M3 Italian (已結業)

午餐想食意粉，咁就去左呢間M3，去左門口望下餐牌有無野岩食。其實本身久唔久都會去食既，因為佢意粉幾好食，其實佢既價位係午餐黎講都唔算抵食，不過佢依定改左免收加一（之前要收），心理既感覺平番少少。除此之外，佢仲有印仔卡比我儲印仔，每一份午餐一個印，發卡起一個月集齊6個印就當$30蚊用。是日餐湯或沙律都係另加錢，午餐唔包既！連凍熱飲都唔包！叫左個（+$12）是日餐湯⋯蕃茄忌廉湯，好濃蕃茄味其實唔覺忌廉味，湯質好結身好有質感。今日目的⋯（$60）帶子忌廉汁意大利粉，我本身比較鍾意食乾身意粉，呢樣佢做得幾好，好岩我口味，忌廉做得好濃，再落埋芝士粉，好好食。而帶子佢係細細粒個款，都有幾粒。再叫多左樣主菜（$78）香煎豬扒配淡蕃茄汁，可選配飯意粉或薯菜，呢到既薯菜姐係薯蓉，食落都飽肚，豬扒都唔會太硬身。再配左兩杯凍飲，各（+$10），不過全單免加一，豐富午餐。

今晚同朋友來M3食晚餐原本講好咗話想食一些肉食的主餐但係唔知點解睇一睇下個Menu之後忽然之間好想食佢哋嘅海鮮食品所以突然之間就已經改變晒今晚嘅食物所以前菜就叫咗一款芝士煙肉焗半殼青口起初都怕呢種急凍色青口唔會太好食而且仲怕一大浸雪味但係一食落口就知道自己諗多咗了因為青口焗完之後仲依然非常大隻而且仲冇嗰啲奇怪雪藏味道另外青口肉唔會硬繃繃再加上香濃的芝士及脆口的煙肉碎芝士的香味仲更加帶出咗青口的鮮甜味道另外都叫多咗一款薄餅起初想點四重芝士薄餅但係就怕食得太多芝士會肥而且咁多芝士仲怕會太過鹹所以朋友最後決定咗食這種火腿及火箭菜的薄餅估唔到這種薄餅都用上非常之多嘅火腿而且芝士更加係多到滿瀉咁滯火箭菜加上了橄欖油放喺中央而且每一塊火腿下面左人仲隱藏左一塊蜜桃肉每一啖嘅蜜桃肉帶來嘅清新口感就完全化解左火腿同芝士嘅油膩感最後叫咗一款黑松露野菌燒帶子意大利粉一放低之後就即刻夾蜆肉食鮮甜嘅蜆肉而且仲大大隻黑松露同惹菌嘅味道非常之夾而且不得不提煎帶子煎得非常之咁出色因為有陣時最怕就係帶子煎得過火成只帶子就會糟蹋晒變成左難以入口嘅橡膠但係呢度有掌握得非常之好外表有燒香過的痕跡之外帶子嘅入面仲係非常之咁嫩滑

到大圍探朋友，友人說附近有間裝潢幾簇新的西餐廳仍未試過，着我一起試試! 來到餐廳已是下午2時多，食客仍然很多，幸好不用等位. 看餐牌期間，已有店員2次催促我們下單，難道是這店的style~ 午市套餐共有9款，啊，不應說是套餐，因為餐湯/ 沙律要另加$12，熱飲再加$5/ 凍飲加$10，以新界區餐廳的定價是有點貴~ 不過友人很富貴，說要請我吃lunch，因為我對朋友一直都很有義氣呢! 沙律 ($12) 沙律菜夠新鮮且顏色鮮艷，餐前吃一份健康的salad，很relax! 美國肉眼牛扒配淡黑椒汁配意粉 ($94) 慣常吃牛扒要選medium，不過店員說沒有得揀熟度，實在有趣. 牛扒幾薄身，難怪不能選生熟程度，幸好入口不會過韌; 意粉偏油膩，不過幾有咬口. 見到鄰枱吃羊扒，賣相幾好，不知味道又如何呢? 安格斯牛肉漢堡 ($80) 預先要求一開二的牛肉漢堡，方便我們share~ 麵包外脆內軟，漢堡扒幾厚身且呈粉嫩，仍然有肉汁，夾上番茄、生菜等，都幾好吃. 跟餐的薯角是即炸的，外脆內粉糯，沾上茄汁已經很美味~ 朱古力心太軟配雪糕 ($66) 一切開心太軟就有澎湃的熱

大圍火車站，A出口行去5分鐘好近來到這間意大利餐廳十分有情調，很多一對對的情侶來食，當然都有一家幾口來的，環境好闊落，好有意大利風情，而牆上掛着一幅幅畫，真有藝術文化氣息，紅白色格仔枱布又帶點懷舊feel比利時黑啤入口好味點了個二人晚餐$398另外叫：M3 Salad 沙律$148 勁鐘意食菜，食物金字塔裏面，多菜健康，而且同時享受到煙三文魚、香草燒雞、巴拿馬火腿、羊奶芝士的四種滋味。跟餐田園沙律及黑魚子蛋沙律多士，沙律新鮮，多士賣相精緻Berries Blossom 黑紫千虹$58 以新鮮生果打的沙沙冰、酸酸甜甜開胃之選主菜：烤美國安格斯肉眼扒配燒新薯＆紅酒汁牛肉好juicy 多汁第二個主菜揀：意大利辣肉腸薄餅香港人咁鐘意食pizza ,而且全球受歡迎，其發源地是義大利那不勒斯，今次的pizza 真的很吸睛啊當我叫二人晚餐時，靚靚Waitress 好熱情咁叫我諗定dessert 食咩，因為矩地廚師要提早半個鐘頭前準備解凍，佢真係細心同貼身嘅服務，今時今日咁好嘅 Waitress 仲去邊度搵喎公司教導有方。西班牙香燒乳豬仔 $68甜品：蛋黃絲配白酒雜莓啫喱紅桑子汁法式焦糖燉蛋，果然係高

今日同家人去大圍午餐，見M3地方吾錯，價錢合理，所以入去一試。除以下第2㸃，食物味道尚可以。不滿意地方有三處: 1. 太太問bunch有得改配麥包嗎？waiter回應" 冇"。如回應"對吾住，只有法包" 客人會易接受啲。2. mixed grill 的雞肉有異味，只是大量黑椒蓋過異味，勉強吞落肚。3. 餐後上的咖啡竟已加奶，重手似快餐店水準，問waiter,回應竟是"下次請預早要求".......心想如有下次的話。

近來經常去沙田買傢俬，多了到大圍那邊吃飯，貪那邊比較多小店，有較多選擇。今天經過一間西餐廳，見下午茶有頗多款式，有兩款pasta，多種小食及甜品，剛巧肚皮不太扁，輕食就最適合。地舖來說這店的樓底算頗高，空間感十分足夠。店內設有很多卡位，坐得亦算舒服。簡單的佈置配搭輕快的音樂，令人心中一嘗恬靜。男友最愛脆口食物，選了fish and chips。金黄色的外皮包裹著魚柳，魚柳皮薄香脆，不會有厚厚的脆漿或炸粉，魚柳很嫩，一下刀已有肉汁滲出，調味亦適中，即使不醮沙律醬亦夠味。 薯角亦十分香口，不會過乾過硬，作下午茶小食一流。作為甜品控的我一定不會放過任何一個試甜品的機會，看到有apple crumble，更是二話不說，即點！可能是下午茶的緣固，甜品份量不算大。脆粒焗至金黃色，細細粒十分脆口。口感就夠豐富，玉桂味尚可，但反嫌蘋果不太夠，被crumble搶了風頭。小食、甜品都別吃過，就以醇厚的咖啡為這頓下午茶畫上完美的句號。食物質素不錯，價錢以下午茶來說亦十分相宜。以這樣的價錢配搭舒適的環境，很適合跟朋友來暢談一個下午，期待下一次試店內的lunch set。

平常很少經過大圍，尤其是午飯時間，今日因事到此不熟悉的地區。一出火車站，烈日當空，風也像停止一般，饑腸轆轆，速速找地方善待我的胃。在火站附近邊行邊揀中，看到紅綠醒目的招牌M3仲要是義大利餐廳，環境寬敞舒服，於是便決定去食午飯。開門迎我是涼快的冷氣，殷勤的待應，坐位頗寬闊。高高的酒吧位，晚上到此摸杯底晚飯談心該也是不錯的選擇。坐下後從午餐牌中，選了我喜歡的黑椒肉眼扒。知道是日例湯也是我喜愛的忌廉蘑菇湯，所以加12也點了一碗。餐湯超值，端上來菇味就散發出來，聞已開胃，飲落足料。扒送上來我呆了一下，十幾吋超大塊，好在跟薯菜，要不真不知能否食得哂。肉質不錯，不韌，且有肉味，唔錯。配上調得濃稠辣味剛好的黑椒汁，滋味即提昇不少，最重要是夠熱。伴碟選了廚菜，來的是滑滑的薯蓉，味道ok,但若跟新鮮瓜菜就更合我意了。最後加$5點了杯即磨咖啡。店的樓底頗高，冷氣足，客滿都無被嘈音圍繞的感覺，且待應又不會給你壓力般，無時無刻在你身邊收走或清理你剛放下的餐具碗碟。令我在這炎炎夏日下，繁忙中食了一個義式優悠的午餐，且閒日我又省了加一的服務費。

山長水遠嚟到M3，點可唔食roasted suckling pig！估唔到超好味嘅乳豬竟唔係中菜館食，而係嚟意大利餐廳！一上桌就要即食，如果唔係，腍咗就好浪費。乳豬皮燒到脆口，內裡嘅肉質一d都唔硬，又香又腍，連皮一啖過食好有口感。白酒忌廉藍青口又係必食。藍青口新鮮，空運到港，粒粒肉又長又肥，一食就知質素高。白酒汁有忌廉有洋蔥碎，連埋青口食好juicy。中間食咗個M3 salad，有雞、煙三文魚、parma ham、cheese等，加d醋好醒神。成個salad好有清新。Parma ham Pizza 易入口，薄薄嘅pizza食落唔會覺得好heavy，薄薄嘅一片盛載住火箭菜，中和parma ham嘅咸味，balance得啱啱好。飲品叫咗杯Chocolate Factory，入面有 banana，蕉味加朱古力味好match，係一杯milkshake，仲有peanut butter，但味道唔出，唔太飲得出。另一杯Berry Blossom Mixed berries,味道偏酸，有cranberry，同樣有banana flavour，消暑最啱飲！

前日去左朋友係大圍既屋企小聚，發現原來大圍係咁多野食架！因為我想食西餐，朋友就推薦左呢間M3 Italian。佢個MENU選擇都幾多，選擇困難症既我地揀左好耐先揀到首先介紹下呢個茴香橙汁海鮮沙律先～入口就已經有一陣好香既橙味，加埋落D菜到都幾FRESH幾開胃。佢海鮮既分量都幾多，有蝦呀魷魚呀青口呀帶子等等，特別係舊青口～真係超好味之後我地仲叫左個烤乳豬，其實我之前係未食過西式既乳豬，所以對呢道菜都幾有期望XD好彩真係冇令我失望 乳豬有3大舊，層皮烤到非常鬆脆，食落好香口；脂肪分佈亦都幾平均，唔會話太肥，配合埋勁重紅酒味既醬汁，好食得黎又唔會太膩。乳豬下面有一層薯蓉，個人此為係整道菜既亮點！薯蓉入口有好香既忌廉味，口感好滑好好食整體而言呢間都係一間水準好高既意大利餐廳，值得推薦！

聽聞呢間西餐係沙田幾出名，但唔多就腳依家係大圍有分店，好方便，冇藉口唔嚟一試啦雖然好近地鐵站，但舖頭選址並唔係人多車多嘅大馬路，反而係近村屋，比較靜嘅小路，車位都好易搵，啱哂放工同朋友嚟食餐靚西餐有些少肚餓嘅情況下嚟到，叫咗個Caesar salad配parma ham做appetizer啲菜好fresh，一啲都唔苦橄欖油嘅份量啱啱好，唔會蓋過沙律菜嘅freshness，又唔會太少冇味parma ham正常水準，遠遠聞到鹹香咩cold cut配沙律真係好好嘅appetizer，食完開胃咗更想食其他嘢(肚餓得濟冇影相就食哂嚟到意式餐廳梗係要叫意大利菜main course叫咗呢個魷魚墨汁risotto好彩同朋友算係熟個種，食墨汁先會唔怕尷尬你笑下我啲牙，我笑下你咁如果冇咁熟就要用手遮住個嘴，成日抹，甚至可能唔敢叫添熱辣辣上枱，簡單嘅菜式：墨汁意大利飯，鮮魷，火箭菜同芝麻墨汁係預期內嘅香濃，同鮮魷唔使講，一個字：夾！飯嘅軟硬程度適中，熟哂亦都幾煙韌特別令人surprised嘅係佢上面嘅火箭菜份量幾多平時食pasta or risotto，佢上面嘅veggie只係用嚟伴碟/睇落colorfu

打電話問餐廳職員可否寫生日碟，個接聽電話男職員好好，好有禮貌地問我寫什麼！第二天我比約定時間早點去餐廳，因為提早order 甜品（因為我朋友說想去其他地方食甜品）！餐廳裏當時很繁忙，但個男職員非常願意配合我的要求，根據我的要求預先幫我安排我選擇的甜品，我叫他幫忙當我們吃完晚飯後請送上我的枱上！這個大膽的要求原本想着應該配合不到，但個男職員好好，在咁繁忙嘅時候都很樂意配合我！真係很感動！當我們最後食晒所有的東西，是朋友叫埋單，個男職員便送上寫上Happy birthday的甜品給我朋友，令到我的朋友大吃一驚！計劃非常完美，真的非常感謝令我朋友的生日飯這麼的驚喜快樂，沒想到這麼繁忙的餐廳裏也有五星級酒店服務，真的多謝！臨走前向這位男職員說謝謝，他送上他的卡片，亦同我講以後有需要，要什麼我也可以盡量配合你們！真的估唔到今時今日還有這麼好的服務！而且食物又好味非常感謝餐廳食物非常好味道也不錯，只是飲品用汽水橙汁加菠蘿汁味道有點奇怪！如果用鮮橙汁再加菠蘿汁味道應該會好一點！好好味的青口三文魚扒很滑，好好味朱古力批很香濃，勁好味！非常感謝幫忙

近期經常到大圍覓食，經過積富街多次，都被這個大招牌吸引！大大個M3Italian在發光。看到餐廳內的環境舒適，座位寬闊，樓底高空間感十足！燈光光線柔和，帶點浪漫氣氛！今晚決定和朋友一試，四式芝士薄餅$148新鮮熱辣即點即做，薄薄香脆的薄餅，蓋上了豐富又濃郁的四式芝士，有：金文畢，車打，水牛芝士，藍芝士。芝士跟隨住熱力在薄餅上滾動，非常吸引！！！快快一口咬落脆卜卜的薄餅，再一口拉出芝士的感覺，又香又濃， 味道又不會過膩！「芝」味無窮！黑松露野菌燒帶子意大利粉$148黑松露永遠和雜菌都是絕配，一上枱黑松露靜靜地散發出一陣陣獨特香味！除了主角燒帶子之外，還有新鮮的蜆，露筍……帶子燒至半熟，有鮮甜味，且彈滑口感！意粉軟硬度適中。卡邦尼意粉$98炸雜錦三式$108筆者最喜愛就是香脆可口的小食，那種吃小小就令人吃不停口！炸雜錦三式，酥炸大蝦，意式炸雞翼，薯角！意式炸一字骨雞翼，香茅味濃厚！酥炸大蝦十分香脆，外脆內軟，蝦肉富有彈性！薯角炸得乾身而香脆。配上番茄醬及沙律醬，減低了油膩感！二人吃這款小食就最合適不過，份量恰好，小食多滋味！希望餐廳能繼續保持水準！期待下次來可以吃到更好的美食！

前幾曰去咗大圍探朋友，剛碰啱三點三，朋友帶咗我去佢屋企附近M3 Italian食下午茶下午茶質素高，價錢很親民，而且環境非常舒適，非常適合三五知己傾計同拍拖嘅地方。下午茶選擇𣎴少，我地點了卡邦尼意粉、香辣水牛城雞翼、雜莓窩夫伴雪糕、蘋果金寶伴雪糕，樣樣都很好食，份量很足。卡邦尼意粉：好creamy, 配料同意粉物量很足香辣水牛城雞翼：我同朋友超喜歡吃、辣辣地很野味，雞肉很嫰滑，真係想食多幾隻雜莓窩夫伴雪糕：外脆內軟，雜莓伴碟份量多而且新鮮蘋果金寶伴雪糕：上層鋪滿香脆麵包粒，下層係很香玉桂味的蘋果粒，口感非常豐富下次黎食晚餐，試下佢地d主菜先

好耐冇去過大圍食嘢，今日咁岩經過呢度， 一於同太太來試吓呢一間裝修好特別嘅西餐！白酒還可以，呢度飲酒嘅人都多，每逢去到大一杯杯酒嘅餐廳，我都會留意下周圍環境有冇人飲酒，因為如果本身間餐廳叫酒飲嘅人唔多，餐酒擺得太耐，會好容易有酸味！所以如果見到餐廳格局同埋食客都似係會飲酒嘅地方，先至會叫一杯上嘅餐酒。海鮮帶子意粉都幾好食嘅，不過如果能夠硬身少少就更加好！海鮮嘅配菜充足！蘋果金寶配雲呢拿雪糕,呢個甜品係一份驚喜，蘋果金寶我經過烘焗之後脆卜卜，熱辣辣嘅蘋果金寶配上凍冰冰嘅雲呢拿雪糕，一絶

最近經常要陪男友番佢屋企陪佢隻毛孩,因為佢做完個小手術,男友好掛住,所以最近都成日係呢區HEA。但日日食茶記,狗都悶啦,不過今日想去寵物店買糧既時候,經過呢間餐廳,好似好高級咁,大圍CAFE見得多,呢D餐廳真係好少見,咁就俾個機會你填飽我個肚啦XD入面裝修真係好HIGH CLASS,好似去左食正式西餐咁,搞到我人都要坐直D 睇完MENU,哇.裝修咁好既餐廳,而且MENU個D菜式都好唔簡單,但係價錢同普通CAFE差無幾,咁既價我未食佢D野淨食個環境我都覺得抵俾 每個SET LUNCH都可以加$12要沙律或者湯,今日係雜菜湯,用料十足,好多款菜係入面-焦糖咖啡沙冰天氣咁熱連唔鍾意飲沙冰既我都要叫杯消消暑,咖啡味香濃,焦糖味好夠,甜到剛好,而且冰打得夠碎,連我有敏感性牙齒都飲到(呢個就係唔鍾意我飲沙冰既原因)-巧克力工廠呢杯野主要係朱古力,香蕉竟然仲有花生醬!!!!好邪惡!!!!-美國肉眼排配淡黑椒汁雖然佢話係淡黑椒汁,但係黑椒味都非常香,牛排係薄切但係好鬼大塊,煎得好香,但咬落仍然軟LUM LUM-法式寶雲酥雞排配ROSEMARY汁港女心態:個名夠型,我係俾佢個名吸引到我先叫,我完全唔知佢