Mini Friday (銀城廣場) (已結業)

作為打工一族，工作上難免會受到上司的不公平對待。你會點樣面對呢？忍受他？還是反駁他？我會選擇忍受吧。然後到週末的時候，約朋友互吐苦水，然後吃一餐美食補償自己。位於鬧市中心9/F，一出䢂便是了。門口則邊是一個懷舊又俱英式的郵桶。室內環境非常寬敞，空間感足夠，雖然坐滿食客，都不會帶來壓迫感。侍應服務到位，剛坐下便有清水和小吃：墨西哥脆片呈上。墨西哥脆片又香又脆，還可以無限添加。餐湯方面有野菜湯和南瓜湯可以選擇。前菜方面提供田園沙律或者巴馬火腿配甜瓜。田園沙律味道帶點酸甜，清爽開胃。主菜方面有八個選擇，這個是碳烤1855美國牛肉眼扒拼法國鴨肝，配菜不是常見嘅薯仔蓉，而是紫薯，紫色襯起番茄紅，顏色特別鮮艷奪目。健康得來又吸引食慾。另一個主菜是輕煎挪威三文魚柳白松露忌廉汁配智利鮮甜海膽，三文魚樓配海膽是一個新鮮嘅嘗試，旁邊配襯紫薯番茄之外還有秋葵，色彩更加突出，充滿健康元素。跟餐嘅甜品，一點都唔差，好香濃滑溜，甜度啱啱好，食完覺得好完美好滿足。

「休息是為了走更遠的路」是給予自己放假的理由。無錯，錢財乃身外物，我非常羨慕身邊有些朋友可以裸辭，然後很瀟洒地去環遊世界，毫無后顧之憂。裸辞，指的是还没找好下家就辭職，不考慮后路，意味着离開的决然。因工作压力身心疲憊達到了极限，或長期缺乏工作幸福感。我時時在幻想著什麼時候可以來一場裸辭？在工作壓力之下，朋友之間適當的聚餐還是需要的。這就是星期五聚會的地方。位於旺角市中心，座落於高空中。場地少見地寬敞，座位及通道都相當鬆動舒適，靠牆處是明亮的玻璃，透過玻璃窗可將旺角街頭的夜景收納眼簾。跟隨待應安坐之後，便迎來貼心的招待，枱上放有一藍子酥炸簿餅，又香又脆又酥，出乎意料地好吃。而且無限添加。每枱有免費清水提供，服務貼心而到位。田園沙律跟餐附贈，酸酸甜甜的味道，是開啓味蕾的好處，帶來清新的感覺，而且份量不多又夠曬營養價值，最重要的是健康得很。餐湯之一南瓜湯，相當綿密細緻，有忌廉香味，只覺略微有點咸。晚餐有八種選擇，飯、麵、pizza、豬、牛、羊、雞、魚樣樣齊全，總有一款合你心水。主菜選擇了香煎澳洲寶雲酥羊扒拼西班牙紅蝦，羊扒酥香味濃，配上鮮甜的西班牙紅蝦，味道互補，相得益彰。意大利Pizza配

原本見樓上餐廳無乜期望🤭 曾經試過太多旺角樓上cafe 都中伏🙈 入到餐廳發覺原來地方咁大咁有格調既餐廳，同埋好香噴噴既餐廳（唔係食物既香味）而且好多野食揀呀⋯⋯有set dinner 有散叫！我地兩個女仔揀咗個set dinner 同一個pizzaSet dinner: 美式醬燒西班牙橡樹果黑毛豬梅肉配北海道原隻帶子 ，餐包沙律、餐湯同埋甜品餐湯係南瓜濃湯🍲好濃好好飲好香南瓜味加$18巴馬火煺配甜瓜🍈，啲瓜係真係甜👍🏻份餐一上枱黑麻麻好似燒燶咁，其實係美式醬燒到咁既顏色😆唔係燶⋯⋯而且有兩粒大大粒既帶子👍🏻 個醬汁幾好食，肉唔係‘鞋烚烚’另外跟餐加$38要䶢蛋黃薯角，呢個係我地揀mini friday 主因😂 一上枱熱得制食唔到，攤咗陣再食，雖然唔係厚厚一層䶢蛋黃，但都好香，極力推薦!黑松露野菌pizza 濃濃黑松露味，野菌都多一路食一路跌👍🏻正雖然12吋，但兩個人都食唔晒！餐飲加咗紅棗桂圓茶就一般般，不過不失Set dinner 有埋份甜品🍮都幾好！好少可食到樓上cafe 都咁好食，而且份量一啲都唔mini 👍🏻

通常去旺角都想不到吃什麽餐廳，係西洋菜街路過，見到有人派Mini Friday的餐廳，就同朋友上去試下。餐廳環境都幾有情調，我地安排座係掛滿紅酒的墻邊。佈置令人賞心悅目。我地點左一份黑松露野菌Pizza，香草意粉同威靈頓牛排，上菜時間大概等左15-20mins。上菜時意粉同野菌Pizza都係熱辣辣，應該係即製的。未食都已經聞到陣陣的黑松露味。Pizza的薄底，烤得頗脆！黑松露味容易入口，配上野菌十分美味，令人驚艷。友人食唔停口。香草意粉份量都算多，意粉用橄欖油炒香，加埋香草獨特的味道口感有層次，唯食到最後見到碟中的橄欖油，令人有罪惡感。最後係威靈頓牛排，都係最令人期待，金黃的酥皮令人見到已經食指大動，牛排容易切開！而且酥皮不會碎曬，牛排嫩滑，加上酥皮咸香，另人一試難忘，友人都拍曬手掌，話下次都要再食。餐廳的食物實在令人驚喜！價錢合理，環境寬敞值得一試。

上星期，我和一班朋友一起到了mini Friday吃晚飯，就是在旺角的鬧市中，所以很容易找尋。想不到這裏食物的選擇也是挺多的，我們叫了一些小食及主菜。不過最令我感到興趣的就是這個雪糕梳乎厘pancake。首先來的是法式焗田螺，黃色的就是番薯茸。這個最有趣的是包着田螺的外皮是薯皮，所以整個也能吃的，很有創意。這個是水牛城雞翼，賣相很肥美飽滿，味道帶點辣辣的，令人很開胃。這個是黑毛豬肋條蛋飯，賣相也很吸引。面頭佈滿了滿滿的芝士，豬肋條肥瘦適中，也很香，蛋飯也炒得很香口。這個就是甜品—雪糕梳乎厘pancake。這個賣相也很好，外層夠香，而且內層鬆軟，味道充滿雞蛋味，而且能帶一些微甜，香甜可口。

舊同事聚舊，吃西餐可以慢慢傾，慢慢坐。 這次點了一份四人餐再額外加一客芝士薯條。 餐廳侍應好客有禮， 不斷推介人氣食物。頭盤點了凱撒沙律，芝士焗牛肉丸，脆炸烏賊丸，水牛城雞翼。當中雞翼做的最為出色，酸辣適中，仍保持少許香脆，其他小吃亦不錯。餐湯選了意大利雜菜湯，個人覺得太稀，欠缺蕃茄味。招牌主菜中點了威靈頓牛柳，酥皮不較酥脆，酥皮有點糊口，牛柳太冧身，有感用鬆肉粉處理過，較為遜色，有點失望。副菜中選擇車厘蕃茄香草竹扁意粉，牛肝菌意大利飯。意粉炒至乾身彈牙，清新可囗，意大利飯忌廉味香濃，值得一讚。甜品朱古力心太軟及芒果芝士凍餅各半，沒有太大驚喜。餐廳食物味道不過不失，但不要抱太大期望，三五知己聚會是可以考慮一下的。

今晚連同姐姐在旺角晚餐，選了這間好評很多的Mini Friday 。服務員在我倆坐下後奉上一小籃墨西哥脆片，脆片香脆，配上特製千島醬，十分惹味，還沒點餐已經吃完。我們點了兩份set dinner再一起分享。姐姐點了香烤澳洲寶雲酥羊扒拼西班牙紅蝦，我點了香烤波士頓龍蝦配野菌雞脾扒。餐湯一個是雜菜湯、另一個是南瓜湯，味道都不錯，前菜的田園沙津也很有特色，除了黑醋汁令沙津吃來特別開胃外，沙津上還有一些看似日式三文魚子的珠粒，囗感一樣一咬即爆，卻不是海鮮，味道有點似生果味道，十分有趣。寶雲酥羊扒烤得香囗，麵包糠的份量跟羊扒的比例剛剛好，羊扒非全熟，易切而且很嫩口，非常不錯，紅蝦有2隻，頗新鮮，作為配角來説不過不失。波士頓龍蝦很有鮮味，肉質爽口彈牙，尤其鉗肉及蝦膏特別好味，再配合香烤雞脾扒，皮脆雞肉嫩滑，龍蝦雞扒同為主角，份量十足，對細食女士來説，可能會吃不完。最後甜品是中間夾上熱情果的小蛋糕，味道微酸，甜度恰到好處，製作認真。姐姐和我也非常滿意今晚的晚餐，不只食物質素高，這𥚃每枱皆有一座電子白蠟燭，加上內𥚃燈光柔和，氣氛頗浪漫及很舒服。

細細個嗰陣，唔明白點解啲大人咁期待星期五，什麼TGIF！到自己出嚟做嘢，真係好想快啲到星期五！雖然今日只係星期三，不過我哋就去旺角銀城廣場嘅Mini Friday，充充電！墨西哥脆片未落單，店員就送上墨西哥脆片同芝士醬，惹味香口，唔夠兩分鐘無晒，哈哈！前菜：巴馬火腿配甜瓜我哋每人叫咗一個晚餐，套餐加$18可以將田園沙律升級至巴馬火腿配甜瓜，Parma Ham好香，配埋清甜嘅蜜瓜同哈蜜瓜片，好夾呀！餐湯：是日餐湯意大利雜菜湯，蕃茄味濃郁，十分足料，啖啖都有蔬菜，正！另外，南瓜忌廉湯，入口香滑，仲有少少南瓜肉。主菜：露絲瑪利燒全隻法國黃油春雞嘩！大大隻春雞，真係好有份量，外皮燒到金黃色，熱辣辣，香噴噴！燒嘅時間啱啱好，皮脆肉嫩，肉汁豐富，點埋露絲瑪利醬，無得彈！再配埋秋葵、蕃茄同黃薯蓉，好滿足！主菜：美式醬燒西班牙像樹果黑毛豬梅肉配北海道原隻帶子兩隻原隻帶子煎得啱啱好，外脆內軟，鮮味十足！黑毛豬梅頭好腍身，肉汁豐富，加埋美式醬，好惹味。特別欣賞配埋新鮮菠蘿粒，醒下胃！甜品：芒果芝士蛋糕芒果芝士蛋糕味道濃郁，好Creamy。By A姐M佬 玩樂日記  aandmdiary.com

有朋友book咗位 所以就唔駛等叫咗4人set嘅dinner set $1098再要加一 即係$300蚊一位我哋就係覺得貴嘅 大家可以參考下頭盤叫咗caesar salad好少汁 好乾身啲麵包粒亦一般 所以好似食緊乾草咁4人分別叫咗2個南瓜湯同2個雜菜湯佢哋話雜菜湯唔好飲南瓜湯我覺得都算幾濃稠呢個好食 唔點醬汁都okay不過已經唔記得咗叫咩名有少少乾嘅芝士雞塊 好似係叫呢個名點咗醬我覺得係冇問題但有friend話唔鍾意佢隻醬料味可能真係見仁見智啦呢個意大利飯好入味 好好食但真係非常飽呢個麵一般 我覺得唔太好食可能唔啱我口味好辣嘅水牛雞翼好彩叫咗凍飲咋 真係覺得好辣諗咗呢個威靈頓牛係重頭戲但點知最令我哋失望因為實在太熟喇同埋食落去有陣唔似牛嘅味道 唔juicy 好韌 一致認為唔好食當日甜品係芒果cheesecake同心太軟我哋叫咗心太軟 超級甜亦都好飽啊但明白心太軟本身就好甜嘅入面朱古力醬冇流心出嚟 雖然都熱熱地整體都不過不失 一般般啦好有興趣嘅可以去試一次咁多嘅但我自己唔會推介畀大家

今日去左旺角既Mini Friday, 位於方便既銀城廣場9樓，由旺角站行過去都好近好方便！去左係由set dinner 都好多選擇！友人與我選了「燒全隻法國黃油燒雞」同埋「醬燒西班牙黑毛豬配西班牙原隻帶子」！好欣賞一坐低就上左玉米片小食，聽說可以refill的，脆脆地又幾正仲有芝士醬可點！湯係南瓜湯同羅宋湯，普普通通不過不失！我地加$18要了Parma Ham with Melos! 蜜瓜好甜 同Parma ham 咸咸既味道搭配！開胃之選！燒全隻法國黃油燒雞 有一整只春雞，好大隻 香噴噴既！ 配有雜菜 係我最愛既秋葵蕃茄 再有黃薯蓉！肉汁豐富，皮脆肉嫩，烤焗時間剛好！佢既燒汁係另上，可以跟個人喜好再加汁上去！另外「醬燒西班牙黑毛豬配西班牙原隻帶子」都係有雜菜黃薯蓉既，仲有少少菠蘿粒係邊，加上2隻原隻帶子同主角 黑毛豬！ 黑毛豬加上左bbq 汁係上面，很容易切開，吃上去肉汁豐富！友人最喜愛黃薯蓉 清甜的，中和番黑毛豬既濃汁，配搭盡顯心思！最後上左甜品係2小件蛋糕仔，是有熱情果醬係中間，好好食，為今晚我和友人晚餐加上點綴！下次再黎！

我同老婆都好耐冇去過旺角行街喇，所以唔知食咩好之際諗起mini Friday西餐廳，於事決定入去食完先再行街。我們一入到去坐底之後，還未落單職員便立即送上墨西哥脆片，很脆口，配上芝士醬真的好味到食唔停口，是不錯的開胃小吃！我老婆選擇一個套餐係自由配搭意大利麵 (任選四款 )【南瓜湯+田園沙律】我揀左南瓜湯，味道剛剛好，但加左黑胡椒粒原來都唔錯既味道。田園沙律上面有一些爆珠，原來爆珠係抽子濃汁，真係好有創意，最喜歡它的黑醋汁，酸酸甜甜很開胃！【自由配搭忌廉汁意大利麵 (任選四款配料)】$149四款配料我選左磨菇、洋蔥、雞肉、海鮮，最重要既係佢煮出來都算傑身，而且係忌廉好creamy，意粉軟硬度岩岩好。【炭烤1855美國牛肉眼扒拼法國鴨肝】$269很香炭燒味道，順滑地切落去，粉紅色嘅肉質，調味簡簡單單，保持咗牛肉本身的鮮美，鴨肝煎得表面煎得脆脆的，仲要好厚身。側邊既配菜原來係用咗蕃薯蓉來做，所以食落更加香甜，真係超正。【芒果芝士蛋糕】甜品是芒果芝士蛋糕，味道濃郁，蛋糕軟綿綿好好食。

八月因有兩位生日之星，便打算一起食飯慶祝。而家中有高堂，需要一個舒適的空間。最後決定了mini Friday。此餐廳位於旺角，位置非常方便。而餐廳內座位亦不錯。食物方面，桌上小食係芝士薄脆，雖然有點油，但好食，仲有得refill，正！當晚叫了兩個四人餐，共十人食，份量很足夠。而沙律、小食等前菜味道一般。白汁的似係所有都係黑松露味，味道尚可。餅餅味道亦不差。其中的主菜是咸豬手，味道正！不過以10人計算⋯⋯有啲唔夠食。當晚最唔岩我心水的有兩樣：水牛城雞翼、斧頭扒。雞翼因為太酸。斧頭扒需有卓頭，可以自己煎，但有點麻煩。最後不得不讚讚職員的態度，非常好！

星期日同屋企人去完街之後，就約左好朋友過嚟旺角食餐生日飯，冇諗過喺旺角都有一間咁高質又幾好環境嘅餐廳！6點左右，唔算話太多人，到7點左右就滿座啦！好在我地都有提早訂位，坐嘅位置都比較闊落！仲比一啲小食我解下悶添！行左成日電話都冇乜電好想餐廳有得借奶媽窩心！2人晚餐Menu包埋紅白酒，價錢只不過係$700都唔使，真係好抵！不過我哋下就兩個都食得太飽啦！所以我哋決定散食野食！叫咗牛油果木瓜芒果沙律開開胃！睇得又影得又食得！而且份量都唔少，食落口好清新開胃！水牛雞翼隻隻雞翼都好大隻而且非常之入味！火焰豬手份量好巨大，豬手好大隻！而且睇去點火好過癮！再叫埋芝士焗菇唔好睇佢好似好細隻其實菇上面好多材料！好足料而且鍾意食芝士架你一定會覺得好滿足！最後我哋叫咗個水蜜桃雪巴！仲寫埋生日字句！整體來講食物質素好高，而且環境都幾浪漫！最重要係價錢一啲都唔貴，真心推介可以再嚟！

雖然這晚不是星期五，我們約了在ＭＩＮＩ　ＦＲＩＤＡＹ吃晚飯聚聚。餐廳位於旺角核心地帶，基本上很方便大家前往。餐廳是供應西餐的，有晚市套餐，價格很親民，一二百多元的價錢已包括餐前小點、前菜、湯、主菜、甜品、飲品！想吃得豪一點也可選擇固定餐牌上的肉類和海鮮類，豐儉由人。餐廳的座位舒適，而侍應生的服務態度也不錯，有禮貌和主動！我們很欣賞！這晚的餐前小食是炸薄脆片。我們點了兩個晚餐，沙律頗新鮮，味道清新。我與友人各點了雜菜湯和南瓜湯，雜菜湯的用料豐富，南瓜湯味道鮮甜，口感綿滑。整晚的食物都很快上枱，讓下班後飢餓的我們不用久等。先來的是美式醬燒西班牙橡樹果黑毛豬梅肉配北海道原隻帶子，份量算多，醬燒汁混上黑毛豬扒的香氣令我們唾延！經燒香後的黑毛豬梅肉外皮多汁香脆，肉質厚實！有兩隻大大粒北海道原隻帶子，味道觧甜。伴碟有薯菜，份量豐富。當我們仍在餵相機吃飯時，香烤波士頓活龍蝦配野菌雞脾扒已經上枱。有半隻龍蝦，肉質彈牙，如份量更多便更好。雞脾扒算嫩滑，多汁。同樣有伴碟薯菜。是晚甜品是檸檬味小蛋糕！甜甜好吃！

前幾日約朋友食飯，見旺角呢排有好多餐廳都冒起左，mini friday係其中一間，咁就過黎試試啦，同朋友叫左都好多，因為樣樣都好似好好食咁！叫左幾款小食，肉丸，雞翼，田螺等等，d小食真係好小！全部都係得幾粒，全部都用薯蓉/蕃薯蓉鋪底，最過份係個田螺，碟野細碟，田螺仲細碟！sosad🤨個威靈頓牛，雖然個酥皮唔錯，但塊牛好咸，同樓下茶餐廳既鐵板牛無咩分別，但係呢個價，食到5份茶餐廳既鐵板餐，真心唔明點解咁多人食！