Mini Friday (銀城廣場) (已結業)

今晚難得幾約齊人可以Reunion, 梗係要揀間坐得舒服,又有格調的餐廳食飯喇!!被安排坐到餐廳的角落位置，有窗外景色之外，仲可以同友人靜靜地暢談我地一行四人，揀左包羅萬有的4人餐，可以一次過滿足哂所有人的要求😆😆餐湯2選1，南瓜湯 & 意大利菜湯 我揀左南瓜湯，味道偏淡，加左黑胡椒粒好野味前菜1:田園炒什菜，出奇地好食，蒜味十足，令我驚喜🤩前菜2:香草焗田螺 fusion 菜式的開始，用紫薯取代普通的薯蓉，更香更甜前菜3:水牛雞亦，隔離配搭的是飲品/甜品用的爆爆珠，入口爆開就是蜜蜂味，新奇前菜4:芝士焗牛肉丸，芝士又香又厚，配搭紫薯蓉，我朋友最讚的菜式主菜1:威寧頓牛柳 牛肉嫩有牛肉味，只是一切開個酥皮就散開了主菜2:黑松露野菌薄餅，我至愛，保持一貫好味質素，一個人食左2塊再以朱古力心太軟+是日甜品芒果檸檬餅作結，好滿足啊💕💕

很久沒有約埋家人出外食飯， 之前嚟過 旺角銀城廣場 9樓 有間西式餐廳 Mini Friday， 呢間餐廳 氣氛 環境唔錯。 所以約埋家人到來聚天倫吃晚餐。我們被安排座近 玻璃窗 旁邊， 可以 遙望 俯視 熙來攘往的西洋菜街一角街道上行人和店舖， 真是悠然自在。我們 先我打咗一個套餐 自由配搭 意大利麵 (任選四款 )$149有前菜沙律， 餐湯，仲有甜品添， 如果叫杯飲品可以半價。 家人點了一碟小食， 面層酸酸辣辣， 內裏肉質嫩滑 的 水牛城雞翼。 飯後梗係 唔會放過食甜品機會， 呢間餐廳的甜品， 其中一款的 ，日式厚梳乎厘班戟， 上次朋友帶我嚟食過， 真是回味無窮， 所以再次柯打這個甜品回味一番。等了不久便送上抬，水準果然沒有失望， 外層 軟軟綿綿， 裏面 暖暖 甜滑， 口感一流。 家人都很滿意，可以下次再來。

難得這個星期比較空閒可以早放工,所以約了朋友去旺角行街食飯,我們想找一個舒適的餐廳一邊食飯一邊傾計,這裡絕對適合我們!餐廳位於旺角最熱鬧的地方,裝修充滿美式風格, 環境寬敞,每枱都有足夠的私人空間,我們還未落單職員便立即送上一籃墨西哥脆片,脆片香口,配上芝士醬真的好味到食唔停口,因為餐牌美食太多,睇到眼花繚亂,最後我們選擇了2個套餐意大利雜菜湯用料豐富,味道濃郁,洋蔥湯的洋蔥煮得軟身,仍然保持質感,味道鮮甜,田園沙律份量很多, 沙律菜和水果都很新鮮,還加了一些以為是三文魚籽的橙波波,咬落去好甜,加埋一齊食好開胃,我們還加了錢要了巴馬火腿配甜(蜜)瓜,巴馬火腿有淡淡的鹹香, 乾爽的口感,配香甜的蜜瓜,真的不錯!露絲瑪利燒全隻法國黃油春雞熱滕滕來到, 中間切開雞身立即冒起煙來,雞肉鮮嫩多汁,雞皮薄身沒有肥膩感,配醬汁食很好味! 香烤波士頓活龍蝦配野菌雞脾扒的龍蝦肉肉質鮮甜,既彈牙又爽口,雞脾扒肉汁豐富,肉身夠厚有口感,真的不錯,我們還額外叫了鹹蛋黃薯角, 炸得很香脆,每件薯角都充滿著鹹蛋味,甜品是芒果芝士蛋糕, 味道濃郁,蛋糕軟綿綿好好食,最後叫埋餐飲,這次的晚餐真的很滿足,整體來說,無論

一個絕對夠飽的Set Dinner，打頭陣的是脆片配芝士醬，一人份量來說就很慷慨，不過脆片是冷的也稱不上脆。而頭盤是以橙汁爆珠作點綴的鮮果沙律，沙律大碟亦好睇，但鮮果沒果味，爆珠有口感卻不好吃。這邊的南瓜湯不是幼滑那種，會吃到南瓜蓉顆粒。主菜波士頓龍蝦味道可以，牛肋排則調味偏甜。特別之處是餐廳用上冰菜伴碟，頗有新意。另外點了香草焗脆殼田螺，其實類似是酥皮田螺，殼是薄脆的卻沒有味道。儘管香草滿滿鋪在田螺上，但吃下去也絲毫不香。脆殼是脆殼，香草是香草，田螺是田螺，一道菜卻好像分開成三件事。墊底的蕃薯蓉有適當的甜味，但比起一般的薯仔蓉實是太乾，很難將蕃薯蓉全吃光。甜品是芝士蛋糕，蛋糕夾心層濕濕潤潤的就很好入口。整體來說，這是一間樂於嘗試的餐廳，每道菜都跟平常的有些少不同，新意是有，只可惜味道太一般了。

約左老公撐枱腳，揀左呢間食西餐嘅Mini Friday。由於老公遲左收工，8點先上到去，都幾多人，擔心要等好耐，好彩好快就等到位喇🤗。呢度裝修都幾別緻，大大個Mini Friday嘅招牌燈箱，加上餐廳入面好多三五知己黎gathering，有慶祝生日，有一大班frd傾計，好有happy hour嘅感覺，非常relax。先黎個餐前小食，係薄脆脆，個醬好滋味，類似千島醬，岩晒肚子餓嘅我地。南瓜湯，呢個湯有好香嘅南瓜味，入面有南瓜蓉，增加湯嘅口感，平時豬唔會飲晒d湯，今次都忍唔住飲晒。個沙律菜好新鮮，加了黑醋汁同爆爆珠 ，入口十分清新。水牛城雞翼，咪道偏酸，有少少辣，幾惹味。隔離有個少少嘅沙律，上面有爆爆珠，好得意。份量都幾多，有6隻，我地2個人都食唔晒。意大利PIZZA 10"，可以自選四款配料 ，老公揀左海鮮， 蘑菇 ，菠蘿 同番茄，薄餅尺寸好大，完全超越兩人份量，適宜幾個frd一齊食。配料好足，菠蘿係新鮮菠蘿，PIZZA係個薄批, 批邊脆卜卜，上面有好多嘅軟芝士，勁多勁邪惡，但味道唔會鹹。海鮮西班牙炒飯，有好多海鮮，種類包括有青口、大蝦、石斑塊，墨魚仔，飽魚，元貝等。海鮮真係多到嘩嘩聲！

book左禮拜一。餐廳唔多人亦不忙碌，侍應服務方式好神奇，上錯菜但居然問我地不如將就食？懶得去換🙂。 第二點，雞翼唔熟，我地要求換過，侍應很不情願，問我地不如直接cancel？好鬼犀利👍🏿

較早前試過觀塘既 Mini Friday .今晚試試位於MK銀城廣場呢間店Dinner set menu記得無論沙律和湯份量也不小的，所以今次二人也只叫了一個set, 另外再散叫一些小食意大利雜菜湯田園沙律龍蝦配雞髀扒龍蝦不算大隻， 但此價錢再配上雞脾扒，算抵食水牛城辣雞翼雞翼大隻，淡淡肉， 辣味出眾蟹膏帶子二重奏超讚 特別海膽， 蟹膏 混入既日本飯， 簡直帶進去日本的感覺香草焗脆殼田螺此田螺和平常的有點不同，殼已除起， 全部肉打散左上， 享用時更方便。跟餐甜品跟餐餐茶

今晚同朋友經過旺角個頭，決定順便係旺角食埋晚飯。搵到呢間係西洋菜南街銀城廣場樓上嘅西餐廳，我地見咁耐無食過西餐所以決定一試佢set dinner 嘅選擇十分多， 同埋係包埋餐湯同甜品嘅，所以好似比較抵食。 而我地嗌左露絲瑪莉燒春雞就係跟set嘅， 比較特別一提嘅係佢嘅配菜有冰菜，平時比較少食到，酸酸地幾開胃，可以中和一下齋食肉嘅飽膩感。但係個雞燒得洽到好處，唔會太乾太難，配埋佢嘅香草同醬汁幾唔錯然後我地又單點左呢個火焰燒豬手，佢係上枱後點火即場燒嘅，夠曬吸睛打卡一流 食落去豬手皮脆肉滑，夠曬德國風味小食拼盤有洋蔥圈、越南春卷、炸蠔等等，夠曬多選擇！最啱同朋友開心share最後個risotto 夠晒creamy，食唔停口，而且份量頗大，幾個人share都好飽西餐黎講咁嘅價錢食到咁多野都幾抵食，下次係旺角唔知食咩好不妨試試呢間

Chill 不一定在happy Friday, 在Tuesday 都可以的 今次行過就黎左呢度mini chill 店內裝潢舒適 因為時間尚早 所以人不多Set Dinner最合宜 價格都合理沙律 隨意 爆珠波波透出mk氣味 酸酸甜甜 很開胃加了個一人海鮮盤 每樣都好新鮮 下次可以多叫一些餐湯不過不失Pizza 餅底很薄 crispy 龍蝦肉質彈牙 牛排肉質緊致 肉香滿載 Chill當然少不了 cocktail 性價比高！ vodka 加鹽 經典！甜品 凍餅最有驚喜！ raspberry 解飽滿

上次試過觀塘那間mini friday回味無窮，今晚和朋友在旺角食飯，就選擇了Mini Friday，座位都幾寬闊，每台之間有足夠距離可以暢所欲言，高聲歡談。首先每台都有墨西哥脆脆片加芝士醬，很脆口，是不錯的開胃小吃！脆燒德國豬手絕對是打卡位，首先店員會端出原隻豬手，再在我們面前澆酒點火，外皮烤得啪啪聲，真真正正的香脆，會成為每次的必點菜式。牛肝菌意大利燴飯本身以為份量剛好夠四人分享，不過奶油白汁勁重，所以很飽肚。菇菌味道十足，意大利飯都幾有咬勁，又幾抵食。田園沙律上面有一些爆珠，好有創意，最喜歡它的黑醋汁，酸酸甜甜很開胃！Nothing半價很抵，酒精味道重，不錯不錯。價錢和份量相應，今晚夠哂盡慶呀！

今日系我既老死生日 帶左佢去間氣氛吾錯既餐廳食生日飯 入到去環境都吾錯 而且坐得幾舒服講下野食先我地一坐低 佢就比左個小食我地 而且系無限添加的 脆脆的 再點d沙律醬 吾錯吾錯 主食：我就叫左個黑松露海膽意大利麵份量都幾多 一個女仔冇可能食得哂 而入面既黑松露都幾多 同埋好香口 不過海膽就吾算多拉 2樣野加埋意粉食都幾match 由於我系比較重口味 所以自己再落少少鹽 最最最重要既系 佢系乾身 而且系結既 吾會好稀 所以整體上性價比高之後我朋友叫左肉醬意粉佢話吾錯 而且內面既料都好足 味道都調得岩岩好 當然拉 因為份量太多 佢都系食吾哂的😂😂之後我地叫左個小食水牛城辣雞翼佢話見到openrice d相好似幾好味甘 所以我地叫左個呢食 雞翼好脆即使上面有d醬汁 而且d醬汁都吾會好辣 岩岩好 隔離有少少沙律中和反 沙律上面完來系爆爆珠😂😂 好搞笑 之後再叫左甜品我就叫左心太軟 大概要等20分鐘 即叫即製的 不過心太軟則面冇雪糕 如果有雪糕而吾系生果就好拉 因為可以中和反朱古力 冇甘流 不過朱古力吾算好甜 岩岩好👍👍整體上都吾錯 下次有機會既 我都會再黎呀

短時間內幫襯過2次。第1次週五成班ladies，餐前小吃有驚喜，小朋友食唔停，女朋友大讃環境食物ok。預訂沒有時限，walk-in就限時。枱與枱之空間幾好，餐廳咁大咁多人唔覺嘈。食物質素可以，合乎價值。心太軟唔錯。第2次週日4人，食埋甜品連心底話都傾巢而出。推介！

今次係我地第4、5次幫襯啦，原因無他，只因佢環境舒適又坐得舒服，野食唔錯，選擇仲好多添！因為我地要留肚食甜品，所以只order左一份小食一個risotto。水牛城辣雞翼$68雞翼有6大隻，炸得酥香，醬汁非常濃味，夠酸夠辣，不過咸左少少🙈。Set Dinner: 自由搭配意大利飯（$149)乳酪鮮果沙律：好大份，生果新鮮，乳酪汁清新開胃。南瓜濃湯：味道正常，冇咩特別，合格。意大利飯自己任選4款配料，我地揀左磨菇、煙肉、牛肉、洋蔥，配以忌廉汁。飯粒帶有少許硬心，有咬口，醬汁creamy, 配料好豐富，正！雪糕梳乎厘班戟$88勁大份！不過幾飽都要食！梳乎厘班戟好鬆軟，係一陣風嘅texture(密度較低），蛋香味足，配上濃郁幼滑朱古力雪糕，非常邪惡！

之前見有個朋友仔Post咗觀塘分店嘅為食相，再睇睇食評唔錯喎，於是兩個女仔相約去旺角呢間一齊去撐枱腳順便飲返杯，醒目嘅朋友仔喺openrice訂枱單點食物飲品埋單有88折。到步後職員帶位，餐廳嘅飾品唔多，設計有格調，窗口位嘅大玻璃睇住外面嘅街境，雖然唔係浪漫嘅感覺，但坐低傾計飲嘢係唔錯，感覺舒服，最重要係食物有質素，價錢亦合理。兩個女仔叫咗兩個前菜，一個主菜，一個意粉，四杯酒精飲品，嘻嘻哈哈，由天未黑傾到天黑，四個鐘嘅青春就咁過去。食物種類多，分類仔細。每枱會送一客芝士焗墨西哥脆片，配個醬一流，即刻想飲返杯。環球雜肉腸拼盤，墊底嘅係蕃薯蓉，唔係薯蓉，可能甜甜哋嘅蕃薯唔需要好似薯仔咁落調味及牛油等，感覺無咁滯，肉腸唔份量兩個人食啱啱好，味道唔錯，唔會太鹹。意式焗牛肉丸，舖滿芝士嘅拉絲效果好吸引，肉丸肉汁豐富，好味。黑松露海膽意大利麵，醬汁收得啱啱好，啖啖有淡淡哋嘅黑松露。脆燒德國豬手，上菜時職員淋上高濃度白酒，點火，表演完畢後可叫職員代切，豬手外皮夠脆唔會硬，燒得乾身，食落唔油膩，味道亦唔太濃。每樣食物可以半價加一杯飲品。本身想叫多兩杯1664，但機器有問題，最後揀咗Snow Ball

看見這間餐廳都有不少好評，於是決定在屋企人生日一試。當就座後便送上墨西哥脆片，那個芝士醬很好吃。之後便點了一個set dinner，前菜是一個沙律，挺好吃的。餐湯選擇了意大利菜湯，普普通通。之後來到主菜，我點了豬仔骨配肉眼扒，肉眼扒可能太熟(我點了七成熟)，就像全熟一樣很韌而且很多根，不好吃，即使有兩塊十分迷你但好吃的豬仔骨也無補於事。這個套餐不值$249還要加一，甜品方面是芒果芝士蛋糕，這個還可以，飲品普通。幸好，環境和服務態度好。