Mad for Garlic (已結業)

同同行朋友一樣咁鍾意食蒜！兩個人叫得唔多野，ＢＵＴ呢餐果然滿足！嘿嘿Garlic Bread Tower。麵包塔，法包上鋪滿生蒜蓉，焗至香脆，最後撒上紅椒粉調味員工會係你面前切開個包，塞啲生蒜入去，脆脆地。好好吃！嘿嘿蒜香帶子香草忌廉菠菜麵。原粒帶子非常新鮮爽彈，鋪滿蒜片，每條麵都沾滿了濃濃忌廉汁！而且波菜麵麵質夠厚實，有口感，嘿嘿！熱板XO醬蟹肉炒飯。同樣是鋪滿蒜片，好足料，而且本身ＸＯ醬係香香辣辣，熱板上就更加刺激，味道不錯的！嘿嘿

經過幾次見到Mad for garlic 好好奇真咪係樣樣都用左蒜 🤔 餐廳坐位闊絡, 氣氛好好, 同一大班朋友, 閨蜜情人黎食都岩，Menu似乎都有蒜~見openrice推介蟹肉龍蝦肉忌廉意粉, 同朋友分享蒜片牛扒同意粉，先點杯drink, 好多fruit味道不錯兩碟賣相都滿分, 同朋友試左一啖已經大讚意粉, 用上新鮮蟹同龍蝦肉味道一流! 而炸蒜片下的牛扒焗得剛好 ....最後以vanilla ice cream on sweet pizza 作總結, 一直期待sweet pizza與雪糕會有什麼火花, 原來可以好match !

店名Mad for garlic就非常佩服餐廳肯用蒜入饌, 畢竟蒜味未必人人喜愛, 幸好仍能target到如我一般的garlic 迷 .. 由員工帶位到坐低, 餐牌氣氛餐具用度都看得岀是餐廳有要求的! 是晚雖有dinner set, 但同朋友胃口不算大, 散點了扒和意粉 ..先點了杯cinderella無酒類飲料, 不會過甜飲到尾有果肉 , 喜歡💕 七成熟的扒, 鋪滿了炸香的蒜片, 肉質不會韌, 難得地沒有配汁也一樣好味 ! 蒜香忌廉蟹肉&龍蝦肉意粉, 想講真係好好食.. 食到新鮮嘅肉絲! 望落以為細細碟其實因爲有忌廉都好夠飽 尾聲想試甜品, 店員推介signature dessert 雪糕pizza 。餅底有朱古力醬和香蕉片 , 還有不太吃得岀來的甜蒜做, 配上自家制云尼拿雪糕, 實在好好味! 份量跟朋友分享最好不過..

約朋友食飯，在逛商場中，見到Mad for Garlic,便查一下是什麼菜式來，回答是韓式意大利菜，好特別喎！便坐下來試下。不太認識的餐廳，當然試吓餐牌裡的推介。先來一客Garlic snowing pizza, 外表故之然吸引，吃下不得了，口感豐富，不單止餅底煙韌有咬口，最正是大量蒜頭簿片炸到金黄脆口，火喉剛好每片金黄色，沒有一片過火,吃下口裡是炸炸聲的，味道當然好，鹹香芝士中有蒜香同酸甜菠蘿，包你吃了一口，好似上癮的，一口接一口，超推再叫了另一菜式，Triple Garlic Seafood pasta, 蒜頭控的我們一看triple garlic便點了這個菜，吃一口，很惹味，有甜、鹹香、辣，很好吃，很明顯，味道很濃郁，非一般意大利口味，海鮮質素不錯，很多青口，有4隻大蝦，没欺埸！吃了那麼多濃味食品，来了柸Tropical Fruit Tea, 很大柸約500cc份量。有3種口味；桃、芒果及士多啤梨，我叫了桃味。坦白說，甜了點，而水菓有青萍果，士多啤梨，奇異果及藍梅。但解渴是不錯選擇。吃了這晚餐，很回味，一定會再來，因為找到新大陸

今日約咗好多年冇見嘅朋友食午餐， 由於她帶著個小朋友，所以我就揀咗呢間方便而且環境舒適嘅餐廳食午餐。餐廳樓底高， 座位也比較多，仲有卡位坐添。 裝修高貴華麗， 帶點歐陸風情，感覺非常靚和舒適。午市過後， 人也陸續地小， 環境非常寧靜， 呢個時候啱曬我和朋友聊天!蒜香帶子香草忌廉菠菜麵帶子好大粒而且煎得幾香，當中一點雪藏味都無。 菠菜麵非常有益，麵質軟硬適中，份量好足， 送到黎還是熱辣辣的。 麵表面還落咗少許蒜香片，味道又幾夾，賣相也不錯。蝦，菠蘿，炸蒜片招牌意大利pizzapizza香脆薄皮， 菠蘿焗得唔會太乾， 小蝦爽口，炸蒜片夠香口，當中含有香濃既芝士味，混合一起，味道又幾特別。 呢個pizza有驚喜，真係一試難忘。用料十足，一啲都唔吝嗇。 自家製蒜頭雜莓奶凍加25蚊可以食多個甜品， 我當然揀我最愛食嘅奶凍啦。 甜品製作好有心思，賣相好靚， 奶凍香滑和重奶味， 令人垂涎三尺。如果4個人食，仲可以買三送一又真係幾吸引呀。 簡單嘅配搭，真係啱曬我呢啲有選擇困難症嘅人!

一行三人叫左幾個菜色, 餐廳係韓式意大利菜。Garlic 本身係香口野要做得難食好難(除非你本身唔中意佢)，但Garlic 的問題係容易喧賓奪主，但如果主打Garlic就完全無問題。但食物味道的確不錯。推介Garlic bread and Garlic pizza，must try item。 其次係 Garlic steak，但主角係Gralic 唔係steak。 Pasta 一般。

奧海城嘅MFG坐得比又一城舒服，第一冇咁逼，第二冇咁嘈，如果三五知己reu嘅話我覺得不失為一個好選擇！..黎到第一件事一定要嗌《蒜蓉包塔》，麵包塔嘅形狀真係令我再一次念念不忘！今次店員都係一如既往好細心咁撈勻晒啲garlic ••• 詳情唔再重複打多一次啦，睇返之前啲post啦 •••，麵包都係烘得非常脆🤪，🤓生蒜嘅味道都係咁香咁濃！..今次嗌嘅第一樣新嘢係《藍芝士野菌長通粉配原個香烤蒜頭》，芝士味🧀🧀極度濃郁，個汁傑撻撻嘅程度啱啱好！好多好多雜菌🍄🍄，長通粉都非常彈牙！我有嘗試用匙羹壓扁個蒜頭，等佢d汁可以更加透徹咁深入去個汁入邊，係成功嘅！😛

自從搬左之後都好少返大角咀 最後試足4間 我要一一寫返d中肯comment😌 呢間Mad for Garlic係我最後差唔多成9點半先去到嘅餐廳 但我堅持要去😂 因爲本人就係蒜怪 好耐之前已經想試下 曾經去過新加坡朝聖一間洋蔥主題餐廳 我本身唔太好洋蔥 但都一試難忘😍今次就算小飽都要去試😌 先講裝修 有氣氛同格調 服務都相當唔錯 會細心介紹菜式 佢地算係一間韓式意大利餐廳 先叫左杯飲品 呢個擺法好韓國 味道清新 酒精濃度較低 上菜好快 第一道係佢地signature Garlic shower pizza 皮特薄 非常脆口 係你面前瘋狂撒上Parmesan cheese 毫不吝嗇 抵讚 呢道risotto 幾特別 用新鮮檸檬好清新 微辣 加埋魷魚 個飯岩岩好 唔太硬 汁好濃味 我個人就好鐘意啦 最後order個甜品 Garlic Tiramisu 分4款上分別係主角mascarpone cheese但上面放左幾粒Garlic 味道特別 一杯細杯Espresso 一杯咖啡酒Kahlua 同意大利手指餅 分開食又得 自己diy點黎食都可以 幾得意值得再黎試下

開學前要幫小朋友買開學用品，黑鞋、波鞋、文具等，當然最方便又係去我最愛的奧海城了。買到咁上吓又係肚餓嘅時間，今次想食西餐，就去了奧海城二期一樓的Mad Of Garlic,呢間餐廳有三間分店，銅鑼灣時代廣場、又一城我都已經食過，對我呢個蒜頭控真是諗起都流口水。奧海城分店門面裝修得好有格調，有大量卡位，每張枱的私隱度十分充足，朋友或拍拖、聚會都很適合。每次我都會叫「蒜香忌廉汁蟹肉及龍蝦肉意粉」因為呢個十分抵食，龍蝦肉大大舊用上新鮮貨色，入口彈牙，蝦味無窮，加上大量的解蟹肉，蟹味濃郁，絕對不是人工蟹柳，加上蒜香忌廉汁，每條意粉都掛上了醬汁，口感豐富，實是高質之作。另一個新試的是「熱版澳洲牛肉炒韓國牛油飯配太陽蛋及番茄莎莎」一上枱熱力十足，流心蛋漿的雞蛋，放在澳洲牛肉之上，能保留著牛的溫度，令牛肉非常嫩滑，而個飯底用上牛油炒過，份外嘢味，加上番茄莎莎真的是最好配搭，莎莎Salsa是一種墨西哥食物中的辣味調味汁，令人很開胃。另外叫了一款甜品，Garlic Berry & Ice-Cream,呢個估唔到咁好味，無諗過蒜頭可以做甜品也可以很出色，用上蜜餞蒜頭，配上雲呢拿味雪糕同藍莓醬汁，真的很好味

喺奧海城行完街，見Mad for garlic本身以為係西餐廳。行近少少先知原來係韓國fushion菜。而且餐牌大部份都有蒜頭，好新奇😆 雖然我未至於好熱愛蒜頭，但都想試吓佢嘅菜式😋😋我哋叫咗香辣三重蒜味海鮮意粉，我覺得唔算太辣，佢嘅辣係辛辣唔係麻辣，麵質有少少似韓國拌麵，比較軟身。 佢既牛扒一流，我好耐未食過咁有牛味，但肉質口味一流既牛。唔知係咪因為啲蒜頭，反而帶出牛味冇左臊味👍🏻👍🏻😍😍最後叫左甜品，香蕉加朱古力簡單系一流。佢個批底系新鮮出爐，系佢地pizza既批底，好脆!!! 我下次一定試pizza!!!

以蒜容做主題的餐廳都係第一次見好多人都怕食蒜蓉因為怕食完尷尬口臭但我反而最愛蒜蓉因為蒜蓉有好多益處而最明顯嘅就係可以殺菌Garlic Pizza以菠蘿、蒜片為主道的pizza除了餅底香脆連餅面都香脆生過人餅面和餅底就像夾心餅一樣夾著中間的cheese 喺蒜蓉上面再鋪滿好多芝士碎真係如其名像下雪一樣snowingGarlic Bread Tower是一座蒜蓉山不要誤會以為像平時普通的蒜蓉包佢上菜嘅時候要有服務員幫手切開服務員先將蒜蓉壓入蒜蓉包內再切開四份咁樣可以確保每一份蒜蓉包都鋪滿厚厚嘅蒜蓉你會睇到蒜蓉上邊有好多紅色嘅粉啲粉係秘製架唔係辣椒粉咁簡單真係好睇又好食最後上嘅Garlic Steak有得分唔同嘅牛分別有美國肉眼、澳洲M9牛肉眼、頂級韓牛肉眼我叫了價錢比較相宜的美國肉眼不要以為鐵板上的牛肉一定會燒到變成全熟又上洋蔥薦底上面再鋪大量滿蒜片及蒜蓉五成熟鐵板上都不會過熟真係冇諗過咁好食蒜蓉不會搶走牛肉的味道還可以互相配合吃出美味

難得去奧海城行街街緊係要搵間餐廳嘆下朋友就好想試呢個 而我試過1次都想encall 下 果然都係咁正餐廳環境大 好舒服 一班朋友都無所謂個餐牌都好Garlic XD餐牌樣樣都充滿Garlic同唔同配料海鮮同steak都好吸引未揀好main course 已揀好甜點呢個係最出名既Garlic Bread 成座山咁上餐廳會幫你分開4份 慢慢品嚐 呢個就係Garlic蕃茄白酒炒8爪魚及蜆配法包 酒味唔重 但好香蕃茄味 8爪魚新鮮大隻同彈分 配埋脆脆法包 好正呢個係Garlic芝士蟹肉龍蝦肉意粉 濃濃既sauce配啖啖蟹肉 不得了 食完想再食 唔膩最後 呢個甜點 好完美 成粒甜既garlic 真係好特別 配埋雪糕焦糖 perfect !

「蒜」頭對人體有益，用來入撰更釋出其味，可算是雙得益彰，「蒜」控朋友更要試試了，今日我是慕名而來，聽同事講奧海城有大發現，話明講飲講食嘅我當然要親自體驗一下！門面似英式設計陳設豪華有格調，心在想呢餐金喇！📜📖看看餐牌出乎意料比想像中平喎！仲有四送一，萬事都係點左餐食左先講。 💁🏻‍♀️💁🏻‍♀️💁🏻‍♀️今日餐湯 ： 白豆煙肉清香蒜味加了煙肉提升味道，好喝！👍Garden Salad 有機新鮮沙律菜配同黑欖及油醋汁零舍開胃Garlic Snowing Pizza 8” $128係菠蘿、大蝦、炸蒜片招牌意大利薄餅面層的蒜片像薯片一樣脆，菠蘿的酸，大蝦🦐的爽，咬到底層有千島汁甜味極好的配搭好有層次。蒜頭配芝士🧀味都出奇地咁夾😋，令我大飽口福！Garlic foryou steak 🥩 烤澳洲牛柳配原個醋漬蒜頭 $238主角出場五成熟的牛柳牛味香濃，咬落肉質軟硬適中，入口軟腍太棒棒了，蒜控的我當然一粒都無得留低，我切了一片牛柳夾一粒醋漬蒜蘸一點秘製 MFG 甜香汁，滿足感覺充份表現在臉上。😍睇下牛柳幾淋🤤餐後來一杯醒神咖啡，香濃提神💫醒腦！雜莓奶凍每一匙都是濃濃的奶香，啖啖幼細順滑，最特別的是三粒

今晚約了一位好耐無的朋友聚會,想找間坐得舒服而又食物有特色的餐廳，想了一想,就決定去這間奧海城之Mad for garlic。這間店在奧海城新開不到一年， 裝修格調高級， 尤其是啲卡位,特別寬敞，坐得好舒服。 而食物以蒜片為主打，特別香濃惹味， 啱曬喜歡食蒜頭的我。睇咗餐牌一陣, 決定叫一碟意粉和這店主打-Pizza, 再加兩杯生果特色飲品, 一邊傾計一邊食，最佳享受。意粉是蒜香卡邦尼意粉，HK$118, 本身幾鍾意食卡邦尼意粉，其醬汁香滑味濃，加上蒜香吊名，更惹味好食，而這店做的意大利粉更是彈牙有口感，正！Pizza是蝦、菠羅、炸蒜片MFG招牌意大利薄餅，HK$138，材料滿佈在Pizza上，尤其是大量蒜片，好似食緊好脆口的薯片碎一樣，加上爽彈的蝦仔、 甜而汁多啲菠蘿，配上薄薄脆邊的Pizza。味道與口感咁正，多食幾塊也沒問題。兩杯生果飲品是Floating Ice Ball 和Dancing Fruit Ice Tea,同樣是HK$58，味道甜而爽口，因生菓新鲜，食咁多蒜片，此2杯飲品可消吓滯，尤其是Dancing Fruit有桃的，特別清甜解渴。這間店無論招呼， 食物質素都好好，

為同事N小姐慶生，黎到呢間好大口氣的Mad for Garlic，午巿雖然做緊買三送一優惠，但仍然非常乸脷。貪佢環境寧靜，客路屬於高尚，偶一為之無所謂吧！我地一行八人叫左八份套餐分享，一次過試曬Pizza、扁意粉及Risotto黎個大曬冷。先講8吋薄餅一開八份，分別係Garlic Snowing Pizza同埋Gorgonzola Cheese Pizza，我個人較喜歡後者，皆因Gorgonzola cheese屬Blue Cheese 中較易入口，配埋甜蜜蜜的Honey真係好Sweet，可惜每人只可淺嘗一片實在唔夠喉。 而前者的Garlic Snowing一片片炸至金黃色的蒜片密鋪平面，簡直走點走火入魔，味道只是一般般唔識欣賞。再黎Scallops with Basil Cream Fettuccine, 帶子煎至金香配以Spinach菠菜麵感覺清新，唯一要注意係要趁熱食，我夾第二注時涼左個Basil Cream汁瓊左就風味大減。最後係Lemon Calamari Risotto，平平無奇無驚喜是是旦旦咁啦，意大利飯扁淋無咬口失敗，墨魚唔夠彈牙失敗中的失敗！就連鮮露荀顏色失去光澤，令