M3 Italian (已結業)

之前食過沙田圍嘅m3 Italian，今次來到大圍再試另一間仍然係好impressive~ 因為啲侍應話啲生蠔好新鮮，今日直運送到，所以就叫咗半打美國珍珠蠔以珍珠蠔嚟講佢嘅size都算幾大隻，每一隻都好肥厚，加小小檸檬汁落去再一啖吸落口，d海水味係口入面爆曬出嚟，小鹹但唔腥，仲好creamy tim跟住就叫左個M3 Salad份量同用料都十足，裏邊有 Parma Ham，煙三文魚同埋雞排，仲有有三種sauce任君選擇噢~

午餐勁抵食，今日試左個法式燒羊西冷，我好耐無試過燒羊西冷，因為唔係周圍有得食，估唔到大圍呢間意大利餐廳有得食，更加估唔到，呢度午餐都有得食，仲要係76蚊，超抵，份量多，味度好，就算餐飲果杯咖啡都好正，以後想食意大利餐，我一定會選擇呢間，門口又有得泊車，服務員很有善，環境好舒服 樓底好高。

返工好辛苦呀，所以我決定要同好姊妹食一餐好既， 上一次經過大圍嘅時候見到呢間餐廳， 已經好想試呢一間，覺得佢個裝修好似幾乾淨又喎， 今晚終於可以試啦。。Yeah好開心呀Parma Ham & Arugula Pizza$138好快Pizza就到，好好食呀，pizza入面有parma ham，火箭菜，蜜桃肉，同好香既黑松露油推介 ！！烤西班牙黑毛豬鞍 （12安士）配 燒雜菜及辣墨西哥汁 $238個黑毛豬好juicy，好好食！！勁推介呢個個汁辣辣地好啱我食黑松露野菌燒帶子意大利粉 $148個意粉都好好食，好香！！推介指數

第一次光顧這餐廳。雖然說是義大利餐廳，但菜式比較像港式的西餐，經過改良的。午餐價錢不貴，性價比不錯。頭盤是雜菜湯，很多料，但太鹹。同事要的沙拉好像比較好，很新鮮。主菜我要了煎紅鯛魚，雖然是雪藏魚，但煎的很香，辣汁很惹味，再佐以香草汁很配合。薯蓉和炒菜很美味。同事要的義大利反看上去很好吃，起碼他都吃完。此餐廳服務很周到餐廳樓底很高，很寧靜 ,很適合跟朋友相聚談天。裝潢也很時尚，感覺很高級的，價錢卻很親民，很值。

記得以前在沙田光顧過M3 Italian，走中檔路線有特色的意大利菜，菜色精緻有心思～～既然今日來大圍剪髮，就來試下新店，所以對M3 Italian都抱有一定的期望⋯⋯一入去最吸引我的是時尚的設計，餐廳樓底高，地方寬敞，周邊的擺設十分精緻，在大圍卻是少見有特色的意大利餐館～餐牌菜色有平有貴，如果多人share 更好，好似我同男朋友兩個唔係太餓就叫了個Main course 西班牙乳豬配薯蓉紅菜頭，Parma ham火箭菜Pizza 諗住食完再叫甜品⋯⋯Main course 加$60可以多個餐湯及甜品男朋友叫了杯法國紅酒，味道甘甜都幾易入口～Parma ham pizza 🍕 薄底烘得焦脆，creamy 芝士包住帶油脂的Parma ham 連埋甘甘地的火箭菜一齊食感覺不會太漏太滯，恰到好處擺盤設計有講究，西班牙乳豬外皮烤到金黃酥脆，內裏仍保持細嫩肉質，一脆一軟口感十足！紅菜頭切成細條配埋薯蓉一齊食，感覺fresh 得多～Order 左巴伐洛娃蛋白餅作為甜品，但略嫌蛋白餅過甜太rich，面上的cream份量太多食落有點漏，感覺有少少失色⋯⋯整體而言食物精緻，味道不俗，喜歡特色的意菜或西餐

今次去大圍碌拎，之後就係大圍周圍行～行行下就當然肚餓要搵野食啦所以今次就黎到『M3 Italian』食下西式野，鋸下扒：）一嘗多日冇鋸扒既滋味：ＤＭ３既招牌令人印象深刻，因為紅色同綠色既撞色好夾之餘，Ｍ３呢兩隻大字仲好搶眼而且１望就知係食意大利菜式，包括海鮮同牛排～集簡單，清晰，易明既招牌，不錯！環境方面；餐廳入面都唔算好迫，每張枱之間都有一定既空間唔會似平時快餐店咁迫，所以用餐既時候都幾舒適然後佢既燈光都偏黃同偏暗，令人用餐既時候都得以放鬆～餐廳有賣幾款甜品，每款甜品既賣相都幾精緻，食完正餐都可以order返款黎歎下：）所謂意大利餐廳，連枱墊都係用意大利國旗然後每件餐具都好乾淨同齊全咁放係度～網燒牛扒（５成熟）；可以見到佢係燒得非常靚，係外觀方面絕對拎滿分，不論網紋同個色澤，都好吸引人！岩岩送上黎既時候，牛扒仲處於高溫既情況下，佢既香氣透過Ｄ煙傳上黎，令人垂涎欲滴！味道方面，以~300HKD呢個價位黎講，我覺得值滿分！燒到有外脆內軟既效果～　仲有好微既燶味去令到個牛扒更加香口：）肉汁１咬就流出黎，因為５成熟既關係，肉質好淋，但又唔會冇咬口！　ＮＩＣＥ！上盛之選！黑松露野菌燒帶子意粉；

平時同老公行街經過M3 都想試，今日終於食到啦。可能因為黃雨，7點黎到都唔使等位。我地唔算肚餓，叫左意式炸雞翼，Parma Ham & Rocket Pizza同埋黑松露野菌帶子意粉。 炸雞翼開邊，整得好香好入味，岩晒我平時都鐘意食雞翼既人。Pizza係薄皮既pizza, 完全無令我失望, 個邊好香好脆, 入面既cheese 多到拉到絲！XD 味道非常好。意粉都唔錯，有帶子同蜆，好足料。隔離枱叫左西班牙燒豬，本身都想叫，但太飽留下次。臨走時仲見到門口有D好靚既cake 好吸引：）可以再去！

好多時去找好味的西餐，都要去到九龍區或者港島區，辛苦了新界人。不過原來新界區都有很不錯的西餐，之前試過去新界北區，今次來拜訪一下沙田大圍區。以前有試過來大圍食雞煲，想不到在舊區裡有間意大利餐廳。來意大利餐廳一定要點pizza，於是叫了一個辣肉腸pizza，個人認為份量剛剛好，薄批底食落不會飽滯。西班牙黑毛豬鞍同樣是推介之作，食客可以決定幾成熟，不過因為不是牛肉的關係，我最後點了十成熟。十成熟同樣出色，豬肉質地夠嫩，不會鞋口。薯角也是不錯的小食，香脆之餘也很好味。

兩個人食，同隔離檯黏埋一齊。每碟菜未食完就有人埋來想清走。食物還可以，但係 fine dinning 既細節未到位- 佢地菜色上用既係Kraft 芝士粉，佢哋話只有呢種芝士。佢哋既 bloody mary 係經典版的「差」🤢

朋友說大圍多美食，這天在沙田區見客，特意入去覓食，今次找到了這間在沙田區有兩間分店的西餐廳。一入門口就見到一個甜品櫃，叫人食指大動。餐廳十分寬敞，有很長的沙發位，感覺舒適。首先來的是一客小食，炸薯角。炸薯角炸得香脆，本身的調味粉已經很夠味。意式辣腸薄餅的配料豐富，批邊薄脆，配料有辣肉腸、芝士、菠蘿等，十分滋味。烤西班牙黑毛豬鞍配燒什菜及辣墨西哥汁，黑毛豬鞍肉味濃郁，肉質嫩而爽脆，豬皮煙韌，燒什菜也同樣出色。本來想點甜品，不過已經很飽了。

此西餐廳裝璜很有意式風情，一塊塊掛牆的勵志短語，令人感覺很有朝氣。黑松露野菌燒帶子意大利粉，黑松露及蒜香味濃，很吸引！每款配料都唔少，所以看似清淡的意粉，卻香味撲鼻，燒帶子亦香口軟身，每款配料都是主角！這杯萬紫千紅是mix了 berries, banana and cranberry的沙冰，味道濃郁，每款鮮菓的味道都好出，在炎炎夏日來杯沙冰，真的很透心涼！就是這份意粉及特飲，已足以令人下次再光顧，一家誠意十足的意大利餐廳！

甫一進店便被這大酒櫃所吸引，意式風味十足！保雲酥焗羊架配法邊豆薯蓉羊架本身除了味道佳之外，營養價值也十分高，所以小女定會選羊架作為西餐主菜。舖了麵包糠的羊架被焗至金黃色，上碟外脆內軟, 肉汁豐富,  賣相一流！肥膏不多，羊肉沒有半點騷味。而選擇烘焗方式去烹調，可使油分在製作過程中流走，使食物的脂肪量更低。法邊豆味道清甜，用作西餐配菜很明智呢！薯蓉是一個驚喜位，很幼滑香濃，食落竟然好開胃，食完一啖又一啖！香煎法國鵝肝伴砵酒蘋果啡色表層的鵝肝外脆內軟，juicy感重，鵝肝的軟滑口感一流！配浸過砵酒的蘋果作為伴碟，整份美食就像一件藝術品！朱古力心太軟配雪糕朱古力心太軟蛋糕一般都較甜，但這蛋糕甜度適中，焗得剛剛好，那流質的朱古力湧出來的一刻，立時心心眼！一口暖蛋糕，一口雪糕，一口士多啤梨，冷暖交融，甜酸苦結集在一起！ 這道甜品實在是大愛呀❣

難得放假，訓到自然醒又無咩野做，就貢左入大圍搵表弟食個下午茶我對大圍十分陌生，所以全程由表弟帶路，佢話見到附近有間餐廳好似幾令但一路都無機會去食，所以呢次聽到我過黎搵佢就即刻話要同我要去一入到去，果然裝修幾靚，好意式風情而且座位之間唔會好迫，加上樓底高好有空間感，坐得好舒服都有幾多款式選叫左杯凍檸茶同凍奶茶茶味夠，入口唔會過甜肉醬意大利粉（$56）意粉煮得岩岩好，有咬口而且番茄味好濃，醬汁濃稠度岩岩好意式辣肉腸薄餅（$56）薄餅餅底超脆身，辣肉腸辣味非常香口惹味煙三文魚及蛋沙律窩夫賓尼迪（$60）賓尼迪蛋賣相勁令，超吸晴攪到我狂影𠱓like相而蛋亦處理得很好，一切開蛋黃汁流出，蛋香撲鼻，窩夫吸埋個蛋汁同醬，絕配香辣水牛城雞翼（$58）雞翼好大隻，而且肉質鮮嫩味道酸酸辣辣，十分開胃雖然今次係食下午茶，但係望到個餐牌晚餐菜色非常豐富，而且裝修環境都好好下次約表弟再過黎試下佢既晚餐先

今日和友人踩完單車,在大圍還車,很倦，想揾間坐得舒服的餐廳。比我地行行下,揾到這間環境,格局都很舒服的意大利餐廳。一行入去,已有一列酒櫃。梳化坐位,好舒服。意大利餐廳當然試下薄餅啦,另外還叫了個黑松露野菌燒带子意大利粉黑松露野菌燒带子意大利粉 大大隻的帶子,燒得很金黃,除了帶子,還有很多蜆,配上這個黑松露意大利粉。還有些鮮露荀和蕃茄仔。意粉的質感正是我想喜愛的,不會太淋,軟硬適中。黑松露味不會太濃 ,一般人都啱食。帶子新鮮,煎到金黃,所以外面就硬,裏面是一絲絲的。好味。份量也不少。四式芝士薄餅 薄薄的薄餅,皮脆脆的。見到用料滿佈芝士,很興奮。因有4款芝士,金文畢芝士,車打芝士,水牛芝士和藍芝士但攪不清每一種的分別。面頭加了茄汁和香草,令到顏色好吸引。有種芝士焗完已溶在薄餅上,但有種芝士焗完就依然一塊塊的。薄餅食到鹹鹹地的芝士味,和奶味。同平時食開好多不同配料的薄餅好不同食完兩款食物後,倦已消除。踩完單車,好口渴,不停飲水,店員都不停斟水,招呼很好,又有足夠的人手。

今日在大圍做完嘢去醫肚,行行下,見到依間意大利餐廳,望落唔錯,好舒服.辛苦完梗係要對自己好啲,所以便推門進內。 一入到去,已經見到個甜品櫃,好開心隨即叫了個保雲酥焗羊架配法邊豆同薯蓉,店員告訴我加60元可以轉餐,有甜品及餐湯。甜品就是可以在甜品櫃選擇.首先嚟個磨菇湯,顏色不是太吸引,但飲下之後好驚喜,好香磨菇味,並飲到一粒粒的磨菇碎,所以,每一啖湯都齒甲流香。湯的質感又不會太杰,應該沒有下太多的麵粉煮成,真是真材實料保雲酥焗羊架配法邊豆同薯蓉 一嚟到買相已唔錯,有3大件羊架,還有很多薯蓉。保雲酥我唸係將羊架塗上了麵包糠再焗。我們叫了7成熟。每一件都好厚身,切開後,有點微紅,7成熟剛好。不會靭,又唔羶。沾上不同的薄荷醬,芥苿醬。各有特式。我就較喜歡配上薄荷醬,較清新的感覺。雖然無意粉或飯跟。但有大量嘅薯蓉,煮得很幼滑,好味。甜品我揀了檸檬撻。因為鮮黃的顏色吸引了我。撻皮脆脆的,面頭有一層薄薄透明好似啫喱的東西。檸檬酸中帶甜,口感有啲似毛士,但硬小小。水準很高。一吃完羊架,食這個檸檬撻消一消滯剛剛好一路用餐時,都感覺舒服,因樓底高,所以唔覺嘈,期間店員都不斷為顧客斟水,服務很好.