Le Viet

營業中

休息中

今天去到尖沙咀The One四樓的越南餐廳，叫了四個小菜，包括青木瓜絲大蝦沙律，越色併盤，海鮮酸辣鍋，辣椒羔炒大蜆。沙律蝦很鮮甜，木瓜絲，青瓜絲加蛋絲，唯獨木瓜絲稍嫌硬了點，不過附上的一小樽酸辣汁都幾開胃。辣椒羔炒大蜆，蜆很大隻，醬汁惹味，加點飯或麵包就更正。食越南菜又點少得越式併盤，有蝦餅，青卷，燒肉同扎肉蒸粉包，自己最愛就是蝦餅同扎肉蒸粉包。最後海鮮酸辣湯，有魷魚頭蝦同新鮮菠蘿合併成一個酸辣湯，很開胃又帶點辣，很刺激，這裡環境很舒適，人流亦多，總括來說都是一個不錯的選擇。

平日不在尖沙咀返工，今日一個人特別來買些東西，到了尖沙咀就隨意在 The One 找了一間越南餐廳吃個午餐。諗住在商場做得住，應該不會太過份吧。午餐我點了一個香茅豬扒湯河，來到的豬扒肥，真的肥到入不了口，似豬腩多啲，兼且香茅豬扒竟然沒有香茅味，卻多了一陣臘腸味🙈🙊究竟咩事！之後我便向服務員反映豬扒很肥，個年輕女服務員竟然反了一下白眼，什麼也沒説便走開了，服務態度差到不得了，勁過啲老屈茶餐廳。真的真的以後也不會再幫襯！

成日都出尖沙咀行街，特別係The One，個商場細細地但係好舒服又多嘢行！又多嘢食！行到攰攰地就可以搵間餐廳去食嘢！今次去左食吓越南野！因為唔係好肚餓所以都係叫啲小食！呢度啲座位好開陽，但係都好舒服同埋好闊落！一去到啲員工都好好禮貌去招呼你！我都算係好早食晚飯，大約六點鐘到，都有唔少人坐咗喺度食緊野啦！——————椰汁紅豆冰佢個椰汁好好飲，但係紅豆硬左少少，如果再林啲就更好味啦！——————火車頭酸辣鍋餐廳職員好細心，一上菜嘅時候就拎左兩個小碗俾你share食！佢個鍋入邊嘅餸真係生㗎！好似打邊爐咁慢慢煮熟佢！——————-印度薄餅我係一個勁鍾意食薄餅同埋麵包嘅人！呢個薄餅一上菜就好香好香！好脆好好食！——————香茅豬頸肉紙卷估唔到原來好大碟！

尖沙咀的餐廳選擇非常多，有時候真的是花多眼亂！今天來到朋友推介的餐廳，他說這裏的菜色10分不錯。幸好我們來的時間尚早，不用排隊。我們點了個燒豬頸肉，賣相相當不錯，豬頸肉肥瘦均勻，不會過分油膩。淋上惹味醬汁，酸酸咪咪的，吃起來非常開胃，豬頸肉質感嫩滑，非常好吃。另外我們點了半隻海南雞，店員說是新推出的菜色，海南雞肉質非常嫩，而且雞味非常濃郁，好吃得很。餐廳位置都算闊落，坐得很舒服，下次一定會再來吃其他菜式。

茶餐廳嘅咖哩牛腩飯平時就食開呢～越式嘅咖哩牛腩你又試過未呀？晏就時間嚟到等咗一陣就有位啦～餐牌有大眾化嘅湯麵撈檬，有啲特別嘅喺有咖哩撈檬🤣🤣咖哩汁喺另外倒落碗！？咖哩牛腩撈檬 $65一開始以為喺凍撈檬加咖哩汁咁樣撈，原來喺以甜咖哩為湯嘅熱咖哩湯檬粉😍😍咖哩喺甜咖哩，滑滑的仲有好香濃嘅椰奶味，一啲都唔辣㗎！牛腩方面十分軟腍，份量多！牛筋仲好大條👍🏻仲有幾塊薯仔。過咗幾個鐘喉嚨唔會唔舒服👍🏻呢個喺越南式嘅咖哩牛腩，味道茶餐廳個啲喺完全唔同㗎！強烈建議大家試吓！識叫一定叫呢個！🤣

今日收工約咗朋友去行街，行過The One朋友想食越南菜，於是乎就入咗嚟呢間試下平時行街成日經過，但未有機會試吓，所以今日就嚟試吓先！餐牌上都幾多選擇，有飯，有麵，有甜品，有小食，飲品啤酒🍻招牌飯 $82有豬扒，雞翼，煎蛋，扎肉，個汁仲好好味，好夠味手撕雞扎肉湯粉 $64雖然呢個湯粉好普通，但係個湯做得好好扎肉蒸粉包 $68印度薄餅 $25扎肉粉包個皮好薄，裏面餡好多，好足料牛油雞翼 $68本人最鍾意食雞翼，牛油雞翼炸得好好，裏面有汁，唔會令到雞翼乾爭爭

同位好耐無見既朋友約食晚飯，佢話想食越南菜 見到呢間Le Viet地點又方便又有得book位，所以就揀左呢間度食咯食物我地點左：柚子海鮮沙律：大大碟，柚子唔苦，海鮮正常小食拼盤：都okay，不過個人覺得豬頸肉黑椒味太重豬頸肉湯粉：無睇清楚拼盤有豬頸肉所以重覆叫左豬頸肉食物總括黎講，味道正常，份量都夠(上面3個女仔食都夠)，性價比okay環境黎講，同朋友黎都okay，不過如果係同情侶既特別日子就唔係咁適合

看演唱會前去吃餐越南菜，酸辣海鮮鍋，只有4隻唔多新鮮嘅半邊蝦，三粒墨魚，兩隻花甲，個底就只有蕃茄、菠蘿、芽菜墊起，好似好多海鮮咁。個原隻椰青飯就更少料，基本上成個都係飯，好似好大個好多料咁，不過就一定食飽你。

這間越南菜在The One的，之前食過OK的，半開放式的，今日星期五都多人，一早訂了枱，但要坐bar枱了，今日廚房漏油，成間餐廳地下都用紙皮舖住，好多油漬……我們叫了蝦餅，都是啖啖肉的。椰青夠清甜。蟹肉沙律，加d酸汁食夠開胃，有雞絲，蟹肉絲同青瓜，甘笋。好夠fresh。札肉粉絲卷，OK的。好清新。加d醬一齊食好味。蒜蓉牛油雞翼，三隻炸到好脆。但好油。所以一般。椰汁海鮮飯，好大個飯，放係椰青入面，份量好多，椰汁味濃，海鮮唔夠多，三隻蝦，同魷魚，冇其它，所以感覺是食飯，飯入面有d雜豆同提子。椰菜苗味道正常，幾鮮甜的椰汁千層糕，好煙韌，椰汁味道夠澧的，幾香，唔太甜

just had dinner with a good friend. didn't have many choices to make a reservation at a last minute. thankfully I was able to make a reservation and skip the line who were waiting for a table. didn't know there was a time limit of 1hr 30mins. food overall wasn't bad at all. able to enjoy the food. just table were small. even though it was busy, food came out quickly and was delicious.

Boxing day 友人都要返工開OT趕project，聖誕就簡簡單單，志在聚下，友人訂枱附近The One間越南餐廳，話午餐黎得多，食物唔錯，夜晚要訂枱架，因為太多人等候喎。1830到，時間尚早未見等位人龍，入座時侍應講明限時90分鐘，吓？唔緊要喇，反正友人仲要返公司趕工。餐牌推介有兩款，為追時間，就叫晒兩款，再加埋越南菜必食既串燒！再慢慢傾。青木瓜絲大蝦沙律黎到另上魚露，仲要唔細支，要幾多自己黎。但我就一唔小心成支倒晒，攪到食到尾有D「水浸」情況😆 大蝦幾爽身，青瓜唔太夠絲，食上黎硬左D，雞柳粗身而且唔多。如果青瓜同雞柳可以再切幼D就最好，依家唔多似沙律。越式拼盤份量岩岩好，蝦餅好大粒下，新鮮炸起，外脆，蝦肉夠爽，唔係成口麵粉果種👍🏻；春卷入面既粉絲就帶少少油，炸嘛，所以可以接受既👌🏼；豬頸肉望落好似燶左D，不過唔係乾柴柴，又不肥不膩，好食👍🏻；粉皮卷一向都唔係我杯茶，黎個仲有陣冬菇「噏」味，所以只係食左啖就放底左，不過友人就唔覺有噏味，而係完全無味喎😅串燒 - 豬、牛、雞（半打）串燒理應牛最好食，但黎到燒到燶晒，又硬又乾👎🏼雞串燒得尚好但⋯又無味既？唔通黎排聖誕食得多，食壞左條

下午茶時段嚟食嘢，客唔多，得10枱唔夠，但所有嘢都要等好耐。首先等帶位 - 去到門口示意2位，侍應妹妹乜都無講，指一指門口旁邊叫我哋企係道等，明明有好多吉枱唔知等乜。有幾個無嘢做嘅侍應妹妹係道行行企企，但無人有意欲要帶我哋入去。等咗7-8分鐘，終於有個疑似經理嘅人帶我哋坐低。落單正正常，我哋叫咗1碗生牛河、1碗火車頭、1個海鮮沙律、2杯飲品。等上菜 - 等咗15分鐘，先出現1杯飲品，第二杯要隔多5分鐘先出現。其時已經係落單後20分鐘，叫侍應妹妹去睇下啲食物去咗邊？睇住侍應妹妹入廚房行咗個圈，又出返嚟行行企企，完全無打算過嚟同我哋交待一聲。終於係落單後25分鐘，第一碗生牛河出現了。整咁耐以為好好食？非常普通，無特別。再等呀等，又再催佢哋一次，終於係落單後35分鐘，火車頭出現了，但作為頭盤嘅海鮮沙律仍然無影。叫個經理過嚟問下為乜煮碗粉要煮35分鐘？經理只係答3個字「做唔切。」你全場滿座都話吖，得個1/3嘅枱有客，都做唔切？講完一論，海鮮沙律都係未出現，叫個經理去跟一跟，終於，千呼萬喚嘅海鮮沙律係落單後45分鐘出現了。以為好難整？其實只係一堆青木瓜絲混少少西柚，再係旁邊擺幾舊無調味嘅急凍海鮮

今天和友人late lunch, 叫咗lunch set。一個係菠蘿飯, 飯唔係炒嘅, 濕濕哋，但還可以。另一個係招牌飯。雖然侍應已講咗要等候, 但以招牌飯來講, 等20幾分鐘, 質素真係差。白飯凍, 一大塊豬排唔切好又唔比刀义客人。煎蛋微䁔, 扎肉凍嘅, 鷄翼ok。最唔得係D女侍應生D態度, 面口令到客人想走, 經理不時要親力親為。還有地面上很多汁漬, 衞生方面有很大的進步空間!

相約朋友去尖沙咀shopping，行到攰想搵野食，就俾menu既椰子焗飯吸引一於入去試一試。個飯一嚟到，真係好超載，個飯裝到個椰青滿一滿，椰汁都流晒出嚟，仲聞到香噴噴既椰子味。上面海鮮、配料亦算多。不過食晒上面充滿椰汁個層飯之後，下面既飯稍為乾身。另外，我地仲叫左個咖喱雞配法包。咖喱一直有火熱住，味道香濃，再配埋個法包一齊食，好滿足。咖哩汁仲可以用嚟撈下唔夠椰汁既飯，一樣咁好食我地仲叫左個豬頸肉米紙卷同椒絲炒通菜，算係中規中矩。不過個人覺得米紙卷既皮做得太厚，豬頸肉切得太薄，食落去好似食唔到個豬頸肉咁。炒通菜份量太少，但味道唔差。總括而言，係值得一試既越南菜，位置方便，價錢亦唔算貴。

今日難得朋友放假，約埋一齊食個lunch再行街。黎到尖沙咀The One商場4樓既Le Viet，係一間主打越南菜式既餐廳。餐廳🍴主打紅黃藍裝潢，俾人一種活潑既感覺。我非常鍾意食越南河粉，所以點左手撕雞札肉湯粉，湯底好清甜，睇得出係用左靚材料熬成既！忍唔住飲左好多啖。碗粉都幾大一碗，雞肉絲算多，肉片有口感，河粉吸收湯既味道，好好味。菠蘿焗飯set餐包含大蝦🍤菠蘿飯同埋餐湯，有三隻大蝦，炒飯惹味。飲品就點左咸檸梳打，粒柑桔好咸酸，開胃必點。椰汁紅豆冰，每啖都係濃郁椰相香味，正正子。