139
12
8
所有分店 (6)
電話號碼
23888284
營業時間
今日營業
11:30 - 22:00
星期一至日
11:30 - 22:00
付款方式
現金
其他資料
加一服務費
食評 (180)
呢晚放工去咗Megabox食飯,商場好大,餐廳亦都多,但無幾多間合心水。朋友提議不如食「Mee...lemongrass」,因為經過見到係坐滿人的,比較有信心保證🙈。我一直都想試呢間餐廳,佢喺好多地方都有分店,但內心又有啲掙扎覺得佢個樣唔多好食咁,今日就可以一試廬山真面目😜。食物選擇都幾多,小食、喇沙、粉麵、飯、炒菜等基本嘢都齊,價錢屬中等水平。可能為咗迎合大眾口味,餐廳特設珍珠奶茶同水果茶嘅飲料,而唔係泰式奶茶或沙冰🤣。我哋叫咗一個主菜、一碟炒菜同一個小食拼盤Share食,好彩只係叫咗一個主菜,如果唔係一定食唔哂,因為份量都多👍!Mee...喇沙($84),喇沙造型唔錯😍,鋪面已經見到有好多配料,包括大蝦、蜆肉、蟹柳、魚蛋、雞蛋、魷魚同豆卜,非常繽紛。麵底係傳統摻摻,即係油麵加米粉,兩樣都好掛湯。湯頭唔錯,香辣得嚟唔會太過火、太辣,幾正😋。不過我哋目測隔離枱叫龍蝦喇沙好似更加不得之了,直頭連個碗都大啲!Mee...小食拼盤($158),樣樣小食都想食,咁叫拼盤就最適合不過,份量對二人嚟講其實都幾多。炸蝦餅同炸春卷各有四個半件,🍤蝦餅係我最鍾意嘅泰式小食,只要炸得夠脆,蝦膠夠彈牙就好食;春卷就啱啱相反,係我至憎嘅小食,唔作點評。另外,拼盤仲有無骨鳳爪、兩隻🐔香茅雞翼同雞牛串燒各一串。味道都幾好,夠味的!馬拉盞炒通菜($68),呢個都好食,幾香口,唔會太重口味,不過就冇話好特別或者好驚艷啦😌!香芒椰汁糯米飯($48),雖然已經好飽,但甜品係放第二個胃㗎嘛。賣相好吸引啵,個碟成隻拖鞋咁,好搞笑。芒果糯米飯個樣有啲似壽司,芒果係刺身咁😛,自己再淋椰汁🥥。芒果好甜,好好食,不過真係食唔哂大嚿飯。凍鮮果四季春茶($34),味道正正常常啦,唔太甜,亦都食到生果粒🍎,但略嫌飲品貴咗啲。總括嚟講,我哋都估唔到餐廳嘅東南亞菜超乎預期中好食,價錢又合理,值得推介。環境大,坐得舒服,即係可以唔洗等登去九龍城都食到美味東南亞菜🇹🇭! 繼續閱讀
(以上食評乃用戶個人意見 , 並不代表OpenRice之觀點。)
MegaBox實在太多唔同嘅食肆,我之前行過呢間餐廳門口好幾次,見到佢個招牌有大大碗龍蝦喇沙,一直都好想試,今日終於嚟咗Mee...Lemongrass試吓佢嘅喇沙。餐牌好多菜式都係圖文並茂,非常清晰。首先必食嘅當然係佢嘅原隻龍蝦喇沙,平時喺出面食一碗喇沙動輒都要起碼$60-$70,但呢度只係$88,就有埋原隻龍蝦,真係平過自己煮啦!大碗麵上放上一隻大龍蝦,簡直無得輸!不過要讚賞嘅唔止係隻龍蝦,而係佢嘅喇沙湯底真係好香甜,而且佢嘅麵底係用上油麵同米粉,唔係間間餐廳做嘅喇沙都會咁正宗用上混合麵底,所以我諗唔到有咩理由唔食呢一個龍蝦喇沙。原隻龍蝦肉質超彈牙!🦞🦞🦞蔗蝦係越南菜中其中一道較著名的菜式,所以我就點了蔗蝦,蔗蝦總共有三件,而且仲配搭埋越南另一菜式濱海,蔗蝦嘅蝦肉爽口彈牙,帶點蔗汁嘅清香,非常惹味!泰式蠔餅主要就係用蛋包住蠔仔半煎炸,再加入蔥花、芽菜等一齊食。每次食泰國菜,我一定要食芒果糯米飯,呢度嘅芒果糯米飯隻碟好得意,係一隻拖鞋型嘅器皿,芒果糯米飯有四小件,另外再有芒果粒同埋有一兜椰汁,我覺得呢度嘅芒果糯米飯嘅特別之處就係佢上面會灑上花生碎,所以食起嚟特別香口。餐廳仲有自家製類似台式嘅飲料,我就叫咗芝士奶蓋茉莉茶,茶底清香,奶蓋味濃,真係非常之好嘅配搭。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-13
773 瀏覽
來到MEGA BOX行完街都想食埋野先回家,之後就找到一間東南亞菜 - Mee...lemongrass。餐廳環境光猛,位與位有一定距離,都坐得相當舒適。看到這Poster都即時想食番碗喇沙湯麵。再看看menu 內都有不少種類選擇:喇沙湯麵、豬扒飯、串燒等等。軟殼蟹米紙卷 - $72以薄薄一層紙米卷包著牛油果、軟殼蟹、三色椒、芒果和新鮮蔬菜,真的非常足料。真的不用蘸醬汁已很美味,吃起來清新又醒胃。馬來蜜汁炭燒厚切豬扒 - $76厚切豬扒非常大塊,份量十足。入口滿佈了香甜的蜜味,肉質軟腍彈牙,食到停唔到口。Mee ...喇沙 - $84當然要先試一下喇沙湯底,椰香味濃郁,香甜而惹味。麵底是用了滲滲(油麵/米粉) ,吃起來特別煙韌、又有口感;而且Mee ...喇沙內有鮮蝦、蜆肉、蟹柳、魷魚圈、魚蛋、豆卜、雞蛋相當豐富。鮮蝦更是彈牙爽口,不知不覺就被我吃完整碗了。 繼續閱讀
(以上食評乃用戶個人意見 , 並不代表OpenRice之觀點。)
今日嚟MegaBox 行街🛍行到肚餓見到呢到開咗Mee…Lemongrass😻上次係馬鞍山食過好好食,今日一於再去食😋餐廳位於11樓,一出𨋢就見到勁易搵😻上次食過呢個小食拼盤勁好食又可以做善事,今次當然要再叫啦😋拼盤種類共有五種😍分別有無骨鳳爪、串燒、春卷、蝦餅、雞翼😋無骨鳳爪酸甜適中食到好開胃😋春卷炸到甘香鬆脆,入面仲超級多餡料😻🦐蝦餅非常彈牙,非常鮮味👍🏻雞翼炸到香脆可口,入面仲超級Juice🤤串燒一串係牛肉🐮一串係雞肉🐔2款串燒醃得好入味,配埋沙嗲醬食非常惹味😋我哋仲叫咗大蝦炒金邊粉,金邊粉份量超級大碟,仲有2隻大蝦🦐金邊粉炒得好乾身,配菜都好多,非常好食😋另外我哋仲叫咗龍蝦喇沙,超級抵食大大隻龍蝦嘅莎莎都係88蚊碗,喇沙入面有兩種粉面😍分別係幼身米粉和油麵👍🏻十分正宗👍🏻湯底非常濃味,仲有雞蛋,豆卜,芽菜等配菜,真心推介比大家👍🏻🦞龍蝦勁大隻仲勁多膏,龍蝦肉鮮甜彈牙,非常新鮮🦞88蚊淨係食龍蝦都抵🤣餐廳環境以園林景觀設計🌴感覺如置身於園林之中🌳好舒服🥰因為疫情關係餐廳用白色膠板分隔開,入座客人都必需要量體溫🤒️餐廳也為客人準備了酒精搓手液,非常細心👍🏻餐廳食物的性價比超高👍🏻仲可以做慈善💞非常有心👍🏻食物份量都好多😋非常推薦比大家🥰 繼續閱讀
(以上食評乃用戶個人意見 , 並不代表OpenRice之觀點。)
自從喺將軍澳食過呢一間Mee lemongrass嘅分店之後,成日念念不忘好想再食,好掛住佢哋嘅喇沙麵。但係將軍澳對我來講太遠啦,但俾我發現原來MegaBox九龍灣都有一間分店啊!太好啦!可以同男朋友過嚟睇傢俬之餘,就可以過嚟嘆埋我哋嘅晚餐啦😍疫情仲未完全過去,餐廳嘅安全措施都做得好足。每人入去之前都要量體溫同擦酒精,店舖環境亦非常企理乾淨。我哋今次兩個人,太為食,忍唔住叫咗四樣嘢。我哋異口同聲都話一定要叫喇沙,同埋嗰個青芒果汁鱸魚✨蜜汁厚切豬扒一定走唔甩啦!我哋好欣賞呢一間店嘅豬扒,做得好好食好厚身,而且蜜糖味好香,外層香脆肉質鬆軟。喇沙嘅湯底每次都好想飲晒啲湯,但係忍住左怕太肥啦,因為佢嘅湯底真係做得好好食😱超級濃郁!真係會好想飲晒佢🥺主菜之外,我哋都好鍾意嗌呢個咖喱薯仔蔬菜。份量好夠而且有好多唔同款嘅蔬菜。最鍾意佢有大大嚿嘅薯仔!呢度嘅串燒第一次食,味道正常,配上沙嗲醬好好食,燒得唔會太燶,啱啱好。但係有幾舊麵包我用左黎點薯仔蔬菜嘅咖喱汁😂最後就係隆重登場嘅青芒果汁鱸魚啦!賣相超好而且真係好好食㗎!佢嘅魚皮炸到好香脆,配埋一絲一絲嘅好軟熟嘅芒果絲,兩樣口感加埋好有層次。仲襯埋佢嘅秘製青芒果汁,減去本身炸魚嘅油膩感。一如既往的好。真係好鍾意呢間餐廳,一定會再嚟食!今次冇食到甜品,下次想試吓佢哋個芒果糯米飯。 繼續閱讀
(以上食評乃用戶個人意見 , 並不代表OpenRice之觀點。)