Mad for Garlic (已結業)

真心, 你一個人去, 返到屋企一定俾人發現, 因為太大陣 Garlic 味真係乜都興倒插, MFG Gentlemen, 唔接受怪味啤酒的話, 不如 Hite Draft好過Garlic Margherita, 咸得有道理, 仲要飲果陣唔覺 garlic 味Garlic Bread Tower, 未切係咁, 有oppa 幫你切不過切完係咁我以為好重garlic味, 至少比較咸, 其實味道比較淡, 但好特色, 冇乜味咁, 不過食完你就知Garlic Snowing Pizza, 係最好味, pizza脆, garlic香, 菠蘿甜, 佢可以將3種唔同口感平衡到, 所以又特別又好味, 仲有即席手刨芝士, 推介Triple Garlic Pasta, 有蝦, 青, 魷魚, 八爪魚仔, 蜆仔, ... 相當豐富, 話明 triple, garlic 味就梗勁, 係味道嫌少少淡Tenderloin Steak, 扒係我個人鐘意果隻, 偏生, 咁先juicy, 咁先嫩滑, 要注意, 青色似青豆的椒好辣要提一提, 相後方個包樣的牛油饀角, 唔好以為卜卜漲, 其實係冇饀的, 所以好似上海义子燒餅咁,

奧海城有許多食肆，近來新開間西餐廳，裝潢有氣派而企理，原來是mad for garlic, 朋友試過分店覺得水準不錯而且有創意，今天放早便來嘗嘗吧六時正人流暫不多，坐位闊落舒適，餐廳以酒樽作特色牆將餐廳劃分，私隱度提高也能減少音量。既然主打蒜頭，便不能不試蒜頭菜色！德古拉殺手$68 名字很有趣，德古拉伯爵是吸血鬼的始祖，想必連始祖都怕怕必定是蒜味強勁吧！烘得香脆的百吉包配上焗好的蒜頭，灑上橄欖油以及上碟時磨碎的芝士，是很特別的前菜，蒜頭味道不算強烈，但帶甘香很易入口，芝士是錦上添花香辣三重蒜味海鮮炒意粉$158本是辣的，但老公不吃辣便叫了餐廳走辣，意粉很彈牙，海解有青口、魷魚、蝦，配上一絲絲露筍，特別的是醬汁帶點甜味烤澳洲牛柳 配 蒜香芝士忌廉汁$258店員說這道菜最少要七成熟的，忌廉汁覆蓋着牛柳，切開發覺還好，沒有七成那麼熟，我覺得應該加點淨意粉，可以撈撈忌廉汁留意返 如果夠早 六時前埋單有八折呢！

之前路過銅鑼灣分店見到Mad For Garlic，都已經有d想試，咁啱今晚約開朋友喺奧海城，難得嘅係肯陪我試garlic，終於有機會試下佢啦～ 裝潢令人感覺好舒適，餐桌之間距離如果可以再寬敞一點，就更好啦～一入座，職員就送上lee碟酸瓜，眞係好好食～ 加上可能我近期比較鍾意食酸嘢嘅關係掛，我仲唔怕醜咁叫個侍應refill俾我✌🏻😂雖然朋友肯陪我試garlic，但佢on a diet，要戒澱粉質，所以今晚都係以沙律同肉類為主，pizza同rice就要留到下次先再試啦。為朋友order嘅mojito，佢話不過不失窩～其實睇menu，款款salad都好吸引，最後，朋友仔揀咗lee款睇落應該係最多菜嘅一款沙律。一送上，朋友仔勁低能地以為d蒜片係crisp🤣🤣 即刻用手拎來食唔停口～ 鬆化香脆～ 為免佢食曬d蒜片，我即刻用d黑醋汁拌勻，要知道美食絕對係手快有手慢冇。講到黑醋汁，當然冇得輸啦，健康惹味又開胃。d菠菜仔葉夠嫩，仲有脆口的煙肉片，口感豐富～朋友仔雖然話戒澱粉質，不過晚餐都不能多食肉類，所以我哋冇額外加gram，只係order咗regular嘅150g。我哋order 7成熟，嫩滑有牛

今晚相約左幾位鐘意食蒜既友人到奧海城既Mad For Garlic試下蒜香大餐！餐廳裝潢似歐美風，但原來係韓國餐廳黎！我地先點一客 MFG特色雞胸沙津配雪利酒醋汁 $118店員在我們面前將各樣切好既食材倒入木盆入面，加上醋汁再拌混。雪利酒醋汁真心fresh, 夠哂開胃！Bbq chicken ranch pizza $158勁多火箭菜鋪滿面！蒜味唔會蓋過雞肉味，推介！我地仲點左依個微辣檸檬忌廉魷魚韓國意大利飯配醃漬蒜芯$138個飯夠creamy, 蒜香咪岩岩好，唔會太膩。整體食物質素好，size亦算大，岩哂一班frd黎gathering!

從未遇過如此服務差嘅餐廳 ，所以要第一次係OpenRice寫低佢 ，其他人唔好因為佢個環境好似幾好 ，就入去光顧。其實個意粉都尚算好味。我同朋友一行兩人堂食lunch 各自叫咗＄98嘅lunch set， 食到最尾嘆緊杯咖啡嘅時候 ，竟然比後面嘅男trainee兜頭淋 😖當下我嘅反應係覺得由頭到個腰後都係濕濕嘅感覺，當我回過神來嘅時候，原來係佢將沙律嘅白色dressing兜頭淋落我個頭&身上面。我淨係識得同我嘅朋友同埋周邊枱嘅同公司同事講，好彩佢係dressing 而唔係熱野 ，我就應該要買六合彩。就係咁樣另外一個女senior上前幫我用濕紙巾 印去深色衫上面白色嘅班點dressing。事發全程可能我真係太冷靜，只係諗到如果大發脾氣嘅話嗰個男trainee應該會俾人炒左。唯有急急腳離開埋單走人 離開d個甘恐怖既餐廳。好平靜甘同個女senior（其實佢似係餐廳經理）要埋單了有無discount，見佢無反應我唯有補番一句「奧海城商場唔係普遍對銀行嘅員工午市都有discount」，最後就係1 0 % OFF。😓事發22june 兩日我覺得應該要寫出嚟比管理層知道，佢哋有責任確保將培訓合格嘅員

早排聽聞過Mad for Garlic呢間韓仔野進駐香港，幾個朋友食過都話唔錯，仲打埋卡影埋野食咁，落都幾吸引，今日去開奧海城呢頭咁就試下啦！一出奧運站就見到條人龍，原來間舖係地鐵出口隔離，夠哂就腳。等左幾個字終於入到去啦！餐廳入面係有一定蒜味，但冇我想像中咁強烈。整體裝修行黑色木傢俬風格，周圍各個櫃入面裝左唔同類型既酒，加埋牆上面抽象既畫作，有種高級餐廳FEEL。不過多人熱鬧喧嘩聲，加埋不時傳黎既鐵板聲，令成個氣氛都幾輕鬆愉快，唔會有係貴價地方好拘謹個種尷尬感。講到明「蒜瘋」，緊係成個MENU都係食蒜架啦！唔知點解每樣野食平時唔覺，但加左蒜之後，好似變左第二道菜咁，而且係UPGRADE版本，好食過之前！叫下一樣，叫下又一樣，忍唔住同友人豪叫左唔少野食，好期待～以下係各項食物點評：醒胃菜酸瓜：醃得好入味，亦有一定蒜味，香口得黎唔會太濃，開胃過口唔錯。熱帶果茶（桃味）：滿滿的生果，風味幾清新，果味夠真夠濃，正！雞肉沙律：整體上係出面黎計算高級水準，蔬菜十分新鮮，雞肉有燒炸香味有蒜味，沙律醋份量適中，正評！牛油餡角＋蒜香乳酪醬：呢個絕對推薦！牛油餡角口感鬆化，有D似牛角包但冇咁多碎。乳酪醬

昨天媽媽突然佳人有約, 家中沒有人弄飯, 所以我就和爸爸去了奧海城二期的MAD FOR GARLIC 開餐~ MAD FOR GARLIC主打以蒜入饌的西餐, 價位不算低, 但食物質素高! 是晚點了Garlic Snowing Pizza - 以大量芝士幼條和炸蒜片鋪面, 很脆很惹味! 薄餅底亦脆卜卜, 好食! Garlic Foryou Steak - 烤澳洲牛柳配原個蒜頭及秘方醬汁- 蒜頭很容易入口, 不會太嗆, 幾好味, 7成熟牛柳口感軟綿, 相當可口! 餐後來杯LATTE, 拉花賣相精美, 咖啡香濃順滑, 好好喝呢~ MAD FOR GARLIC 大角咀海庭道18號奧海城二期1樓105A號舖 21041338

女子組飯局 人數少少想好好地傾計挑上了這裡mad for garlic，是新派韓菜-Tomato Wine Mussels新鮮青口製作，好正😻第2次為了青口再去，沒活青口竟然不賣這菜，更覺難得-Crab & Lobster Pasta蟹肉很多跟蒜香忌廉汁很搭 喜歡-Grilled Pork Belly SSAM秘製豬腩肉?柴了點 火候要控制得更好。韓菜豬五花理應是招牌但不夠肥美油香。搭配的是牛油餡角..可惜沒有化學效果-甜品很多都以蒜頭入饌...有點太surprise不敢點..真的mad for garlic-整體還是很喜歡 環境好 餐廳佈局有privacy ..女生chill下聊天好地方

難得約到朋友閒日出嚟陪我食下午茶，一於試下呢間 特別以蒜為題材既餐廳。佢個下午茶餐都幾多選擇，有咸食有甜食， 每個餐都有包一杯嘢飲，我哋嗌咗個蒜香香辣海鮮意粉另外加一個甜点蒜頭香蕉薄餅配雲呢拿雪糕。餐廳員工服務好好，下午茶都特別問我哋使唔使後上甜點，咁當然係好啦，食得下午茶梗係想傾計慢慢坐。蒜香香辣海鮮意粉- 上枱後發現個意粉係湯意粉，不過配上蒜頭嘅香氣加少少辣椒，辣辣地幾好味。蒜頭香蕉薄餅配雲呢拿雪糕- 本身叫呢個嗰時都有啲擔心唔知甜點配上蒜頭係咩味道， 不過試完後個味道意外地有驚喜喎， 蒜頭同呢個香蕉pancake味道好夾， 我哋兩個女仔都食曬。

今日來了奧海城行街順便睇波，睇之前就揀咗呢一間用蒜頭做主題嘅餐廳，其實好少餐廳會用蒜頭來做主題，因為算始終係比較重口味同埋唔係人人鍾意嘅食物。但係如果鍾意食嘅話就一定好鍾意。之後決定叫左呢一個蒜頭山美國肉眼扒＄288。大家可以見到啲蒜片好似粟米片咁樣鋪滿晒喺塊牛扒上，依法牛扒亦都非常之靚。因為鐵板上嘅關係所以叫咗三成熟，等塊扒再煮下就變咗七成了。雖然係咁多蒜頭片，但唔會好重蒜頭味掩蓋左牛扒本身嘅味道，呢樣做得好出色。味道方面牛扒一啲都唔會過鹹剛剛好。之後我同朋友仲叫咗呢一個floating ice ball ＄58 ,呢一個嘢飲好特別，係加左青瓜味嘅汽水，再加入說到變左冰嘅生果粒係入面，令到生果嘅先你慢慢滲入杯飲品，同時亦都做到冷凍嘅效果，味道亦都好清新唔會好甜。大家可以一試之後唔夠飽再叫左呢一個海鮮pizza $148。Pizza真係好薄，上碟嗰陣時侍應會幫你磨一啲新鮮嘅巴馬臣芝士係上面，令到個Pizza味道更加提升，以Pizza本身嘅海鮮了好充足，餅痞亦都好薄， pizza邊好鬆脆，非常好食呢個。買單都只係＄550 ,好抵食。

今日同朋友去左mad for garlic 到食， 我地嗌左三樣野。 首先有微辣檸檬忌廉魷魚韓風意大利飯，平時食開嘅意大利飯好膩，但呢個有檸檬中和返所以食落幾清新。 然後有呢個BBQ chicken ranch pizza，係有好多火箭菜、烤雞胸配上辣燒烤醬，食落係幾惹味，感覺上都比較健康因為有好多火箭菜。 我地叫左個cobb salad，但由於我不太愛食沙律，所以俾唔到咩comment🤣 但係食落感覺幾開胃同清新，我啲朋友亦都好快食曬，所以應該係唔錯嘅。

之前食過銅鑼灣嗰間Mad for Garlic覺得好正，所以今晚收工和朋友行奧海城經過決定encore多次！格局同銅鑼灣店差不多，今晚坐卡位，寬敞得來又有自己空間。有開胃的酸瓜做餐前小吃，而且一入門口就見到有簿荷糖，一定係怕大家口臭，哈哈。MFG招牌蒜片墨西哥辣椒銀魚柳炒意粉，海量的炸蒜片勁有蒜香味就不用多提，不過墨西哥辣椒的與別不同的辣味道亦很濃，意粉一灌的al dente ，有嚼勁又重蒜味又辣，愈食愈上癮。蒜香T骨扒拌薯蓉意大利麵糰配香辣燻汁及蒜香車打芝士忌廉，雖說五成熟，但上碟都七成熟，幸好肉部嫩滑，而且肉香撲鼻，牛排🥩的風味完全呈現出來，根本不用沾醬。另外拌碟的蒜芯又是令人不能自拔瘋狂放入口！每次來Mad for garlic都超滿足，只可以講句：「我口臭，我喜歡。」

喺奧海城真係有好多餐廳選擇， 我向來都有選擇困難症 ，與其逐間逐間睇佢嘅餐牌，不如揀間出名嘅餐廳試下啦。所以今次就揀咗呢間出名蒜頭嘅餐廳 。個餐牌好抵食， 可惜我哋兩個人，如果四個人會有買四送一優惠 。我哋叫咗一個午市套餐， 包 一個湯 ，一個pizza， 同埋一杯嘢飲 。我哋仲加咗錢叫咗個甜品。 個pizza真係好好味，有啲蒜頭加咗上去 ，令到個pizza好香，個蝦都好鮮甜，仲有啲菠蘿喺上面，三樣材料加埋令到味道好豐富， 口感亦都好好。另外我哋散叫咗個意粉 ，佢係蟹肉龍蝦肉意粉 ，配上忌廉汁。忌廉汁煮得好creamy好好味 ，最開心嘅就係蟹肉同龍蝦肉都好多 ，而龍蝦肉食落去真係啖啖肉呀。 我哋仲散叫咗個甜品， 佢就係香蕉pizza上面加咗雲呢拿味嘅雪糕，份量好大，真係好難食得曬。 雲呢拿味雪糕真係好香， 對於雲呢拿愛好者就一定要試。

放假同朋友去左大角咀上2個鐘DIY興趣班，上完之後就去左奧海城行下，都好耐未黎過大角咀，通常都係旺角果邊行，黎到就八下睇下有咩好食啦~我見到呢間餐廳係以蒜做主題，前菜、主菜、小食，通通都有蒜嘅蹤影，我呢啲愛蒜之人一定唔可以錯過!我地就於是入左去食喇~MENU我地係出面已經度左食邊幾樣，我地都急不及待叫野食~我叫左杯Floating ice ball，姐係水果青瓜梳打入口有陣陣青瓜味，好清新舒服，仲有啲時令水果波波，有蜜瓜、哈蜜瓜、西瓜同士多啤梨。而家呢啲天氣咁熱，飲呢個就好岩喇~登登登登~ 野食送到~香辣三重蒜味海鮮意粉(辣)，佢有好多款海鮮，個意粉紅紅地，望落去都知幾辣，食落個辣味都唔少野(p.s.本人係食辣初哥)，真係幾辣，但幾惹味，個辣亦未至於揮之不去，可能我有Floating ice ball幫我解解辣熱板烤MFG招牌肉眼扒配蒜頭山，我地揀左美國肉眼(3成熟)，侍應提我地有鐵板煎住，如果想要5成熟就叫3成熟嘅扒就最好。黎到見到肉眼上舖上海量炸蒜片，已經流緊口水切開一塊塊食，配上炸蒜片，真係好好味，各位黎到都記得叫! 肉眼扒下面舖上洋蔥底，咁就唔會因為鐵板煎住而令肉眼扒底部煎過頭

環境舒適 服務態度好 食物質素高 有bb凳 好乾淨衛生 龍蝦蟹子意粉好好味😋極力推薦 值得品嚐蒜pizza幾特別 上台時有專人加芝士 我食得慢最後pizza變凍左先吃都覺得依然好脆