Mini Friday (The Wave)

營業中

休息中

呢排工作比較忙，今日終於比較free d，就同同事講不如食返餐好D既晏仔～佢即刻提議呢間Mini Friday，我當然唔會ban佢啦😂上次黎因為疫情關係午市無左半自助buffet，今次終於有返啦！👏自助buffet都幾多嘢食，有沙律，螺絲粉，甜品，熱辣辣既熟食就有炸蝦，春卷，咖喱魚蛋，腸仔，等等，仲不停refill👍 咖喱魚蛋幾彈牙，我夾春卷果陣岩岩refill完，脆卜卜😋湯品有羅宋湯同涼粉，同事就隊左兩大碗涼粉消暑😂😂我叫左香煎盲鰽魚柳配番茄莎莎飲熱齋啡，同事叫左美國大雞扒配黑椒汁飲熱檸水～主食類份量十分大😅 盲鰽煎得好靚，魚皮香脆，肉質比較結實兼無骨😋 配搭番茄莎莎幾清新，又或者醮佢底下既橄欖油同醬油一齊食入口就會滑身啲，任君選擇😁伴碟薯蓉都好幼滑creamy，不錯👍四季豆夠乾身，但略嫌有少少渣😅同事既雞扒都係超大塊😂 唔會太肥，肉質嫰滑juicy👏埋單仲唔駛加一👍 我同同事都飽到嘔，食完一齊行左半粒鐘返公司幫助消化😂😂

朋友生日，想book間好啲嘅西餐，今次就去咗呢一間，餐牌嘅款式都幾多，有手工意粉、pizza，仲有其他主菜，今次就嗌咗威靈頓牛柳、千島海鮮pizza、西班牙海鮮飯。人生第一次食威靈頓牛柳，非常期待，不過好似冇咩驚喜，覺得個酥皮都鬆化，裏面有啲黑松露蘑菇碎，牛柳唔算特別香，都無parma ham，好似唔算好正宗。西班牙海鮮飯就幾香嘅，海鮮都幾多，值得嗌嘅。至於個千島海鮮pizza就一般般啦正正常常冇咩特別驚喜。呢個價錢可能我會expect多啲因為都成230蚊一個人落樓。

今日有時間去試吓上次去食雞煲隔離嗰間餐廳🍴都幾多嘢食個喎😲有啲選擇困難症添🙄呢樣又想食🤔嗰樣又想食🤔最後選擇左一個Dinner Set🍽香烤澳洲羊架配薄荷燒汁（七成熟～羊架有浸浸蘇味😙但啖啖肉加上面頭有一層綠色嘅香草🌿配合😘對我來講蘇味係冇問題👌🏻但對老公👨🏻‍🦱來講但佢都食到👍🏻👍🏻👍🏻真係好好味😋老公👨🏻‍🦱叫咗～辣肉腸帕爾馬火腿薄餅（有少少辣🌶️好有特色嘅Pizza，同其他薄餅唔同😋可以一試👍🏻最後梗係叫上次個甜品🍮心太軟啦👏👏食飽飽去行街街😘😘😘😘

之前有朋友介紹過，觀塘有間超正西餐廳叫做Mini Friday，今日特登嚟試試 😄去到門口，燈光柔和，好有情調，裝修很有特色🍷🎺一坐低店員很有禮貌，先放低一籃小食，薄脆脆配千島加芝士醬🤔，邊食邊點餐，感覺唔錯😄威靈頓牛扒，朋友強烈推介，外面酥皮熱辣辣外脆內軟，切開牛扒，已經一百分，中間粉紅色，又唔係太生，食落去，充滿牛肉味，又夠Juice，恰到好處，充分表現出廚師的最高境界😇🥇香烤美式BBQ豬仔骨，都係一樣，好好食，肉質嫩滑，外面加上特製醬汁烤焗，非常入味🤗加埋，忌廉西蘭花餐湯，新鮮沙律菜，呢餐真係非常豐富和滿足👩‍❤️‍💋‍👨🥰

有時在這區搵食都幾頭痛，因為選擇多之餘有唔同嘅選擇，今晚就係去了這裡，因為去過另一邊食過雞煲，而今晚就係食這邊，座下時店員即時送上薄脆小吃，望主餐牌有不同選擇，而這裡嘅Diy Pasta係推介之選，款式口味同組合都好自由，所以要慢慢揀！Diy Pasta 醬汁選了鮮蕃茄汁，Pasta 就要了墨汁麵，配料要煙鴨胸，實在太多不同配搭！ Diy Pasta同晚餐套餐都有沙律，餐湯，同飲品，自己就點了磯燒鮑魚拼美國燒雞扒配燒汁！朋友喜歡食薯條，於是加多個炸魚薯條！落單後就係先上沙律，加埋個是日餐湯，紅菜頭湯味道夠晒濃郁！接住就係份炸魚薯條，大大塊香脆炸魚，加埋個芥末醬入口十分好味，外面脆裡面魚肉軟熟正！薯條粗身香脆配埋醬汁入口，作為主菜前小口剛好！主食磯燒鮑魚拼美國燒雞扒配燒汁最先上枱，大大塊雞扒上放了兩隻非常入味嘅磯燒鮑魚，入口十分煙韌彈牙，夠晒口感！而雞扒切入口嫩滑軟熟配埋個燒汁十分入味！還有伴碟嘅牛油薯茸都十分香滑好味！而個Diy Pasta 都唔錯，大大碟，裡面有超濃郁嘅鮮茄味，加埋有大大片嘅煙鴨胸，配埋煙韌彈牙嘅墨汁麵真係口感十足，紅黑嘅配搭感覺新鮮！最後加埋杯餐茶同用$1追加埋嘅甜

隨住疫情改善公司就無咗 WFH 就算未到 weekend 都多咗出街食喺 weekday 照氹下自己開心嘛唔駛等到 Friday 都咁 happy 🙌🏻【墨西哥脆片】呢份係免費嘅小食嚟㗎份量都 OK 喎～配咗幾惹味嘅千島醬可以食住 Nachos 慢慢睇食咩【火焰脆燒德國咸豬手】極之推介呢個鹹豬手！店員即蓆點火嘅視覺效果好震撼呃 like 嚟講真係俾滿分 💯玩完一輪火之後店員會將豬手切到靚靚Side dishes有 Mixed Salad 同德國酸菜成個賣相非常吸引睇都睇得出啲皮香脆到爆而且豬手調味啱啱好唔過鹹 😋【黑松露忌廉雞扒漢堡】另一樣就點出新出嘅漢堡 🍔漢堡麵包烙上「香港」雞扒炸得金黃唔油膩薯條亦係脆卜卜【Virgin Mojito】飲品就無飲到酒精類嘅嘢揀咗 Mocktail 🍸冰凍嘅薄荷特飲超消暑成餐飯都食得好開心同滿意！

母親節去咗觀塘訂花籃，之後就去咗附近食西餐，晚上 7:00人山人海，一睇就知受歡迎。Mini Friday 食物份量一啲都唔 mini ，而且仲有晚市套餐同埋DIY套餐，價錢平食物質素好，試過返尋味。薄脆一坐低店員就會送上薄脆好似酒吧咁當小食，醬汁好味又開胃。時代抗翼 $58餐廳用雞翼來為香港人打打氣，$58 有 4款口味新登場，一碟四隻都幾抵食。黃到金雞翼，老公最鍾意食鹹蛋黃醬，鹹香惹味，皮脆肉滑，可口多汁。套餐已經包左前菜、湯、同埋餐飲。田園沙律清新開胃，餐湯 creamy好味，餐飲要一杯凍咖啡真係爽！DIY Pasta $168適合鍾意自由自主組合的朋友，主菜方面我就揀咗溫泉蛋芝士忌廉，作為醬汁拌麵真的是一流，溫泉蛋汁香滑濃郁。自選意大利式燴飯，重點係可以吸晒所有醬汁精華，yummy!配料我就揀咗喜歡的雞柳，健康可口。再加$20追加了煙三文魚，鹹香滿滿，濃淡之中得到十分好的平衡。香烤美式BBQ 豬肋骨 $208這道美味的香烤美式 BBQ 豬肋骨，酸、甜、焦香，低火慢烤非常好吃，美味品質好的豬肋骨，肋骨柔軟嫩滑、骨頭輕鬆脫離，配搭 美式BBQ sauce 烤肉醬 最適合不過。最後

👧🏻😋👅🍽✨Mini Friday （觀塘The Wave）抵食又舒服Set Lunch 😍-💛set lunch選擇長青~ 豬魚牛羊雞同沙律都齊晒💛服務勁好! 又坐得舒服-🇦🇺🐐🍷 炭烤澳洲羊架配紅酒汁 配薯菜 $108✨茴香味好重, 同紅酒汁好夾✨羊架幾大隻好多肉好抵食~✨肉係高質唔會醃到林晒而係嫩滑既, 好香羊味好正- 🇦🇺🥩🥔 炭烤澳洲肉眼扒配黑松露燒汁 配薯菜 $128✨肉眼唔使諗都一定幼滑多汁, 仲有個燒汁同牛都係perfect match✨燒汁既黑松露味唔太重, 可能因為牛扒肉味重都遮左少少, 但我覺得個燒汁已經好正✨薯菜無敵! 係菠菜薯蓉同豆, 仲有少少蕃茄仔✨菠菜薯蓉一黎靚, 二黎有少少菜味冇咁寡, 必試!-🥣 是日餐湯 - 蓮藕湯 set lunch包括✨蓮藕湯好特別! 睇落似忌廉湯, 聞落似芋頭糖水, 但食落好清甜✨蓮藕粒少少爽口, 成日出入冷氣地方都暖下個胃先!-平日免加一服務費-#minifirday #觀塘好西 #觀塘美食 #tgead西式 #hkfoodie #黃色經濟圈 #觀塘黃店

Mini Friday已經食過好多次，不過仍然keep住會間唔中幫襯下，除咗因為佢係黃店之外，仲因為佢嘅食物好高質，而且餐廳佈置都好有格調🤍💛DIY Pasta ($168)可以自己選擇汁、粉、同埋配料，配料唔夠仲可以追加，絕對係自由度十足！我哋嘅配搭係溫泉蛋芝士忌廉汁+天使麵+煙鴨胸～個汁好creamy，而且有淡淡嘅芝士香味，唔會覺得太漏，天使麵因為好幼身嘅緣故所以可以沾到好多忌廉汁，而煙鴨胸嘅份量都比我想像之中多～💛香草燒牛仔骨配蜜糖燒汁（$238）牛仔骨嘅肥瘦適中，而蜜糖燒汁就滿佈喺嗰幾塊牛仔骨上面，味道方面絕對足夠，而且牛仔骨嘅份量都唔少，足足有成三大塊，性價比好高💛炸薯條配黑松露醬（$58）薯條比較粗身，而且炸得香脆有口感，配埋黑松露醬真係絕配✨因為我哋叫嘅係Dinner Set，所以全部都會配埋田園沙律、是日餐湯、餐飲，而且加一蚊仲會有埋是日甜品，所以真係好抵食㗎~

在工廈的一間環境闊倘的西餐廳 今次約朋友第一次嚟呢度食午餐 午餐的價錢合適 有餐茶 🥰牛扒唔錯 焗飯都吸引 侍應的態度好好 好適合聊天 因為環境真係好大 大家有興趣可以去試吓啦

忙碌的工作同生活真的會讓人透不過氣📈，百忙之中都要有關心自己的時候，💌🥳美食絕對係其中一個好好的打氣方法!這天來到了觀塘，一定都知觀塘好多美食，今天來到了Mini Friday 食西餐呢!🍽-一到了mini Friday, 地點闊及有空間感🍴整體感覺很舒適呢!食物方面，也有不同的食物選擇，西餐為主!🧂因為我們分別點了2份主食!重點係main course 為碳燒紐西蘭牛肉眼扒配黑松露燒汁🥩🥩-整個肉眼扒選了5成熟，整個狀態剛剛好!😍肉的口感不會過份熟，而且帶一點嫩滑的感覺💘更重要的是份量十足，大大的一份✅絕對不會欺場，配上蔬菜作為伴碟🥬🥦十分豐富及滿足呢!而且整個dinner set 會有埋沙律及餐湯，真係好滿足!🥗-另外也點了卡邦尼扁意粉🍝，這是絕對不會失望的菜式!濃濃的醬料配上滿滿的意粉🥕🫒加上一隻溫泉蛋🥚，讓口感更有層次及味道!真係好加分!💖-飲品方面，來到西餐廳當然要飲cocktail🍹點了最愛的Mojito, 來一點小清新的享受🌱。-總的來說整晚的進餐經驗十分理想💚，食物十分豐富及份量十足，下次來到觀塘值得一試呀!❣️

Byebye fake photo toby 你班友仔鍾意睇我咁嘅樣，多過個d咁既扮令女kol相。今次為咗食個個威靈頓牛柳，同 @hk_joanna 搶着食咁滯. 個人骨架大真係有好處，成功搶到最後一舊黎食。🤣佢咬落去非常鬆脆即叫即整，牛肉唔韌咬落仲好Juicy. 另外佢有個溫泉蛋菠菜大蘑菇都係值得一叫。超好食的😋😋😋 I know that you guys like this kind of picture more than those fake pretty girl photo. 😂so here you go! Mini Friday offer us the Wellington beef, it's like ...OMG!!! So crispy from the outside and juicy from the inside. Lucky that I have big bones, I manage to fight over Joanna to get the last bite. You should try the poached egg with po

今日又去開觀塘，梗係要搵吓觀塘工業區嘅美食啦！咁啱又好耐冇食過西餐，見到呢間Mini Friday就即刻入去試吓啦！其實裝修都幾有氣氛，主要以木色為主，暗暗地都幾有情調！😉 之後我哋叫咗一個diner set ，一個小食，一個main同一個甜品。炭燒紐西蘭牛肉眼扒配黑松露燒汁 $258牛扒好有牛肉味，而且用燒嘅方法鎖住肉汁，好Juicy! 因為係炭燒，所以嗰邊有少少脆，配上燒汁，味道唔錯。而佢嘅配菜中薯蓉整得好好味，好滑同好香牛油味😋另外個餐跟沙律同湯，沙律比較特別，有啲柚子味嘅爆珠，增加沙律嘅甜酸味！芝士溫泉蛋焗牛脷薯粒 $108望落去唔係好大碟，但食完都好飽，溫泉蛋雖然過熟，但蛋黃撈芝士依然好味❤️而薯仔先煎到脆皮，才撈芝士醬，口感充滿層次！牛脷亦好林，可能因為用煎pan上，食到最後都好熱👍🏻整體來說有驚喜！黃到金雞翼 $58蛋黃配上雞翼好好味！首先佢夠多蛋黃，真係包晒成隻雞翼，而雞翼醃得好入味！一流！大力推介☺️☺️心太軟配雪糕 $68呢個就真係一般，可能焗耐左，入邊嘅朱古力醬唔係好流出來，而且蛋糕偏多，算中規中矩啦👌整體來講性價比偏高，黎開觀塘不妨一試！😉

以前有經開觀塘 , 都有留意到The Wave , 但唔知入面係有咩東東 , 終於有機會去一探究竟。當日訂左Mini friday兩位 , 一入到去第一時間留意裝潢佈置 , 懷舊吊燈同柔和燈光 , 令到人感覺好舒服。當坐低左之後 , 好快就有侍應送上小食 , 呢個係要讚既 , 跟住我同女友選左三樣野食 , 芝士溫泉蛋焗牛脷薯粒 , 火焰脆脆燒德國咸豬手 , 帕馬爾火腿薄餅 , 等既時間正常好快上菜 , 薄餅同焗牛脷個人感覺還可以 , 最令我驚喜既就係咸豬手 ,蜜糖色外表 , 同脆卜卜既外皮 , 令人想快D將豬手食落肚🤤 , 話明火焰燒豬手緊係有火啦 , 當侍應將酒倒係豬手上 , 然後點火 , 成隻豬手即刻燒著 , 簡直係視覺上享受 , 大概10秒到火就熄左 , 去到最重要環節食豬手 , 我地緊係叫餐廳幫我地分好豬手 , 豬手個皮好脆 , 加埋肉同小小肥肉 , 真係好好食🤤🤤 食到停唔到哈哈 , 唯一美中不足既係焗牛脷薯粒好易膩 , 下次可以試下其他野食 😊😊

食M5牛，5成熟真心好食😋入口就化🤤去到真係可以試試🤤但威靈頓果個就一般般 肉就真係好軟身 個皮好脆但一切就散晒😹要一舊肉一舊皮咁慢慢食😹😹不過不失😹😹甜品就擺盤唔錯但心太軟未整得熱 入面仲有一大舊朱古力未溶晒😹焦糖燉蛋就有個切到玫瑰花咁嘅士多啤梨🍓係一大亮點🤩🤩