LN COFFEE

營業中

休息中

第一次到這間素食餐廳， 點了併盤及無酒精啤酒，麵包， 沙律，flat white, rose latte . 甜品前菜 nuts 沙律併盤有猴頭菇沙嗲串燒，蒟蒻洋蔥圈， 猴頭菇炸粒。一定有嘅炸薯條超好味. 加一杯無酒精的啤酒🍻 絕配再試試他的新鮮麵包。。熱騰騰時食都好味有咬口， 但凍了就偏硬。咖啡及latte 因不用奶， 飲下去吾係我想要的。蛋糕🍰都ok不會太不Heavy整體好滿意環境好幽靜可以慢慢坐下來睇吓書慢慢食，服務員有禮貌不會打擾你好舒服的一個下午。

好朋友生日，想吃一個有特色的生日飯，但朋友是吃素的，所以絞盡腦汁，努力找找有沒有特色的素食菜。找到了LN Coffee，店員特意為我安排一個素食Omakase! 精心安排的菜式，令我與一眾朋友都喜出望外！頭盤：韓風之下味道非常清新，入面有泡菜、豆腐、車厘茄、牛油果等等，唔單止顏色豐富，味道亦好有層次感！ 開心三寶及暖心光芒卜卜脆的薯角，配埋香香脆脆腐皮，喜愛這個質感，那個「暖心光芒」濃湯都非常足料，裏面是南瓜、薯仔同果仁做出來的，難怪味道不錯！主菜：如意丰盛這個是黑椒猴頭菇為主，但如果不說是素食，我還以為自己是在吃酒店的西餐！ 廚師先將全部材料都先烤焗了，再配上黑椒汁，所以每樣食材都是香口的！雖然是素菜，但對於不同材料口感上都精心配合，加上不同的烤焗方法，及不同風格的sauces, 打造了不一樣，色香味俱全的西食素菜， 值得推薦！

自從打咗第二針疫苗全新爆發濕疹後 睇中西醫都冇乜用 改食素後大有改善起碼夜晚瞓得着覺今次係LN coffee幾啱心水因為gluten free pasta需要多啲時間準備所以我喺到步前20分鐘已經打電話通知因為之前搵唔到gluten free pasta 所以已經幾個月冇食過pasta 所以食得好滿足個南瓜湯都幾好飲之後仲叫咗burger 配菜有得揀 老婆話都幾好食唔記得咗影龍舌蘭糖漿嘅檸檬薑蜜 但係有驚喜老婆好欣賞我自己叫咗matcha latte, 改咗用豆奶 +完全走糖 影得唔係好靚但係勁香😁佢喺門口仲有好多俾你可以買返屋企自己煮嘅素食好多選擇 有啲甚至係芬蘭嘅營養品 下次去再幫襯下

因為在附近寵物美容要等一小時,已光顧過多間餐廳,今次試試附近的素食餐廳！其實在門外已看到價錢牌並不便宜，但看到食物的圖片不錯，覺得一試無妨，但就中伏了😑😑｡首先，素食並不代表沒有味道！看得出這間店舖只是想主打原味，但原味道並不代表用白烚水煮麵😑？其實可以用香菇粉🤔，甚至少少南瓜做湯底｡🤔如果食清水煮面，點解要收咁貴？簡單一句~味道完全唔突出，亦都對不起價錢｡加錢飲凍咖啡，杯子很漂亮,但亦看到有很多殘舊的水漬！

下午茶時間唔係好餓但又約左朋友見面，而附近餐廳都迫滿人，剛好呢間有位就坐低。雖然一個好細份嘅餐都差唔多成一百蚊一位，但係心情唔錯所以都照食。個餐有幾細份？就係只有三片薄薄嘅麵包同埋一杯咖啡。但係點解可以咁少嘢就收一百蚊？因為佢嘅麵包係天然長時間發酵，據說有益健康。麵包雖然切得薄，但係chewy得嚟表面仲烘得脆，而且有提子乾同埋堅果，口感幾好。至於杯咖啡佢，聲稱有乾布林、巨峰提子同血橙味，不過老實講，咖啡主要就係咖啡味，真係飲得出嘅就只有布冧味；同巨峰提子同血橙唯一嘅關係只係果酸味……不過好在 fruity 得黎又唔會太酸，平衡得好。成個餐廳氣氛唔錯，幾寬敞。如果坐喺窗口邊落地大玻璃會畀到你好舒服嘅感覺。員工好細心介紹食物，但係如果怕長氣，可能要出聲。其實仲有其他餐會抵啲同大份啲，但係今次食呢一個餐覺得好寫意，一百蚊算係值得。最後記得個門口喺餐廳左邊，真係好多人都睇唔到。

西營盤第二街有間純素咖啡店，咖啡店售賣的大部分咖啡都採用豆奶，咖啡店希望透過素食令食客有好似置身大自然的自在享受。我點了一杯檸檬冰搖咖啡，咖啡味道幾濃；杯內有面檸檬，不過酸味不強。我這天下午光顧咖啡店，所以點了沙爹素串做小食。仿肉粒的質感與雞肉、牛肉好接近，沙爹汁辣度可以接受，好好食。我最欣賞的是沙爹素串的價錢好合理，四串都只是$38。Lemon Shakerato $50Vegan Chicken Skewer with Satay Sauce $38

西營盤都有吾少cafe，今次試下呢間有素食既餐廳！ 😊 Fortunate all day breakfast $168All day breakfast 有滑炒芙蓉、猴頭菇扒、素麥克雞塊、香烤蕃茄、焗豆、雜菌、薯角、多士、雜果沙律。食落中規中矩，特別既係素雞塊，食落有豆香味同真雞塊口感係一樣！其實點解all day 會賣得咁貴🧐 😋 Ginger chocolate 跟餐+$20 （原價$44）不得不算呢間cafe飲品係吾錯！ 濃濃朱古力加上微辣既生薑，生薑亦都好出味，配搭得吾錯，可以暖下個身😊 香辣鮮茄西蘭花雜菌意大利粉 $108呢款意粉用左Tabasco 加埋鮮茄，食落酸辣都幾開胃，不過會愈食愈辣！吾係好食得辣建議嗌少辣😋 Mocha chocolate 跟餐+$20（原價$44）好少可可以飲到Mocha chocolate 係好飲，唔係太淡就係太濃。呢杯沖泡得係恰當好處，有抹茶嘅香味朱古力嘅甜味，每一啖都甜都入心！😊 幸福鮮果窩夫配happy cow雪糕$98雪糕用上Happy Cow，佢係全植物性，不含奶製品、蛋類、大豆、麩質及低膽固醇，適合對奶製品敏感既朋友。不過窩夫相對較

除夕去咗LN coffee食lunch，咁啱佢聖誕同新年呢兩個時段推出節日套餐，菜式係平時餐牌上冇，所以就試下。幸福節日套餐 ($268)前菜: 羽衣甘藍藜麥雜菜沙律 配無花果黑醋汁一口青瓜小茄粟米 配胡椒脆片餐湯:牛肝菌腰果雜菌濃湯牛肝菌湯超好飲，牛肝菌味濃，帶有少少胡椒味。主菜:快樂節日饗宴純素火雞件、火箭菜合桃沙律 及香烤鮮蔬: 大啡菇、手風琴馬鈴薯、鮮蔬、甘筍、車厘茄 配手作紅莓醬素肉汁素火雞應該係用大豆纖維整嘅現成素肉，點埋紅莓醬食幾好食，味道好似茄汁咁酸酸甜甜，但食得多製成品始終唔太健康，而且味道較單一，建議用猴頭菇或其他天然食材代替素肉。第1次食烤原條甘筍，連埋葉同莖一齊食，口感外脆內淋。甜品:鮮果蒟蒻水晶店員用咖啡豆煮咖啡，再製成蒟蒻粒，所以蒟蒻食落有咖啡嘅香味。表面鋪有火龍果、菠蘿等水果。幸福熱狗家族 ($128)快樂珍寶 + 雜菜沙律、薯餅麵包軟熟，素腸爽口，有別於用大豆纖維製成嘅素腸。

The shop is ridiculous.I have paid 50 bucks for a cup of coffee. And there is no sign on the shop showing limitation on eating time. Moreover, i have moved to the corner to save more place for them. After around an hour, i am asked to leave or need to buy another set lunch. Ridiculous.Will not recommend.

1️⃣ 咖啡卷蛋- 純素 | Coffee Swiss roll 咖啡卷蛋真係有好濃郁嘅咖啡味！尤其啲咖啡cream，簡直好似飲緊咖啡咁☕️整體苦澀同甜味好balance，味道啱啱好唔知係唔係因為外賣蛋糕回家，咖啡卷蛋啲cream好似溶溶地（但綠茶卷蛋又冇事喎🤭）伴碟嘅啡色粒粒質感好似珍珠，又好似蒟蒻唔太肯定係咩味（？）不過係幾得意嘅返到屋企一打開包裝就聞到咖啡味，好香好香2️⃣ 綠茶卷蛋 - 純素 | Green tea Swiss roll除了咖啡還買了綠茶口味～ 一樣不甜膩！這款比起咖啡味稍遜，綠茶味可以更岀更濃🍵雖然有點少失望，但係卷蛋嘅質感係值得一讚真係好似有蛋有奶嘅卷蛋咁㗎👍🏻蛋糕都軟綿綿，唔會鞋口！呢款同樣都有啡色粒粒，一樣都係唔肯定咩味🤣今次去冇朱古力味卷蛋，希望下次買到啦！

本身想去西環食另一間cafe，點知去到冇曬位，於是臨時去左呢間LN COFFEE到食。入面都幾大，環境好靜好舒服，見到隔離枱都有人帶埋laptop黎做野，無論係同朋友黎聚一聚定係黎溫習都好適合😌呢度既店員都好熱心，我地坐低之後一路同我地介紹佢地既menu。Set lunch包餐湯，熱飲就另外加$20。店員推薦我地可以試佢地既素burger、肉醬意粉同埋蕃茄湯通粉，另外佢話佢地既咖啡好值得試，一路推薦我地。最後嗌完野食之後，店員仲好細心咁問埋我地咖啡洗唔洗後上，等飲完餐湯先上，好少見到餐廳既店員會咁積極咁熱心👍  另外呢度有hku 學生證可以有九折😊幾抵。1⃣️純素芝士鮮茄肉醬意大利粉（$78）肉醬意粉比起出面食到既偏酸，有啲蕃茄粒係入面，食落幾fresh幾舒服。而且感覺上調味冇咁重😌素芝士份量比較少，唔係好食到有味，覺得多啲會好味啲。  另外午餐跟既南瓜湯夠濃稠，入面係真係有南瓜蓉🤤  2⃣️芙蓉鮮菇雜菜鮮茄湯通粉（$78）個店員話佢地既蕃茄湯係真係自己煮既wor🍅飲落係偏清淡啲，唔係平時飲到果啲好濃、粒粒蕃茄蓉既感覺，個人就覺得麻麻地，不過係清淡啲感覺健康啲既，應該真係自己用蕃茄煮既，不過就

Came here in an early afternoon.It’s a great news to me that vegan crêpe cake is served, the one available was Thai tea crêpe cake. Couldn’t taste any tea flavour at all and a bit too sweet. Ordered a sesame soy latte as well. A bit overpriced to me, cake very small but costs HKD72 + 10%… sesame latte is $42 + 10%, not recommended with this price.

已經好一段時間冇喺OpenRice裏面寫文章，最主要嘅原因因為工作繁忙學習亦都好繁忙。有啲乜嘢驅使到我今日要特登開返出嚟打一篇文。就係呢一間LN coffee ，香港人，大部份心目中會覺得咖啡室呢就係屬於休閒啦可以睇吓書啊，溫習吓或者攞吓電腦睇吓嘢嘅感覺。其實大部份中上環區嘅咖啡室，我真係講緊由上環四方街開始去到石塘咀，佢哋午市後嘅下午茶時間呢都普遍係接受客人坐喺度用電腦或者睇書溫書，形成咗港島區深受歡迎嘅咖啡室地圖，亦都因為咁樣形成左一種比較獨特嘅溫習氣氛，當然大家都要有互相合作啦，真係生意難撈，後面有人等緊位，打書釘或者用緊電腦嘅人呢都會主動同員工講可以調一調去啲角落位，或者會提早離開。當然亦都會有例外啦LN coffee 行落少少嘅一間知名網紅咖啡店呢，佢就係逢星期六日講明用餐時間係1:5小時啊因為佢哋真係好多人排隊多到轉晒彎。又或者係另外一間都係喺呢附近嘅網紅女神級咖啡店，佢會話有機會需要還枱但係呢都係睇返情況有冇人排隊。然而呢一間呢就係我喺呢附近見過最震撼難以置信，同埋真係要特登寫篇文佢講嘅一間咖啡廳，首先佢係帶有歧視嘅，如果你帶部電腦入去嘅話呢咁，員工好似覺得你唔適合入嚟㗎

今日中午經過西營盤，呢間餐廳想試好耐，有著落地大玻璃，望入去環境幾舒服，12點鐘左右人也不算多。入到去，招呼十分周到有禮，帶你埋位，講解餐牌，同埋會話你知揀完出去收銀機落單同俾錢先。本來個腦都好多野諗，工作繁忙，較大壓力；但黎到感受到侍應同餐廳既氛圍，好自然會放鬆落黎。呢度人唔算多，空間大，如果同朋友黎傾計都一流，可以慢慢坐，食下野。叫左個肉醬意粉餐，跟中式湯，加20蚊叫左杯rose soya latte（原價4x）。加20蚊熱飲，加25蚊凍飲。埋單98蚊首先意粉既擺盤幾靚，有點意料之外，有西餐feel。但係食落去就有好「素食」既感覺，味道麻麻，唔夠濃香，只係有種素食扮肉既感覺。中湯亦一般，不太特別。反而咖啡有驚喜，rose soya latte拉花拉得靚，表面層cream飲落到好夠甜，好香。咖啡好飲。總括而言，佢既食物質素一般，要食美食既就唔好黎了，價錢也較費。反而黎飲下咖啡，同朋友傾下計，就非常推薦。環境舒適，可以坐好耐，心情煩燥都會令你靜下心黎既一個地方。

入到去才知道是全素的一家餐廳，空間很大，環境十分寧靜，尤如去了圖書館🤓.連周末都會有午市套餐，基本上有主菜和飲品。全素的Mac n cheese本來不抱很大期望，結果素芝士的味道都算突出，也有該有的口感。.漢堡包方面，漢堡扒也很似肉，要咬個幾分鐘先開始有豆味🤣吃個便飯期間，店員強烈建議要試全素的咖啡蛋糕🍰 .果然值得一試！咖啡凍為蛋糕的口感增添了不少色彩。.咖啡大大杯，很夠奶，焦糖有焦糖味，榛子有榛子味，恰到好處🌰