M3 Italian (已結業)

周日家人同我慶祝生日食晚飯，數天前訂座，本想訂7：30，但話要分2個時段，8點先可以訂，ok咪訂8點囉，原來去到都有好多吉枱冇人坐！想食肉眼排冇，甜品又得番好少款式，於是6人中4人order西冷牛排，另外要加$60先有個羅宋湯+甜品，2人order2個卡邦尼意粉和share一個煙三文魚pizza。牛排比較多肥膏和根，切晒呢d野後，餘吓只有2/3塊，把刀又吾夠鋒利，切到我手軟和好攰，羅宋湯都可以，但個檸檬cake甜品就好酸。D意粉奶奶就話好硬，好難啃，食左成45分鐘先食完！Pizza都算是正常一個嘞！可能肚饑啦！第一個菜上就好快食晒！至於服務就埋埋地，我地成日要求熱水，就硬要比暖水我們，上菜就不是分配到各人座位前，而是要我們全開去，或是放在枱面中央，要我們自己分。最後埋單6人消費要$1800，真是貼錢買“難受”，絕對不會去第二次！

黎到大圍，想食西餐，路經積富街，見到間餐廳好似幾吸引，仲要唔駛等位，就同朋友一齊入去試下餐廳樓底較高，且不時放著音樂，環境令到個人好放鬆雖然冇set dinner, 但餐牌上的食物都不算太貴先叫左個巴拿馬火腿拌蜜瓜哈蜜瓜-個蜜瓜同哈蜜瓜都好甜，包埋巴拿馬火腿，個味道真係好好完全冇得輸之後仲嗌埋個黑松露野菌帶子意粉……雖然個樣好似冇驚喜，但帶子口味鮮甜爽口，意粉靭道適中，值得推介主菜係豬扒拌薯菜- 呢個真係好好味……雖然豬扒厚切，但肉質十分嫩滑，完全唔覺得自己食緊豬扒最後點少得甜品呢……叫埋呢個tiramisu ，成餐完全係大滿足

前幾日同friend係大圍經過呢間餐廳，見到入面裝修都幾靚，大圍少有呢類價位既西餐廳，所以我哋就決定試一試！ 咁啱呢日餐廳啱啱換新嘅Menu，有好多新推出嘅食品！白酒蒜片煙肉藍青口一開始嗌咗個前菜藍青口，青口用白酒煮，配埋蒜片嘅淡淡香味，令到青口好入味！而且份量都多，兩個人食啱啱好！焗阿拉斯加蟹腳意大利飯配紅花汁食完頭盤就係食risotto既時候！呢個意大利飯用嘅蟹腳係原隻蟹腳，淡淡海鮮鮮味滲出，配埋濃濃嘅紅花汁，好食！香煎銀鱈魚配日式麵豉汁主菜方面我哋就嗌咗香剪銀鱈魚。銀鱈魚煎得好香口，上菜嘅時候仲係熱辣辣。證明係新鮮製作！配埋日式嘅麵豉汁crossover，呢個配搭好新鮮！驚喜嘅係啲伴菜水準都唔錯，伴菜茄子同埋薯仔都好好食！值得一提嘅係，我哋留意到侍應係會等你食完一道菜先會上另外一道，咁就可以專心食又唔驚其他食物會凍左，呢一點幾值得讚啊！

係大圍搵到一間環境好，服務態度好嘅義大利餐廳，其名M3 Italian, Seafood & steak. 可見佢啲嘅招牌餐係海鮮同埋牛排。我同朋友今次吃咗七成熟嘅烤美國特級有骨肉眼，鮮魷魚墨汁義大利飯，同埋義式炸雞翼。不得不講，佢啲嘅牛排口感真真係爽嫩可口，回味無窮。牛排表面仲擺埋竹筍，西紅柿，亦配有醬料，整道菜真係一個非常非常之好嘅選擇。鮮魷魚墨汁義大利飯同炸雞翼都幾好食，屬於西餐廳裡非常經典嘅菜系。總之環境優美，服務態度良好，食物新鮮可口嘅M3值得嚟體驗

係大圍 想搵食有好多唔同既選擇，而我今次就揀左意大利餐廳，餐廳有情調氣氛好好，令人有種想慢慢享受美食既感覺！-意式炸雞翼$58食落感覺真係有唔同既香草味，雞翼味道特別亦唔會好油膩。-帕爾瑪火腿火箭菜薄餅$138我好鐘意佢個Pizza，佢個餅底好薄好脆，雖然材料簡單，但個配搭好好，芝士加Parma ham既咸香味道好好，再加d火箭菜既苦，不但refresh個pizza唔滯，苦味仲中和左ham既咸，所有味道夾埋味道好好，可以試下佢地既pizza~-焗阿拉斯加長腳蟹意大利飯$158蕃茄sauce意大利飯，味道偏酸，加上原條長既蟹腳肉，飯既口感好，如果飯都可以加入d蟹肉就更加唔錯。今次就無試到佢地甜品，下次有機會就再試下啦！

之前食完沙田圍店既lunch後 一直都好想試多次 今次大圍food hunt咁啱見到又有呢間 咁當然要再食下 睇下晚市有咩唔同啦鋪面都幾大 多數就四人位 我地兩個人去到要同人地搭枱睇下餐單先 原來晚市冇set dinner 架 全部都係單點 但係都有好多選擇 睇相又全部都好吸引 好期待我地兩個就先叫左兩個主菜 唔係好識揀就揀左啲係餐單入面大圖架啦 應該唔錯既Parma Ham 火箭菜薄餅個人認為係必點 推薦呢度既pizza同出面好唔同 係好薄既香脆pizza 一開始有擔心過佢太乾 但食完一塊後就即刻好想再食 係我食過最好食既pizza每塊pizza上面有Parma ham 蜜桃 同芝士 食落勁好味 我地好快就食曬啦黑松露野菌燒帶子意大利粉 賣相好吸引 又有黑松露香 但味道就唔會太濃 係啱啱好既感覺再加上幾粒彈牙鮮味既帶子 鮮甜juicy既蜆 整體幾好食 值得一試最後當然要加返個甜品啦 Pavlova蛋白餅賣相好靚 又好食 難怪咁多人推薦啦甜品上面係好滑既cream 中間係芒果雪糕 底部係好脆既蛋白餅 食落好有層次感 但食得多會點嫌太甜 加上熱情果汁後 中和甜度後 酸酸甜甜 更係好食

上星期一在大圍附近搵食, 經過M3 Italian, 見佢有Tea Set, 便入去試一試。M3 Italian餐廳內裝修十分華麗, 很有異國風情! 由於是星期一, 餐廳內的人客不多, 感覺額外寧靜舒適。是次我們點了兩客下午茶餐, 一客是野菌薄餅, 餅身很薄很脆, 野菌香氣撲鼻, 十分美味!另外是一客炸魚薯條, 相對比較失望。因為我很愛食炸魚薯條, 但第一次見到呢個水準。首先, 炸魚只有兩小塊, 加起來也不及正常一塊的份量; 而且, 炸皮吸了太多油, 一入口只吃到油的味道。薯條則感覺普通, 沒舍驚喜。

今日起大圍接男朋友收工，佢d 同事個個推介M3好好食，終於搵到個機會入黎試，對港島人黎講平時真係唔會特登走入黎，太遠了。大約6點3嚟到，本身無訂位，估唔到已經full 晒.....得番bar 枱唯有照殺，所以最好一早book 定位。坐正個風口位超凍😵，等左半粒鐘都未有野食...最後追一追先有野到，唔知係咪因為人多，加上有d 侍應比較新，感覺有d 甩漏。本身想食生蠔話賣晒，之後想食青口又賣晒，最後想改食蜆，都係賣晒.......實在有點失望，最後改左食沙律。_______________✨M3 沙律（$148) : 材料豐富，色彩繽紛，賣相非常吸引。有香草烤雞，花形煙三文魚，parma ham, 芝士，番茄，沙律菜，麵包粒，仲有類似酸蕎頭既東西（超酸的😖）。醬汁有三款，全部都比較杰身，沙律醬味道偏酸帶點蛋黃醬既香味，個人覺得一般。反而我鍾意另外兩款多d,醋汁好醒胃， 另一款醬又係酸酸甜甜都唔錯。✨西班牙烤乳豬（$228): 個皮好薄好香脆😘d 肉仲好嫩滑，正！不過汁醬味道就一般般。鋪底d 薯蓉都好好食，佢入邊撈左d碎蔥皮既嘢，所以食落好香，質感都算滑。✨仲有紅椰菜，味道微微酸，中和番油膩

今日生日晚上就黎到依間到慶祝下依間燈光好浪漫，坐位好好坐同人慶祝的話依間係首選價錢生日黎講絕對超值而且溫馨提示大家記得早D book位啊最令我難忘就係個烤羊腿好juicy好好食，而且一D都唔騷仲有淡淡牛油香咬落好有口感，份量都好足下面creamy既薯蓉mix埋真係balance哂成碟菜甜品都幾好食，我覺得最好味就係個心太軟一刀落去朱古力就留哂出黎而且有雪糕係側邊伴住好正好鐘意啊如果雪糕有得揀唔同味就好啦

辛苦工作志在有餐好野食，同老公揀左呢間型格餐廳食個dinner, 睇門口已覺得好型格，望入餐廳好開揚樓底仲好高坐位好闊落，一排過黑色型格sofa好舒服門口仲有個蛋糕櫃兩個人叫左茴香鮮橙海鮮沙律、燒乳豬、黑松露野菌帶子意粉，先來香橙沙律，個沙律汁用橙汁去調，呢個汁酸酸甜甜好香橙味好清新，沙律菜好青綠，海鮮好足料，唔係求其比兩三粒就算，入面有尤魚、小柱貝、青口份量好多食完都飽左一半燒乳豬配薯蓉及紅菜頭，乳豬皮超脆口，肉質香嫩，呢個乳豬極力推介，我同老公都食到舔舔脷😋黑松露野菌帶子意大利粉，黑松露極濃好香，好多帶子同蜆非常足料仲份量十足，食到我同老公攬住個肚，本來想叫件多件cake都食唔落，唯有下次再encore😆

很少踏足大圍，難得來到就決定吃完晚飯才回家。在大圍車站外隨心走，無意中入到一條小街，發現了這間與其他店有點格格不入的西餐廳。這店樓底很高，氣氛浪漫，格調高級，平日晚上客人亦不少，見價錢合理不貴，一於一試。意式辣腸pizza($118)主要材料有意大利辣腸、菠蘿、燈籠椒、洋蔥等，材料豐富，拿起的時候還有少少芝士拉絲。餅底是傳統的意式脆餅，入口香脆，不會焗得太乾。雖然已經很飽，但見到岀面精美的蛋糕櫃，還是想試試這兒的甜品岀品。索性嘗試一下傳統意大利甜品Tiramisu 吧！tiramisu 幼滑香濃，咖啡和酒香平衡得宜，味過不會互搶，特別之處是中間有層朱古力脆脆珠，令口感更有層次。

一進來做侍應態度親切，好像與你認識了很久似的。上菜速度快，order 後大約十分鐘内便到齊。 黑松露帶子意粉，黑松露香味撲鼻。薄餅製作也上乘，底脆而餡味鮮，食過唔會再想食pizza hut。要讚一下個1664 生啤，入口麥香便充滿口腔。最後來個甜品，職員介紹蛋白餅，不太甜又與芒果雪糕混為一體。

這天學校有活動，需要工作至晚上8pm，平時習慣7pm前開飯的我早已飢腸轆轆，索性與男友相約在近我放工的大圍站覓食。大圍似乎小食類較多，見到這間主打正宗意大利菜的西餐廳評語不錯，就一於試試。餐廳樓底頗高，位置舒適，雖然沒有set dinner，但a la carte價錢尚算合理。我們就單點了兩款share：M3沙律($148)材料豐富，而且用料都比較名貴，有香草烤雞、三文魚、Parma ham、羊奶芝士、蕃茄乾同什菜沙律。兩大片三文魚捲成一朵玫瑰花，別岀心裁，而且三文魚因為厚切，食落口感更加豐富。我特別喜歡加上羊奶芝士的配搭，芝士鹹香十足而不失奶香，令沙律味道更有層次。法國鵝肝意大利雲吞配蕃茄醬（$158）一向愛吃ravioli，所以難得見到m3有ravioli 菜式，我二話不說就揀定了。ravioli的皮厚薄適中，略有厚度，吃來頗有口感。入面的鵝肝餡料味道濃郁脂香十足，配上酸酸甜甜的新鮮番茄醬，減低膩感，起了中和作用。我亦喜歡舖上去的火箭菜和芝士粉，充滿意式風情。最後當然不少得來一點甜。蛋黃慕絲配白酒／雜莓啫喱紅桑子汁($54)這個甜品名字非常長，但卻把成分講清講楚。甜品分兩層，上層是

常言道，大圍到處美食，多年來我也絕不認同，事實上，也不是特別故意嚴評，好食的也許一隻手數得曬......M3 Italian - 於大圍積富街，應該已開業數月，是日放AL有點悶，便去附近吃個簡單午飯。裝潢雖不是特別美輪美奐，但觀周邊所有街坊食肆，已屬於較好和舒適的一家。所以我再三強調，大圍只是一個街坊小鎮，並不是能以美食天堂來灌名，差太遠喇。意式午餐$58元起，無須加一服務費，只包主菜，其他逐項加配，但光是主菜已經非常巨份量，加配一杯咖啡便已足夠。法式煎豬扒配洋蔥汁 ($75): 含兩塊煎豬扒，肉質不會過乾，微有肉汁，稍有肉味，但不要期貨是甚麼黑毛豬扒質素。簡單吃個午餐，享受舒適環境還是划算的。美國肉眼扒配淡黑椒汁 ($96): 此價位不會expect太高，Apple to Apple的話，百餘元絕對收貨。肉眼扒雖不厚，但也相當大塊，肉質軟腍易切，肉味一般，雖不深刻，但也抵食。即磨咖啡夠濃郁，唯稍欠香氣，但也及格。

同朋友剪完頭髮，行吓大圍，本來想食打邊爐，點知係髮型屋隔離見到呢間西餐廳，裝修幾靚幾時麼，外面睇對板，就入去試一試佢！反正兩條友打邊爐食得吾多。叫咗啤酒，一個扒同豬手。啤酒選擇可以，喺大圍算係吾係平嗰隻。塊牛扒一般，但買相幾吸引👍🏼豬手反而整得幾好食，外皮都算煮得幾趣，亦入味，可以翻食！大圍有間咁嘅嘢，happy hour 都有多個選擇👏🏼