Little Tipsy Restaurant & Bar (已結業)

觀塘開源道樓上工廈餐廳,餐廳主要係粉紅色和綠色設計,環境一流,全場都係梳化位,非常舒服。侍應好有禮貌,又經常主動加水。黑松露意粉伴靈芝菇及溫泉蛋。黑松露加入意粉內,味道好突出,靈芝菇口感潤滑,味道比較清淡，再加上溫泉蛋已經溶入意粉,非常唔錯。水牛城雞翼,雞翼有5隻雞翼炸得香脆,加上微辣的醬汁,非常惹味！烤安格斯肉眼扒配蕃薯條及田園沙律我地叫6成熟，冇過火煮得岩岩好,切開中間仲係粉紅。牛扒肉質鮮嫩，雖然有些筋位，但食落吾韌。肉眼扒跟炸蕃薯條，而唔係一般嘅薯條，幾特別。因為揸車關係,所以只係叫左凍咖啡。焦糖啤梨蛋糕同草莓蛋糕,賣相精緻,甜度適中，2款都好好味。

觀塘既高質餐廳愈來愈多，今次呢間靚裝修，好摩登時尚，岩曬打卡既姐妹們，最緊要係野食都一流！黑松露意粉拌靈芝菇及溫泉蛋$168主菜我重點推薦佢，白汁配靈芝菇仲有黑松露無得輸！仲要個白汁佢煮得好，配方無肥膩感，溫泉蛋係有畫龍點睛之效，蛋汁溝埋一齊食，成碟清空左😋西班牙烤雞配烤薯仔$188個醬汁係bb辣，惹味得黎雞肉又夠曬滑！法式炒薯仔及西班牙辣肉腸$58勁岩配酒一齊享用，仲有炒到淋左既甜甜辣辣的辣椒好入味🌶️意大利芝士蛋糕$48擺盤好靚，48係超值！個🍰一次過體驗到香滑濃～Brooklyn chocolate stout$68比較濃味,成支係面前開俾你飲，包無溝水真材實料～

好耐無見表姐 於是約佢今日食晏 專登揀觀塘區方便佢 況且呢區又多選擇 表姐話網上見到工廈有間餐廳都幾多好評 咁我當然會滿足佢一齊去試新野入到餐廳發現裝修格局偏向北歐簡約風格絕對係女士見到會心心眼 網紅打卡又適合 我地係是日午餐各自揀一款然後開心分享 我就揀慢煮雞胸配白腰豆及紅椒忌廉表姐就揀慢煮肉眼扒配香烤薯仔及田園沙律餐湯係洋蔥湯 軟綿綿洋蔥絲少了刺鼻感卻多份香甜暖胃之餘 相對其他湯 洋蔥湯口感比較輕盈作為餐湯 係個相當唔錯嘅選擇慢煮雞胸令到雞肉鮮嫩 保持水份同肉汁而且肉質柔滑 輕易砌開 打保一貫雞胸乾身嘅固有概念 喜歡醬汁配肉的話 可以選擇沾點紅椒忌廉白腰豆偏泥蓉但有咬口 好有歐洲風味慢煮肉眼扒建議四成熟啱啱好雖然屬於薄切但牛扒肉質軟腍 高質素 表姐贊香烤薯仔口感creamy 極力推薦我地仲試埋是日甜品 士多啤梨蛋糕蛋糕鬆軟香甜但無藥色味 非常難得飲品我地一個飲小紅莓茉莉花茶入口清新 有效去除飯後油膩感一個飲蜂蜜洋甘菊花茶 護目清熱 適合辦工室女性養生之用如果想試低調版高級西餐 呢間餐廳會滿足到要求

3月份特別多朋友生日，荷包總會有些傷，但能跟朋友慶祝，也傷得樂意。一安排生日飯，我好自然想起西餐廳，不知為何總覺得西餐最適合賀生晨，故沒有問過友人就安排了....另一方面也是想給她驚喜。今晚生日飯在大廈的樓上餐廳，燈光柔和，很有情調，很適合慶祝生日。正方形格局，靠牆有一排長椅配二至四人枱，中間有數張長枱和四人枱，另一面還有兩張半圓的卡座。餐牌簡單，晚巿只有a la carta，分別有Appetizers、Mains、Desserts，還有兩張Special Drinks。********************今晚全權由友人挑選，但她也很好，知我愛魚便選了香煎法國海鱸魚配茴香伴藏紅花醬 Pan-Seared French Seabass with Fennel and Saffron Veloute ($188)，配上魚湯汁，墊着茴香和薯仔，製作特別。鱸魚柳大小厚度中等，魚皮煎得金黃，但不香脆，而是滑溜。潔白的魚肉片片分明，並無散爛，雖不算很嫩滑，但絕不嚡口。以黑胡椒調味，略為過濃，奪去魚鮮...但伴上鮮味的魚湯汁同吃就較好味。**********************她喜歡西班牙烤

餐廳係觀塘王子大廈入面好近地鐵站夠曬方便。環境方面，餐廳以淡紫同灰色凳為主，望落好優雅，地方都算大坐得舒服蕃茄湯-好香濃嘅蕃茄味，餐前飲酸酸甜甜好醒胃至於個包有啲硬，相對失色。烤羊架配忌廉薯仔批及西西里燉茄子$148-羊架叫咗7成熟，烤到外面脆脆地好惹味，羊肉有剛好嘅羊騷味正！最驚喜係忌廉薯仔批，做到有千層嘅效果配上忌廉好味道！推薦！💯慢煮肉眼扒配香烤薯仔及田園沙律$158-肉眼扒叫咗5成熟，扒夠厚得嚟又易切，肉汁豐富又唔會韌。

🥗 沙律無論係生菜、麵包、煙肉都係原片上，口感清新爽脆。🦐海蝦微微煎香，肉質彈牙。🥩烤安格斯肉眼扒配蕃薯條及田園沙律肉眼扒唔算厚身，不過幾大塊。叫咗medium啱啱好，鎖得住肉汁。🍠伴碟嘅蕃薯條香脆清甜，唔使特別點醬，番薯嘅甜味令人欲罷不能😂 🐷慢煮黑毛豬上碟已經切片同擺得好整齊，可以睇到每片肉都係粉嫩嘅粉紅色紅，入口嫩滑一d都唔韌。本身見到配到配菜有大蒜有所卻步，因為我唔食蒜🙈店員解釋唔係平時嗰種蒜，係leek😂🍰最後食埋個甜品😋第一層係焦糖mousse ，中間夾住啤梨粒，個底係海綿蛋糕，加埋伴碟嘅raspberry，唔會甜到腬。整體而言，食物質素唔錯，仲有各類嘅酒，環境舒適，不失為一個聚會/慶祝嘅好地方🙂

慢煮肉眼扒配香烤薯仔及田園沙律($158)西冷叫左五成，真係煮得剛好五成👍🏻望落比較薄身，但都幾大塊，唔會過韌，又juicy又好嫩！牛排煎到脆脆地，調味剛好，唔點任何野食都覺得好好味！$158貴得黎係有道理既！香煎盲鰽配紫薯及西蘭花($138)魚外皮煎得香脆，肉質嫩滑，配上紫薯蓉、車里茄同西蘭花，所有野都好好食😭Set lunch 可以+$20 加配精選甜品，是日精選係Tiramisu，個人認為甜左少少，而且咖啡酒落得唔夠唔太岀。飲品除左咖啡茶可以+$10要花茶，試左凍小紅莓茉莉花茶同熱檸蜜洋甘菊花茶，兩杯都好好飲！前者係cold brew，茶味特別甘香；後者配搭特別但又幾夾而且唔會太甜！總括黎講，所有野食都好精緻好好味而且環境好靚好grand非常舒適，仲要有wifi😂 一定會再黎！

男同事介紹下，去一間西餐廳食飯，位於王太子大厦內。一開始，時間還早，比較少人，但不久就坐滿了。午餐也很多選擇：餐湯有蕃茄湯，濃郁的蕃茄鮮味及牛油的香濃。餐飽送湯一流。我點了烤羊架配忌廉薯仔批及西西里茄子。羊架表面煎得少少脆，七成熟剛剛好，切開還有少少紅嫩，很高水準。配菜薯仔批，一層層的薯仔疊著成批，加上忌廉很滑，濃厚的芝士味，好正好滿足。茄子也不錯，酸酸甜甜。同事點了慢煮雞胸配白腰豆及紅椒忌廉汁，慢煮是精粹所在，雞胸變得嫩滑軟軟，再用黑胡椒調味，旁邊紅色汁就是微微椒的紅椒汁，獨特美味。餐飯可選咖啡或茶。

試過不少觀塘工廈西餐，但呢間的裝潢設計讓人有眼前一亮的感覺。 粉紅及灰色的椅子配襯旁邊金屬感重的裝飾，很和諧，亦別有一番格調，是值得和致愛好友來打卡的地方。我們點的套餐餐湯竟然是洋蔥湯，真是有驚喜，好多餐廳都不會提供洋蔥湯，可能是煮法繁複吧。經過長時間煮成的洋蔥除去了洋蔥的辣味，只剩下香甜味，十分可口。慢煮雞腿配松露白菌醬及薯蓉，由於經過慢煮令雞腿肉變得十分軟腍，同時保存了雞的鮮味，再配以松露白菌醬增加雞肉的香味，兩種食材十分的味道十分和諧。另一味香煎海鱸魚配薯蓉及泰國蘆筍的鱸魚魚皮煎得十分香脆，把魚皮油脂的香味都帶出來了。當然魚肉本身都十分鮮味，再配上新鮮的蘆筍，是一味清新的菜色。慢煮肉眼扒配香烤薯仔配田園沙津也很不錯，肉眼經過慢煮後更軟腍，肉味香濃，再加上煎香的表面將肉汁鎖住，真是食扒的最佳方式。餐廳好多菜式都用上慢煮的方法，可謂花了心思和時間，令平凡的食材生色不少。

今日晏就朋友帶左我黎觀塘工廈入面呢間Little Tipsy食lunch☺️餐廳由外至內都裝修得好華麗，估唔到set lunch都幾抵食🤩餐包+餐湯是日餐湯係羅宋湯，份量適中，驟眼見到好多材料，相信係新鮮熬製的，味道酸酸辣辣好開胃🥰香煎海鱸魚配紫薯及西蘭花（$138）鱸魚有3大塊，每一塊都煎得好香，皮脆肉嫩，肉質一啲都唔‘鞋’，表面灑左啲pepper,所以食落唔會覺得腥😚最有驚喜既係side dish，餐廳用左紫薯蓉取代薯蓉，感覺幾新鮮，紫薯好天然，味道同鱸魚好夾，整體味道同質素都唔錯👍🏻Capuccino

朋友在觀塘上班，她說公司附近有間餐廳裝修係我喜歡的style，所以約我收工黎約會。餐廳距離觀塘地鐵站非常近，感覺都幾方便。裝修簡約morden，以淺色牆身及木地板，搭配粉灰色座椅和金色擺設，時尚得黎又帶有舒適的感覺。餐牌選擇並不算多，但每樣都非常吸引！我地怕兩個女仔食唔曬，所以只叫左兩個appetizers同一個main加side dish。焗北海道帶子配蟹肉$108分量有兩粒，面上加左芝士忌廉菠菜蟹肉去焗，菠菜和忌廉非常夾，煮得夠腍身味道不錯。底下仲有輕輕煎過的原粒北海帶子，帶子非常大粒厚肉，外熟內生，鮮甜肥美，真係好好食！烤田園蘑菇配瑞士芝士$118 本以為係原隻的焗大菇，黎到先知係切過的不同種類菇。菇本身就夠juicy，上面仲加埋芝士，好難唔好食窩  烤安格斯肉眼扒配蕃薯條及田園沙律$268牛扒份量十足，好彩我地冇叫兩個主菜咋！我地叫5成熟，真係冇過火煮得剛剛好。牛扒肉質鮮嫩，雖然有些筋位，但食落吾韌仲有好濃郁既牛油味香。最特別嘅係個肉眼扒跟炸蕃薯條，而唔係一般嘅薯條，勁香甜！Side Dishes法式炒薯仔及西班牙辣肉腸 $58薯仔炒得好入味，配埋辣肉腸的確唔錯呢間餐廳真係帶比

朋友喺觀塘做嘢，就佢喺觀塘食喇~搵咗間好近港鐵出口嘅~咁走果時都方便啲喇~觀塘一向多工廈餐廳，但工廈都有分新式或舊式，而Little Tipsy Restaurant & Bar係位於新式工廈，地方乾淨企理(有啲舊式工廈，女仔去到真係會驚驚地架！)，去到並唔需要等位，環境好好，每一張櫈都包哂絲絨，而且係粉紅/灰色，感覺非常「公主」，啱哂我地呢類夢幻型嘅女生！Menu係用簡約的雲石紋理文件夾，內容清晰簡單！白酒(HKD58)~入口夠甜，以呢個價錢來說，質素超出預期！慢煮西班牙黑毛豬配大蒜伴薯蓉(HKD198)~因為係慢煮既關係，豬肉仍然呈微微的粉紅色，水嫩水嫩的，餐廳選用了黑毛豬架，只要係連了骨的部位，就會比較油潤同軟淋淋，所以品嚐的時候真的令我很滿足！伴上大蒜薯蓉，是一個濃味與幼滑的組合！非常出色！烤羊扒配中東米,提子乾及果仁(HKD218)~羊扒通常都會配著薄荷醬去羊羶味，意外地餐廳將中東米,提子乾及果仁混合新鮮的薄荷葉去代替薄荷醬，呢個方法真係第一次試，而實際上都好成功！而中東米係比較健康，配上肉類亦不會怕胖喔！朱古力心太軟伴雪糕(HKD68)~薄荷朱古力雪糕放置於朱古力心太軟之上

係觀塘接朋友放工，接近晚飯時分，朋友就介紹一間係佢公司附近既隱世西餐廳試下啦。餐廳係王子大廈，好近地鐵站，地點非常就腳。上到去餐廳佈置好舒服，環境好大，meun 上既選擇亦都好多，而且餐廳叫得little tipsy, wine list 亦都有好多選擇。我地好快就諗好諗好晒食d 乜野，頭盤就叫左個24個月巴馬火腿配無花果醬多士，賣相非常精緻，火腿好好食，多士配合特制既無花果醬，味道好清新，多士配合火腿，令到味道唔會太咸。主菜就叫左個安格斯肉眼扒配蕃薯條及田園沙律，牛扒叫左5成熟，賣相好靚，外表燒得非常香，切開見到好多肉汁，口感非常淋。配菜亦一d 都唔馬夫，蕃薯條又健康又比薯條本身帶有甜味，非常好食，沙律果面，沙律汁好出色。另一個主菜就叫左個香煎海鱸魚，鱸魚表皮煎得好香脆，廚師亦都係擺碟時花左心思，利用伴菜墊高鱸魚，唔會比魚湯令表皮變軟，保持香脆，魚肉非常滑，煎得岩岩好，魚湯亦非常鮮甜。總結，餐廳十分有驚喜，無論裝潢或者食物質素都媲美高級西餐廳，但價錢十分大眾，絕對值得推介。

星期五收工後約左媽媽食晚飯，最近見網上好多人都去咗位於觀塘開源道樓上工廈的Little Tipsy Restaurant & Bar，好似好吸引，就黎左試吓新野！餐廳內嘅燈光柔和，裝修感覺好舒適餐牌選擇並不算多，但勝在貴精不貴多焗北海道帶子配蟹肉面上加左芝士菠菜蟹肉去焗香，食落有絲絲蟹肉，底下仲有原粒鮮甜又爽彈的北海道帶子，兩者夾埋一齊好好味西班牙烤雞配烤薯仔呢度有半隻烤雞，份量都幾多！雞肉皮薄肉厚，啖啖肉，微微辣的，燒得幾香！旁邊嘅烤薯仔好好味呢慢煮西班牙黑毛豬配大蒜伴薯蓉慢煮黑毛豬切件呈上，肉質香軟腍滑，豬肉味香濃，皮邊位帶有脂香，好味道哦！香滑薯蓉帶有碎粒的薯仔肉，口感豐富意大利芝士蛋糕賣相精緻嘅Tiramisu，海棉蛋糕同Mascarpone芝士層層相隔，甜度適中，感覺輕盈唔油膩，好味道！熱泡沫咖啡靚仔哥哥精心炮製嘅咖啡，奶泡輕盈細滑，咖啡味特別香濃，好高質食物好之外，侍應服務都幾好，定期會同客人有交流，詢問食物質素如何，very nice

是日係同媽子家姐兩個一齊食好西家姐係觀塘番工就近近地去左觀廣附近既西餐廳食野餐廳既裝修簡約得來十分Grand  所以好岩情侶或者一班女仔朋友來我地三個女仔就叫左忌廉波菜($58)一直都係我最愛 而店家煮既忌廉波菜值得一讚唔單止Creamy而波菜完全唔會煮得太爛而且仲保持到菜既口感！水牛城雞翼($78)係我去Ruby Tuesday 必叫既小食而buffalo wing既辣味絕對係菜式既精髓雞翼炸得香脆再沾上辣汁 真係惹味十足！我媽子就最鐘意香煎法國鱸魚配茴香伴藏紅花醬($188)首先鱸魚十分新鮮再埋淡淡既藏紅花醬～有提鮮既作用轉眼間 媽子已經將成條魚清晒甘濟海膽意大利飯伴忌廉芝士($208)海膽真係好邪惡既野 一小口一小口甘樣食食食下就不知不覺 補充左大量既膽固醇忌廉再加埋海膽果種Creamy同鮮味真係令人回味無窮！！我地仲左一個超抵既菜式就係美國牛柳配澳洲龍蝦($298)$298又有牛食又有龍蝦食 相當之抵食因為牛柳既脂肪比例比較少所以建議大家食3至5成熟就可以如果就會浪費左塊牛！~好既牛肉簡單香煎已經好正再加埋大大隻用牛油煎香左既龍蝦～就係好食到爆！真係估唔到觀塘既工業大廈隱藏左一