Le Viet (已結業)

在旺角銀行中心附近，我們晚餐唔知食甚麼，見到有越南餐廳就去試下！好大的地方！環境唔錯，乾淨舒適，我們坐窗邊；服務好，友善勤快食物方面，選擇都幾多，多款越南食物， 更有廚師推介菜餚！(椰汁綠豆冰）大大杯、椰汁味清甜冰凍，綠豆冰好少有！綠豆是去殼的，軟腍又不失口感，去痘清熱，好正喔！（金不換白酒煮蜆配法包）這個是微暖的，不知是否因為有白酒不可太熱煮的；但份量唔少，好多蜆、蜆肉鮮甜可惜有點蜆未開而且有少少沙粒，令這菜色失色了（咖哩軟殼蟹鍋配法包）咖哩好香濃、配料有青紅椒、洋蔥；另上是炸得香脆可口的軟殼蟹及薯仔塊，將薯仔早早放入咖哩，吸了汁更香更正更軟腍！將咖哩汁及軟殼蟹放入烤焗了的香口法包軟殼蟹炸得香又有口感，好美味（香茅燒烏頭）原條上枱，烤好熱騰騰！粗鹽放在魚皮上，燒魚時鹽的咸香滲入魚肉中服務員幫忙切開魚皮，魚肉好靚又滑點上這個香蒜醬汁更滋味更出色

旺角雖然多野食，但真係要搵一間坐得舒服且cp值高既餐廳並非咁易，最驚茶餐廳阿姐的黑口黑面，或者一餐飯幾百蚊都未食飽，所以每當我約朋友抓破頭都未想到食咩時，都會想到銀行中心既呢間坐地舒服由平靚正的越南餐廳。最愛這裡抵食又好味，套餐的價錢，散點的質素，飯後仲可以享用甜品，甜點吸引度超高的。套餐送湯，配野飲，抵食！套餐菠蘿飯都係原只菠蘿上，好大份，炒飯夠火候，夠爽，食得超級滿足。豬頸肉撈檬，都係好大份，但豬頸肉烤得麻麻，如果再烤耐少少會好d，加左檬汁，酸酸咪咪好開胃。蔗瑕超大粒，好彈牙，好厚的蝦膠，啖啖滿足。見到蔗蝦咁得，又追加左蝦餅，都係咁好味。點上酸甜醬更惹味。

旺角銀行中1樓有間食越南菜 係The One通常就要排隊 但呢到就唔洗等 試下食物質素有冇唔同👅.#超載椰青焗飯 $103滿到瀉既椰青焗飯🤭用料豐富 大部份都係海鮮有魷魚🦑蝦 蜆肉 仲有椰青肉🥥上面佈滿椰漿 椰漿略嫌甜左少少 但椰奶味好濃如果椰漿撈埋下面嘅飯食就啱啱好😋食完個飯仲可以刮埋厚厚嘅椰青肉食🤤.#牛油焗大頭蝦 $228放上台勁香勁吸睛🤩 大頭蝦🦐用炸蒜牛油焗過 超香又惹味👍🏻呢個係珍貴size既蝦 好厚肉😋 同朋友share啱哂下面有薯仔墊底 但薯仔吸哂啲油 太油冇食到😩.食物種類多🥳適合一大班人gathering 食飯吹水 可以試多啲唔同既菜式😎

今日同老婆去銀行中心睇吓旅行團，順便到隔離商場搵食！好耐都冇嚟過呢個商場了，發現都多咗很多食肆同商店！就被一間非常開放光鮮嘅越南店鋪吸引左入去！地方很大坐得很舒服，雖然人多但係也不會有逼夾的感覺！這裏的午市套餐價錢都很實惠！$70$80就有!海鮮炒河粉，炒出嚟熱辣辣，好香夠火喉，不過我覺得吵得略為過火了一點，河粉比較林！豬頸肉撈夢粉，份量夠體面，成碗面都係啲配菜同埋豬頸肉！豬頸肉燒得皮脆肉嫩，葉制過嘅味道也很好！配菜仲多過啲粉，如果多啲份就會好啲因為唔夠飽！之後見到隔離枱叫咗條燒魚食，非常吸引，我哋有都忍唔住要加多一條燒魚嘆下！香茅燒烏頭，因為即叫即燒都要等差唔多20至30分鐘！條魚好大條，鋪滿粗鹽同香茅去燒，好香，但係可能條魚厚身，食到中間嘅位置未到就唔係好夠！不過點返啲泰國辣汁一樣咁好味，非常多肉！整體來說不過不失，基本上都好味的，如果細緻位可以做得好啲就非常好了！

今日約左兩個朋友食飯，約左係旺角方便大家，諗緊食咩之際，見到呢間舖頭光亮乾淨有位，就試下啦。三個人叫左雞絲沙律，豬頸肉炒金邊粉，海鮮椰汁飯，大蝦粉卷，燒烏頭，仲有一個甜品併盤。三個人都食到好飽，份量多了點。最推介的是燒烏頭，即叫即燒，大概等了二十分鐘，外面用鹽焗，食裏面的魚肉很新鮮，配合個越式辣汁，好開胃👍🏼👍🏼👍🏼另外，最吸晴的是椰汁海鮮飯，成個椰穀裝到滿瀉，但略重味，友人話食到好甜，我就覺得好鹹😂😂其他味道正常😄

無飯煮婦表示..間唔中都會想食越南野，今日又去咗旺角嘅 Le Viet 啦！ 😁 首先要極級推介呢到嘅蒜香牛油雞翼，真係超級超級超級好食，絕對可以為咗呢一個雞翼每星期都要黎食一次，外脆內軟係必然嘅，熱辣辣，極重牛油味，連雞翼雞肉𥚃面都食到好香嘅蒜蓉牛油味。👍🏻👍🏻👍🏻 大蝦🦐柚子沙律就有少少失望，柚子份量唔夠多，而且個醬汁比較酸，唔係太啱我口味。😅 越式火車頭🚆河粉就相當不錯，湯底濃郁清甜，材料滿滿！非常🈵️足！

旺角銀行中心有間高人氣既越式餐廳今日同friend行街食飯，順便試下！入口咁大，唔怕睇唔到！地方大，位置多，今日唔駛等位不過大約20:00左右有人包左半個場，嘈左少少同埋坐正係個喇叭下面，如果d歌無咁嘈就更好了！最人氣排行，睇相好似幾好食！食物種類幾多，價錢適中，算係幾扺食！排行榜之一既大蝦雞絲沙律！本身叫左蟹肉，食完先知黎錯左😂不過大蝦沙律都唔錯，勁足料，又夠凍d蝦都幾爽！仲有好特別既越式醬汁，甜甜酸酸，好食！之後仲叫左豬頸肉炒金邊粉，喊左少少，但加反d青檸汁就ok！豬頸肉好大片，好有口感，肉質鮮嫩！金邊粉夠幼，無炒到碎哂！仲叫左椰青去左泰國咁既感覺！好甜既椰青水，清熱氣！仲有椰肉食添！重點之一既甜品拼盤見到都已經勁開心！綠色那件係類似斑斕糕好軟好香，有層次感！芒果糯米飯，超軟身既糯米，芒果好甜，配合埋中間白色既椰漿，超好食每次食芒果糯米飯都好開心仲有焦糖布甸！焦糖燒到好香好脆，甜度適中，好creamy！食物overall都唔錯，服務幾好其實地方大可以坐係到傾下計，無比人趕既壓力，但係如果音樂細聲d就好了！

旺角野食選擇多 不過有時太多先反而揀唔到兩口子係銀行中心行完旅行社 就決定新近地係隔黎食Le Viet係二樓嘅一角 都算幾大幾開揚大大個招牌 夠哂sharp醒！呢度嘅越式咖哩可以揀配法包/印式薄餅($105)由於驚法包會太硬我地就決定要牛腩配薄餅用火爐熱住上 一黎食一黎滾 勁正👍🏻咖哩唔算辣但好夠味 yam埋薄餅食真係一流！不過可能因為係一人份 所以薄餅得一塊兩口子分就有啲唔夠lu另外又嗌左碟蒜蓉炒椰菜苗（$66）可惜啲菜有少少硬 唔係咁啱我心水最後一道菜係我至愛嘅烏頭有別於平時食到用酸菜黎煮 呢度係用香茅黎燒 夠晒入味咪睇佢啲皮燒到燶哂 但係入邊啲肉係啱啱熟非常之嫩滑 仲有陣陣香茅味係最愛食魚嘅小編嘅大愛呀其實LE VIET仲有唔少米線同PHO食下次都要再試先

平日放工約咗閨蜜去旺角食飯輕鬆下😊 本身想响旺角行下街, 但由於今日落雨所以提早食飯😎首先黎個頭盤蝦餅😚脹卜卜嘅蝦餅, 咬落去蝦餅好彈牙, 個皮炸到脆卜卜, 但一啲油膩感都無, 仲要好脆口😊再黎個香茅木棉魚😉初初聽到木棉魚呢個名, 唔知道係乜嘢, 所以想試下😄 原來係大眼雞😋第一次食越式煮法嘅大眼雞, 大眼雞個口放入香茅, 在響大眼雞皮上面用粗鹽包圍住😋 廚師將魚皮開方便客人打開食入面嘅魚肉😁魚肉一啲都唔鞋, 淡淡嘅香茅味同鹹味包圍魚肉😎 但 記住唔好食啲魚皮🤣因為會好鹹😁之後再叫咖哩牛腩鍋配印式薄餅😋 大大舊牛腩沾上咖哩汁, 連配菜嘅青紅椒同薯仔都入晒味😋 最緊要係有個爐慢慢加熱, 咁啲咖哩汁就唔會凝結😎 咖哩汁少少甜, 而印式薄餅有少少油膩同埋得一塊😅 所以再另外叫多個法包😊法包如果可以切開一舊舊會更方便😄另外叫多2杯野飲😁椰青 + 鹹檸梳打鹹檸梳打。。。真係幾鹹吓😂Btw 由於人太多, 要叫幾次先有服務員理我😅

放經過銀行中心 想試吓東南亞菜於是見佢出面餐牌好似唔錯 就入咗呢間餐廳餐廳裝修風格好有東南亞特色 但食物唔知會唔會同間餐廳嘅咁好食呢而我就叫左牛油焗大頭蝦同埋超載椰青焗飯超載椰青焗飯一上枱嘅時候已經係見到滿滿嘅飯堆左係椰青上 配上滿滿嘅椰汁同雜錦海鮮 賣相一流好值得大家去影相打卡但係整體來講味道就有啲甜因為係個椰汁好明顯係落咗冰糖黎加強佢嘅甜度 但都算唔錯幾好食牛油焗大頭蝦牛油味好香 而且可能係因為有炸過 超脆蝦肉好爽口彈牙配埋炸蒜真係好有東南亞嘅風味

銀行中心原創有間特色既越式餐廳咁岩去開樓上既sweet magic買con，先發現得到！一搵之下原來人氣都幾高，一試就知係龍定鳳環境都坐得算幾舒服，但係d音響真係有少少嘈，好似同d歌鬥聲咁不過最重要睇下d野食平唔平，好唔好食價錢可以接受，睇相賣相都唔錯叫左人氣排行榜no1既超載椰青海鮮焗飯賣相又真係幾驚喜啊！真係超載！本身都擔心係咪得個樣但係入面真材實料好香既椰香味，甜甜地，好juicy入面既材料豐富，有蝦、魷魚、蛽肉等仲可以刮埋入面d椰肉食不過真係要有返3，4個人先好食，小食多滋味，食得多會好滯所以就叫左d米紙卷中和下同一般既米紙卷一樣，好通透入面材料夠，如果可以凍多小小就更好食Wa!!!等左45分鐘既香茅燒烏頭落單既時候侍應已告知因爲係即叫即燒，所以等45分鐘，有哂心理準備！燒出黎個樣真係幾吸引切開仲要有煙出，就係新鮮熱騰騰呢點已經比左高分食落無泥味！原汁原味！其實就咁食我覺得都好食！不過因為係鹽焗，入面只係淡淡既魚味，朋友重口味，覺得唔夠味，所以點埋呢個辣辣地既越式醬就岩哂！食咁多野，飲品唔少得朋友叫左椰汁紅豆汁，紅豆夠軟，如果可以多d紅豆更佳！我叫左咸檸梳打事源係有小小喉嚨痛，

地理位置十分方便，旺角Ｅ出口就係銀行中心商場，上一樓即到食店。感覺餐廳有少許國際化，因為有數名外藉店員。　越式豬頸肉撈檬　撈檬酸辣汁用一個靚樽仔另上，撈檬酸酸辣辣好開胃。豬頸肉薄燒，好淋好入味。好食！不過撈檬配菜尺寸就有Ｄ問題。因為生菜，青瓜，羅白絲，都切得比較大條，可能餐廳想保留口感，但真係太大。牛油雞翼🐥係餐廳推介食物之一，果然冇介紹錯。５隻炸雞翼都大大隻。皮脆肉嫩多汁！面頭仲有炒香過的炸蒜，非常香口惹味。雞翼咬落去啖啖肉，肉汁出晒黎。真係唔捨得食完！香矛燒烏頭落單時店員已經話燒魚🐠要40分鐘先到，雖然真係算耐，不過都值得等，最後真係剛好40分鐘送到。條烏頭好大條，切開條魚後魚肉馬上骨肉分離。基本上食晒成條魚🐟都好少需要吐骨。魚肉加上泰式生蝦辣汁非常好食。認為魚肉略謂唔夠滑，再滑多少就PERFECT。

今日同男朋友去食Le viet旺角店，意外驚喜。牛油雞翼少不免會用不少牛油去炸，但因為炸果時油溫高，完全做到封鎖肉汁而且不過份油膩，口感香脆。金不換白酒煮蜆配法包白蜆肉粒粒都好大粒，漲卜卜咁，一口咬落下有海鮮味出黎。無沙、有淡淡白酒香停留在口內。初頭覺得配法包怪怪地，但食落又出奇地夾，法包沾少少白蜆汁，既鮮味又有酒香，好味。香茅燒豬頸肉撈檬份量很大，起碼有9塊豬頸肉，豬頸肉肉質彈牙，外皮微焦而肉汁仍保留到。撈檬既汁酸甜度適中，可以自己決定落幾多。越式火車頭酸辣鍋牛肉、牛腩好淋，酸甜度好平衡，不過份量細左d。芒果糯米飯椰汁調節得好，糯米煙韌但不黏牙。芒果好好好甜。

以前成日行過the one見到依間餐廳色彩繽紛，已經好想試！今次終於食到😆menu以越式泰式為主，兩樣都係小編摯愛呀❣️-豬頸肉米紙卷 ($42)米紙質地出奇地煙韌，同平時食既口感不同，但係豬頸肉好味，亦有好多檬粉好足料😆-香茅燒烏頭 ($173)以依個價錢有咁大條魚真係好抵食😍今次第一次食燒烏頭，原來燒都十分好食！肉質燒得好嫩滑又多汁，中間插左一枝香茅，成條魚都好香😋面頭鋪左大量粗塩，要小心整開塊皮，hi到一啖都咸死🥵-咖哩軟殻蟹配法包($93)軟殼蟹同咖喱鍋係分開裝，可以令軟殼蟹保持香脆，好貼心👍🏻另外仲配上法包同炸薯粒，炸薯粒點咖喱真係人間美食😆軟殼蟹份量都唔少，啖啖肉，唔會剩係得炸粉👏🏻-蒜蓉炒椰菜苗($66)依個椰菜苗最驚喜就係入邊有好多蒜蓉粒！喜歡食蒜蓉嘅朋友一定好鍾意，炒到熟哂好香口！😍

係旺角唔想食打邊爐或者放題, 最後決定左食呢間越南野貪方便, 因為可以OPENRICE BOOK位大概6點半黎到, 都已經坐左好多人叫左半打串燒, 味道唔錯, 燒得幾香, 個沙嗲汁都幾好食炒通菜, 味道幾好既, 但D菜老左少少同埋太油細碟左少少越式拼盤, 有4款唔同既小食燒豬頸肉, 蝦餅, 粉卷同埋炸春卷蝦餅較硬身, 但味道都OK豬頸肉同春卷既味道普普通通, 冇特別個人比較欣賞個粉卷, 餡料好足同好好味但每款小食既件數較奇怪, 蝦餅*3, 粉卷*2, 春卷*4, 點樣分好呢越式咖哩軟殼蟹鍋配法包 $93軟殼蟹味道唔錯, 唔算好油咖哩汁係椰香咖喱, 微微辣, 仲有爐保溫, 唔會食食下就凍哂軟殼蟹個底仲有炸薯仔, 整體幾好味個菠蘿焗飯個炒飯底幾香, 面頭果3隻大蝦都算新鮮而且大蝦已經剝左殼, 食既時候好方便但係炒飯既饀料就HEA左少少雜豆, 火腿加紅腸, 個面擺D肉鬆, 但個飯既調味係幾好食既仲叫左個湯粉, 同埋2杯野飲, 埋單$620左右除返開3個人每人$200到, 價錢就貴左少少, 但D野都好食既