M3 Italian (已結業)

既然係吃貨之人，梗係要四圍食好嘢啦！今日踩單車由大埔去大圍還車咁岩喺玩單車附近見到有間意大利餐廳，又好肚餓，就唔理三七二十一沖左入去試吓啦，睇吓個Menu又覺得唔係話好貴，同埋佢個裝修都幾靚，最適合約埋一大班人坐低傾吓計飲下酒。我哋叫咗個三文魚凱撒沙律，份量都幾大份，而佢啲三文魚都幾新鮮同埋大塊， 生菜都幾新鮮，不過佢呢間幾特別就係佢會落隻溫泉蛋落去溝埋一齊食，其實咁樣都幾好食，好creamy！之後我哋仲叫咗杯熱嘅伯爵茶，如果你飲完一壺之後可以叫侍應幫你再加水，而沖左幾次茶味道好濃郁。之後叫咗個芝士煙肉青口，呢個真係絕對推介，芝士加埋煙肉嗰個味道勁濃郁，而且佢啲青口大大隻、勁肥美！正！最後叫咗個乳豬，皮脆肉嫩多汁，冇諗過隻乳豬會做得咁出色，食入口一啲都唔覺得肥膩，我哋兩個人叫咗三個餸其實都已經好飽，食完之後我哋仲坐多陣傾左陣計先走。

之前同女朋友食得太多放題，所以今次同佢食返意大利餐。其實之前已經食過M3 Italian ，不過之前係食沙田圍分店，所以今次決定試吓大圍呢間，睇吓食物質素同裝修同沙田圍嗰間有咩分別。喺門口已經見到入邊嘅裝修好靚，佢有好多bar枱，其實餐廳好適合啲OL收工之後落嚟飲返兩杯，一入門口嗰陣時見到門口已經有個酒櫃，係我哋入去嗰陣時仲見到有好多人坐咗喺度飲緊酒，最衰我唔飲得酒，如果唔係我都會同朋友來摸下酒杯底。行埋枱之前經過左個甜品櫃，今次我冇試到甜品， 但係都見到佢哋啲甜品好精美，我女朋友好想食，同埋我見到好多身邊嘅枱都有叫到甜品，下次黎都要試吓甜品先。今次繼續叫咗三文魚凱撒沙律，同沙田圍嗰間嘅味道差不多，啲三文魚都幾新鮮，同埋啲菜食落口好脆，再加上用木盤裝着，都幾特別。呢個青口我女朋友都被得幾高分，食落口好creamy，而青口食落口都好新鮮，不過佢得五隻，我同女朋友都爭住食最後嗰隻。卡邦尼意粉，佢啲料都幾多，同埋個醬汁好濃，好彩佢啲麵條唔係整得淋，我比較傾向鍾意食一啲硬嘅意大利粉，佢呢間就啱晒。最後叫咗個乳豬食，其實佢啲份量都幾多，食到乳豬呢一part嘅時候都已經飽飽地，但係我都係好鍾意食乳

雖然平時好少去大圍，不過一早都知道大圍火車站附近，其實真係好多好嘢食！今日咁岩上網買咗野要來呢度交收，咁不如順便食埋晚飯啦！經過呢一間西餐廳，見到裝修好似好特別好靚，門口係一個落地嘅紅酒櫃，超級有氣派，於是乎就入去試吓！呢度嘅餐湯，今日係南瓜湯，入口超級濃烈嘅南瓜味，滿口都係南瓜蓉，好足料好夠味。跟住叫埋M3沙律(煙三文魚，巴馬火腿)，沙律嘅前端有三個細嘅碟仔，分別放左三款唔同嘅醬汁，沙律裏面有我最鍾意食嘅煙三文魚，仲有超級好味嘅巴馬火腿，作為一個前菜來講，健康得來好夠味道，超級濃烈，正！最值得一提，就係今晚嘅主角:西班牙乳豬！外皮趣卜卜，一放入口嘅時間，簡直好似喺口裏面燒炮仗一樣嘅感覺，而且脆口得來一啲都唔硬，肉質鮮嫩，林治治！真係而家諗返轉頭都肚餓。雖然大圍對於我來講唔係十分之近，但係我好肯定我會再嚟。

難得Happy Friday, 緊係同朋友聚一聚傾下心事喇, 聽聞大圍近來開左好多食店,加上我哋見到呢間意大利餐廳都幾多人排隊,相信都不錯 ,就入左去M3試試了.餐廳裡面的裝修的確不錯, 頗寬敞, 同朋友坐得好舒適…我哋點左M3招牌沙律, 除左沙律菜外,有煙三文魚,雞肉..頗體貼的,仲有3款醬汁伴沙律朱古力工廠這個西班牙燒乳豬真係好吸引乳豬皮脆卜卜配著薯蓉一點也沒有油膩感覺. 怪不得甘多人都叫這味菜喇…最意想不到的竟是這個薄餅, 朋友同我都讚不絕口。薄餅上有帕爾瑪火腿及火箭菜, 火腿與薄餅之間還有蜜桃, 加上黑松露油。除了帕爾瑪火腿的濃味,估不到蜜桃的甜味都非常的夾,很好味

約了女朋友食晚飯，深知佢喜愛意大利菜，梗係要搵間有口碑既餐廳，所以就搵左M3 italian。 係大圍站落車，行左5分鐘都唔駛就到左間餐廳。一入到去，好多客人，坐無虛席。我同女友被安排坐bar 枱，別有一番風味。 間餐廳既裝飾高尚簡約，空間感好充足。 侍應服務態度簡直係一流。睇完個menu之後，就叫左個M3 salad，阿拉斯加長腳蟹意大利飯，西班牙乳豬配薯蓉和紅菜頭，加埋個飯後甜品巴伐洛娃蛋白餅。個M3 salad非常足料有香草烤雞，挪威三文魚，帕爾瑪火腿，羊奶芝士，蕃茄乾，什菜沙律同埋麵包粒。仲有白醋，黑醋同埋沙律醬，任君選擇。係一碟既開胃又健康既前菜，算是M3 其中一個既signature dish。跟住黎既就係阿拉斯加長腳蟹意大利飯。 我係一個蟹肉發燒友，蟹肉足料鮮甜，呢碟意大利飯真係又香又好好味，一定要俾個like先。再黎既就係全晚焦點乳豬薯蓉伴紅菜頭。好多人一聽到乳豬即刻唸到肥膩呢兩個字。但我想講既係呢隻乳豬一d都唔肥膩，仲要係皮脆同啖啖都係肉，d醬汁非常配合，帶出到乳豬肉既味道，令人一試難忘。呢道絕對係M3既另外一道signature dish。而家唸番起都想再食過。食完

呢間餐廳簡直係我人生中食過最差既一間餐廳，先唔好講食物質素，服務態度已經令我訝異。入到餐廳，有位帶位既男士問我地幾位，然後咩都無講就叫我地留低電話，我地心諗..「即係點？」但後來佢望多兩望，就話有位然後帶左我地入去，但最令人白眼既地方係，佢無同我地講過話需要搭枱，就帶左我地入去，其實身為一間西餐廳，個人黎講我覺得都需要徵詢下客人既意見先，可惜...跟坐落黎就到食物質素方面，一個字..「差」。芝士焗青口: over-cooked同埋青口既size都係物超唔值...墨汁risotto: 飯味ok但係魷魚偏咸..重頭戲rib-eye steak: 我地order既係medium rare..但塊牛排係差唔多到well done 既程度，薄都不在話下，但口感係非常韌..結果食左一小塊已經食唔落塊所以我地要求換過碟，可惜第二碟既質素都係無改善，雖然order既係medium rare，但係佢俾medium rare仲要生....落到口係要用盡力去咀嚼先可以落肚... 重要既係，佢既價錢居然係$2xx ..食物差唔緊要，但價錢同質素完全成唔到對比，非常失望!!!!

呢間西餐廳意大利風情係爸爸最愛餐廳，特意同佢前來慶祝生日，一入到歺廳充滿格調，好似酒吧又似歺廳夏天消暑特飲，係歺廳近期熱賣，紅桑子，朱古力沙冰紅桑子紅莓清新酸甜解渴之選，朱古力香蕉咖啡係甜意之選前菜以parama ham 煙三文魚火箭菜為主，特別在於沙律，黑醋相伴，充滿新鮮感，蔬菜新鮮，清酒忌廉湯汁煮青口係熱選鐘意海鮮的爸爸二話不說點叫，味道清甜，湯的鮮味帶到青口濃郁呢碟咸豬手鎮店之最以薯溶背配答，咸豬手即叫即烤烘，熱辣辣，卜卜脆的脆皮，薄脆prama ham pizza 更加係無懈可擊，茄醬芝士配上12個月prama ham 不會咸，夾著芒果的清新味道，口感香脆最後海鮮意大利飯，充滿墨汁的意式飯，啖啖甘香，同時香草調味，正宗名乎其實的意大利飯

I visited M3 Italian (Shatin Wai) for dinner twice and the dining experience was remarkable. M3 Tai Wai was my choice when I had to spend my lunch hour in Tai Wai. M3 is the classiest one along the nearby streets. Overall, presentation was decent but food was not as delicate as dinner.F. Steamed smoked salmon and sole fillet roll with almond lemon sauce $72+ $12 for French onion soupNice soup. It is always interesting that onion flavor of onion soup is not as strong as onion itself. The soup is

這天接男友放工後一起在大圍吃晚飯，選擇了有不少好評的餐廳，M3 果然是熱店，店內生意十分好，我們8時前到達，雖不用等位，但只剩下吧枱的位置餐廳供應意大利菜為主，如意粉、薄餅，也有其他西式菜式，款款都很吸引。餐牌上大部分菜式都圖文並茂，很清晰除了沙律，我們還點了焗長腳蟹意大利飯、西班牙乳豬和Pavlova，是我們認為較特別的菜式M3 沙律($148)：很大的一碟，有多種新鮮的沙律菜，配有3種醬汁，個人較喜歡加olive oil和中間那黑醋醬沙律中還有烤雞、pama ham、smoked salmon和羊奶芝士，豐富了口感和味道，所以沙律吃起來並不單調焗阿拉斯加長腳蟹意大利飯($168)：芝士如被子軟攤在意大利飯上雖然經過烤焗，但蟹肉仍然juicy意大利飯的醬汁酸酸甜甜的，味道就有點像茄汁加千島醬，很合我口味，吃起來不覺膩西班牙乳豬($228)：是日晚餐之亮點乳豬皮烤得十分香脆，乳豬脂肪不多，但肉並沒有烤乾，依然保持嫩滑juicy乳豬底下的是醃紅椰菜和薯蓉，紅椰菜有淡淡的紅酒味，而薯蓉質感十分幼滑。乳豬連同紅椰菜和薯蓉一起吃，滑而不膩Pavlova ($68)：因為意猶未盡而點的~Pavl

大圍一向出名多好野食，今日忽然想食西餐，看見這家餐廳有不少顧客，便決定試試。這家餐廳門口有個大招牌，很容易辨認。大圍的餐廳普遍是小店，但這家西餐廳樓底好高，也有很多座位，想不到大圍也有一間適合一大夥人或三五知己的聚餐處。一般沙律、Pasta、Pizza、Steak等都有，較特別的是這餐廳也提供生蠔和海鮮拼盤呢！經過漫長的苦思，最終點了一個小食拼盤、薄餅和意大利飯。上菜的速度十分快，初時以為他們是預先準備好，然後焗熱便上菜，但摸過碟子，碟子是不熱的，所以應該不是預先烹調好的，只能說廚師的效果很高！炸雜錦三式：意式炸雞翼、酥炸大蝦和薯角，三者之中，最出色的是酥炸大蝦，生熟度拿捏得很好，不會太熟，而且炸粉不厚重，配上沙律醬，令人回味。然後是意大利辣腸薄餅：是薄批來的，我們平常是喜歡吃厚批的，但這個薄批卻令我們有點改觀。這個薄批餡料很多，味道醬料很足，薄餅底和醬汁很夾，而在旁邊的餅皮則很像餅乾般脆，簡直有點像吃薯片一樣。一個薄餅吃出兩種質感，真的很不錯最後的是阿拉斯加長腳蟹意大利飯：是傳統的意大利飯，飯質是有點生和硬的，蕃茄汁也不多不少，蟹肉則混在芝士之間。很少看見意大利飯和搭上沙律菜，但又出

M3係我暫時食過最好味嘅意大利餐廳！一啲都無誇張，真係好好味！不斷介紹其他人嚟食！相比起沙田圍嗰間，呢間算係新店。裝修簡單得嚟有特色，仲幾有工廈feel添。明知餐廳主打忌廉藍青口嘅我，次次都要推介比朋友食！藍青口粒粒飽滿，大大粒，洗得好乾淨，可以放心原隻吞。外表滑溜，易入口，入面新鮮嘅味道令人無法抗拒。最值得讚嘅就係白酒忌廉汁。直頭當湯飲都得，稀杰度啱啱好，好味到成隻碟比我清晒，汁都無剩！西班牙乳豬係呢間餐廳第二樣值得推介嘅主菜。乳豬皮超脆，肉質好嫩，唔洗點咬就已經將肉溶化。乳豬下面仲有軟滑薯蓉喺底！西班牙火腿 Pizza又係好正！薄身嘅餅底令人覺得食pizza可以如此無壓力！毫無飽滯感！parma ham一片片易入口，咸味突出，面頭鋪上火箭菜，加入黑松露油，簡直係絕配！M3沙律亦都唔錯。雖然雞肉少d，得兩細件，但係整體份沙律味道幾好。最主要係煙三文魚帶出沙律嘅主調，加入少量parma ham，唔怕搶走煙三文魚嘅風頭， 至於芝士、蕃茄乾、麵包糠，撈入成個沙律嘅中間，口感同味道都好夾好均勻。仲有三色調味醬，包括檸檬汁、帶有酒香嘅黑醋、沙律醬。

沙田範圍真係好少意大利菜既餐廳，咁啱今日係大圍就遇到一間😍😍一入到去啲waiters都好好禮貌☺️加分！嚟到野食既環節，點可以唔叫好出名既carbonara呢😋😋果然一間好食既意大利餐廳呢碟係唔小得！啲意粉又唔會煮到太「林」，又唔會太軟，汁又多又唔會覺得太膩，正呀！作為一個健康既香港人又點可以唔食菜呢？Salad近期就好hit啦😍呢碟係雞扒凱薩沙律，實在太正啦😍😍大家經過一定要去試吓

去大圍一帶真係餐廳林立，唔同種類嘅食物有平有貴，但係今晚想同朋友靜靜地傾吓計，入到M3第一個印象覺得冇揀錯。一入門口，望到個樓底咁高，同埋枱月台之間都有一定嘅空間，餐廳播住好輕快嘅英文歌，特別鍾意以木為主題的餐廳， 總係會俾人一種好舒服嘅感覺，應該都係傾計嘅好地方。再睇下個餐牌，只係沙律種類都好多，朋友之前試過呢度嘅薄餅，係傳統薄批，所以今晚一心諗住試吓。帕爾瑪火腿火箭菜薄餅$138仲有蜜桃肉。黑松露油。其實傳統意大利薄餅係應該係薄批，批底幾香脆，黑松露油撲鼻而來，火箭菜亦非常新鮮。成個Pizza嘅配搭都唔錯，有不同嘅口感。烤西班牙黑毛豬鞍（12安士）配燒什菜及辣墨西哥汁$238個墨西哥汁真係帶有辣味，刺激味蕾。要讚一讚黑毛豬安烤嘅時間非常剛好，豬鞍比一般的豬扒，口感較甘腴豐香，肉質軟腍細緻，爽口彈牙，伴碟嘅燒什菜都有兩三種之多。如果想喺大圍搵一間舒服嘅西餐廳談談心，呢度係一個不錯嘅選擇。

難得在大圍見到有間意大利菜餐廳，食物價錢又合理，便入內吃晚餐......一入內，在門口處有一牌酒櫃，放置很多不同的美酒。我覺得這個美輪美奐的佈置非常好，可以將食客和等候的客人分隔開，讓食客見不到有人等候、虎視眈眈的壓力。座位也非常寬敞，可以放鬆心情、舒舒服服享受一頓晚餐，讓疲勞盡消 ^_^我叫了「M3 沙律」及「黑松露野菌燒帶子意大利粉」。嘩！沒想到M3 沙律份量很多，內有香草烤雞、煙三文魚、Parma Ham、羊奶芝士等；另外還有三款不同的醬料配沙律，亦可配黑醋和橄欖油。一份沙律可配搭不同味道的醬料 沒想到小小一碟意大利粉很足料！除了有黑松露、野菌和燒帶子外，還有蜆肉及很多配料。可是我覺得意大利粉的顏色頗特別，而且較粘稠，但與其他材料一起吃，味道恰到好處。

I've been to the Sha Tin shop before which leaves me very good impression.The Tai Wai shop has a different style from the Sha Tin shop, I like the environment here more. It looks far more spacious thanks to the high ceilingUS pearl oyster $278/6 So fresh! It's highly recommended by the waiter. The liquor just tastes amazing and the oyster is very creamyDeep fried chicken wings in Italian style $58Not as impressive as the other two dishes, but not badQuattro formaggi $148If you like crispy pizzas