Mad for Garlic (已結業)

兩個月前嚟過只食甜品，今次同兩位朋友再嚟就主力正餐，我哋先叫三杯酒🍺🍸🍻Garlic Margarita ，飲唔出有蒜味Hite Draft，無乜啤酒可選擇，我個friend 明知淡口味都要啤一啤我就揀左R4 Korean Craft，支裝韓國用米做嘅啤酒，幾特別，個人口感有小小藥材味食物方面，先嚟Garlic Cream Mussels 蒜香忌廉汁煮鮮活藍青口配法包片，一上枱就有黑色大兜放滿忌廉青口，白色大兜就預備左三張濕紙巾俾我哋抹手，及放青口殼，想得周到，抵讚，青口新鮮，忌廉汁帶有蒜香味，但不太濃，不會蓋過青口嘅鮮味，食到最後用法包片粘忌廉汁一流Triple Garlic Seafood Pasta 香辣三重蒜味海鮮意粉，有青口、蝦及BB八爪魚，食得辣嘅朋友，我極之推介呢碟意粉，同佢個名一樣又香又辣，可能味道濃郁，我食唔出有邊三重蒜味Dancing Salsa Rice with Beef，熱板澳洲牛肉炒韓國牛油飯，配太陽蛋及蕃茄莎莎，個肉好香牛味，餐牌上寫明有100克澳洲牛肉，我見份量都好足，飯就似炒散哂嘅飯焦最後我向D.I.Y. Tiramisu 及8” Vanilla Ic

見到朋友FB post 介紹mad for garlic 值得一試，早就想同男朋友去不過CWB book 唔到枱，所以放棄。情人節前夕男朋友帶我去奧海城提前慶祝，原來這裡開了分店唔講唔知原來是韓國人開的意大利餐廳🍴餐廳地方很大，裝修裝潢像個歐陸風的酒窖，歐陸式卡位，中間玻璃櫃擺放著很多不同的酒，顯得更貴氣豪氣Garlicpeno Pasta$108招牌蒜片墨西哥辣椒炒意粉，賣相沒有花枝招展，只有鋪滿炸蒜片的意粉，我們把蒜片與意粉拌勻，意粉乾爽軟硬適中，蒜片香脆之外，多食也沒有苦澀味，與微辣的意粉更增口感層次 ，個人很喜歡Porterhouse steak -Tbone$398五成熟嘅扒份量十足，牛扒香濃充滿肉汁，有入口溶化感覺，配濃郁烤蒜粒，炸香非常惹味，意大利麵糰煙靭，囗感特別，略嫌不夠喉Cinderella$45一款無酒精夢幻名字的雞尾酒，由果汁和蘇打水調配出兩種搶眼顏色，下面是橙紅色，上面是淺橙色，灰姑娘淡而縹緲除了甜甜酸酸開胃同時帶出了些神秘的意味。

上個星期同女朋友去奧海城睇戲，睇戲之前梗係要醫左個肚先，經過餐廳見到裝修同埋環境都幾好於是就睇吓有咩食，原來佢係韓式嘅西餐，我同女朋友覺得幾特別於是入去試吓，佢嘅下午茶都唔貴不過我哋去嘅時候佢啱啱完咗我哋叫咗個招牌嘅意大利薄餅，裏面有蝦、有菠蘿、有炸蒜片仲有好香濃嘅芝士，點解會有蒜片呢？原來呢間餐廳主打特色就係蒜芝士多到可以拉撕，估唔到加左炸蒜喺入面個味道都可以好夾，而且個Pizza邊邊好香脆入邊好軟熟好好食烤澳洲牛柳配蒜香芝士忌廉汁，忌廉汁偏鹹配牛柳入面香蒜，甜甜地好好食啱啱好中和返牛柳七成熟啱啱好嘢飲都好好飲好有特色，熱帶果茶入面有好多生果㗎呢間餐廳真係好食，連我平時唔係甘鍾意食蒜，食咗咁多蒜個口都好似冇乜蒜味咁

絶對喺比啲garlic吸引住，個好多garlic嘅薄餅絕對夠吸引，有原粒garlic丶切成薄片嘅garlic、同埋garlic蓉，炸到脆卜卜再鋪上個薄餅上面，再撈埋啲蝦喺裡頭，見到已經好想即刻食，點知原來未食得住，跟著個侍應就攞左件芝士出嚟，喺大家面前即席刨啲芝士碎好似落雪咁鋪喺個薄餅上面，之後終於可以放入口食，點知又有新驚喜，個薄餅原來咸中有少少甜，食落去都幾好味，同埋個餅底夠薄夠脆邊，真喺好吸引。

年三十晚對於我們無飯家庭黎講，最好就係出街食飯團年又唔駛洗碗，今次揀奧海城嘅mad for garlic, 除左想嚐試唔同以蒜炮製嘅美食外，就係想取其意思(有得算(蒜)，就係有錢數)，希望新一年賺多啲，揾多啲花menu嘅首頁已經好吸睛，成盆花咁好靚令我留底個深刻印象。而我們點左有garlic tower,同普通蒜蓉包最唔同就係成look包企喺碟中央，再由職員將重份量蒜蓉塞入包內，再將他切件，外脆內軟嘅包，加上濃濃嘅蒜香係好好食。接落黎係caesar salad廚師喺入面加左焗烤南瓜同脆芝士，所以口感上明顯多咗層次感。秘製豬腩肉韓式風味醬，食嘅時候配上牛油餡角，又有另類風味，但個人應為有點過火，肉身偏乾，缺乏肉汁。garlic snowing pizza 主要材料有蝦，香脆蒜片，菠蘿同滿滿，滿滿嘅拉絲芝士，蒜味雖然略重，但批底夠脆，芝士夠多，所以好最後就係熱板烤招牌肉眼扒配蒜頭山，7成熟，掌握得岩岩好,除左蒜香仲多咗菇香，不過不失。

呢個晚上約左個朋友，佢超級鍾意食蒜頭，就推介話不如一齊去試下呢間餐廳，咁我個人都唔抗拒蒜頭，所以就決定一齊去試下，呢間Mad for Garlic就係奧海城入面，都近地鐵站，放工過去半個鍾都唔洗。餐廳環境:餐廳內裡環境好舒服，好有style既裝修，令人有種relax同放心既感覺，不得不講餐廳裝修真係幾靚，唔講真係會覺得去左D好高級既餐廳，仲會派d有style既歌，幾正，真心適合佳節去食。餐廳餐牌:餐牌內食物種類都算多，有分前菜、主菜、甜品、飲品等等，其實好多都想食，但無奈只得兩個人，叫唔到太多，下次一定要帶屋企黎試。(圖片為個人認為較吸引的頁面)Garlic Bread Tomato Salsa ($68)前菜叫左個開胃d既Salsa，我個人係非常鍾意呢個Salsa，首先佢會比一碗超級多既蒜頭粒你，再比個tool你自己整碎，再伴個蒜蓉包，開頭覺得好普通，但食落口真係好好味，d蒜頭凍凍地，味道唔重，伴埋熱辣辣既包真係必食推介！Garlic Steak ($268)呢款steak真係配埋大量炸蒜，味道算幾重，個人覺得蒜頭有D多，但我配左牛之後真係好好味，我朋友話佢未食過咁好食既蒜牛哈哈哈哈

同鍾意食辣既家姐出門食飯，好多時都係去譚仔就算今次為慶祝生日，就搵左間幾有特色，以蒜頭作主打既西餐廳裝潢好高級，生日黎影相呃like一啲都唔失禮先黎個小食--蒜頭蕃茄白酒汁炒八爪魚蒜頭、白酒提升左小食既白味，除左主角八瓜魚，仲有蜆，兩者份量都好足，亦口感彈牙，感覺幾抵食最重要係個醬好惹味，蕃茄甜酸度唔會好高，岩岩好令蒜味唔會好重，留返蒜香，配搭得好好BBQ Chicken Ranch Pizza烤雞胸、火箭菜、辣燒烤醬意大利薄餅餅底同相像中既唔同，同荷蘭薄餅有啲似，薄薄的，分別在於呢款係脆既，料都唔只薄薄一層，相對有口感同小食一樣，靈魂都係係醬汁到，帶辣帶香既燒烤醬提起味蕾，以雞胸肉黎講，都算嫩，配上火箭菜既草青味，中和醬汁，又係神來之筆Garlicpeno Pasta招牌蒜片墨西哥辣椒炒意粉鍾愛辣味既朋友千奇唔好錯過，一向偏愛中式辣味既我，今次都覺得十分之好食內地既辣係色香味俱全，西餐經常食到既辣味比較單調但呢碟炒意粉，辣得黎有層次同香氣，真係超正8 Vanilla Ice Cream on Sweet Pizza蒜頭香蕉朱古力醬薄餅配自家製雲呢拿雪糕 為左解辣，無辦法之下，我只好叫

對於香料，我一向都冇太大喜好，可能我唔係一個重口味既人。（哈哈）但朋友卻鍾情蒜頭，為左陪佢過呢個生日，我就豁左出去！環境算幾幽靜，每一枱都有寬闊既空位，傾計都不怕比人聽到。桌上既擺碟也很簡單，不造作。成個感覺好舒服。「獨當一面」呢個SSAM我估係呢間餐廳既賣點，SSAM係類似餡餅咁。但佢中間係空心既，切開左之後可以用黎夾格離既肉。配SSAM既肉煎得岩岩好，切開肉中間仲係呈粉紅色，而且唔難切。咬落好保留到肉汁，冇筋之餘仲係好軟，好易入口。配埋SSAM一齊食係絕配！SSAM可以吸收醬汁既味，再補充埋鬆軟香糯既口感，配肉真係岩哂！「翻天覆地」另外仲點左份甜品——提拉米蘇（蒜頭版）自問自己都算係一個幾愛食甜品既人，亦都好願意試新野。呢款提拉米蘇可以話係衝撃到我既味蕾，忌廉芝士再配埋蒜頭真係一個新嘗試，芝士杯內裡仲食到粒粒堅果碎，可以話係顛覆左我對提拉米蘇既感覺。因為一向提拉米蘇既賣點都係走細滑路線，配上淡味芝士。今次既感覺好難忘！仲有值得一讚既就係，提拉米蘇係半製成品咁呈現係客人面前，要自己用手指餅蘸咖啡汁液，再加一匙芝士層入口，所有既比例都可按個人口果調節，感覺好新鮮，呢款甜品真係好震憾！最

<韓國特色既意大利菜>👍🏻😁#fafafoodblog大角咀呢晚mad for garlic之前已經食過佢cwb店 韓國人開既意大利餐廳 除左同韓菜有fusion外 每一樣野食都係同蒜頭有關 鍾意食蒜頭既朋友必試！ 👍🏻😁🍴辣免治牛肉 墨西哥脆片 自家製莎莎醬 意大利薄餅 158 蚊🐮🍕帶有少少辣度既pizza 🌶 感覺就好似用左墨西哥脆片nachos放左落pizza度 有紅青椒 煙靱既牛肉碎🐂沙律醬等 pizza皮薄用同香脆，帶有點蒜頭香 十分惹味😁👍🏻 點埋juicy既自製sasa醬 增加清新度都唔錯🍅🥛Garlic plus 🥛Fresh milk garlic juice mint syrup熱飲 48 蚊好特別既特飲 用左熱鮮奶加上薄荷糖漿 估唔到加上蒜頭汁味道幾match 😁 而且 加上醃過既蒜同薄荷葉外表都夠哂美觀🌿夠香同特別🍴熱板醃漬蒜頭 煙肉 及飛點籽炒韓國牛油飯 138 蚊 🐖🍚鐵板上既牛油飯 飯身好香比較軟身 加上葱花沙律醬 洋葱 青紅椒一齊炒 辣辣地好香好惹味🌶 最正係有薄身既肥豬肉 夠哂juicy同香🐖 仲有好多充滿口感既魚子🐟而且鐵板食k

今日無啦啦被派大角咀做嘢，放工後即興同同事去咗澳海城搵吓食，發現原來開咗Mad for Garlic，好，決定重拾吓喺銅鑼灣分店食過嘅蒜味蒜蓉包塔同之前食過嘅一樣，法包外脆內軟，加上大量食完個口都唔會勁臭嘅蒜蓉，真係好開胃呢個招牌肉眼扒配蒜蓉山係我嚟Mad for Garlic幾次都必食嘅，面頭鋪滿蒜片同蒜蓉，真係勁惹味但好可惜今次塊扒比較失水準，唔熱，只係暖之餘，仲要牛味欠奉。希望只係一時失手啦另外仲試咗呢個新菜，蒜香扒石斑配香煎帶子石班嫩滑，帶子鮮甜，兩樣都煎得啱啱好唔會鞋或者硬。而旁邊嘅蒜味醬係畫龍點睛，點咗佢，海鮮味道更加出最後食返個蒜頭甜品。蒜頭雜莓奶凍嘅奶味好香，亦好滑溜，加上啲莓醬同鮮雜莓，即使食飽後食都唔會覺得話好漏。

情人節前兩日同男朋友預早去慶祝，佢揀左呢間韓國餐廳！雖然話係韓國，但係同平時食嘅韓國傳統菜唔一樣！似係新派韓國fusion菜咁，主打蒜！真係估唔到原來蒜都可以整甜品，仲要好好食！環境都幾高級，我同男朋友坐係包廂入面咁我哋叫咗兩款主菜，一款甜品鍾意食辣嘅朋友一定要點呢個香辣三重蒜味海鮮意粉！超好味！辣得過癮多汁唔乾身，超多海鮮啊又有青口、蝦、八爪魚八爪魚大大粒好爽口秘制豬腩肉配牛油餡角呢個真係估佢唔到，原來佢係一個好似牛角咁嘅形狀嘅包，中間係空心嘅，可以放啲五花肉、蒜片、酸忌廉同埋佢嘅醬汁，層次豐富。而且五花肉份量好多食完個包都仲有一大塊。好稔好好味呀！個包都幾大個，其實似係薄餅質感食完好滿足！！蒜頭香蕉朱古力醬薄餅甜品係Pizza，蒜片係甜的，有好多香蕉，仲有香草雲呢拿雪糕，加埋焦糖漿。呢個組合又幾夾wo! 個皮煙煙韌韌我地點左一杯特飲：floating ice balc 好多水果造的波波，真係冰嘅口感！！幾好

第ㄧ次來,可能初二關係,所以餐廳冇乜人,點了牛柳加白汁龍蝦意粉,味道十分不錯上菜速度亦很快,價錢和樓下的outback差不多,但到最後結帳時叫了很多次都沒有人來,可能開始多客人了

我同女朋友一向好鍾意關於蒜既菜式，我哋瘋狂到覺得所有菜式加左蒜都會更加好味。聖誕去韓國旅行嗰時，見到一間叫mad for garlic嘅餐廳，可惜嗰日係旅行最後一日，我哋唔夠錢又冇時間去食。直到最近發覺原來香港都有mad for garlic，所以今日就嚟咗位於奧海城嘅mad for garlic！我哋六點左右就入座，要早啲入座如果唔係七點左右就full晒。蒜味之旅正式出發！第一站係蒜香忌廉汁蟹肉及龍蝦肉意粉。在一般餐廳叫蟹肉意粉或龍蝦意粉，佢哋嘅蟹肉同龍蝦分量係非常小，但今次蟹肉同龍蝦肉係覆蓋晒成個意粉底，而且蟹肉龍蝦肉非常鮮甜，配creamy嘅白汁更出色。雖然蒜味唔突出，但過重嘅蒜味可能令菜式失去平衡，所以我認為呢嗰菜式做得非常好味！第二站係蒜蓉包塔。平時見到嘅蒜蓉包係一片片或者圓形，但今次mad for garlic 蒜蓉包嘅presentation係長方形。上菜嗰時蒜蓉包塔上面蒜粉。侍應會將孫粉塞入蒜蓉包㙮入面，然後好細心咁幫我地切開四份。蒜味非常強烈，蒜蓉包外脆內軟，加上微辣既蒜味，令人難以抗拒！第三站亦都係最後一道菜式係五成熟garlic steak。餐廳有分三種garli

香蒜焗法包伴蕃茄莎莎~佢個配料好特別，熟咗嘅garlic加新鮮蕃茄碎，畀支棍你盅難啲料擺上鋪滿芝士焗出嚟嘅軟法包，新配搭好新鮮!個軟法包上面加咗厚厚嘅、溶咗嘅芝士，就咁食都好好味 焗酥皮肉丸配香草忌廉汁及醃蒜頭~個肉丸用酥皮包住，即刻焗出嚟，今次呢個配料係用醋浸嘅生蒜。肉丸用酥皮焗都好肥，比較多油， 但廚師好醒目，用咗浸過醋嘅生蒜，令到食客個胃口返返嚟秘製豬腩肉配牛油餡角及韓式風味醬~個牛油餡角係硬嘅，切開一半中間空心，可以放啲豬腩肉同埋配菜入去餡角，咁樣食感覺冇咁濟。熱板澳洲牛肉炒韓國牛油飯配太陽蛋及蕃茄莎莎~呢個澳洲牛肉冇得輸，炒飯加個太陽蛋，仲有最精彩嘅係隔離一堆輕辣嘅青椒碎，加入飯裏面食，感覺好好! 鐵板上，熱辣辣，冬天最啱食到最後已經好飽，兩個人share咗個雪糕，雪糕上面放醃製咗嘅蒜頭同埋莓醬，都幾特別!

聽個名都知主打蒜頭嘢，鍾意蒜頭嘅人就要嚟試呀，餐牌內好多嘢食都有蒜頭成份，例如扒或意粉跟原個蒜頭，招牌蒜頭炒飯/意粉，連甜Pizza 都有蒜頭！1. 香辣三重蒜味海鮮意粉 $148 - 見餐牌有2隻辣椒🌶️，話可以揀辣度，本想叫少辣，但落單時話減咗辣會唔同味，無咁足特式嘅味，咁我叫番原味，但食落都幾辣下，唔係好食得辣嘅記住要減辣 (平時我食譚仔的小辣或中辣嘅) 。個醬汁辣得嚟都甜甜地，似韓辣醬再加辣椒乾再炒咁，碟中都見幾大隻辣椒乾，海鮮方面有新鮮蝦，青口同魷魚2. 秘製豬腩肉，配牛油餡角及韓式風味醬 $158 - 肉同餡角係分開上嘅，所以可先就咁食豬腩肉，再放入餡角度食，雙重食法！豬腩3舊中有2舊係比較肥，有一半係肥肉，開頭都擔心食唔到，但佢煎煮得幾淋，幾香，唔會有羶味，肉質唔鞋，就咁食都可以，放入餡角加埋醬汁更加正，有2個醬汁，一個係秘製醬汁，一個係mayo底，2隻加埋晒入餡角就very good，呀，佢仲有一兜炸蒜片，就咁食或加入餡角食都不錯呀3. 8吋蒜頭香蕉朱古力醬薄餅 配自家製呍呢拿雪糕$88- 一開頭我見到個名就覺得好怪，蒜頭加香蕉，仲要係甜食！！都諗了又諗，最後覺得既然放得