Little Tipsy Restaurant & Bar (已結業)

收工同fd食好西，係觀塘港鐵站附近搵到依Little Tipsy Restaurant & Bar，餐廳環境明亮，仲有兩個梳化圓形卡位，俾我一種乾淨舒服嘅感覺。兩個人嗌咗美國牛柳配澳洲龍蝦($298)、水牛城雞翼($78)、香煎法國鱸魚配茴香伴藏紅花醬($188)、海膽意大利飯伴忌廉芝士($208)同埋忌廉波菜($58)。美國牛柳配澳洲龍蝦($298)啱哂我依啲食肉獸🤤牛柳厚身但食落唔會un，好大陣牛味，好食。龍蝦仲正，賣相好睇唔在話下，嫩滑又彈牙嘅肉吸收哂汁嘅味道，非常推薦👍水牛城雞翼($78)有少少辣，但好惹味，而且都算大隻，鐘意食雞翼嘅朋友幾欣賞。伴碟嘅沙律菜幾新鮮，所以成碟清哂只剩雞骨🤣香煎法國鱸魚配茴香伴藏紅花醬($188)魚皮煎到好香口，魚肉煮到啱啱好，好嫩滑，連伴碟嘅薯仔都煮到入哂味，好食🤤♥海膽意大利飯伴忌廉芝士($208)海膽味好出，雖然有忌廉芝士，可能係share食嘅關係又唔會太漏，唔錯。食咗一大輪肉所以嗌個忌廉波菜($58)平衡下，平時麻麻波菜嘅我都覺得ok，冇哂草腥味👍整體嚟講覺得環境同嘢食都唔錯👍幾啱同朋友嚟邊食邊吹水，下次再嚟試下其他前菜，我想再encore

後補情人節😚選左尼間西餐廳！睇相覺得環境幾靚，事實真係唔錯，坐得幾舒服，燈光暗暗地，幾有feel炸蕃薯條配酸忌廉 餐廳新鮮炸出黎香氣四溢，食落去香脆可口，而且乾身不油膩，完全唔會食到成手油，蘸上配忌廉醬，令味道更豐富，更加能帶出蕃薯嘅香甜，唔會似某啲餐廳用茄汁蓋過蕃薯嘅味道烤羊扒配中東米，提子乾及果仁 羊扒選擇咗七成熟，廚師拿揑得十分好，外香內腍，唔會太乾亦唔會太多血水，而且一啲都無騷味，肉質上乘，伴碟亦有花心思，用上傳通中東米配提子乾及果仁，能夠吊出肉香而又不會過於單調，十分夾海膽意大利飯配忌廉芝士意大利飯面有半板海膽😍仲要幾鮮甜唔會腥/苦😋😋😋加埋濃郁海膽醬汁既意大利飯真係一啖一滿足！心太軟心太軟賣相一流啊^_^伴碟好靚！岩岩焗完出黎個皮好脆，但可惜不太流心🥺係軟心黎既～朱古力味都幾濃，又不會太甜，我喜歡啊！雪糕用左almond vanilla，配住黎食都幾好😆

上次食 lunch, 今次 happy hour, 坐坐吓決定食埋晚餐, 所有食物都唔錯 (有啲忘記影相)。炸蕃薯條 - 送嘅！好食!Parma ham - 似原 pack 拎出嚟 serve 😜香腸薯蓉 - 好食buffalo wings - 好食, 如辣多少少更好烤雞 - 最需要改善, 整得好鞋海膽 risotto - 味道唔錯但海膽質素一般慢煮豬扒 - 好食我杯 cocktail 叫 little tipsy, 幾好飲👍有個後生仔 waiter 好識做, 朋友們已相約下次再去😜

提早情人節慶祝，見網上評價不錯所以預約。喜歡餐廳的環境，裝潢舒適，傾偈不錯。重點是食物質素真的值得一讚：）在觀塘吃過其他西餐，有些真是名不副實。會再來光顧強烈要求多加員工幫手，該晚只得一名前線工作。也想讚賞他的工作態度，十分專業，工餘會收集每枱食客意見

朋友仔搵到呢個地方，位置方便就腳！一來到就覺得好舒服，店員哥哥仔亦都非常之友善，又有禮貌！叫咗一個頭盤、兩個主菜個ham非常好食！個chicken就普通，反而薯角好得！油鴨髀好味呀！塊皮又脆又薄！食埋個甜品！perfect~~~整體來講環境真係好舒服，慢慢傾計又可以享受美食！讚！繼續努力！唔該晒店員哥哥～ 更加有驚喜嘅係經openrice book位，原來餐牌主菜有八折！雖然佢哋冇dinner set,但係其實價錢ok~！ 繼續努力，我們會encore！

前幾日覆完診就同左家中女皇大人去食ⓛⓤⓝⓒⓗ雖然話係工廈西餐，但呢度既環境同裝修都幾cozyyy，第一感覺不錯啊 تSet lunch有大概8-10款，每款都包有餐湯餐包同餐飲當日既餐湯係蕃茄雜菜湯，餐包烤至外脆內軟，甚有嚼勁自己就點左“烤羊架配忌廉薯仔批及西西里燉茄子”HKd$148+10%一客兩件肉厚而嫩既羊架固然不錯而伴菜亦不馬虎，伴旁既忌廉薯仔批更為驚喜切至薄片既薯塊一層搭一層，烤焗到表層金黃帶脆，食落有層次感之餘，味道更係充滿薯味又富牛油香而女皇大人就要左一份“慢煮肉眼扒配香烤薯仔及田園沙律”HKd$158+10%，佢話味道都相當唔錯我地兩個都加左10蚊轉飲當日既花茶特飲，清清地都幾解渴最後仲加多20蚊要左件daily cake一齊share添

食過返尋味@Little Tipsy Restaurant & Bar地址：觀塘開源道71號王子大廈9樓A舖Openrice 網址：https://bit.ly/2KxX215日做足最小十小時，朝9晚7 ，還未計算來回各一小時車程，起身化妝等時間，而當工作完後吃貨還是要把辛苦賺來的錢吃掉。先來份輕食前菜,$118 烤田園蘑菇配芝士，菇好飽肚架，上面仲加埋芝士，我人生最抗拒唔到就係拉絲芝士啦  $58 再來雜菜沙律，沒有菜吃到會不自在，那可少了它呢！大量菜就對了！creamy 架菠菜$58 ,加了奶同cream ,去掉了草青味,煮得夠腍身味道不錯吃  晚市人流正常唔會好嘈，一個人想靜靜地享受晚餐又不切趕住食。

之前同姊妹黎呢到食過一次，環境同食物勁高質，同男朋友提過下，佢竟然記得，帶我黎食。淡雅色調，好柔和好舒服，燈光比之前調暗左啲，如果枱上有埋小蠟燭點綴就perfect。【焗北海道帶子配蟹肉】$108帶子輕輕煎過下，外熟內生，鮮甜肥美。鋪上芝士同菠菜去焗，郁香芝士味，菠菜又中和芝油膩感。不過就吾系好食到蟹肉。岩岩焗起，好燙熱，侍應留意到我地好笨拙，過左黎幫我地，用叉一下夾起放系我地隻碟到。【烤安格斯肉眼扒配蕃薯條及田園沙律】$268牛扒份量十足，size仲大過我塊面，不過就冇上次果塊美國牛柳甘好食，撞正系筋位，切得有Ｄ費勁，但食落吾韌，好濃郁既牛油味香。最正系炸蕃薯條，勁香甜！【慢煮西巴牙黑毛豬配大蒜伴薯蓉】$198黑毛豬內裡粉紅嫩肉，肉質爽脆，薯蓉奶滑，仲有香濃芝士伴薏米，食落有Ｄ似意大利飯甘。

朋友話佢公司附近有間西餐好好食，所以搵日lunch過嚟搵佢食好野啦！餐廳位置好近觀塘地鐵站，我就覺得真係幾方便嘅！咁我見餐牌都好多選擇嘅，有沙律、漢堡包、牛扒之類！咁我同朋友做各自叫咗一個set lunch，我哋一個要咗羊架一個就要咗牛扒！咁好快就上咗個餐湯同埋麵包，個餐湯係番茄底嘅湯味道好濃郁，感覺都好有誠意嘅，如果麵包係熱辣辣嘅，亦都好新鮮！咁我哋亦都加咗錢叫咗兩杯特色嘢飲嘅，一杯係啊小紅莓茉莉花茶啦另外一杯係洋甘菊茶嚟嘅，兩杯都幾好飲嘅，但係我就覺得洋甘菊就好飲啲！無耐主菜都上啦，咁我就食羊架嘅，咁見到個羊假架係厚身嘅，食落唔會有羊騷味，好正！而且個忌廉薯仔批勁有驚喜，超級好味！咁我都試咗少少朋友嗰份牛扒嘅，咁佢話佢係慢煮牛扒啦，果然食落去嘅牛味係好濃嘅！，而且食落去肉質好鮮嫩！

-以前八九十年代紅極一時嘅工廠大廈宜家搖身一變，變出不同種類、各行各業聚集嘅地方。 今晚我去呢個地方，聽朋友講環境唔錯 + 食嘢ok，所以就試一試。 一入到去，果然冇介紹錯。環境好grand，坐得又舒服。唔錯唔錯！ 我哋兩個人叫咗 一個appetizer + 兩個main course。 炸椰菜花火腿薯仔條（$88）： 薯仔條外層香脆包住內面有薯仔蓉，加埋特色嘅醬汁，配合得天衣無縫。 烤安格斯肉眼扒配番薯條及田園沙律（$268）： 肉眼扒果然係安格斯，就算係八成熟肉質依然優質。 配埋清新嘅沙律成個人健康曬。 香煎法國海鱸魚配茴香伴藏紅花醬（$188）： 海鱸魚用另一個方法去烹調， 魚皮有香脆、 加上獨特嘅醬汁，提升咗魚嘅鮮味。 不過係分量少咗啲咁。__________地址：觀塘開源道71號王子大廈9樓A舖

觀塘工廈臥虎藏龍，其中不乏用心經營的隱世食店，上個週末我就來到Little Tipsy Restaurant & Bar，品嚐了一頓滿有驚喜、令人沉醉的歐陸晚餐。環境開揚，坐得寬敞舒服，裝修風格富有摩登時代感，氣氛閒適，完全沒有侷促感。另一意外驚喜就是竟然聽到配樂有Brett Anderson solo和The Tears的樂曲，即時提升了餐廳品味，對我這些indie樂迷來說，絕對是加分位。餐牌選擇不多，以現代歐陸菜式作主打。炸蕃薯條配酸忌廉 $48蕃薯味道如蜜糖般溢出來天然香甜，呈現豐滿甜薯的原汁原味，炸得乾爽，完全不覺油膩感。蕃薯條炸得金黃，香脆可口，沾上開胃濃滑的酸忌廉，足以令我這些蕃薯控回味無窮。法式炒薯仔及西班牙辣肉腸 $58選用口感較硬的西班牙辣肉腸，將豬肉油脂與紅椒的辛香結合濃縮在腸體中，鹹鮮中帶微微辛辣。一口Size的切粒薯仔，口感粉糯又入味，與味濃的西班牙辣肉腸可說是絕配。忌廉菠菜 $58外出進餐經常多肉少菜，所以就另加了菠菜作配菜，奶滑的忌廉醬汁將濃稠度調較得剛好。 香煎法國海鱸魚配茴香伴藏紅花醬 $188海鱸魚柳烤後的面層微脆，魚柳早已起骨，每口都是啖啖肉。魚肉豐

放工後又到晚飯時間，有時諗食咩真係會諗到頭都大埋，朋友就介紹左呢間Little Tipsy食晚餐，話呢到環境唔錯，咁就同男友去左呢間食~需然係工廈入面，但感覺一d都唔工廈，環境又真係幾好wor,設計一d都唔求其燈光光亮，四周好多鏡，又有梳化位，櫈都係粉綠灰配搭為主，風格時尚~講番食物先，當日我地叫左個美國牛柳配澳洲龍蝦，烤安格斯肉眼扒配薯條及田園沙律和朱古力心太軟雪糕~牛柳配龍蝦，好豐富既配搭牛柳我地order左7成熟，不會太熟又不會太生煮得剛剛好，牛肉都好juice，~龍蝦d肉都好新鮮，唔係霉個隻口感上枱個時仲係熱熱地仲有埋薯菜沙律伴碟，非常多料~烤安格斯肉眼配薯條及田園沙律肉眼依舊7成熟，不會太生也不會太熟冇血水未食都聞到好香牛味，肉質好juice,7成煮得正合我意薯條都好脆口，沙律就酸酸甜甜，夠晒開胃朱古力心太軟雪糕雪糕係薄荷朱古力味雪糕再加上暖心既朱古力心太軟夾埋一齊食又凍又暖，非常過隱，碟邊仲有raspberry 粒，可夾埋呢個食，咁就會再多了一份酸酸甜甜既感覺,味蕾又更豐富了~服務員都好有禮貌，食物環境都唔錯呢個服務呢個環境呢個食物質素，價錢合理

喺王子大廈發現呢間優雅有格調嘅工廈西餐 餐廳門面已經好有格調，感覺好似一啲高級西餐咁。星期六唔算好多人，我哋去到店員都好有禮貌咁招呼我哋入座。入到去餐廳環境更加令我感覺煥然一新，座位以粉紅色及灰色為主，好有少女風格， 環境闊落，感覺幾舒服午市餐牌唔少選擇，價錢已中位價格為主，咁靚嘅環境都合理。午餐附送餐包及是日餐湯，麵包熱辣辣新鮮焗起而且幾軟熟，似係自家製。餐湯今日應該係番茄湯，飲落酸味夠，幾開胃。我哋揀左慢煮牛柳，聽到慢煮呢個字已經覺得好吸引， 因為慢煮係比較有心思嘅煮法，而且肉質夠林，又可以鎖住肉汁。我揀咗五成熟。 牛柳都幾大塊，但唔係厚切嗰種，係偏薄薄地嘅牛柳配沙律及焗薯角。沙律都幾新鮮，焗薯比較健康，唔似一般炸薯咁熱氣牛柳值得一讚因為好香牛味，而且煮得有少少燒烤味，肉質夠林，五成煮得剛剛好，呢個好味切開有少少粉紅色，煮得剛剛好另一個主菜叫咗羊架，羊架一啲都唔騷，而且仲整得幾香 賣相又靚，色香味俱全 配菜有西蘭花及薯蓉忌廉批。午餐仲配餐飲， 可加$10轉其他是日飲品，加配甜品就加多$20。竟然喺觀塘搵到間咁高質，環境有好嘅西餐，又多一間bookmark餐廳

今日OT, 收咗工真係好攰好攰。。。仲有兩日先到星期五，點捱呀😭😭😭為咗增強自己嘅作戰力，唯有食返餐好嘅晚餐🥣今日同同事來到王子大廈嘅Little Tipsy惠勞下自己先得😆門口同室內擺設都以清淡為主，好舒服😌食物以西式為主🍽有手工啤酒🍻但可惜我唔飲得酒☹️美國牛柳配澳洲龍蝦 $298龍蝦好新鮮，雖然不是大大隻，但都好美味喔😋我地叫5成熟，真係冇過火👍🏻👍🏻👍🏻肉質鮮嫩❤️香煎法國鱸魚配茴香伴藏紅花醬 $188骨已起，冇雪味，好味道Side Dishes法式炒薯仔及西班牙辣肉腸 $58薯仔炒得好入味，配埋辣肉腸，真係一流忌廉波菜 $58本人好喜歡食波菜，雖然配上忌廉汁，但一d都唔膩每人平均$330，但買到一餐寧靜又好味嘅晚餐，值得嘅😌

觀塘好多樓上嘅餐廳今日去咗試呢一間淨係睇過門面都幾靚喎入邊都好靚㗎原來有晒卡位有晒裝修係坐得好舒服嘅餐廳喎佢個Menu好好啊幫你分埋有邊啲係健康之選啦有邊啲係蔬菜類啦佢個餐包係豬仔包嚟嘅是日餐湯係洋蔥湯雖然係黑蚊蚊但係都好好飲㗎喎我叫咗一個煎鱸魚配泰國蘆筍份量都唔少佢面有一塊大鱸魚下邊有一塊細鱸魚下邊仲配左一個薯蓉超香濃味嘅另外朋友就叫咗番茄大蝦意粉大蝦夠彈牙蕃茄汁香濃餐飲配咖啡或者加錢配茉莉茶茉莉茶夠清香