Mee...lemongrass (Megabox) (已結業)

難得一個很久沒見的好朋友今晚有空可以會面，當然要找間坐得舒服，吃得滋味的餐廳聚舊!! 朋友於九龍灣工作，佢介紹了這間位於megabox的Mee...Lemongrass~ 這是一間越南/泰式的食店，很迎合我口味啊!! 餐廳用了透明玻璃作為外牆，從外而看，感覺餐廳很光亮，餐廳內裡很寬敞~餐廳內的設計，令人感覺很自然很舒服。牆上除了植物畫外，還有一些擺設，很有心思~餐牌上的食物種類繁多，每樣都很吸引，爭扎了很久才能決定食什麼~ 最後點了軟殼蟹米紙卷6件 ($66)，地道串燒 (牛或雞) 4支 ($62)，馬來海鮮炒粉絲 ($68)，馬拉盞炒通菜($62)。先來馬拉盞炒通菜，份量足夠，很重馬拉盞的味道，不過稍為有點過咸~馬來海鮮炒粉絲，份量足夠，而且配料很多! 粉絲和蝦都很彈牙~ 雖然整個味道偏淡，但我很喜歡，因為可以配搭其他濃味的食物!! 而且配上有點過咸的馬拉盞通菜很搭!!當然少不了小食! 地道串燒 (牛或雞)有4支，如非食客要求 (全雞/全牛)，一般是random安排的，而今次串燒則是3雞1牛~ 串燒上的醬料很濃郁，而且雞牛肉都很入味，肉質不會燒得過靱，很香口!! 另外，還有沙嗲醬附上

今日收工，同同事响Megabox 食飯。聽說11樓開了一間新嘅泰國菜館叫Mee...lemongrass, 即是以前喇沙大少嗰個位，所以去試下🤤由於時間是6半左右，還早，所以都比較靜。。。秘製特色牛骨湯河🐮有牛肉，牛丸， 牛腩，牛柏葉大大碗，牛肉薄薄地易入口，牛丸，牛柏葉又夠爽口，牛腩煑得好淋Mee...喇沙- 大蝦，蜆肉，蟹柳，魚蛋，豆卜，雞蛋，魷魚大大碗，個湯好濃厚，椰汁味重，不算辣，好喜歡😘值得一提，大蝦十分有份量馬拉盞炒通菜好大碟，味道好夠，不算太辣，好岩呢d唔食嘅我！最特別係呢兩杯Cider Cocktails，好大杯，飲極都未完

去食泰國菜啦！之前試過坑口嗰間Mee..Lemongrass，估唔到喺九龍灣都新開咗一間，所以一於就試試佢！感覺上新開嘅呢一間比坑口嘅大好多，而餐牌就一模一樣。今次點左一份龍蝦喇沙摻摻，蜜汁豬扒菜飯，炸蝦餅，一杯熱柚子檸檬水，芒果冰沙同埋芒果糯米飯。龍蝦喇沙摻摻真係超級大碗，佢比其他嗰幾款喇沙大好多。佢有成隻龍蝦，好足料！龍蝦個味道唔錯，都幾鮮甜，彈牙，唔會有霉霉地嘅感覺！豬扒飯都唔錯！佢個豬扒好腍，整得好入味，甜甜地咁。個炸蝦餅就超級正！新鮮滾熱辣咁炸出嚟，超脆！入面嘅餡彈牙！成日經過lemongrass 都會見到啲人叫士多啤梨冰或者芒果冰，今次試咗後者。芒果味好濃，飲得出係用新鮮芒果打成嘅！下次嚟想試埋佢個士多啤梨冰，應該會好唔錯！

今日同朋友諗住睇戲之前食小小野，咁岩見到有mee...lemongrass 又有得平食泰菜啦🤘🏻🤘🏻🤤 我地點左一份酸辣無骨鳳爪沙津，素菜喇沙同埋軟殼蟹撈檬粉！無骨鳳爪其實好大盤，兩個人食share 剛剛好，佢唔會話太辣，唔太食辣既朋友都可以一試😍佢既喇沙真係好香！好重椰香味超好食，佢個喇沙湯底好濃，我係咁飲啲喇沙湯底因爲佢好香😘軟殼蟹撈檬粉都好正！份量都幾大碗，一個女仔食都未必食得哂阿野飲就點左一杯 cool爆鮮士多啤利冰冰share飲！睇相就見到佢有幾巨型！真係超大杯超抵飲！同埋佢真係重士多啤梨味！甜甜酸酸的😆佢既香芒椰汁糯米飯都值得推介，因為椰汁真係超香！點飯食真係一流，芒果都好新鮮🤘🏻甜品必點！本身諗住食少少野，最後都係變咗食大餐

以前喺九龍灣返工，成日會過嚟 MegaBox 食晏，不過自從公司搬咗之後，都已經有好耐無踏足九龍灣。今日同老公預約咗去中旅續回鄉證，難得過嚟九龍灣，辦完後，決定去「宜家」行下，順便喺商場入面搵食。記得之前 11 樓有間食喇沙嘅舖頭，原來已經執咗，換咗呢間「Mee...lemongrass」，反正入面有位，又唔使排隊，一試無妨。店內地方頗大，環境寬敞，開揚光猛，設計富心思，牆身上掛有色彩繽紛的畫作同裝飾，富東南亞風情。拿起店員送上的餐牌，咦！原來已經到咗下午茶時間，真係快活不知時日過。下午茶以套餐為主，共有 16 款，價錢非常經濟，最平 $48 已經有交易。套餐包咖啡或茶，不過亦可以加錢轉泰國特級營養豆奶或一系列  Mee...特色飲，如果想食埋甜品，仲可以 +$26 配一客香芒椰汁糯米飯。老公第一時間選了招牌無骨海南雞飯 ($62)，而我就揀咗  Mee…喇沙。雞飯套餐用木托盤盛上，份量不少，上面有一小碟中華沙律、湯、油飯、油菜同無骨海南雞。海南雞以新鮮雞製作，雞皮油潤肥美，一咬已食到雞油香。雞肉亦有濃郁雞味，口感嫩滑不韌，油飯色澤微黃，而且粒粒分明，入口香而不膩。附送的青紅蘿蔔湯，味

今日同朋友去megabox溜冰，溜之前決定係度搵下野食～行過見到呢間野入面都幾多人，明明都過左兩點～仲有好多人下。睇落咁旺就決定入去試下啦。門口寫住新張大優惠，好似幾抵咁，不過食lunch黎講太heavy, 都係下次夜晚先黎試下🤗今日都係叫下午市套餐算。友人叫左個mee...叻沙，我就叫左個軟殼蟹撈檬，兩個人share黎食。叻沙個湯底好正好正宗，好香椰漿味，湯底濃郁，但食落又唔會太濟。由於個湯太好飲，我都成碗飲曬🤣。而軟殻蟹撈濛個醬汁都唔錯，酸酸甜甜，食落好開胃。佢既飲品都好特別，我地叫左個泰式豆奶紫米冰，佢一上枱，支野係倒轉上（見圖）。我同友人估話，咁設計其實係唔想d冰溶個陣，溝淡左杯野既味道。另一杯野仲得意，叫魔法梳打，上黎既時候係紫色，落左檸檬汁之後會產生魔法，變成左藍色。😍好得意啊～最後我地仲點左個芒果糯米飯做甜品，糯米飯上枱時仲暖暖地，配埋椰漿食好夾❤️總既黎講，呢間lunch出品唔錯，有機會會黎試下dinner.

今日行過MegaBox想搵嘢食，竟然比我見到呢間我好鍾意食嘅餐廳，本身我個人都好鍾意食海南雞飯嘅，呢一間我上次試過佢令一間分店都好好食，唔知MegaBox間係咪新開嘅呢，所以我都入去試吓下晝3:00鐘嚟食唔算太多人，唔使等位都有位坐個感覺好開心如果論價錢來講呢度啲嘢真係好抵食， $50都唔使就可以食到個T set仲有飲品呢度連隻碗都零舍盞鬼真係好鬼得意但係我今日嘅心情唔想食飯，所以就帶咗個海南雞喇沙，佢嘅海南雞都好嫩滑，喇沙個湯都好好味，再食埋Jim換咗喇沙湯嘅豆泊喇沙個湯都好好味，再食埋沾滿左喇沙湯嘅豆卜不過因為我朋友要食飯，最後都叫咗個芭堤雅蝦醬炒飯，味道幾好，唔似中式嘅蝦醬炒飯咁鹹但係今日最令我驚喜嘅都係呢個咖喱雞連薄餅，雖然佢話係緬甸咖喱但係我真係唔知道緬甸左喺邊度，總之好食就得啦，所以最後嗌多左一份薄餅食完個T set再加$26就可以食埋佢嘅椰汁糯米飯真係好抵，佢嘅椰汁糯米飯整到成舊壽司咁，芒果又好鮮甜，椰汁又唔會太過多，啲嘢整到啱啱好，然後一啖可以食咗半件，真係好似食壽司咁

約了朋友在附近，朋友想去九龍灣MegaBox睇ikea，因為果間店很多樣都睇，於是就去左MegaBox食晚飯，見到一間馬來喇沙海南雞飯專門店，叫做Mee...lemongrass，睇門面都算幾，可以坐好多人，香港人不嬲喜歡吃泰國菜，我最喜歡吃菜，所以叫了馬拉通菜，叫了地道串燒(雞)$62 ，叫了牛骨湯河，有牛肉’、牛丸、牛腩、牛柏葉$62，這個湯或很好飲，好入味，完全飲到牛骨味，而且價錢便宜! 我還叫了手作班蘭絲捲$36，我覺得味道很特別，有班蘭椰絲之餘，而且有一點點肉肉配上! 還叫了炸蝦球，蝦球肉新鮮彈牙，而且脆口，還配甘蔗條，咬下口有點甜味，所以這個可以說必吃的了! 整體而言，九龍灣馬泰國菜馬來喇沙海南雞飯五洗點排隊，上菜都快!

星期5 收工同埋同事一齊揾野食，時間尚早，去左九龍灣mega box揾食，知道有我既mee lemongrass開左喺11 樓，就梗係要捉埋同事陪我去食馬來西亞美食啦！入去前都睇下有無咩優惠，新店優惠有$84 食龍蝦喇沙，同$184食足爆版喇沙！九龍灣呢間店環境同佈置保持一貫馬來西亞風格，牆上有大大塊黑板，畫上各式美食！呢間點空間頗大，相信人多人少嚟到都無問題。而且樓底頗高，空間感十足！暫時係我去過咁多間mee lemongrass最大既分店！餐具擺置都係好有馬來西亞風味既雞碗！呢邊既餐牌除左原來既肉骨茶，喇沙外，仲加入左其他馬來西亞小炒，美食！選擇更多！落單後，飲品好快送到嚟，我就叫左個泰國豆奶紅豆冰，都推介埋我同事飲呢個咁正既飲品，香甜既紅豆配上豆味香濃既泰國豆奶，每次嚟到都非飲不可！我既主菜就叫左肉骨茶配白飯，份量十足，其實細食d ,足夠2 人享用！ 賣相都吸引，散發著淡淡既藥材味！肉骨茶用料仍舊高質，幾條大大條既一字排骨煲得軟稔一咬就離骨，肉骨茶吸晒d藥材味同排骨既味道，成就一個幾重口味既肉骨茶，不過帶點鮮甜既味道，依然容易入口，非常貼近馬來西亞地既味道！而同事就叫左個招牌既海

之前去過呢間餐廳嘅分店，已經覺得好好食。今日睇完戲經過，見到原來MegaBox都有呢間餐廳喎，咁就梗係即刻入去食啦。呢度唔單止裝修靚，啲餐具都好靚。而且個Menu係圖文並茂，令人睇得好舒服。咁我哋就叫左呢個海南雞喇沙湯粉，啲雞唔單止夠晒滑，而且無骨，點埋啲汁食簡直啱啱好啊。同埋個湯粉係面同米粉兩溝，食落口感好特別，個湯底辣辣地夠晒開胃。呢個牛柳粒都好正，平時食泰國嘢好少有牛柳粒。佢時間煮得岩岩好，唔會太硬又唔會太稔，撈飯食一流呀。呢個海鮮炒粉絲都好吸引，一上枱已經聞到好大陣香味。而且夠晒足料，又有魷魚又有蝦。呢杯芒果特飲超級大杯，同朋友兩個人分都飲唔晒呀。而且一試就知係新鮮嘅芒果，飲落唔會太甜又解渴。呢間餐廳真係又平又好食，每一次黎都唔會令我失望呀，下次都會再嚟試吓其他野。

今日放工要去九展，所以放工就直接搭車到九龍灣。未食午餐，就到Megabox食啦！好大又搶眼的餐廳見這邊新開咗一間Mee...lemongrass，之前同姊妹黎無食海南雞，今次竟然咁快有機會地方都幾寬闊又光猛，可能平日下午茶人流唔算多，簡單設計及播放英文歌曲幾舒服的感覺，我坐2人枱的梳化都好好的又唔窄！服務這邊的都幾好，好友善又親切，主動幫忙！👩🏻‍🍳👨🏻‍🍳下午茶都好抵食，有不同喇沙🍜、檬粉、河粉、炒粉、炒飯🍛及不同飯類選擇，抵食下午茶包飲品☕️！更可加錢轉特飲🍹！我點了無骨海南雞飯🐔及熱泰式拉茶☕️！好豐盛又健康的一餐！好吸引喔😍！有特別的醬汁（好香濃野味的酸辣蒜蓉醬汁及豉油）顏色好靚！無骨海南雞🐥：好大件、雞味濃、好滑溜、好香好可口！有配料：青瓜🥒、酸白蘿蔔絲、酸紅蘿蔔絲🥕、車厘茄🍅不是太肥、無骨！配這個醬汁增加香味及野味度！菜心：好爽脆、翠綠又健康！唔會好咸又唔太油！青瓜：好爽脆、清涼！🥒🥒油飯好香，軟硬剛好，好好味道！上面有炸蒜片！餐湯：冬瓜豬肉湯，冬瓜好軟腍、唔咸的、無味精、好清甜脆花生：好爽脆、唔咸的！ 🥜🥜鄰近的客人叫了特飲，好特別又吸引，下次要點這個試試！

夜晚約九點左右到達，依然頗多人，心諗應該唔錯。坐底睇餐牌，幾多選擇，價錢亦幾抵食，最後叫咗一個喇沙一個撈檬，再加一個肉骨茶，同兩杯飲品。食物好大份，味道唔錯，飲品都算抵飲，最後埋單二百幾，頗抵食。重點來了，一坐低就見有張$20coupon喺枱面，滿$150就可用。可能佢哋趕埋數，未食完就遞咗張單嚟要埋單先，冇問題我哋即畀，佢一走開我就記得張coupon，即時衝出去畀佢，見佢哋手上有成曡單，都仲未埋到我哋嗰張，問佢可唔可以用，佢話依家唔得喇 (意指太遲)，我話你哋依家新開做promote，張coupon已經放咗喺枱面畀人用，但問都冇問人有冇coupon，兼人哋冇叫就幫人埋咗張單，但個侍應仲好串話咁你又冇話有，我心諗我有機會話咩？仲食緊已經幫我埋單已經遞咗張單埋嚟！總結食物OK，但服務頗差，應該冇下次！

前排試完德福新開既new lemongrass. 而家先記得寫食評。當日叫左馬來西亞菜入面最大路既喇沙同海南雞試試。喇沙湯有香濃既椰奶香味，食完一啖又一啖，真係停唔到，而海南雞個醬汁更令到隻海南雞升華到更高層次，確實大感驚喜！

第一次去係weekday Lunch去等位,等左40分鐘, d number 都好似冇郁過, 於是放棄, 星期日晏奏再去, 大把位.叫左個比較多料GAR Mee  喇沙,大蝦, 蜆肉, 蟹柳, 魚蛋,豆卜, 雞絲, 雞蛋, ....湯底奶味比較重, 微辣, 幾好味,吾咸,  個豆卜小小脆, 吾錯.湯入面又有我最怕的芽菜, 下次我要佢走芽先好食..