M3 Italian (已結業)

相約幾個好友吹水聚聚，今次就㨂左M3 Italian, 之前食河畔總店覺得不錯，今次就試埋大圍依間。餐廳裝修簡約得黎有點modern, 黃黃既燈光最適合麼著酒杯吹水。。。先黎個沙律開下個胃，有沙律菜、雞肉同三文魚，配埋醋黎食好醒胃😊朋友想食青口，就叫左芝士焗青口，上面配左煙肉，食起黎都幾惹味🙂依道既main course portion不會太大，好采我地唔算大食，加埋前菜/甜品3個人2個main岩岩好😉主菜我地試左焗長腳蟹肉意大利燴飯，意大利飯唔算好正宗，唔咸唔al dente ，大概係港化左更易俾人入口啦⋯⋯蟹肉唔算多，大概拆左一小隻長腳蟹咁，但都算好味，😀但如果追求好似意式咁硬硬地就唔係果回事。試埋意大利雲吞，個鴨肝真係好濃好濃呀😈不過就要留意同枱有無人唔食鴨肝，未必接受到咁重味架。甜品我就㨂左唔太甜既綠茶，唔好甜既我就幾滿意，抹茶mousse 都幾滑😊

晚餐在M3 Italian意大利式餐廳其中分店位於大圍積富街，距離大圍火車站出口祇有百多米路程，行程不須兩分鐘，十分方便。炸雜錦三式，當中有意式香炸雞、酥炸大蝦及炸薯角等，炸得十分香辣，再加上有惹味醬料如茄汁沙律醬等作調味，食落自然可口十足。帕爾瑪火腿火箭菜薄餅，薄式薄餅上幾塊切帕爾瑪火腿肉及靚密桃果等，再加上火箭生菜及黑露油配料，若洒下辣椒油芝士粉或黑椒粉面上等，食落番尋味。黑松露野菌燒帶子意大利粉， 幾枚香燒烤帶子放在意粉上，幾塊野菌菇類連殼則圍放在意粉旁，再加上紅辣椒洋蔥及蔥菜等混雜於熱辣乾炒的意粉中，吃落口當然惹味十足。甜品(蛋黃慕絲配白酒雜莓啫喱桑子汁) 和意式芝士餅都是自然食過心都甜。

聽朋友講 M3 Italian 的大廚好有水準，又見到大圍分店裝潢設計，即刻看餐牌的廚師簡介。炸雜錦三式，當中有酥炸大蝦、意式炸雞、薯角。酥炸大蝦加唔加沙津醬食都好正，炸雞連雞肋骨都想食埋，薯角好多薯肉。黑松露野菌燒帶子意大利粉，燒帶子配上黑松露突出了帶子鮮嫩。當然要食番D 甜品，叫了蛋黃慕絲配白酒雜莓啫喱桑子汁，酒香夾雜莓啫喱桑子汁好恰當, 細緻的酒香又滑滑的口感。意式芝士餅，甜滑細緻的外型，令人覺得有情調，當中的芝士味香滑。

after lunch at this restaurant, would never come back. average food. beef burger at $128 with a side of French fries... no salad or soup included, not even the most basic cup of tea or regular coffee. at that price, these are the most basic things should be included. May I remind all readers, this restaurant is located in Tai Wai. Not Central or Cwb. The ketchup they give you in a small container is just enough for a single fry. I needed to ask for an extra 5-6 extra "serving" for 10 fries. Imag

朋友係附近住，見好耐無聚舊，等埋佢收工食個晩飯，今晚好想食意粉。朋友就提議呢間有兩間分店嘅M3意式餐廳，佢話食過唔錯的。我係雞翼控，所以叫左呢個做appetizer。一放落枱已經香氣撲鼻，陣陣香草味。食落口，係單骨的，好易食，好脆口又夠熱！正！黑松露帶子硯意粉，好味！又係一放落枱就聞到好香ga黑松露。所有食材都好夾同食得出好新鮮好足料，帶子大大粒。叫左個亞洲fusion歐洲嘅木魚鮮蝦pesto pizza。個味又出奇地夾。皮薄脈餡靚。餐廳職員好好服務，同好貼心安排bb椅同餐具。

仲味入門就已經見到有人要等位,好彩book定位先，入到去原本係坐高檯，餐廳職員見對面檯有食客走就幫我地轉過去，甘我地又可以坐得舒服D,拎我感覺D職員好細心。最近轉季，連我都病咗，所以叫咗杯蔬果汁飲，增強下抵抗力。左邊：青蘋果汁 。好清甜。右邊：紅蘿白汁 。搾得好好，吾會好大陣紅蘿白味。見餐牌上有兩種吾同的青口就簡咗依隻，記得另一隻係焗芝士，我本身對芝士麻麻，所以就簡咗依隻藍青口，肉身好滑好軟，食落的味道好似食緊生蠔，好特別，第一次食到有其他食物的味道甘接近生蠔，同埋都幾大隻，好抵食，令我對平時食開個D的cheap cheap青口改觀咗。餐廳好有誠意，係用真材實料的阿拉斯加蟹，食食下發現蟹柳肉中間仲夾住蟹柳的骨，好食到俾我個朋友清哂甜品更加係出乎預料之外，估吾到整到甘令，好有酒店水準的甜品，生果食材新鮮，藍梅好甜，最底層係個白酒啫喱，成個甜品又吾會好甜，好好味，影相相又令面頭需然烤到黑咗少少，但入邊同出邊個層一起食真係好正，好溶化的感覺，上檯的時候係感覺到岩岩整好，入口時仲暖暖熱熱。連朋友都話讚食飽飽，見環境幾令，忍吾住再影多兩張相先走。

poly人覓食到大圍！( 為咗食可以去到幾盡， 雖然其實唔太遠)店員推薦M3 Salad， 見啲款沙律用餐廳命名， 就相信佢係餐廳代表作， 於是毫不猶豫地叫了一份， 沙律一端上檯， 直覺就告訴我今次點對了菜！別看沙律只有凌亂美， 以為係廚師隨意發揮藝術感， 仔細看沙律材料鋪陳亂中有序， 由於此為二人份量廚師細心地將每款食材平均分佈於餐碟的兩端， 黑人面對面坐不用伸手到遠處就能品嘗一遍所有沙律的精華食材， 包括煙燻三文魚卷,風乾火腿,車厘茄和蒜蓉包粒， 可見廚師的一番心思💓除沙律附送三款滋味醬料， 有意大利陳醋 ,蜜糖蘋果醋醬以及沙拉醬， 讓客人各取所需！沙律中所有蔬果新鮮十足， 想不到車厘茄脆卜卜，非常鮮甜！十分欣賞餐廳特意將羊奶芝士粒加入沙律中✨蘋果醋就飲得多 ，但將蜜糖加入蘋果醬做沙律醬汁就真係第一次嘗試， 那種酸酸甜甜的感覺清新開胃。青口比想像中鮮甜， 蒜蓉或白酒煮青口食得多， 估唔到原來可以加入忌廉和煙肉， 食落去有幾特別。重頭戲就係呢個...鵝肝雲吞！ 咁大個女都冇食過， 一放落口鵝肝餡料散發出甘香， 香口得嚟唔油膩， 再配上真材實料的番茄蓉， 味道口感層次一樣豐富！睇落雲吞

之前係沙田已經試過，見到佢開分店就嚟試下佢ok唔ok先。地方比沙田個間濶落咗同光D樓底仲好高唔會好有壓迫感！叫咗佢個M3 Signature 沙律,有煙三文，雞扒，西班牙黑毛豬火腿片仲有3種醬俾你~個人喜好黑醋~好味道~之後叫左杯紅酒,但唔記得叫咩名, 飲落去唔會"鞋"口又唔會有好勁既木味~唔錯!另一杯係"Sex on the beach"淡味咗D, 如果濃番D就好啦!我地仲咗個RIB EYE, 落單講咗話要5成熟佢竟然嚟咗全熟(我暈了!)開頭叫佢地換過份5成熟俾我地, 個waiter話廚房出個陣係5成冇得搵....我即O咀,之後佢問下個經理, 經理話換過俾我地...換咗既牛扒今次真係5成熟啦, 但我覺得唔夠牛味...麻麻地!!!感覺上沙田個間好食D~提外話:呢個經理真係唔錯~由我打電話訂枱話要係甜品寫字(附加費$40), 到餐廳佢都好好service~值得讚!!

(又爆相，所以甜品又要另上)Pavlova (蛋白餅) $68喺我淺薄嘅甜品知識入面，蛋白餅就類似Macaroon咁，係一種比較甜嘅甜品，甚至會漏。不過見咁多食評都推介，就即管一試，開吓眼界。外層係cream，內層係脆卜卜嘅蛋白餅，中間有芒果雪糕夾心，溶化旁邊嘅蛋白餅，食喺上嚟更有層次。我哋慢慢食，雪糕溶化，變成流心。就咁食嘅話對香港人嚟講會太甜。M3調製咗微甘、酸甜嘅熱情果汁，淋上蛋白餅品嚐，即刻令為佢增添夏日風味。蛋黃慕絲配白酒雜莓啫喱紅桑子汁 $54擺碟精緻，紅桑子汁仿如漩渦，吸引住我哋嘅目光。下層啫喱嘅白酒並無揮發掉，初時嚐到甜味，酒嘅甘香隨之而來，酒精嘅後勁喺吞嚥嘅一刻釋出。蛋黃慕絲比較rich, 奶同蛋黃嘅油脂減低酒嘅澀味，酒同時令蛋黃冇咁膩，係唔錯嘅配搭。呢個甜品唔係間間餐廳同cafe都有，個人嚟講比較推薦蛋黃慕絲配白酒雜莓啫喱紅桑子汁~

m3離大圍站唔遠, 但唔喺大街, 所以客人都係慕名而來室內設計走工業風, 燈飾如鹿角, 具狩獵感覺, 令餐廳隨性之餘富格調。M3沙律 $148含grilled chicken, parma ham, smoked salmon...仲有羊奶芝士。材料十分豐富。但醬汁先係令沙律嘅誠意所在!意大利黑醋稠身, 甜而不漏!但更愛半透明醬汁!!未食已經聞到蘋果香, 入口後先滲出果味, 果醋味隨即衝擊味蕾, 最後散出白酒餘韻~配肉清新, 伴菜醒胃~法國鵝肝雲吞伴蕃茄醬 $158初嚐鵝肝。雲吞帶脂肪香, 有啲似羊膻味。茄醬入面嘅粗粒蒜泥為蕃茄甜味增添微辛刺激~原來翠綠下係一塊又塊嘅雲吞, 份量頗大芝士煙肉焗半殼青口 $78*甜品篇「叫起」~

今日放假，去左大圍搵個好耐冇見既朋友仔，佢話附近有間幾舒服既餐廳，可以坐低慢慢食慢慢傾🙊🙊🙈入到黎感覺就好似去左歐陸風情既國家，悠閒，安靜，邊聽住Jessie muics邊享受lunch，就好似係繁忙既世界中找到一片可以俾你停下休息既地方一樣😴😴Lunch menu 跟餐可以揀湯或者沙律，滿滿既沙律菜，而且d沙律好新鮮👍🏻👍🏻粟米忌廉湯，濃濃粟米味三色pizza,哩個係素食為主既pizza，有蕃茄、basil 、cheese ,因為係薄pizza底，所以食落脆卜卜🙊🙊😍黑椒肉眼扒😱😱好大件，差唔多有30cm x 15cm咁大件扒，要兩個人先食得曬🙈🙈牛扒肉質鮮嫩，食落充滿牛既肉香味，極力推介，好味👍🏻我揀左薯菜，上檯發現係薯蓉，岩曬我心意，薯蓉加黑椒汁簡直一流😍😍

早兩日到威爾斯親王醫院探病， 探完病就到大圍附近食個快飯， 唔知點解行下行下就去到呢間M3 Italian, 望望個menu平均都要八九十蚊一個set, 但午飯時間周圍都咁多人, 呢間可能相對價錢冇咁平民化,所以冇咁多人,最後選擇咗呢間。叫咗份午餐安格斯牛肉漢堡, 漢堡包連薯皮, 酸瓜及兩款醬汁包括茄汁及酸忌廉醬畀你點， 薯皮熱辣辣，外層脆卜卜，本身個味道都夠，帶點鹹鹹地， 唔駛點醬汁都好食， 安格斯牛肉漢堡個size都好高好大分， 厚厚的牛肉漢堡扒見到都開心， 裏面好簡單咁配咗生菜蕃茄 及洋蔥， 呢個絕對係簡單之選，因為漢堡包真係乜醬汁都冇，全部都係靠簡單嘅食材，同埋新鮮嘅蔬菜， 牛肉漢堡扒略嫌乾咗少少，唔夠juicy， 不過個牛肉味真係幾重。餐廳環境真係好型格好舒服， 唔多人嘅時候或者happy hour落嚟飲杯酒都唔錯㗎!

M3係一間係新界區幾出名嘅西餐廳，之前去大圍個間都冇令我失望如果有啲celebration嘅我都推薦大家黎大圍依間嘅感覺比較high end d,岩哂有格調嘅朋友黎大圍chill一chill講到最推薦一定係m3沙律啦，$148其實一啲都唔貴，醬料有三種，三種唔同口感口味，相當refreshing!而且份量相當抵食，有煙三文魚，coldcut同cheese做balance,加埋新鮮嘅生菜完全balance到口感👍🏻之前自己都食過幾次m3沙律，大圍依間一啲都冇令我失望，保持到應有水準另外我叫左一杯15年嘅紅酒做炒少餐前refresh,雖然年份近但味道幾溫馴易入口，飲落個感覺會偏薄啲，但留香都長意粉黎講個味道好好 Creamy得黎係天使麵幼身但好彈牙簡單嘅ham令到成件事好perfect

因為工作關係黎到大圍, 大圍近期己成為美食之地, 無論小吃定café等選擇都好多, 今次去左呢間係沙田有名氣既西餐café來了個下午茶, 雖然唔係地鐵站隔離, 但行十分鐘左右都去到, 唔算難揾。平日下午黎所以人流唔多, 正合我意, 樓底十分之高既設計令空間感大大提升, 加上日光透入, 選擇坐玻璃窗隔離嘆呢個下午茶更添寫意。本來想食佢個招牌M3沙律, 但原來下午時段只有下午餐MENU可以叫, 所以我就揀左個木魚鮮蝦薄餅～本來下單時問左店員份量幾大, 佢話6吋左右, 一黎到目測有近8吋, 好大個!!!!雖然愛澱粉既我一向中意食厚身Pizza, 但呢到既超薄身薄餅都吸引我, 薄身無比既餅底令脆度更明顯, 每咬一口都有食緊餅乾既感覺, 鮮蝦一隻一隻平均地放於每片PIZZA, 令每件都可食到蝦, 配埋開胃新清既經典千島醬, 令原來只想吃沙律既我都不知不覺咁啃下咁大個PIZZA呢表面既木魚亦是加分位, 同千島醬幾相襯喎~~~仲有啖啖菠蘿與椒絲作中和, 豐富既PIZZA!飲品只係叫左最簡單既涷檸茶, 但剛剛好可以中和一下PIZZA既飽滞, 高質既下午茶但竟然只係五十幾蚊, 相信晚市既主菜會更吸引,

The food in m3 italian is really dilicious.I love the pizza the most,it is very crunchy.There is a large variety of food there.The best pizza is the wild mushroom pizza.there are lots of mushroom on it.The salmon fish there is good too.unlike the other restaurant,the salmon fish is thin and fresh to eat.