毒嘢拎出嚟清潔…

Mini Friday主打平民價西餐🍴，呢日終於約咗男朋友嚟試👫。Set dinner對我嚟講太啖啖肉，所以我地叫咗一份set dinner，兩份小食，再加多一份甜品。份量好足夠兩個人食。.紐西蘭牛肉眼扒$258我地叫咗medium，煎出嚟生熟度啱啱好。外面燒到好香，裏面肉汁多，比想像中煎得好。油脂豐富，夾雜少少筋，反而𡁻落牛味好濃🥰。.溫泉蛋菠菜大啡菇$78整個combination好夾，但胡椒味略重，有少少扣分😖。溫泉蛋煮得啱啱好，切落去仲係流心。.黃到金雞翼$58新鮮炸起熱辣辣，鹹蛋黃醬均衡鋪喺雞翼表面，有鹹香味但唔會過濃。.蘋果金寶$58香港唔多餐廳可以食呢種傳統英式甜品，一見到menu有，即刻心心眼😍。啱啱出焗熱到出晒煙。蘋果酸酸甜甜，配上玉桂同埋牛油味香濃嘅金寶，令人食到停唔到口。.是日甜品（套餐+$1）- 朱古力慕絲慕絲唔算好滑。鐘意食甜品嘅話都係加錢叫好啲😫。.Mini Friday.觀塘興業街4號The Wave 3 樓

薄脆，口感香脆而不油膩，配以千島醬食用，味道更佳。田園沙律，沙律蔬菜種類豐富又新鮮，口感爽脆；與坊間嘅沙律唔一樣，依款沙律加入左黑醋、草莓爆珠，爆珠為沙律味道帶來香甜，整體味道又酸又甜，驚喜配搭。龍蝦海鮮鮮茄意粉，海鮮份量多，包括有龍蝦、大蝦、大蜆；龍蝦肥美，味道鮮甜，口感厚實、彈牙；大蝦口感爽口；大蜆零腥味，口感鮮嫩；意粉軟硬適中，蕃茄味道濃郁，配以蕃茄蓉食用，味道甜酸清新。心太軟配雪糕，心太軟流心效果力好突出、好治癒，甜度適中，朱古力味雪糕口感幼滑，兩者同時適用，一冷一熱，冰火交融好好味，而且有加入左幾款水果，水果配心太軟，味道清甜又香甜。法林明高，味道酸甜，幾好味，坊間上少見依款飲品。冷泡水果茶，採用冷泡茶製作，茶味濃香，水果種類幾多，味道飲落好清爽。

呢晚同老公約左去開源道既駱駝漆outlet買波鞋 , 所以預先網上訂座食呢間 , 買完鞋時間啱啱好上去 , 間餐廳燈光昏暗 ,  近門口位有幾張較高身既枱 , D櫈都係高身既 , 應該係純粹飲酒坐既位 , 入面就梳化櫈 , 好好坐, 係好啱拍拖撐枱腳 , 坐位好舒適 , 落單時店員提醒跟餐加$2有蛋糕 , 我地先叫正餐 , 個前菜沙律D菜好爽口 , 配個魚露好開胃,  食到尾聲先叫埋蛋糕....呢個飯後甜品唔錯啦 !

喺觀塘收工，結果屋企冇飯食所以同同事嚟咗呢一間餐廳，聽聞佢啲牛柳好出名。疫情期間，舖頭都唔係太多人，入場之前佢都會同你先量體溫，然後安排入座。The Wave 上上下下都試左兩間餐廳，上次食左The stadium 同埋登堂，今次黎mini Friday 食埋佢個威靈頓牛柳先。坐低左，望一望Menu，原來佢個牛柳冇set dinner架！不過返工咁辛苦，獎勵吓自己照嗌，我同事都係想食嘅嘢冇set, 所以我哋另外嗌左一渣檸檬梳打share。餐前小食係墨西哥脆脆，真係好脆卜卜，完全唔係擺咗好耐既感覺，再配埋佢個千島醬，無2分鐘已經掃晒，本來唔係太肚餓都已經開胃左。說起這款經典不過的英國菜，在香港不常吃到，光看外表，不過是酥皮包着牛柳罷了，煎封牛柳依然鎖住肉汁，肉底有層雜菌醬，酥皮在外，用焗爐把外皮烤至金黃即可。一切開個酥皮，啲牛味即刻衝出嚟，好香！再切埋落舊肉度都好易切，唔使好似拉小提琴咁瘋狂來回，而酥皮都索到肉汁。酥皮具鬆化口感，內裏牛柳軟腍中滲菌香，我覺得個生熟到啱啱好，雖然望落去好紅，但係食入口真係唔un，層次十分豐富。其中伴碟仲有一個紫薯蓉，好香滑，食落口個紫薯味好濃。另一道出色嘅