Mini Friday (The Wave)

營業中

休息中

午餐時間又到啦，今次同朋友去到觀塘搵好野食，上網睇到係apm附近有間環境不錯的西餐廳🍴咁就去試下啦一去到餐廳環境好有感覺，燈光的昏黃，感覺好悠閒自得😌😌今次我叫左份香烤美國大雞扒加薯蓉配蜜桃汁，味道不錯😋但薯蓉份量比較少，如果想好飽肚的話，建議叫意粉或飯😌朋友就叫左份香烤美國大豬扒加意粉配蜜桃汁，味道不錯，豬扒咬落唔硬，整得好入味😋味道：4/5環境：4/5服務：4/5衛生：4/5抵食：4/5

威靈頓牛柳牛個火候岩岩好，肉質冧唔韌火焰脆燒德國鹹豬手睇得又食得明太子忌廉帶子手捲粉帶子大大粒好好味雜果檳治太甜，3/5都係冰黃金雞翅，還算👌整體上，性格比高，推薦

一直都知Mini Friday呢間餐廳，但一直都冇食過😂今日同兩個朋友聚會終於可以黎試下，朋友話黎食飯好似過緊星期五咁一坐低就有個餐前小食，我同朋友都好鍾意食，朋友一個食左幾兜🤤好似薄脆咁好好食我哋叫左幾樣野，第一樣就係個diy pasta，跟埋沙律餐湯餐飲，仲可以加$1多個甜品diy pasta可以叫唔同組合既意粉/燴飯，自己鍾意叫乜就叫乜，一定啱口味，份量都夠晒大份，加埋沙律同餐湯，男人都會食得好飽之後上左個芝士溫泉蛋焗牛脷薯粒，全餐我最鍾意食就係呢個🥰成兜都係勁多勁濃味嘅芝士，雖然我本身鍾意食牛脷，但係呢兜野入面最好食竟然係啲薯仔，炸完之後再用芝士醬覆蓋住，入口鬆軟又有芝士嘅香味我哋仲嗌左個辣肉腸帕爾馬火腿薄餅，呢個薄餅就唔算好特別，但係芝士都有拉斯嘅效果，餅底好薄同脆，每一片薄餅上面都有一塊大大嘅火腿最後上嘅就係火焰脆燒德國鹹豬手，見到個餐牌上面呢一個菜名係有個no.1 choice 嘅標誌，我就知道叫佢實冇死🤤上菜嘅時候首先會有職員喺豬手上面淋點左火嘅酒精，淨係睇火焰表演都值回票價啦。個鹹豬手表皮唔係好硬，口感幾好，但係對我來講就鹹咗少少咁多，不過配搭埋佢既酸菜同埋芥末就啱啱

同男朋友係觀塘食晚餐，就是但入左黎食環境都幾舒適，點完餐會先送一碟脆片做前菜，不過d脆片偏多油，個醬酸酸地幾開胃。Main dish叫左個溫泉玉子煙鴨胸risotto 👍🏻👍🏻👍🏻每一啖都好香好重煙鴨胸味，個飯都好出色之後仲叫左個芝士牛肉burger芝士略嫌咸左d，加埋上面d炸煙肉脆片更加咸個肉好大塊好滿足，中間保持到medium至medium-well，不過個外皮煎得有d老，無乜肉汁，有d失望最後加$1有甜品，係綠豆沙蛋糕。個人口果覺得有d怪，不過男朋友覺得幾好食，所以都可以一試。

店舖很大，起初後面枱的客人發現有不潔的位置，客人被安排調位。隔了不久，我們亦發生同樣的事情，立即要求調位，亦不敢靠牆坐。店員都即刻清潔，但衛生真的有待改善。沙律合格，生菜配大量芝士片，炸麵包粒加車厘茄，簡簡單單。柚子蜂蜜雞翼4隻，碟很長，感覺空虛，可以改用細碟觀感上較好。濃濃的醬汁裹著，肉質煮得不錯，嫩嫩的，味道出色。薄餅普通，餅底類似餅乾，偏硬，吃下去整體還可以。飲品方面，點了一大壺水果茶，份量有3杯再多少少，味道一般。

今日嚟咗觀塘食悠閒午餐 叫咗個豬扒配意粉而我個朋友就叫咗雞扒配薯蓉如果大食嘅朋友記得叫意粉因為薯蓉嘅份量比較少 豬扒份量都好多有兩大塊而且味道都濃味上網訂枱仲有七七折大家記得如果你食記得訂枱有優惠評分：4/5（5分滿分）

愛玩小生今晚帶朋友仔去到觀塘的工廠搵好西～去了一間坐得好舒服的西餐廳 - Mini Firday餐廳座位夠多，且枱與枱之間有充足的距離，不至於太迫呀！朋友見到「皇牌威靈頓牛柳」就必點啦讓她可以回味一下聖誕限定的英國菜呀雖然牛柳煮得比較熟，但整個酥皮外型非常特別吃一口香脆帶有一點牛柳汁味道可以！另外，喜愛吃海鮮的愛玩小生見到「龍蝦海鮮蕃茄意粉」龍蝦、蕃茄都是至愛半隻波士頓龍蝦肉質彈牙、龍蝦膏極多、每一口都有很豐富的口感呀！配搭甜甜微酸的蕃茄仔和其仔海鮮粒好好味，值得推推！最後，吃西餐怎能錯過甜品呢～「朱古力心太軟」是即點即造的蛋糕外面微熱、切開流心朱古力入口非常香濃的黑朱古力味甜度不會太膩呀！值得推！Mini Firday觀塘興業街4號The Wave 3樓.更多香港好去處👉🏻www.iPlayHK.com👈🏻#讓生活多一點歡樂

今晚幫襯是在Open Rice 訂位的，很想分享自己心情。咁啱今日1号風球，我們18:20 已在觀堂地鐵站。本應行過去只須5分鐘，但在於出面大風強雨，我俩沒有傘，加上放工時間，實在5分鐘路程变了20鐘，最後濕濕的到達，比留枱時間遲了15分鐘。店員巳經把我們的booking取消了，話留枱10分鐘時間巳過。雖然她們最後也有给枱及88折比我們。我也知道我們遲到是不對，亦解釋给店員聽遲到的理由。只想說吃餐飯，一點人情味也沒有。只是比留枱的10分鐘時間多了5分鐘，是必要把你的訂位取消嗎？往後氣肚肚的，吃飯也不是味而，更何況不是好吃到會為你而再幫襯多一次。一切特別菜名，加油的說話也因此為你們停了。

為慶祝朋友搵新工,就來到她公司附近~Min Friday食晚飯。這餐廳坐位寬敞舒適, 裝潢不錯。..首先送上免費小食這脆脆片十分香脆可口,還可蘸點酸甜千島醬更滋味呢!..時代抗翼【黃到金雞翼】(咸蛋黃醬)  $58雞翼呈現黃金色,咸蛋黃醬佈滿在雞翼上,味道鹹香濃郁十分惹味。..【芝士溫蛋焗牛脷薯粒】 $108想不到份量都幾多,細細粒薯仔全被芝士包圍住, 有拉絲效果,入口有香濃芝士配上粒粒牛脷,令口感更豐富, 是芝士控不能錯過。..【皇牌威靈頓牛柳】$298這威靈頓牛柳都有十足份量,見到都流口水。牛柳被包在酥皮裏,刀切下見牛柳嫩嫩粉紅色的,中間是蘑菇醬,有多重口感。入口外皮酥脆的酥皮,內肉質軟嫩,口感超正及豐富,可沾點燒汁,確實令人回味無窮。配菜有薯蓉及菜。

預祝一下爸爸節👨Mini Friday 扒房西餐廳🍽主打多國西餐，自家首創多款菜式😻有創意同時衝擊視覺與味蕾😋餐廳以歌德式設計，地方寬敞裝潢精緻像置身於外國一樣咁享受😚係一間性價比極高的高質西餐廳💕 未點菜已先來一碟《墨西哥脆片》😋脆片厚身脆口，沾上酸甜千島醬，開胃醒神。 Set dinner 有田園沙律🥗 餐湯🥣 餐飲🍹 加一蚊仲有甜品🍰 抵呀😍 🥣《 菠菜 忌廉湯》飲落好重 菠菜 味，忌廉湯幼滑。 🥗《爆珠沙律》可愛爆珠，配上嫩綠蔬菜，爽甜青瓜仔，新鮮車厘茄，切開一小口， 方便進食做法貼心。 🐂《皇牌威靈頓牛柳 》威靈頓牛柳係首本之作，酥皮烤得堅挺金黃，外層乾爽，牛油香氣濃盛🤤🤤切開酥皮牛柳中間呈粉紅色，非常嫩滑有彈性。牛味香濃，一試難忘😋 下中層有黑松露磨菇🍄吃得到濃郁菇菌。配上紅酒醬汁🍷紅葱及牛仔肉汁，非常惹味。 加上清香嘅蘑菇蓉🍄及香滑鴨肝，最後淋上加入左馬德拉酒及松露嘅肉汁，濃香惹味，吃多幾塊也不覺膩😋 🐷《香烤美式BBQ豬肋骨 》烤焗 均勻， 燒烤醬香甜 ， 肉質嫩滑好juice , 配埋雜菜露筍🥒同薯蓉🥔太滿足啦 🍫🍰《朱古力慕絲蛋糕》精緻小蛋糕，口感凍冰冰，喜歡它

買完野後，見 the wave 有好多食店，所以就黎左一試薄脆在點野食前就有得食，幾鍾意咁的小食，仲有應該係千島醬可以沾黎食，好味，唔食有無得要求要多少少🤤，仲要係for free黃金雞翼係炸的雞翼，而且表面佈滿蛋黃，咁的配合同黃金蝦一樣，好味😋，仲有另外幾款雞翼可以選擇，有得選擇真好芝士温泉蛋焗牛脷粒我附近有人點我就同女友試試，開頭以為小食，但勁多料，鋪滿芝士在面，再加上薯仔粒，超飽，大食的我都唔係好食得晒，如果多少少人食會更perfect黑松露啡菇芝士pizza👍👍👍推介好味道，更重要係我喜愛食的薄批，芝士同菇一齊食原來都好好味，我平日係一隻食肉獸，但呢個pizza 真係幾得龍蝦海鮮意粉有不同的海鮮，🦞、蜆仲有好多蝦意粉的味道都可以，但比之前的菜，呢個比較沒有驚喜，雖然有龍蝦，但我人覺得肉質比較一般，有點亁身同淋，唔知係咪煮法問題不過整體而言，我覺得大部分的菜都令我想有再食的衝動，😬😬😬

之前一直都知呢間餐廳有唔少好評，見價錢都合理就決定試試。我係經openrice book位，正價餐牌會有88折，但就唔包括套餐。點餐前已經有提供到小食，墨西哥脆片點千島醬都幾好食。Dinner set: 香烤澳洲羊架配薄荷燒汁 $238隨餐會有田園沙律、餐湯及飲品。餐湯係紅菜頭忌廉湯，味道好濃郁。而沙律個組合上就有啲奇怪，會有埋平時台式飲品會飲到嘅爆爆珠。而個羊架係絕對有驚喜，本人係好怕臊味，但今次個味道係完全可以接受到，可能係因為薄荷燒汁蓋過咗羊嘅臊味，而且啲肉都好嫩。飲品就揀咗熱情蘋果蘇打，飲落去係勁甜，真係會覺得自己係飲緊糖水，要再另外叫多杯冰溝淡返個味。明太子忌廉帶子手捲粉 $148手捲粉其實就係長通粉，而呢個粉嘅好處就係可以捲住好多汁，食落唔會覺得乾。帶子即大粒又彈牙，手捲粉面都有魚子作為點綴。水牛城雞翼 $78雞翼表面炸到脆脆地，裡面都依然保留到啲肉汁。而且個汁酸酸辣辣，非常惹味。整體來講，呢間餐廳都好推薦大家去食，食物質素都幾好，成個環境同氣氛都令人覺得好舒服。

今日lunch和同事到觀塘The wave既mini Friday搵食，貪呢度有沙律吧可以任食，還包餐飲，主菜方面我叫了香煎盲鰽魚。盲鰽魚不到5分鐘就送到，大大的碟子上只有細小的一塊魚柳，配上香草薯蓉及數條青豆作配菜。盲鰽魚的魚皮香煎過，去除部分油脂，魚肉質地OK啦，不太有驚喜，就是普通一塊魚柳，另外還有少量蕃茄粒來提味，點上黑醋味道還可以。由於主菜的分量比較「輕型」，所以我就主力進攻沙律吧，雖然選擇不多，幸好有西湯和我愛的炸物，如炸迷李春卷及炸蟹餅，都以射燈保持溫度，所以食落仍然幾鬆脆，而沙律就不過不失，迷李甜品賣相普通，味道都普普通通。

今天LUNCH 去了觀塘The wave 的Mini Friday，朋友想想試下semi lunch buffet。原來餐廳十分大，而且人都滿滿的。semi lunch buffet有7個餐，大約百零蚊，而且包飲品、自助沙律吧、精選小食、冷盤區及甜品區。semi lunch buffet的沙律區選擇不算多，有西湯、糖水、茄汁司華力腸、加喱魚蛋、炸春卷、炸蟹鉗、三款沙律包括薯仔沙律、意粉沙律、西蘭花什菜沙律，還有2款甜品。比較推介的是茄汁司華力腸和炸蟹鉗，炸物都算香口，甜品對我說則較甜。主食我們點了香煎盲鰽魚柳配番茄莎莎($158)及炭烤澳洲羊架配紅酒汁 ($168)。炭烤澳洲羊架配紅酒汁羊架有2大件，grill得靚，而且算是juicy。生熟度是七成，沒有血水，羊架軟腍、多汁，羊味道不會太濃，而且肉質嫩滑。紅酒汁味道濃郁，有淡淡的紅酒味道。伴碟薯蓉及雜菜味道不錯，而且用了很多香草，非常惹味。香煎盲鰽魚柳配番茄莎莎盲鰽魚柳的分量比較細小，較適合食量不大的女士，以香草和黑椒僻腥，盲鰽魚柳是連皮煎香的，魚皮頗為香口，魚柳少脂肪，肉質較薄，煎香至剛好，而且完全沒有魚骨，但有少少蘇味，伴碟的還有薯

觀塘收工去邊度happy friday？我個人推薦mini friday啦，算係觀塘區內嘅高質西餐廳，位於觀塘The Wave。一上到黎就見到差唔多full ＜house，好在事前有卜位姐，坐底左店員會比一兜脆片連醬汁，都幾正。我同朋友嗌左兩個餐一齊share食。第一個係溫泉蛋芝士忌廉意粉配雞柳再加龍蝦，加48蚊有龍蝦緊係抵玩啦。上碟時真係好驚喜，龍蝦都算大隻，份量都多嘅，之後我地將溫泉蛋同意粉攪拌，確保蛋汁包住啲意粉，保持蛋香及滑溜口感。跟住，碳燒美國頂級牛肉眼扒配黑松露燒汁，塊扒真係好大塊，而且切開時見到內裡係偏粉紅色，確係可遇不可求，黑松露燒汁提升整體牛肉嘅香味，真係不得了。臨尾仲有埋甜品真係正。