M3 Italian (已結業)

記得以前細個嗰陣，間吾中都會約d同學入黎大圍踏下單車...不過而家就好少黎大圍了..今晚因為朋友住大圍嘅關係..所以就去左大圍嘅M3度食晚飯..餐廳樓底好高..所以空間感好足..另外其他裝飾都好靚，睇得出有花過吾少心思..整體感覺很舒適👍👍雖然佢地冇dinner set，但可加$60就有湯同甜品...结果我就叫左烤有骨朱扒配黑松露野菌忌廉汁...朱扒可選擇八成或全熟的..而我就揀左八成...雖然塊朱扒好厚身，但d肉質都可以烤得咁嫰滑，認真有水準，再加個好香黑松露味嘅忌廉汁，冇得輸😋😋我地仲叫左個夏威夷煙三文魚pizza 嚟share...傳統嘅意式薄批，入口鬆脆，配上菠蘿及煙三文魚，酸酸甜甜，有種很開胃的感覺最後當然吾少得一個出色嘅甜品-香橙疏乎厘...脹卜卜軟綿綿，口感特別，啖啖橙香..😋😋

話咁快就2018年啦，約好左朋友2018要黎個飯局，約左係大圍，但又想搵間坐得舒服環境又好既西餐廳坐底食下野吹下水，之後經同事推薦之下去左一間好高質素的西餐廳，果然無介紹錯丫，食物質素又好環境又好我同朋友都食得好開心。就係去左哩間啦。門口都好靚丫仲有一堆廚師推介既餐單可參考哩個薄pizza我最愛，我最鍾意食薄批，材料有芝士有雜菌再加辣肉腸真係令到成個pizza 都好惹味丫整個配搭都好match...超正點左個長腳蟹配辣肉腸意大利粉，好多料丫長腳蟹好新鮮，夠哂鮮味，個意粉有少少辣，食完仲更加開胃丫最鍾意食脆卜卜既野，黑松露芝士薯條，仲要係波浪型薯條，黑松露味好香濃，再加埋芝士簡直係絕配既組合。我一個人都食左好多條點少得叫甜品，哩個心太軟口味好特別，係綠茶朱古力味既心太軟，果然有驚喜，真係好好味，又有濃郁既綠茶味又有朱古力味，咁好味既甜品我一定要再去食多次

今天因為朋友介紹嚟到大圍同區食肆林立中一間相對高檔嘅西餐廳西式裝潢增加氣氛在場有唔少侍應，服務態度很好，凱撒沙律有好好味嘅Palma ham 做topping, 生菜好爽脆清甜，同火腿好夾中間竟然有隻溫泉蛋，有點驚喜芝士味屬中等口味，有點點香草調味，令沙律更昇華意粉微微辣味，龍蝦汁亦好香，好味主角出場，suckling pig個皮超超超脆 肉質嫩滑食到有肥膏，香但唔膩，真心推介伴碟嘅薯蓉都唔講得笑，薯蓉滑暖加埋中埋煙肉碎，好完美在場有個cake櫃，好想食，不過實在食唔落，留返下次再試。

節日當然佳人有約，朋友邀請我到大圍晚餐，知道但係附近好多好嘢食，今晚呢一間環境好浪漫，樓底高，裝修很有格調，睇得餐廳出好有心思，十分喜歡這個環境我們叫左個，香煎銀鱈魚柳配日式麵豉汁。銀鱈魚柳煎過，但冇散開，食落肉質帶魚油香，唔腥亦不油膩，日式的麵豉汁味道甜，再加以配菜，配以簡單的碟，簡單的描畫就變左一件藝術品嘞！也叫左個夏威夷煙三文魚薄餅，煙三文魚薄餅不錯，底層番茄醬和意大利軟芝士配挪威煙三文魚，味道也清新！每人叫左個甜品，我是法式焦糖燉蛋，表面那層焦糖香脆，這個法式焦糖燉蛋是凍的，還害怕不夠幼滑，入囗仍然外脆內滑， 蛋味同樣濃並滑，不過個人較喜歡熱食

難得假期，特地前往沙田的文化博物館看pixar展覽。反正順路，參觀前特地到出名多美食的大圍覓食。懶洋洋的假日最適合悠閒地吃brunch。M3假日正正提供brunch，讓你睡晚了都可以享用豐富早午餐。餐廳挺大的，環境舒適。我們來得算早，是第一對客人。煙三文魚班尼迪蛋-好像很基本，但M3做得比一般餐廳細緻，麵包塗上牛油烘得脆脆的，配上鹹香的煙三文魚和流心的雞蛋，實在是完美配搭。牛肉漢堡-份量十足，漢堡扒厚厚的，令我們不得不把漢堡解體享用。菠蘿有助減低油膩感，薯角亦香脆可口。不少西餐廳食物不錯，但咖啡淡如水，作為一頓的尾聲實在掃興。M3的咖啡完全沒有這個弊病，香濃順滑，為這頓美味的早午餐畫上完美句號。

為了你而第一次寫食評，你都算叻。在大圍少有的意大利餐廳，門面睇落去都算唔錯，咁我估食物質素同服務都應該不會太差吧....點知......先講食物，第一道: M3 沙律，賣相不錯，但仔細睇，沙律菜開始變黄，唔知係米放得太耐，味道可以吧，諗唔到可以講話有幾好食。(醬汁留待下part講)第二道: 煙肉青口，賣相ok, 味道ok, (應該都好難整得唔好食)第三道: 巴馬火腿火箭菜pizza, 賣相ok, 餅底夠脆，味道ok, 唯一少少敗筆就係d蜜桃，俾人嘅感覺係用罐頭蜜桃，無其他新鮮d嘅食材可選用? 第四道: 西冷牛扒，呢個真係呢......致命死因: 薄，難以掌握熟度，結果叫5成變左全熟，換左第二塊，ok, 有番d血水，但切落好多根位同肥膏，食落無乜牛味，黑椒味夠重，以為自己食緊大家樂爵士牛扒，但收我4倍價錢，叻。食物講完，依家到服務。第一道沙律，有三個醬汁，侍應落菜時無簡單介紹，咁我就多口問下啦，答案係:「Er...我都唔係好清楚，我要問下人先....」，真心希望呢位侍應今晚之後可以記到係乜，哈。第三道青口，未食完就想收我碟，趕住收工? (當時仲有3枱客)，其實等我埋單先收唔得咩？我又唔係

臨近聖誕節，緊係要同老公出去食飯慶祝啦，但我地唔係正日慶祝，係提前幾日就慶祝啦，左簡右簡，簡左大圍哩間M3西餐廳，環境真係好有情調，再加上有聖誕裝飾佈置，聖誕氣氛更加濃厚，食物與素都好有水準丫，同老公食得好開心。好彩一早Book左位，我6:30pm就到啦，店內環境好靚丫仲會有個黑板寫左廚師推介食物老公點左杯雞尾酒飲，佢表示酒精濃度好夠，仲調製得好味道黑松露芝士炸薯條，薯條再加黑松露真係好正丫，味道好夾，我最愛黑松露既味好香濃，食到唔識停口丫真係。點左個辣肉腸Pizza,我最鍾意食pizza係薄批，好足料丫，仲有一層厚芝士係面，好惹味丫蟹肉意粉，有少少微辣，真係好好味，材料都好充足，份量岩哂兩個人食，綠茶心太軟。我平時食都係朱古力味心太軟，而哩個綠茶心太軟真係超正，好香濃既綠茶味，再加上有朱古力味，簡直絕配，一定要點。門面都好靚架。

去開大圍lunch, 途經呢間餐廳,感覺好有格調, 外表討好被吸引左入去。入面坐位寬闊,燈光又悠和 真係好鬼舒服。下午有lunch set, 有餐湯或沙律,主菜, 甜品同飲品。 我揀左餐湯, 係蔬菜忌廉湯, 飲落似忌廉湯無乜特別蔬菜味。牛扒超大塊, 簿身, 有D蔬菜如茄子呀 墊底嘅, 但我影相時冇發現, 食到一半先知... 因為塊牛扒真係好大塊🤣, 意粉就無特別 , 加左D 香草咁啦。巴馬火腿凱撒沙律, 好抵食, 大碟, 巴馬火腿無話死咸味!呢個漢堡又係厚厚的, 仲有牛味,加一塊菠蘿, 好 fresh呀! 配肥肥厚肉薯條, 超正。3個set 埋單$256 , 都算好抵食 , 因為份份 都好似晚餐咁,而且格調又好。

放假入左去大圍一日遊。周圍搵下有咩食原來都有很多餐廳選擇。還以為大圍很冷清。😆見到呢間餐廳，好似幾吸引。環境又很像很不錯。M3 ITALIAN 🇮🇹餐廳的裝飾都很靚一入去就看到個甜品櫃！甜品都好靚，好吸引人。等陣一定要試下😍有士多啤梨/藍莓撻 😍加了$60 個set, 有 是日餐湯同cake. 都幾抵。因為問左d職員，叫一個甜品要$50。但加錢轉set就可以係甜品櫃揀一款cake 😊今日既餐湯係 菠菜湯。🍴以為都係得d青草味同會好淡。點知飲落去都幾好味，又夠味喎。👍飲到成個咀唇都綠色 😂見到隔離抬食呢個意粉，話好味。我地又叫左黎食 😆🍴黑松露雜菌鮮蝦帶子意大粉大大碟，好多料呀！☺好香好濃既黑松露味♡好惹味 啲海鮮都幾大隻，唔會話好細。又真係幾好味喎！！再出去揀甜品喇！！真係好難選擇呀！本身想揀士多啤梨撻。但又想試下出面少食到既。所以最後揀左 🍴伯爵茶慕斯蛋糕上面舖有士多啤梨可可同慕斯。 下層就係伯爵茶味 既慕斯同蛋糕。一開頭分開食上層，就覺得好甜。再食下層既慕斯又覺得茶味太濃。 原來要一齊食，就岩岩好，match埋.將d味中和番，咁就好味。😋😋再叫左個甜品：橙味梳乎里 🍊個梳乎里會慢慢

This was my 2nd time visiting this restaurant.  The impression on my first visit a few months back was very positive.  However this time it was totally turned me down about the food.We did not make any reservation so we did not mind to wait for 20 minutes at around 8.10 pm.   The manager offered us a shared table with the others on high chairs.  That's fine because we came here and expected having a good dinner.Ordered the mussel on white wine sauce but was told that it was sold out.  So we ende

聖誕緊係要食個大餐 開心下 😆😆經過大圍條食街，見到呢間食西餐見佢d佈置好靚。成間都充滿聖誕氣氛😊d野食又好似唔錯咁。就入去慶祝下，食個聖誕大餐喇！ 😍😍環境都幾舒服同闊落。安排坐梳化。☺🤶🏻安格斯肉眼扒🐮（10安士） 配燒汁煎到塊牛扒好靚靚！都好大塊 😍伴菜有薯仔 蕃茄 同青豆大蕃茄上面落左d綠色既汁，咬落好清新，都多水分喎。唔會話好乾！薯仔 都夠林。都幾好味。牛扒叫左5成熟。切開真係煎得到半成熟！太好。通常啲餐廳，成日問完人幾成熟，到最後上菜都係9成熟……🙄🙄呢間真係做到，太好了！😋😋d牛扒再沾d燒汁，個牛味食落更加突出！😋🗨黑松露雜菌鮮蝦帶子意大粉🍤（餐廳推介菜黎）都幾多配菜，唔會話得個兩粒。😍大大粒既帶子，食落好有口感。加上有d黑松露味。更加好味！鮮蝦咬落都彈牙。黑松露個味再配落意粉度，真係幾好味！😋通常我都喜歡食較軟身既意粉，因為覺得會入味d。而呢碟意粉就硬身d,但反而覺得更好！因為佢本身好夠味，所以食落更加有口感。👍唔錯呀！😋呢間餐廳d野食都幾好喎 😎過左一個開心既聖誕假 🎅🎅🍴🍴

大圍多好野食個個都知 朋友住大圍話有一間唔錯既西餐廳 我當然唔會放過機會叫佢帶我去食😙兩個上左一日堂都非常肚餓 所以一坐低就叫野食 兩個人都有嚴重選擇困難症 望到隔離枱叫既pizza好似唔錯 所以就叫黎試下 果然冇令我地失望😍Parma ham pizza誠意推薦呀👍🏻👍🏻👍🏻本身我比較鐘意食厚批pizza 不過佢既薄批都唔會話太乾 食落去都脆既 芝士同parma火箭菜既味道好夾 兩個餓鬼好快就食晒我地仲試左黑松露野菌燒帶子意粉 身為菇菌類既fans 野菌同海鮮既配搭冇得輸呀可惜既係我地兩個人去試唔到M3沙律 下次有機會要再黎試下

成日經過大圍都見到呢間餐廳，好大個招牌，樓底又高，終於有機會同朋友試下！入面環境氣氛都好好，侍應都好nice！白酒蒜片煙肉藍青口我嘅目標係要食晒全世界餐廳嘅青口，你到呢度當然一定亦要叫一個！分量唔算多，作為前菜兩個人啱啱好，蒜味濃郁，加上煙肉鹹鹹地，同青口好配！青口新鮮隻隻都係大size，真係想嗌多一個食！焗阿拉斯加蟹腳意大利飯配紅花汁以前聽人講紅花汁配海鮮會好好味，依家終於有機會試吓。紅花粉加白酒，仲有少少檸檬汁令海鮮嘅味道更鮮甜，蟹腳唔算大隻但肉質實厚，同紅花汁好夾！香煎銀鱈魚配日式麵豉汁平時就食銀雪魚多，但配日式麵豉汁就第一次，味道很驚喜，食落口有少少麵豉湯嘅味道，仲有少少芝麻味，加上蔬菜伴菜，真係超好味！！總括來講，廚師嘅菜式大膽創新，質素又好，第日想食西餐都唔使去到咁遠，喺大圍就有！

話說數年前與這位男友慶祝生日，我帶他來大圍吃西餐。當時大圍只有一家比較正式的西餐壟斷，食堂格局、凍肉舖質量的扒、還有連皮生蒜伴碟.....幸好今年做足功課，修補了他的惡夢舊店好評超多可是地點不方便，見大圍有分店就來試試。也許是唐樓舖樓頂極高，空氣流通不錯，用餐沒有聞到油煙氣味。佳節將近，聖誕節裝飾怎可少？想也不用想就決定吃當年於惡夢餐廳吃的牛排~ 另加錢轉為套餐，包一碗是日餐湯及指定甜品。想喝飲料的，對不起要再另外單點了。這天是Minestrone雜菜湯，跟羅宋湯少了一份酸辣，雜菜湯當然也沒有牛肉味。雜菜粒至少佔三分一，味道已熬出但不至於溶爛，很易入口。牛排都提供不少選擇，心儀的有骨肉眼份量太大25oz，退而其次吃正常版10oz的烤美國安格斯肉眼。實物比menu的參考圖更吸引，加上說是烤但亦有燒的格紋，看來餐廳比較低調。牛排底下是燒汁炒雜菜，有四季豆 南瓜 茄子等等。牛排五成熟，剛好是滲出肉汁與血水之平衡。少少燒焦帶炭燒風味，即使牛排不算厚但肉質軟滑沒有筋。配菜牛油烤薯仔超好味，可自行酙量加跟餐上的牛肉燒汁。這次男朋友收貨啦！主菜食畢服務生迅間替我們清理桌面，換上餐具準備甜點。跟餐指定

大圍的高檔西餐廳相信不多，M3 可能會係少數的選擇，雖然在內街，但也不算難找。坐下已是晚餐時段，這店的價錢以中高檔為主，餐牌的選擇也有不少創新的配搭，最後點了「長腳蟹肉辣肉腸配龍蝦汁意粉」，這個配搭很新鮮，實在令人期待。賣相未算引人入勝，可能缺少了原條長腳蟹的標誌式點綴吧？！可是，意粉的味道卻沒有令我失望，碟中的材料都是新鮮而且精心配搭，紅青椒和意粉用龍蝦湯汁澮入，雖然碟中沒有水汪汪的湯汁，但口腔中的意粉都爆發出濃濃的龍蝦湯汁，味道很原始而天然。假如認為調味過淡，配合辣肉腸絲一起送意粉相信合你心意，辣肉腸帶點類似臘肉的咸香，為簡單的調味帶來新的刺激，激發起想將它完全消滅到胃中的欲望！名為SUMMER SUNSHINE的沙冰，是這店唯一沒有香蕉作材料的沙冰，選擇了香橙、菠蘿以及芒果的配搭，碎冰份量剛好，因此造就口感非常幼滑； 芒果的甜味比較特出，足以完全中和菠蘿和橙的酸味，甚至令我懷疑這只是一杯芒果沙冰：然而，這杯沙冰絕對令人滿足，只是若能將菠蘿和橙汁的比例提高，味道必然更層次分明！！總體而言，若然價錢不是考慮因素，M3 的確是在大圍區內少數的高質素西餐，無論菜式的創新配搭，以至食物的出