Little Tipsy Restaurant & Bar (已結業)

這個下午，需要發洩一下，太耐無見我這位朋友，來到觀塘，吃一個午餐吧。店員安排了卡位給我們，很喜歡這個卡位，可以任說都不怕，很獨立的位置。看看周圍環境，如果十個上來需要預約，環境挺舒服，沒有油煙味。即使到了午飯時間高峰時間，全場滿座時，仍然傾計都是舒服。價格中等先來一客麵包及羅宋湯，很開胃，小口麵包送湯。朋友點的是辣椒白酒大蜆意粉（$118），蜆無沙，而且白酒味夠濃，上碟整碟意粉很美，而且兩者味道夾到，不像有些餐廳是分開味道。我點的是慢煮肉眼扒配薯仔沙律（$158），我點的是七成，汁煮得剛好，不會蓋過肉味，很有肉汁。薯仔焗過，很香口。可能慢煮關係，七成，肉眼扒大塊但偏簿，應該是方便慢煮，很好味。朋友加$10洋甘菊花茶，很香，朋友喜歡。等了一個上午，我亦不客氣加$10要了latte，很好飲，平時西餐廳很少高質咖啡，這裡畫花，latte又有水準。下次有機會必定要他來陪我。

鄰近APM 商場的Little Tipsy Restaurant & Bar，從觀塘地鐵站B出口步行，大概三分鐘就直達餐廳，非常方便。這家餐廳是位於新式工廈，地方闊落寬敞，餐廳裝修以淺色木作主色，修裝都非常新淨及豪華，顯得高貴，給人輕鬆舒服的感覺。水牛城雞翼首先頭盤叫了水牛城雞翼外皮炸至微微香脆可口，而雞翼表面鋪上了厚厚的醬汁，但不算太辣，反而酸中帶甜，口感豐富又層次分明，食髓知味。咬下去肉汁四溢，油而不膩，惹味可口。24月巴馬火腿配無花果醬多士另外再叫了巴馬火腿配無花果醬多士，24月的巴馬火腿肉質柔軟，十分鹹香，油脂分佈亦平均。無花果醬多士令人驚喜，無花果醬香甜清新，中和巴馬火腿的鹹香，這個配搭十分之好。如果無花果醬多士份量再多一點會更好！黑松露意粉伴靈芝菇及溫泉蛋黑松露味好濃郁，意粉相當煙韌彈牙，再配上温泉蛋，金黃色蛋汁同意粉熔合，外柔內剛，十分有嚼感，食落好creamy，又唔會太膩，伴上爽口靈芝菇，味道層次豐富。法式油封鴨腿配蘭度豆及薯蓉 壓軸的主菜終於上場了，以法式經典菜式煮法而成的油封鴨腿，配蘭度荳及薯蓉。鴨腿表面乾身，入口鴨腿肉質柔軟而結實，不會死鹹，細嫩滋香，齒頰留香。沙

同事升職請食飯揀左呢間未食過的餐廳又可以試新野喇中午12:45去到，都差唔多full。個餐牌好多款菜式都好吸引考慮左一陣，最後揀左烤羊架餐湯無得揀，係羅宋湯，有蒜香味餐包係細豬點知硬得滯本來見隔離枱的慢煮豬柳好似好細份咁，仲擔心會食唔飽點完餐好快就上菜喇個餐食完，都係感到滿足的。同事叫的魚，burger, 牛扒份量都好足。係個意粉好似細左啲。羊架叫左7成熟，好嫩滑，但無乜羊味中東米唔係好識欣賞，太碎。炒蘑菇過得去，唔係炒得好香。食飽飽仲有餐飲。呢度坐得幾舒服，無擠迫感。可以encore

今日去開觀塘，一於就係觀塘搵食啦！朋友話想食西餐，於是就揀左呢間食，因為睇openrice 啲食物相片都幾吸引，似有質素！呢到個環境好別緻，餐廳嘅擺設，設計可以店主有花心思！好簡單嘅menu，但有哂前菜、主菜、甜品，仲有一張drink menu！但好可惜冇Dinner set，因為最鍾意有set可以有埋湯加麵包，甜品咁，但原來午餐係有做set，等我下次都黎試下，食過番尋味！慢煮西班牙黑毛豬配大蒜伴薯蓉 $198先慢煮後再煎香個面，切開之後，見到裏面既肉呈嫩粉紅色，黑毛豬嘅味道夠濃，，肉汁又嫩滑，又夠香！好欣賞個伴菜係南瓜蓉和薏米，個南瓜蓉夠甜，食落好綿綿；個薏米軟硬適中，成個配搭好正！美國牛柳配澳洲龍蝦 $298衝著龍蝦而來，龍蝦整得好高質，肉質彈牙，唔係唔新鮮冇味同軟身個啲，表面加了芝士和香草去焗，但又冇因為咁而掩蓋了龍蝦嘅鮮味，相當好食！牛柳處理得好好，7成熟都唔會好韌，入口夠嫰，但牛味不算太特出。旁邊的沙律菜都有落到黑醋，而且仲好新鮮！炸番薯條配酸忌廉個番薯條都整我好好，炸得乾爽，完全冇油膩感，食落仲係好脆，就算放左一陣都係夠脆，炸功了得！🔎 Little

冇左自助沙律吧...本身食過一次覺得沙律好特色，第二次去食冇左自助沙律吧，整體食物味道不錯，但份量少性價比底，午餐黎講係貴的。兩個人消費平均每人$150。不會再幫襯

今次同朋友去咗位於觀塘王子大廈上層嘅little tipsy，大廈喺正匯豐銀行隔離，好容易搵。上到去覺得餐廳面積都幾大，可以同時容納到三十至四十人。風格清新簡約，以粉紅粉綠兩色為主調，坐位夠闊落，全程都坐得十分舒適。店員亦十分有禮貌，照顧周到，由於喺餐廳入面電話收訊較差，餐廳亦有提供免費Wi-Fi可供使用。我地總共點咗一個前菜，兩個主菜。包括「焗北海道帶子配蟹肉」，「海膽意大利飯半巴馬臣芝士及翠玉瓜」，同埋「慢煮西班牙黑毛豬配大蒜伴洋薏米」。1. 焗北海道帶子配蟹肉 ($128)伴碟相當精美，以烤焗的方式烹調的帶子特別香氣撲鼻，表面的菠菜芝士味道濃郁，加入奶油令口感更幼滑。帶子味道鮮甜，大小適中。這前菜已令我食指大動，更期待下一味菜。2. 海膽意大利飯半巴馬臣芝士及翠玉瓜 ($228)意大利飯加入海膽烹調，味道鮮甜，加入巴馬臣芝士拌在一起，口感豐富，十分濃郁，海膽愛好者必食！ 為了令意大利飯更有咬口，飯裏更加入了意大利蕃茄和翠玉瓜，令整個意大利飯更加鮮甜和有口感。意大利飯表面更有小量原整的海膽，配上紫菜絲，味道鮮甜。餐廳堅持使用每日新鮮到港的海膽，務求客人能夠享用最新鮮的食材。3. 慢

2019年3月30日 星期六今日去咗一間朋友介紹嘅西餐廳食飯book咗七點鐘。地點10分方便同地鐵站非常之近。果然冇介紹錯環境十分之好完全感覺唔到自己身處工業大廈雖然我自己唔飲酒不過見到酒櫃嘅酒款式十分之多。枱嘅擺設亦不錯唔會太迫夾主菜嘅款式種類都十分之多，適合鍾意食唔同種類野食嘅人前菜忌廉薯仔批仲有普羅旺斯燉菜。薯仔批非常之正好香忌廉味第一個主菜係羊架。羊味十足，又唔會有太大陣羊酥味。靚嘅羊五成熟更加好味！鍾意食羊嘅一定要試吓！第二度主菜sea bass.魚皮煎得好香。食材質量非常好，感覺好似新鮮魚咁完全冇急凍魚嘅味道最後仲追加左一個甜品芒果熱情果芝士蛋糕！芝士味不會太濃仲有淡淡芒果肉嘅味道！買單兩個人唔使$600。物超所值一定會再嚟

呢排多左日子返晏，可以中午去覓食既機會都多左，可以搵朋友嘆個lunch先去返工呢日就約左個係官塘返工既朋友仔食lunch，之前自己黎過一次都幾中意，所以呢日我地就決定黎呢度開餐餐牌同之前既無乜分別，記得上次食既羊架都幾唔錯，所以呢日決定encore，要一份“烤羊架配中東米及炒蘑菇”HKd$148+10%，而朋友仔就嗌左份“慢煮肉眼扒配香烤薯仔及田園沙律”HKd$158+10%上菜速度超快！！！order左食物之後唔洗三分鐘就已經送上餐湯同餐包餐包依舊烤焗得外脆内軟熟，抹上些少鮮牛油同吃就更覺滋味呢日既餐湯係洋葱湯，夠曬熱辣辣湯都未飲完，我地既主菜眨下眼就到場啦我既燒羊架同上次一樣，都係要5成熟食落羊香十足而肉質嫩而不韌，保持到個水準啵上次既伴碟係出色既忌廉薯仔批，今次配上中東米又幾特别啵，米飯入面混合左堅果同果乾，食落甜甜地，同個羊架既味道都幾夾一向都中意食菇菌類既當然唔抗拒伴碟係炒至香噴噴既磨菇啦而呢份慢煮牛扒亦獲得朋友仔既讚賞呢次無加錢飲特飲，簡簡單單飲返杯凍檸茶經已好滿足嚕同佢嘆完個lunch又夠鐘去開工嚕

計我話久唔久要同女朋友浪漫一下，保持住愛情嘅溫度！平日晚上來到，人流唔多，裝修好新同靚，坐得好舒服，適合傾計聚會拍拖！水牛城雞翼雞翼炸到外脆內軟，個醬汁做得好好，酸酸甜甜，有層次感！黑松露意粉伴靈芝菇及溫泉蛋黑松露味道香濃，同靈芝菇味道好夾！美國牛柳配澳洲龍蝦美國mix澳洲，牛柳叫左五成熟，剛剛好，一d都唔韌！龍蝦鮮甜，雖然細細隻，但都好好肉，d肉仲要係彈牙架！好味過平時d波士頓龍蝦好多！呢度環景氣氛食物都一流！如果在銅鑼灣就唔係呢個價錢了！下次會再來！

環境比之前在相片見到喞好，舒適，不太嘈吵，適合三五知己敊敊。點了一個黑毛豬胺，味道好好，份量比適中少一些。但肉質鮮嫩和味道也很好。海膽意大利飯，記得要先點，製作需時，味道非常濃郁。喜歡海膽的朋友絕對值得一試。羊架也是煮得剛剛好，香味十足。再點了一客黑松露意粉配靈芝菇配温泉蛋，份量適中而味道一般。另外一個香煎鱸魚伴藏紅花醬，味道偏淡，或許我不懂吃，但吃不出藏紅花醬味道，魚皮略微煎過火了。整體份量偏少，四個人（當中得一位男士）點了五個主食也不是很夠。

大坑的Tipsy 開左間姊妹店在觀塘，走健康平民路線，當然要來一試!餐廳裝修以淺色木作主色，配上柔和粉色系的座椅，環境闊落寧靜，給人輕鬆自然的親民感覺。星期六都設有午餐，選擇頗多及吸引，餐廳是走健康路線，所以每款午餐都設有健康標記，分為健康脂肪，優質蛋白質，蔬菜類及穀麥類，令人感覺健康。每個午餐包了餐湯，餐包及飲品，雜菜湯沒有外間般油膩及死咸，餐包烘得軟熟。主菜我選擇了健康脂肪及優質蛋白質的香煎盲鰽配紫薯及西蘭花，盲鰽煎得外皮相當脆身，但肉質仍然嫩滑，沒有半點魚骨，連小朋友都可以分心食用，配埋紫薯，口感更豐富，而且健康！朋友就選了慢煮肉眼扒配香烤薯仔及田園沙津，肉眼扒剛好七成熟，慢煮關係，切開仍然肉質粉嫩，肉汁滿滿，簡簡單單用上黑椒作調味已很好味了，連配菜薯仔都烤得香口。食西餐當然要叫一杯咖啡襯托一下就更完美了。

相約友人於觀塘食 lunch，朋友介紹鄰近地鐵的上樓西餐廳，離開人煙稠密的鴻圖道，步出𨋢門見到餐廳裝修光猛寬敞，入座不久已高朋滿座，畢竟近下午1時多是食飯高峯期，還好我們早一點到。午市提供多款套餐，意大利飯、大蝦意粉、牛肉漢堡、慢煮雞胸、羊架及肉眼扒也有。朋友想食魚，我則點羊架，很想試配菜忌廉薯仔批。先來餐湯及麵包，番茄湯是近期飲過最有鮮番茄感覺的，濃稠夠味，甜酸平衡，絕不欺場。餐包是熱烘烘的小法包，表皮酥脆麵包體有彈性，配以鮮牛油有誠意，立刻對主菜有所期望。朋友的香煎盲鰽配紫薯及西蘭花先到，目測已感到廚師功架，皮煎得非常香脆，肉嫩香滑，跟微甜滑溜的紫薯簡直絕配。我的羊架讓我稍為等一陣子，上菜時陣陣香味撲鼻，加了少許黑椒調味，入口羊味濃，嫩滑又不太肥，質素不錯。配菜西西里燉茄子軟腍入味，Eggplant Caponata 這個茄子醬是源自於意大利西西里島，可以配麵包或當意粉的醬汁。忌廉薯仔批果然令我喜出望外，Gratin Dauphinoise 是非常經典的法國菜，薯仔切薄片後層層疊，薯仔吸滿牛奶和忌廉，加上芝士後烤焗，很美味呢。這兒就連配菜也這麼花心思，令我感到廚師的誠意及堅持。最後

☘Little Tipsy好耐冇見好朋友啦，兩個女仔今晚黎左觀塘食西餐😋原來朋友之前已經黎過，食過覺得好好食所以帶我黎😂因為太肚餓既關係，好快已經揀好食物啦🐮慢煮肉眼扒朋友encore左佢上次食過既肉眼扒😌可想而知有幾好食啦肉眼扒經過慢煮，肉質嫩滑唔韌，切開粉紅色😎蕃薯條超yummy😍😍🐥西班牙烤雞配香烤薯仔西班牙烤雞有少少辣，雞肉鮮嫩，加上西班牙香料醬汁辣得黎好惹味。薯仔烤得好好食，外面少少脆內面又lum，食多幾舊都唔會嫌濟呀🥗忌廉菠菜食肉獸都要食少少蔬菜平衡番既😂忌廉菠菜比較細碟，不過食落又覺得份量ok喎餐廳環境寧靜舒服，好適合幾個朋友前來傾計👭特別欣賞餐廳內得一位侍應，佢都可以無間斷照顧到客人既需要，需要佢既時候自動幫我refill水👍有d餐廳好孤寒架嘛，叫佢地加多d都唔肯架🙈

今日午餐同媽媽去觀塘食，呢間樓上餐廳環境好好，午市套餐唔算貴，包括餐湯、餐包、飲品。今日嘅餐湯係蘑菇濃湯，一上枱就聞到好香濃嘅菇菌味！飲落菇味超濃郁，又有松露香，唔會重忌廉味，好飲啊！餐包應該屬於小法包嗰類，質感比較紮實，烘得熱熱的，點餐湯食剛好！慢煮肉眼扒配香烤薯仔及田園沙律($158)表面煎得焦香，肉汁豐富而且香甜，脂肪分布均勻，食到肉香同牛油香！脂肪位煎得特別香脆，入口油香四溢，厚薄適中，份量足夠！廚師火候控制得好，七成熟都毫無韌口的感覺，中間呈粉嫩顏色，依然保持軟腍多肉汁，實屬高質肉眼扒，相當滿意！香煎盲鰽配紫薯及西蘭花($138)盲鰽魚肉結實，食落啖啖肉而且好有魚味，已經去骨，食得好方便！魚皮邊位煎得香脆，中間浸到汁就無咁脆，但都好好食！紫薯蓉天然嘅香甜味，入口軟滑，同魚肉相當合襯！加錢要左杯熱蜂蜜洋甘菊茶，味道唔錯飲完好舒服！最後都飽飽地淨係加咗一份甜品share，但呢個蛋糕真係好失望！蛋糕部份似濕咗嘅餅乾??唔推薦甜品！除咗甜品之外其他都好高質！下次會再嚟食下其他午餐！但就唔會再加甜品😂

今晚約左friend食飯 每次都會揀觀塘區 朋友無意中搵到哩間 新開無耐 即管試試可能新開 未見好多食客 當時亦只得一個waiter serve我地 等左一陣 終於可以落單啦 頭盤上到幾快 但之後個main dish就真係等左好耐 等到我地以為漏左order