LM Cafe (已結業)

同友人兩個夜晚在觀塘搵食，因為差唔多9點我地又想搵個地方傾下計，所以就蒞到呢間LM CAFÉ. 我地叫左兩個鐵板餐，一個雞一個魚，分別配黑椒汁同咖哩汁，都係跟飯。蒞到每個鐵板都有兩塊扒，呢個價錢都算係咁。黑椒汁無咩特別，咖哩汁比較咸同辣。雞扒的大小都有手掌咁大，魚就比較鬆散。飯同鐵板係分開上的，都無自己淋汁呢回事，好同唔好就睇個人啦。最後叫野飲都係包熱飲，凍飲加$3。我叫左杯熱檸茶，檸檬多到有成半個係入面😱拎起檸檬得返半杯茶，澀味完全出嘥蒞！我見普遍都係叫凍飲，可能比較明智😂個環境好好，岩大班人又岩兩三知己蒞食，不過比較嘈，想要浪漫安靜就唔係好岩。不過想要好境又抵食呢度係不錯的選擇。