Mad for Garlic (已結業)

今日終於可以放鬆一下，所以去了奧運站搵食，地點好方便係正地鐵站。由於之前係時代廣場食過Mad for Garlic，覺得幾好味。所以路過呢間餐廳就二話不說入去，坐低就快快點餐。                      凱撒沙律伴焗烤南瓜及脆芝士  -  有別於平時餐廳會切開一小塊羅馬生菜，呢度就只對切開一半，再放上大大量的蒜片同芝士是。蒜片香脆可口，菜的切法食落非常方便，特別的凱撒沙律。藍芝士蜜糖意大利薄餅 - 香濃郁的藍芝士配上蜜糖，味道不錯，加上薄餅底香脆可口，一定要趁熱食啊。Cappuccino - 再簡單來杯Cappuccino，好好享受這休閒的一餐。

Just realised mad for garlic is a Korean restaurant !!! But the fitting out is not like Korean actually. It’s quite good feel !I ordered a pork belly tonite .It’s not bad , but the texture was a bit too soft . The sauces of it and the crispy garlic are so good tast ! Will come there again !

之前曾到過銅鑼灣Time Square的Mad for Garlic, 這天又來到奧海城分店。 Early dinner時間，還未有什麼客人。 餐牌上都是以蒜為主題的菜式。 Sun-gria Red $68紅酒配上香甜的水果，既簡單，又好喝。 凱撒沙律 伴焗烤南瓜及脆芝士 $128 羅馬生菜上面的大量蒜片及芝士是一大亮點，蒜片香脆可口，令平凡的凱撒沙律添上特色。 地中海式雜香草蒜素炒意粉 $108 烘乾的羽衣甘藍清爽香口，配搭蒜片及意粉，味道非常配合，大愛! 藍芝士、蜜糖意大利薄餅 $158薄餅香脆可口，味道獨特的藍芝士配上香甜的蜜糖，兩者非常配合，趁熱吃更為美味！ 蒜頭香蕉朱古力醬薄餅 配自家製雲呢嗱雪糕 $88 煙韌的批薩批底，配上香甜美味的香蕉、朱古力醬、甜蒜片及雪糕，頗為特別的甜點。 Cappuccino $42最後來杯Cappuccino，飽足的－餐。

Mad for Garlic 喺奧海城都開左一段時間，今日終於搵到重口味之士同我去試😛Garlic Bread Tower首先黎個starter，睇到個名咁強勢即刻要試😎黎到同我想像中好唔同，我想像中會好似出邊餐廳食既garlic bread咁，將garlic放面頭去烤，冇諗過佢黎到係一條包打直放😳😳Staff幫我地塞大量蒜入包，再按人頭分同切埋。食落就好多生蒜茸咁，對我黎講麻麻地，都係鍾意出面食既個種garlic bread 多啲…但蒜茸愛好者應該覺得好正😂Garlic Snowing PizzaPizza餅底係薄脆個種，上面有蝦、菠蘿同脆蒜片，上枱時再由staff落大量cheese，有菠蘿清一清，食落唔會太重口味，加埋cheese係幾正👍🏻香辣三重蒜味海鮮意粉哩個意粉有青口、八爪魚同蝦做配料，因為朋友唔食得好辣，所以揀左唔辣。味道好香，食落帶韓式甜醬味，但就食唔出三重蒜味，唔知係咪甜醬味遮左，我覺得揀辣會更加好食！😫😫Garlic sizzling rice我最鍾意哩個飯，炒得好香口，飯夠乾身唔會”笠”，面頭有紅椒同青椒，辣辣地夠入味。另外佢俾左一兜蒜片我地自由添加，我地諗都唔諗就

👁‍🗨 蒜香忌廉汁蟹肉及龍蝦肉意粉 (7.5/10)💲168好多人都推介呢個蒜香忌廉汁蟹肉及龍蝦肉意粉，食完就知道點解咁多人都話呢個意粉好味🙃因為佢個忌廉汁真係夠哂香濃，雖然整得比較稀身同埋成碟粉其實冇咩蒜味，但係成個忌廉汁既果陣味絕對會令人食完想再食🙈至於龍蝦肉都至少有三四舊，每一舊都係啖啖肉，不過蟹肉相對比較少😋👁‍🗨熱板烤MFG招牌肉眼扒配蒜頭山 (7.5/10)💲288叫左個七成熟美國肉眼扒，切開既時候入面仲有粉嫩既粉紅色🙃雖然係七成，但係都保持倒肉汁，一啲都吾韌，而且牛味頗香，食到中間仲有少少入口即溶既肥膏，簡直係香上加香🙃肉眼扒面頭鋪滿左一大堆脆脆地既炸蒜片，蒜味十足😈扒既底下仲有洋蔥圈，磨菇同埋少少既蒜頭👁‍🗨MFG招牌蒜蓉包塔 (7/10)💲48前兩樣都吾夠蒜，呢個蒜蓉包塔真係夠蒜啦🤡上到枱個蒜蓉包真係整成塔狀架，面頭鋪滿哂橙橙地色既蒜蓉，但係手機趕吾切食先，就比職員快速咁將啲蒜蓉壓入包中間，切開佢😭可以一讚既係個蒜蓉包焗得非常脆身之餘仲係微熱既🙃不過因爲係人手搽勻啲蒜蓉既關係，所以包上面既蒜蓉吾夠均勻，食到某啲位會蒜到有點兒接受不了😳😂👁‍🗨自家蒜頭雜莓奶凍(6.5/

又係我大食妹帶大家食好野時間，今次帶大家到位於奧海城一間專食蒜頭菜好出名既西餐廳，一食佢地出名既菜式。澳洲M9和牛西冷：用上正宗澳洲M9和牛，入口不但肉汁多，而且肉質紋滑，師父用大火將牛扒4邊肉汁鎖死，所以令到肉汁保留係牛扒內，加上用上大量蒜片，所以牛扒會有大大陣蒜香味，加上底下洋蔥，食落非常清新田園氣息。蒜頭香蕉朱古力醬薄餅：用上印度薄餅皮，口應非常有咬口，加上將蒜頭用上糖水浸過，所以入唔會太重蒜味，加上朱古力醬甜甜，所以會有一種新的口感。加上香蕉用上新鮮，唔會食落會有苦的味道。今次，我大食妹俾4個大食指數，因為這裡食物不但新式，而且用料新鮮，食材高質，價錢合理，絕對係喜歡食蒜頭既朋友必食之地。

星期二晚上約了很久沒見面的朋友希望選一家較高級的餐廳希望靜靜的聊天而且剛好我們都是頗喜歡吃蒜的人看到這家的名字和環境就決定了！！我們叫了四款 一款甜點第一道是墨西哥辣椒的意粉！
MFG 招牌蒜片黑西哥辣椒銀魚柳炒意粉喜歡吃辣的朋友！！十分推薦！！平常吃西餐都沒辦法吃到辣這裡居然吃到墨西哥辣椒的菜！而且味道真的不是一般的辣！加上這家店的招牌蒜片 和意粉非常撘配這個： ⭐⭐⭐⭐ (推薦）第二道是Garlic Steak 招牌肉眼扒配蒜頭山我們只叫了四成熟跟朋友也不太喜歡吃太熟的剛好這個非常淋身 肉質非常好也是與蒜片配撘得剛好！二百多元 是與質量相稱的價格這個： ⭐⭐⭐⭐第三道是 熱板澳洲牛肉炒韓國牛油飯 配太陽蛋及蕃茄莎莎牛肉可能是因為吃過了前一道菜 沒有覺得很特別但蛋漿是精粹！牛油味也很重！
店員還主動幫我們拌勻！加分！這個： ⭐⭐⭐飲品
Sun-gria White by Jar這個飲品料很足但是味道對於我來說還好不算太出色但也不是失色 可是因為自己不太能喝酒但以酒精飲品來說份量適合和3-4位朋友一起分享但對我們兩人就有點多甜點 蒜頭香蕉朱古力醬薄餅 配自家製雲呢拿雪糕 這個甜點是精選

同Hubby去商場一邊行街一邊找地方食晚飯，周圍都開始多人，最後見呢間少人D，而且我一直都想試呢間，終於等左大概20分鐘就有位。是晚叫四種食物，全部都唔錯：Seafood salad: 蔬菜比預期少，反而好多海鮮，個汁好特別好味道Garlic Cream Mussels: 個汁好好味，若果青口轉為藍貝，相信更好味Garlic Snowing Pizza: 簡單餡料有菠蘿丶蝦肉及芝士，雖然蝦肉冇味，但菠蘿及芝士配搭得很好，一點也唔膩Panna Cotta: 入會送嘅，絕對唔係送就冇好嘢，唔太甜、又滑又香，要比錢都會叫等位時仲見到有線電視主持人陳小Mark

原先係去地下果間食扒既,但係去到要排8張枱,等了ㄧ會醒起樓上這ㄧ間都有扒食,之前已經食過ㄧ次,味道不錯的,担心又要排隊,所以急急腳上去,去到發現還有很多位置,可能地下果間開了不久,,所以那麽多人排隊。今次就點了ㄧ個名好似叫蒜片西冷牛扒(唔知有冇記錯個名)另外ㄧ個雪魚扁意粉,在等候上菜其間,人客開始多了,好在入得黎快,唔係又要排隊了兩個菜式味道十分不錯同樣都係西冷牛扒,食落覺得好食過地下果間扒店,但地下果間份量又大D,各有千秋,會再來的

忌廉汁蟹肉及龍蝦肉意粉白雪雪的賣相，沒有色彩斑爛的點綴，外表的平凡卻掩蓋不了超凡的味道。忌廉汁是新鮮而幼滑，入口時輕輕黏著口腔，質感豐厚； 由於蟹肉已拆成絲混和於意粉當中，加上龍蝦汁的鮮甜，那種自然的海鮮精華全然在意粉的醬汁內顯現，這樣的味道絕對是真材實料，不是一般的平價西餐廳可比。龍蝦肉約有四、五小塊，按價錢來說，亦算合理，龍蝦肉本身爽口略帶甜美。幸好蒜味不算太突出而有喧賓奪主。海鮮沙律配黑醋汁朋友堅持要點的沙律，個人認為海鮮沙律不論是冷是熱，要做得好吃實在難度甚高。本來打算沒有期望便沒有失望，但上菜時看到海鮮份量十足，連殻青口也有6隻之多，更驚喜的是青口肉只是煮得半熟，帶點微暖，肉質有如生蠔般嫩滑，原來半生的青口肉竟帶點海膽般的鮮味，實在一試難忘。其他海鮮包括海蝦、蜆及魷魚等則中規中矩，份量合理，微熱的黑醋汁帶點酒香，即使沙律菜沉浸在熱汁中而變軟，但葉子卻吸收了調味的精華。

Mad for garlic!! Crazy for garlic🤑🤑🤑 男友係重口味嘅fans~~所以今晚就同佢嚟食個重口味fusion菜，以韓國同西餐主打嘅马上到！ for garkic😼😼 最近唔食食咁多starch,,所以就嗌左個seafood salad ($168)🥗🥗 好足料嘅salad!!有魷魚、青口、蝦等嘅海鮮，好fresh !! 沙律菜都幾多，有健康嘅rocket🥗加左d黑醋所以唔會苦同青青澀澀😺😺 而且都加左d garlic,, 味道幾夾，不過食到尾有d辣👾 之後就叫左羊架($268)🐑🐑🐑嗌左7成熟，冇咁騷比較易接受😽 而配菜薯仔炸過又細細粒好香薯仔味👅👅 羊架底有d帶薄荷味嘅配菜，幾清新，可以同羊肉一齊食❤️❤️ 帶子波菜麵都好正！上面蒜片好豐富，啖啖都食到咁濟，麵又有口感，好高質！:-D

今晚嚟到附近做野，完左就同男朋友係奧運食晚餐，見mad for garlic都幾吸引，所以就入左去啦！ 佢而家有2人set,包湯、主菜等等，都幾抵食(^^) 我地就想嗌個番茄白酒煮青口($178)🍅🍅🍅 仲配左法包4件，可以點番茄他他食嘅😽 佢都幾大盤下，青口都幾肥美大隻😻😻 番茄加左好多蒜煮，所以好香蒜味🎃 同法包好夾！青口都可以放上法包食，口感豐富😽😽👾 另外嗌左個帶子菠菜麵($168)🍝🍝🍝 又係超多蒜片係上面，就咁食有d苦，撈落麵一齊食反而可以中和到，仲帶到個甜味出嚟😬😬 而菠菜麵幾彈牙，食落好煙韌！帶子好大粒，用牛油炒過😼 但佢始終比較creamy, 2個人share食會冇咁濟😺😺

無諗過自己大左變得重口味，小時候最怕的薑葱蒜芫茜而家多多歡迎。呢家韓國西餐先別論食物如何，以蒜頭做主題已經夠gimmick! 這天行完街胃口很好，4pm就餓了...只好提早吃晚飯，來到避開peak hour坐得非常舒服。比較九龍塘店，奧海城更有空間感，還有獨立卡位配設酒莊的佈置。首先送上前菜醃黃瓜，酸度十足呀~~~~~也許它是僻除口腔蒜味，是我誤會了它是開胃菜?T-bone x Gnocchi x 車打芝士，全都是我喜愛的正中下懷! T骨牛排特別在於骨頭一邊是西冷，另一邊是牛柳，要肉質鬆軟或要濃肉味一塊牛排都齊。牛排不是厚切但size仲大過我塊面由於T骨受熱不均向來傾向生一點，要求7成熟骨位剛好5成熟，外圍的部分就足7成熟。牛排邊緣帶油脂牛味好濃，可以配搭沙律吃。牛肉重味不用再以蒜頭調味，相反沙律用上他們的招牌韓國蒜。蒜頭切超薄片混入沙律，帶甜無中國蒜頭的辛辣刺鼻感。這一道菜蒜味相對較弱，初階食蒜者絕對可以接受。Gnocchi為意大利麵食的一種，因為有濕度保質期短，本港好少餐廳超市有售。麵糰用薯仔壓成，結實煙韌。呢度再多一陣蒜味，熟蒜又係另一種風味。一碟只有幾粒實在唔夠，如果單獨成為m

今日嚟到奧海城 又再次見到mad for garlic 所以決定同媽咪入嚟食吓由於我哋今次本身已經食咗午餐但係下午茶時段仲覺得好肚餓所以就決定食少少野我哋分別叫咗一個前菜同埋一個意粉蒜頭番茄白酒汁炒八爪魚 配 法包片呢個汁酸酸甜甜咁樣點埋啲法包真係啱啱好但係如果啲八爪魚就咁食嘅話就會覺得有少少鹹所以我哋就係八爪魚放咗喺法包上面一次過咁樣咬食落去就會中和返法包非常脆而且熱辣辣蒜香帶子香草忌廉波菜麵第一次喺度叫菠菜麵一食落去嗰下除咗蛋香之外就係食到好勁嘅菠菜味帶子煎得外皮有少少燶燶地但係令到佢會有少少脆食落帶子嘅肉非常厚實而且好煙韌勁好食！唯獨是個汁就有少少膩 所以要兩個人食就啱啱好啦！

朋友係吃貨今日跟佢去食好西。其實我一開始聽到mad for garlic都冇為意佢係主打蒜頭。對於平時唔食蒜頭嘅我嚟講都幾衝擊，但佢又令我對蒜頭嘅印象改觀咗少少。我地叫野食想叫甜品嘅時候，侍應好好人咁同我地講而家做會員有多個甜品送。迎新優惠係自家蒜頭雜莓奶凍。首先叫咗個BBQ Chicken Ranch Pizza ($158)。薄皮pizza邊幾脆嘅，pizza有少少辣，入面有火箭菜同烤雞，當然不少得有蒜頭，都幾好食。之後見到menu有個蒜頭包塔($48)，仲係推薦，覺得好奇就叫嚟食下。原來就係依個塔，見openrice都幾多人叫。侍應會幫你塞d蒜頭粒同辣粉落個法包入面，再幫你切埋。依個包同以前食開嘅蒜頭包好唔同，佢入面有勁多蒜頭碎，但又出奇地蒜味唔係話好重，好易入口，法包外脆內軟。Dancing Salsa Rice with beef ($138) - 牛肉飯因爲有蛋漿撈埋所以唔會太乾，牛肉份量都幾多，銀色杯入面有蕃茄蒜頭洋蔥粒，酸酸地撈埋飯食好開胃。甜品叫咗經典嘅DIY tiramisu。估唔到佢個甜品都有蒜頭，因為平時未見過蒜頭撈甜品，硬住頭皮試咗一粒，又ok喎，佢d自家製蒜